Amaokwu Akwụkwọ Nsọ Ndị Ama Ama siteré na Luka 12

Kesaa

Rero, nenyu mundaa mwékala muchikunganyise, bushi nyi Mwana we'Mundu nyingábaha kwa chihangi cha mungába mutáanyisisa.»

Rero mwabo, mundaa mwáhonda tanga eBwami bwa Ongo*, nai àngaberesa ebi binji bindu.

Chasinda, Yesu era kwire ábura ebandu boshi mbu: «Muményaa! Mundaa mwáchilanga kwa buhuma-huma bwe'bikulo. Bushi ekalamo ke'mundu kàtatenganyire ne'bwingi bwe'bikulo byéte, chiro mbu àngaba muare busese.»

Bushi ala bikulo byenyu bìri, we'michima yenyu nai yénde yánaba.»

Nde mu mwabo, kurengera ekuchanya kwai, ola ùngaala kuchibikira chiro na saa nguma kwa kalamo kai?

Chasinda, Yesu era kubura ebanafunzi* bai mbu: «Echera chi chàtumaa nábabura mbu muténdaa mwáchǎnya bushi ne'kalamo kenyu mbu chi mungálya. Nesi mwáchǎnya bushi ne'mibiri yenyu mbu chi mungémbala.

Anabe ne'mviri so'kwa mitwe yenyu, Ongo anêshi emuanjo wasi soshi. Bushi no'ku, muténdaa mwôbaa, bushi mwabo mu mwète mufa munene kurenza bitera-mbuwa binene.»

«Muténdaa mwôbaa mu mùli chikembe chieke! Bushi Eho wenyu ásimaa kuberesa eBwami bwai.»

Mulóreraa kwa bikona: Bìtainga, bìtanashebula, bìtatusa na chisiki cha bìngabika mwe'kalyo, nesi nguli. Si Ongo énde ánalisa'bi. Rero, mwabo mu mwète mufa munene kurenza emilonge!

Muténdaa mwáchiribusa mwa kuhonda cha mungálya nesi cha mungámwa.

Ebichi byo'mwe'hwa byénde byálorekana'ko lwarero na mishangya byánaumwa mwa muliro. Si chiro bacha, Ongo énde émbasa'bi njimba sa sikomire. Rero kute atáběmbase kubuya busese, mu bandu be'bwemeresi bueke?

Kutáli cha chìbishirwe cha chitákabihukale. Kanji kutáli cha bubisho-bisho cha chitákamenyeke.