Amaokwu Akwụkwọ Nsọ Ndị Ama Ama siteré na यूहन्ना 15

Kesaa

ना दाखलता हुईन: अदिक नीव खांदीगोळ हुईर. जो नान दा बन्सकु ईरतान अदिक ना आऊन दा, अद हापाळ काय तरतद, यतिकी नान से अलग आगकु नीव येनु माळ सकालीर.

नीव नान दा बन्सकु ईरी, अदिक ना नीम दा. ह्यांग खांदी अगर दाखलता दा बन्सकु ईरतीदील रा तान तान देल फल्स सकाल्द, हांगा नीव भी अगर नान दा बन्सकु ईरतीदील रा फल्स सकालीर.

अगर नीव नान दा बन्सकु ईत्‍तीर अदिक नान वचन नीम दा बन्सकु ईत्‍तीत, रा जो चाहासीर बेळी अदिक अद नीम साटी आगेदीत.

नीव नानी नीवळुसीदील लेकीन ना नीमी नीवळुसदीन कि नीव होगकु काय तरी अदिक नीम काय बन्सकु ईरूल, कि नीव नान हेसुर देल जो येनारा आप्प से बेळी, अद नीमी कोळुल.

इदुर से धोळ्द प्यार यारदु ईला कि यावारा तान संगीगोळ साटी तान जीव कोळुल.

जो खांदी नान दा आद अदिक फलसाल्द, अदरी आव कळ्द बुळतान; अदिक जो फल्सतद, अदरी आव छाट्सतान ताकी अदिक फलसुल.

“नान आग्या ईद आद, कि ह्यांग ना नीम से प्यार ईटदीन, हांग अच नीव भी आबुर दाबुर से प्यार ईटी.

नान आप्प उन महिमा ईदुर देल आगतद कि नीव हापाळ सा काय तरी, आग अच नीव नान चेला ठहरूसीर.”

“खरा दाखलता ना हुईन, अदिक नान आप्प किसान आन.

अगर यावारा नान दा बन्सकु ईरूल, रा आव खांदी अन घाई भिटकु आगतान, अदिक वंळ्गेगतान; अदिक लॉकुर अवरी सकलुसकु बेक्‍की दा भीट बुळतार, अदिक अव होत्‍तेगताव.

ना ई मातगोळी नीम से इदुरसाटी अंदीन, कि नान खुशी नीम दा बन्सकु ईरूल, अदिक नीम खुशी पुरा आगेगुल.

अगर नीव नान आग्यागोळी मानसीर, रा नान प्यार दा बन्सकु ईत्‍तीर; ह्यांग कि ना तान आप्प उन आग्यागोळी मान्सदीन, अदिक आऊन प्यार दा बन्सकु ईरतीन.

ई मातगोळ आग्या ना नीमी इदुरसाटी कोळतीन कि नीव आबुर दाबुर से प्यार ईटी.”

अगर नीव दुनिया नोर आगायदीर, रा दुनिया तानोर से प्यार ईटाईत; लेकीन ईद कारण कि नीव दुनिया अन आल्लच, लेकीन ना नीमी दुनिया दा टु नीवळुस कोंडीन, इदुरसाटी दुनिया नीम से दुश्मनी ईटतद.