Amaokwu Akwụkwọ Nsọ Ndị Ama Ama siteré na Mak 16

Kesaa

Me kori vahai vanira de, “Kamu dia tana visa meana tana pari de, ma kamu kori lengaa na saurongo talana vanira visa na tinoni kode.

Mi ira tara dodonu, ngeni ba kara tamania na susuliha vati ni agosi koemana. Mi ngeni ba kara hanaa na huru tarunga sekoseko tana asagu nau, mi ngeni ba kara valagu tana valagu vahai tara teha vata ira na sasania. Me tina vahai kara taria ira na poli nira, teha ma kara inuvia na inu te ke kidoa siki tinoni, mi ngeni ba ke utu ke sekolira. Mi ngeni ba kara livu limadira tatadira na tinoni ocheoche, mi ira ngeni ba kara talana soha.”

Misei te ke donua na saurongo talana me ke lesotabu, ia ba ke tamania na mamauri sali. Misei te ke teha na dodonu, ia God ngeni ba ke pedea me ke ni mate.

Mi ira hana duli nira ia Jisas ara dia mara kori lengaa na Saurongo Talana vanira na tinonina visa na vera, ma na Taovia e sangara, kara ni hanaa ira na agosira danga na koemana tana nina susuliha ia. Me tihisi lengaa ia na nidira saurongo ira e tutuni.

Me valagu ia na mane borau nia, me kori vahai vaniloera de, “Kamu mui lohamu na matahu. Inau u hanaa lohamu amu mai na daiana ia Jisas ni Nasaret tara pohaa tana kros. Ma ia e teha na toha ide, matengana e mauri visu noha. !Kamu haea ba na malengana tara livua ira nimu ide!

Mi tana tahu tara chau loera tana matana baba nia, mara morosia na makara leho tara livu utusia ira tana matana baba nia, tara kelu nohaa ira. Mara sahe dia loera lalona baba nia, mara morosia chikai na mane borau, te tohotuu levu tabana tana madoa, me sahelia na kaleko daho te sere solehana. Mara matahu solehana loera.