Amaokwu Akwụkwọ Nsọ Ndị Ama Ama siteré na João 6

Kesaa

Jesusnẽ “easetsikĩ awetima ivo pãonã. Ea chinãvarãya ivoro shopĩ tanaóma, ea anõ akaya ivo txipokiri wakapashã vetsa aoma aká ikatsai.

Awetima chinã inãya ivoro Yové Koĩ Chinãrvi. Yorãro aská akátĩpá. Naaivo vana ẽ yoãro Yové Koĩni Chinãmẽsho oshõ, awetima akaya ivo vanarvi.

Neno aaivo pitiro ichnárvi. Aaivokiri chinãtsomároa. Awetima akaya ivokiri chinãtsoma. Aaivo chinã ‘Yorã Vake’, ikí anéa ivõ mato inãkatsa. Aaro awesáma, ẽ papa Yové Koĩni chinãnevísi ẽ akõvaĩrívi”, atõ akĩ.

Ãwẽ chinãro awesáma, yorarasĩ ãwẽ vake oĩsho anõ akayavorasĩro awetima ikitákatsavo. Keyókaĩa shavapa ato ẽ wenímaókatsa”, ato akĩ.

“aaro aská. Ãwẽ yonoya ivo ea yoí ‘anõ arína’, iki”, ato akĩ.

Askámaĩnõ ẽ papã ea inãa yorarasĩro ea chinãvarãmaĩnõvo, ea ato ichnama ikatsai.

Simão Pedrõ revíki. “Yora Ivó, tsoakata nõ atxõikĩ? Miarvi awetima vanaya.

Earvi awetima pão naĩsho oaya ivo. Aa ivo pão piaya ivo yoraro awetimai nikatsai. Aaivo pãoro ẽ kaya. Aaivo ẽ kaya ato ravĩi vopikatsa, ashkã akĩ ato ave awetima anõ iinã”, ato akĩ.

Ẽ papã ea yonorívi. Ãatõ kawivarãma ivoro ea chinãvarãtĩpá ikivo. Enékaĩa shavapa ato ẽ wenímaókatsa.

Aaro awesáma, pão ãwẽna ivoro naĩsho nipái oshõ ato awetima akatsaiya yora”, akĩ ato yoãshokĩ.

Eatsikĩ awetima pãonã.

Askánamãsho Jesusnẽ pão viakevaikĩ Yové Koĩ tanamavaikĩ kãtxíyavorasĩ ato inãpakevaíki yapa ato ãwẽ askásevi aoa ashkã yanivo. Askái pivai atõ enévãmaĩnõ Jesusnẽ ãwẽ shokõkenavo tanamakĩ. “Ãwẽ teshéarasĩ ichnámísi, roa arína”, ato akĩ.

Atovo winávaĩi voí nakivaĩki 5, 6 quilômetros akánamãpáchtasho atõ oĩa Jesus oí, waka matxi kochikarãi nõti chinãvarãki. Aská ãwẽ shokõkenavo rakévo oĩinã, “rakétsomároa! Eavere”, ato akĩ.