Amaokwu Akwụkwọ Nsọ Ndị Ama Ama siteré na Luk 17

Kesaa

Jizọs warị ọ ḅẹẹ, <<Saghị sị soo, ị́yẹ́ minini mịẹmam sị ị́yẹ́ oju kụ́rọ.>>

Ọ ḅọ́rọ́ gbẹ́rẹ́ éné bie sọ́nọ́ma sa pa siinyẹ pa ị mịẹmịẹ, ọ pịghị mị siiamịẹnyẹ ma miẹsa gonyẹ́ gonyẹ́ ori ị dámáḅoarị sị ḅẹẹ, <A sii ḅụ pịghịmam, ị siiḅụḅárási ọ pịrị nyánam.> >>

Nna ḅụ gbẹ́rẹ́ḅọ árị sa ḅẹẹ, ọ gwọmam, ọ pịghịma ḅom, ilúghú pụghọ pa Tamuno bomaarị. Ọ warị ọ ḅụ dighi kiri gbi Jizọs ḅụọ angaá sị ịmịẹḅam pa ọ ḅẹẹ, owitụ́wọ ma ori Sameriyaḅọ.

Anịgo tọ́rụ́ diinma i mịẹarịnyẹ mịẹ! <<Ḅọ́rọ́ i numboru owitụ́wọ siinyẹ mịẹmịẹ, igani ọ pịrị, o sii ma ḅụ pịghị pịghị, sii wáriso ọ pịrị.

Jizọs warị gbíla ḅẹẹ, <<Oyiapugha gwọapụ isi ésénieapụ n tẹ́ angaá imi?

Kị́nị́nyánáḅọ pagharam ḅẹẹ, <<Ị ḅọ́rọ́ minini nyáná ịrụ mọstad sịmgbọ́lụ na gbasịnyẹ, ị ine dugho mulberi sịị ma pịrịbẹm ḅẹẹ, <Ị́yẹ́ kune ḅụ wọrọ so, sị muu ịḅụ dipi tọ́rụ́bie,> anị pịghị ị dugho ḅara mịẹbẹm.

Ḅụ́kọ́rọ́ma amịna duma ḅọrọma bẹḅọ gonyẹ́ gonyẹ́ anị ḅumabẹm amịna duma ḅuma bẹḅọ gonyẹ́ gonyẹ́ anị ḅọ́rọ́mabẹm.

Jizọs dugho ori ọḅụduaapụ pịrịm ḅẹẹ, <<Túminị́ mịẹsị sii ḅụ bịghịkoro mịẹmịẹ nyánam, kụ́ma anị siḅáá anị ḅara sághị ḅo bẹḅọ pịrịbẹm. Anị ibiḅaabẹm ḅẹ nnị opu nyẹ́gbẹ́ dapịrị pa ọ kọ́ngọ kpọ sị ọ pa tọ́rụ́bie gbi su, tụ́ma ọ mịẹsị mị káláapụ ma ḅụ gbẹ́rẹ́ḅọ siinyẹ mịẹ.

<<Anị fịnị ḅara Nuwa sáá, anịị anị pịghị fịnị bẹ ḅara Tumḅọ yii Tụwọ éné ma ḅụ. Kị́nị́mamgba fịịarị, pịghị ḅuuarị, ẹ́rẹ́ámáapụ na owiapụ na yaarị akị muu Nuwa árụ́ ma ḅụlọ éné láa. Opu mingi ma warị ḅo nnị kị́nị́mamgba ḅa fama.