Amaokwu Akwụkwọ Nsọ Ndị Ama Ama siteré na NITRITI 17

Kesaa

Tirigi Abram de njap ug ei ari bingwam ningot muhwindatai ba, muhwindatai lene TUHAN tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

Gima rino tungwatu nya mijem anyeng Abram bu bi lewo anyeng nijep rino Abraham.

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

“Dipreu ei bit na bipia mporo midibindei ba, anok pung di mben imang bibor intun him.

Noro Allah srep “Atnem Sara migwam tut apmot bina leu api ma ajem ninyeng Ishak. Midikrau kep Ditde gi preu ei bit na dima tug hon nide nintun him yamti di bram yam nya bijo ninno bijo kikau. Nipreu eisi dima ug hon nohonti bi sren.

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

Lene Abraham kuk no biba ningwak bikik dihyei leu api pa tut tirigi kan “Bit bon no di nide njap ug ei ari bingwam sratus gom yai nimunggwom kan bi. Bit bon Sara di nide njap ug ei ari bingwam ningot muhwindatai yai nimunggwom kan bi.”

Lene Allah pai bak Abraham bu “Ma ajem atnem ninyeng Sarai bu au. Hon kep ammani kui lene ninyeng rino Sara.

Suar jahagom jiyai nibon midut sunat nok mun di bindo tut Ditde gi preu di dipreu ei bit na.

Noro gi po dipreu ei bit na pima mitug hon apmot Ishak ri. Sara migwam tut noni ei ari bingwam gi dip noyam kin bed dini.”

Hon kep ammani kui lene suar jipmot bat nya di ide njap ug ei njap muhwindaningai igyai nibon midut sunat ba, bitut jenti kin jide awak ei jide ig bei nsi kin awak di jiba mitiei wim yok leu ngkiai nya cem jahagom. Lewo nibon midut sunat ndo tut Ditde gi preu di dipreu ei bit je. Suar bikwop tungwagom-gom yai nibon midut sunat nok bindo ei jingutti di bindo bipia Ditde gi preu bit jeni dima jo kikau.