Amaokwu Akwụkwọ Nsọ Ndị Ama Ama siteré na ମାତି 5

Kesaa

ଅ଼ଡ଼େ ଦୀୱଁ ଡ଼ୀସାନା ଆମ୍ବାଆରି ମା଼ଣା ପ୍ଡିକ୍‌ହାନା ଇଟଅରି, ସାମା ଏ଼ଦାନି ଦୀୱଁ ସ଼ଡ଼ାତା ଇଟିନେରି, ଆତିହିଁ ଇଲୁତା ୱା଼ନି ବାରେ ଲ଼କୁ ଉଜେଡ଼ି ମେହ୍‌ନେରି । ଏଲେକିହିଁଏ ମୀ ଉଜେଡ଼ି ଲ଼କୁ ନ଼କିତା ନେହିଁକିଁ ତ଼ଞ୍ଜାଆ଼ପେ, ଏ଼ନିକିଁ ଏ଼ୱାରି ମୀ ନେହିଁ କାମା ମେସାନା ଲାକପୂରୁତି ଆ଼ବାତି ଗାୱୁରମି କିନେରି ।

ମୀରୁ ଦାର୍‌ତିତି ଉଜେଡ଼ି ତେରି, ଆମିନି ଗା଼ଡ଼ା ହ଼ରୁ ଲାକ କେ଼ପି ଆ଼ହାମାନେ, ଏ଼ଦି ଏଚେଲା ଡ଼ୁଗାନା ଡ଼ୟାଲି ଆ଼ଡେଏ ।

ଆମ୍ବାଆରି ସୁଦୁ ହିୟାଁ ଗାଟାରି ଏ଼ୱାରାକି ନେହେଁ, ଏ଼ନିଇଚିହିଁ ଏ଼ୱାରି ମାହାପୂରୁଇଁ ମେହ୍‌ନେରି ।

ମାହାପୂରୁ ଦାର୍ମୁତି କାମା କିହାଲି ହାକି ଏ଼ସ୍‌କି ଗାଟାରି ଏ଼ୱାରାକି ନେହେଁ, ଏ଼ନାଆଁତାକି ଇଚିହିଁ ମାହାପୂରୁ ଏ଼ୱାରାକି ଲ଼ଡ଼ାମାନାଣି ବାରେ ହୀନେସି ।

ସାମା ନା଼ନୁ ମିଙ୍ଗେ ୱେସିମାଞ୍ଜାଇଁ, ମୀ ସାତ୍ରୁୟାଁଇଁ ଜୀୱୁନ଼ଦୁ, ଇଞ୍ଜାଁ ଆମ୍ବାଆରି ମିଙ୍ଗେ ନିନ୍ଦା କିୟାନେରି, ଏ଼ୱାରି ତାକି ପ୍ରା଼ତାନା କିଦୁ ।

ଆମ୍ବାଆରି ଜୀୱୁତା ଏ଼ନାଆଁ ହିଲାଆ ଗାଟାରାକି ନେହେଁ, ଏ଼ନିଇଚିହିଁ ଲାକପୂରୁ ରା଼ଜି ଏ଼ୱାରି ୱା଼ଇଁ ।

ହିତ୍‌ଡ଼ି ଗାଟି ଲ଼କୁ ନେହେଁ, ଏ଼ନିଇଚିହିଁ ଏ଼ୱାରି ମାହାପୂରୁତି ମୀର୍‌କା ଇଞ୍ଜିଁ ୱେ଼ଙ୍ଗିନେରି ।

ଆମ୍ବାଆରି ଦୁକୁତା ଡ଼ୀହିମାନି ଲ଼କୁତାକି ନେହେଁ, ଏ଼ନାଆଁତାକି ଇଚିହିଁ ମାହାପୂରୁ ଏ଼ୱାରି ଦୁକୁ ଡୂକ୍‌ନେସି ।

ମାହାପୂରୁ ଦାର୍ମୁ କାତାତାକି ଦୁକୁ ବେଟାଆ଼ନାରି ଏ଼ୱାରାକି ନେହେଁ, ଏ଼ନିଇଚିହିଁ ଲାକପୂରୁ ରା଼ଜି ଏ଼ୱାରିୱାୟି ।

ଏଟ୍‌କା ଲ଼କୁଣି କାର୍ମା ମେହ୍‌ନେରି, ଏ଼ୱାରାକି ନେହେଁ, ଏ଼ନିଇଚିହିଁ ମାହାପୂରୁ ଏ଼ୱାରାଇଁ କାର୍ମା ମେହ୍‌ନେସି

