Amaokwu Akwụkwọ Nsọ Ndị Ama Ama siteré na Ruka 8

Kesaa

Ga meniq malu dxeral kesun we wada mbahang kari ka seediq. Kiya de pgdehu ba dmoi ckceka ini qberiq ma malu lhebun knremun ba tmara mghei.”

Mtuting ckceka pkpako kesun we wada mbahang ka kari ka seediq. Kiya de mlatac noda daha de kbuyun pnslhbenun, qnbleyaq ma qqrasun bobo dxeral ka dheya. Kiya de ini dehuk mhada ka pnugheyi daha.

Ga meniq bobo tasil kesun we wada mbahang kari ma tqqaras ba mangal ka seediq. Kiya de uka gamil ka lhebun daha ma tnnais ba snhii. Kiya de moda smterung pnseengan de asi alix.

Rmengo dheya ka Yesu: “Ga inu ka snhiyan namu da?” Ado miicu ma mskluwi bale ka dheya de mpprengo: “Ima bale ka nii ho? Posa kari bgihur ma qsiya ka heya de ida thei ba heya ka bgihur ma qsiya uri.”

Ga meeniq ssiyo elu kesun we wada mbahang kari ka seediq. Kiya de meyah ka Qbsuran Bgihur Naqah de yahan na mangal peeyah lhebun daha ka kari, so uxe maha ssnheyi ma uxe ppkdusun ka dheya.

Ado ga bungan ka noda we uka ka uxe ptraun. Uxe uri we ga liingun ka noda we uka ka uxe maha klaun.

Klaun na uka na kklaan tgleing ka mqedil nii de pkrkerang meyah tmbqelic berah na. Kiya de maanu ka stelung na Yesu ma wada huwa mesa asi kmalu we ssneeru na berah kana seediq. Rmengo heya ka Yesu: “Weewa, snhiyan su ka wada pkmalu sunan. Psbleyaq lnglungan su ma osa!”

Mosa tmutuy Yesu ka tnsaan: “Mptgesa! Mptgesa! Mphuqil nami da!” Kiya de miiyo ka Yesu de kseengun na ka bgihur paru ma bula paru. Kiya de asi sange ma mgmelux bale da.