Amaokwu Akwụkwọ Nsọ Ndị Ama Ama siteré na Génesis 9

Kesaa

“Ambɨyekuaata pewe pëti yembɨjaanga pikuaa waerä chemandúa aï jaeño mái pewa kua yemɨngeta re,” jei. “Ambɨyekuaata yɨɨ amapɨ̈tu re uikuaaka waerä kua yemɨngeta ɨwɨ pewa reta pe.

“Aecha yawe yɨɨ amapɨ̈tu re oï wae, chemanduata kua yemɨngeta opa mbae wae re che, peTumpa, ayapo ma opaete ɨwɨ pewa reta ndiwe wae re,” jei.

“Ipotawe japicha uyuka wae, jae japicha reta tuyuka wi, echa’ä kuimbae ayapo che echa rami,” jei chupe reta.

Jare Tumpa uyapo ikawi wae Noé pe jare taɨ reta pe iñee rupi kuärái: “Piñemoña jeta jare pemɨtɨnee ɨwɨ piko waerä opaete kerupi rupi,” jei.

“Tenonde yawe, opaete temitɨ retaño ikose perembiurä. Erëi añawe, temitɨ reta ndiwe, opaete mbaemɨmba reta isoo wi amee pewe perembiurä,” jei.

“Amee ma kɨye opaete mbaemɨmba reta ɨwɨ rupiwa reta pe ukɨye waerä pewi. Penoi ma mbaepuere opaete mbaemɨmba reta re, wɨra reta re, pira ɨ rupiwa reta re, jare opaete ɨwɨ rupi uyewichɨ wae reta re,” jei chupe reta.

“Jayawe pe reta piñemoñata ko jeta kua ɨwɨ pe. Pemɨtɨnee ɨwɨ piko waerä opaete kerupi rupi,” jei Tumpa chupe reta.