ଏଚିବେ଼ଲା ଲ଼କୁ ମିଙ୍ଗ ନା଼ ତାକି ନିନ୍ଦା କି ଲାଜା କିୟାନେରି, ଅ଼ଡ଼େ ନା଼ ତାକି ଉଜେ ଉଜେଏ ମୀ କ଼ପାଟି ମିଚି କାତା ଜ଼ଲାନେରି, ଆତିହିଁ ମିଙ୍ଗେ ତାକି ନେହେଁ । ରା଼ହାଁ ଆ଼ହାନା ଏ଼ନ୍ଦାଦୁ, ଏ଼ନାଆଁତାକି ଇଚିହିଁ ଲାକପୂରୁତା ମୀ ତାକି ହା଼ରେକା ଦା଼ନା ମାନେ; ଏଲେକିହିଁଏ, ମୀ ନ଼କିତି ମାହାପୂରୁ ଅଣ୍‌ପୁତି ବ଼ଲୁ ୱେହ୍‌ନାରାଇଁ ଜିକେଏ ଇଲେକିହିଁ ନିନ୍ଦା କିହାମାଚେରି ।

କ଼ପା ହିଲାଆ ଗାଟାରି ନେହେଁ, ଏ଼ନାଆଁତାକି ଇଚିହିଁ ଦାର୍‌ତିତା ଏ଼ୱାରି ଅଦିକାରା ଆ଼ନେରି ।

ମୀରୁ ବାରେ ଦାର୍‌ତିତି ହା଼ରୁ ଲେହେଁ, ସାମା ହା଼ରୁ ମୂଆତିହିଁ, ଅ଼ଡ଼େ ଏ଼ଦାଆଁ ଏମ୍ବିୟା ଜିକେଏ ଲେ଼ମ୍ବାଲି ଆ଼ଏ, ଇଞ୍ଜାଁ ଏ଼ଦି ଏ଼ନି କାମାତା ପା଼ଡ଼ା ଆ଼ଏ, ଲ଼କୁ ଏ଼ଦାଆଁ କଡାଁ ଡ଼଼ଇ ୱିସା ହାନେରି ।

ଏ଼ଦାଆଁତାକି ମୀ ଲାକପୂରୁତି ଆ଼ବା ଏ଼ନିକିଁ ବାରେକିହାଁ ନେହାଁସି ମୀରୁ ଜିକେଏ ଏଲେକିଁ ନେହିଁ ଆ଼ଦୁ ।

ସାମା ମୀଦି ହାଅ ଇନି କାତା ହାଅ ଆ଼ପେ, ଇଞ୍ଜାଁ ଆ଼ଏ ଇନି କାତା ଆ଼ଏ ଆ଼ପେ; ଈଦାଆଁ ପିସ୍‌ପେ ଏ଼ନାଆଁ ଇଚାଣି ଆଗାଡ଼ା କାଲ୍‌ହିହିଁ ଏ଼ଦି ଲାଗେଏ ତା଼ଣାଟି ୱା଼ନେ ।

ମୀରୁ ଈ କାତା ୱେଞ୍ଜାମାଞ୍ଜେରି, ରା଼ସ୍‌କି ଆ଼ହାମାନେ, କାନୁତି ବାଦୁଲି କାନୁ, ପାଲୁତି ବାଦୁଲି ପାଲୁ । ସାମା ନା଼ନୁ ମିଙ୍ଗେ ୱେସିମାଞ୍ଜାଇଁ, ମିଙ୍ଗେ ଲାଗେଏ କିୟାନାଣାଇଁ ବାଦୁଲି ଅ଼ଆଦୁ, ସାମା ଆମ୍ବାଆସି ନୀ ଟିଃନି ଗେଏଲାତା ସା଼ପ୍‌ଡ଼ା ୱେ଼ତାନେସି, ଏ଼ୱାଣାକି ଅ଼ର ଗେଏଲା ଜିକେଏ ତ଼ହ୍‌ଦୁ ।

ଅ଼ଡ଼େ ମୀ ଟିଃନି କାନୁ ମିଙ୍ଗେ ପା଼ପୁ କିୱିକିୟାନେ ଇଚିହିଁ ଏ଼ କାନୁ ଡ଼େୱା କୁତାଦୁ, ଇଚିହିଁ ମୀ ବାରେ ଆଙ୍ଗା ନର୍କତା ରୀନି କିହାଁ, ଆଙ୍ଗାତି ର଼ ବା଼ଗା ହିଲାଆଗାଟାଇ ନେହେଁ । ଇଞ୍ଜାଁ ମୀ ଟିଃନି କେୟୁ ମିଙ୍ଗେ ପା଼ପୁ କିୱିକିୟାନେ ଇଚିହିଁ ଏ଼ଦାଆଁ ଜା଼ଚାନା କୁତାଦୁ, ଇଚିହିଁ ମୀ ବାରେ ଆଙ୍ଗା ନର୍କତା ରିନିବାଟା ଆଙ୍ଗାତି ର଼ କେୟୁ ହିଲାଆଗାଟାୟି ନେହେଁ ।