Amaokwu Akwụkwọ Nsọ Ndị Ama Ama siteré na Juan 2

Kesaa

Jesusqa Galilea provincia law Caná llaqtapin kay primer kaq milagrotaqa ruwaran. Chay ruwasqanwanmi Jesusqa rikuchikuran ancha atiyniyoq kasqanta. Hinaqtinmi discipulonkunaqa paypi creeranku.

Chaymi Jesusqa niran: —Mamitáy, ¿imapaqtaq chaytari niwankí? Pis kasqayta reqsichikunay horasqa manaraqmi chayamunraqchu, nispa.

Chaymi Jesusqa chay fiestapi sirviente runakunata niran: —Kay tinajakunaman unuta hunt'aychis, nispa. Hinaqtinmi paykunaqa sapankama tinajakunaman unuta hunt'achiranku. Chaymantañataqmi Jesusqa chay sirviente runakunata niran: —Kunanqa chay tinajamanta wisispa apaychis despenseroman mallinanpaq, nispa. Hinaqtinmi chay sirviente runakunaqa, Jesuspa kamachisqanman hina aparanku.

Chaymi paykunata contestaspa, Jesusqa niran: —Kay templota thuñichiychis. Hinaqtinmi noqaqa kinsa p'unchawllapi hatarirachisaq, nispa.

Chaykunata rikuspanmi, Jesusqa latigota ruwaspa, templomanta lliw runakunata ovejantinta hinallataq torokunantinta ima qarqoran. Hinaspan qolqe cambiaq runakunapa qolqenkunatapas, pampaman wikapaspa mesankutapas t'ikraran. Hinaspan Jesusqa palomakuna vendeq runakunata, khaynata niran: —¡Kay templomanta kaykunata orqoychis! ¡Dios Taytaypa wasinqa manan negocio ruwanaykichispaqchu! nispa.