Amaokwu Akwụkwọ Nsọ Ndị Ama Ama siteré na YOHANES 14

Kesaa

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

No di ce tut bibit Ditde nicukti nya ningon ngakei Da. Dicig ningon ngakei no di ningon ngakei Da. Dani cem dingon ngakei noni bidindo Danti brei bak.”

Dahara Dicig leu binhyepo Noni cuk No Di Mpu je hi kin bu. No dima migwam bit je kikau. No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani. Mun nyeng dino jahara Da tut tug hon dinyeng lene midibirop hanyen bije.”

“Gino jingon ngakei Da lene jibindei mbut Ditde nicukti nya.

Dicig de ig bon ninsi mang bibor. Da duug ei mpia ttou nsi dima leu binhyepo ditin ei nghim nsi mem je. Gino dipaisi dini igbit bi lene midipai nok bije bi.

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

Lene Tomas hig ser Noni “Tuhan e, nikan tut mpia ttou nsi di aug eisi dima bi. Notou nikan tut puig di bie ug ei mpia ttou nsi dima i?”