Amaokwu Akwụkwọ Nsọ Ndị Ama Ama siteré na Luka 6

Kesaa

Mu haane na mwinye mu la hebwa; kigero kilahi kigatirangwa kandi ki sung'usangwa vi duka kusalika, ndiyo va la mu ha mu viritu vyenyu. Kigira ligera lya mu gera, lilyo lya mu li gererwa.

Mundu mulahi ku vindu vyomwoyo gwigwe, a twulidza vindu vilahi; nomundu mudamano, ku vindu vidamano vyomwoyo gwigwe, a twulidza vindu vidamano: kigira ku vindu vya kira mu mwoyo, munwa gwigwe gu vola.

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Mu ve netsimbabasi, kuli Dada uenyu a veye netsimbabasi.

Mu ta kalagira, na mwinye si mu li kalagirwa mba: kandi mu ta kyaya, na mwinye si mu la kyaywa mba: mu sameha na mwinye mu la samefwa.

Navutswa mmu volera, mwinye avahulira, Mu yanze avasigu venyu, mu kolere bulahi ava mu dunyira, mu saavire ubugasu ava mu nyega, kandi mu saalire ava mu kolera ubudamano.

Kuli mwinye mwe nya avandu va mu kolere, kandi mu va kolere ndiyo.

U ku duya ku lusaya lulala, u mu girunkanyire lundi; kandi u ku nyaga ijoho yoyo u leke a hile kandi likoti lilyo. U he vosi ava ku saala; kandi u ku nyaga vindu vivyo, u ta mu teva kandi mba.

Kigira si ha li nomusala mulahi gwamanga makuyu madamano; kandi si ha li nomusala mudamano gwamanga makuyu malahi.

Kigira misala gyosi gyi manyekana ku makuyu gagyo. Kigira ku amafwa avandu si vagula makuyu, kandi ku matagalu si vagula mazabibu.