THILSIEMBUL 31
31
Jakob Taihmang na
1Chun, amah chun Laban chapate’n, “Jakob in ka pau neih chengcheng a lâksak vek a, ka pau apat a hauhsakna a muh ahi,” a tih thuu chuh a hun za ta a. 2Tichun Jakob in Laban maisuoh a en a, tuma guol khan a chungah a pha ta puoi tih a he a. 3Chun, Lalpa chun Jakob kawmah, “Nang hun suonte leh na inkawte kawmah chieh kit ta’n; na kawmah um zel ing ka,” a ti a.
4Tichun Jakob in mi a sawl a, phul a a ganhawn umna lam achun Rachel leh Leah chuh a sama, 5a kawm u ah, “Na pau maisuoh ka et leh, tuma lam guol khan ka chungah a pha ta puoi tih ka he a; himahlele ka pa Pathien chuh ka kawmah a um zing hi. 6Na pau na hi ka theihtawp in ka sem hi tih nangun le na heu a. 7Himahlele, na pau chun ei thêm a, ka lawh hi sawmvei hiel ei suklamdang sak ta a; himahlele, Pathien in ka chunga thil phalo a bawl dinga phal puoh a. 8‘A sihkap a pieng haw chuh na lawh ding hi’n a,’ a tih leh, ganhawn chengcheng chuh a sihkap in a hung pieng sek a; ‘A zetan te chuh na lawh hi’n a,’ a tih leh ganhawn chengcheng chun a zetan haw a hing sek uh a. 9Khutibang chun Pathien in na pau gancha haw chuh a lâksak a, kei ei piek ahi.”
10“Chun, hiti hi ahi a, ganchate chuh a gaih pat lai u chun, ka mang lam in gancha anu hawnhaw chuh, a zetan haw, a sihkap haw, a zekai zengzung haw ahiu hi tih ka mu a. 11Ka mang chun Pathien vânsâwlchâk in, ‘Jakob,’ ei hun ti a: ‘Zie hin ka um hi,’ ka ti a. 12Amah chun, ‘Vak dâk inla, en in, a chal gancha bawh haw chengcheng khu: a zetan haw, a sihkap haw, a zekai zeng zung haw ahiu khu: Laban in na chunga thil a hih cheng hi ka mûi. 13Kei hi suongphuh a thau na nuhna, ka kawma thu na tiemna, Bethel Pathien kha ka hi: tuhin kipan inla, zie gam apat hin pawt inla, na pienna gam achun chieh kit ta’n,’ ei tii,” a ti a.#Tsb 28.18-22
14Chun, Rachel leh Leah chun a dâwng u a, a kawmah, “Ka pau In achun kei u dingin chanvo leh goluoh ding himhim a um ta puoi. 15Amah chun malzin bangpheta ei ngaih hi talo ahim? Ei zuok a, ka man u le a ne zo vek ta ngâl a. 16Pathien in ka pau sum a lâksak chengcheng chuh kei u a leh ka chateu a ahi hi: khutichun Pathien in na kawma a gen takphawt chuh hihin,” a tiu a.
17Tichun Jakob chuh a kipan a, a chapate leh a zite chuh sangawngsau chungah a chuon sak a; 18Kanaan gama a pa Isak kawma chieh dingin a ganhawn chengcheng leh a sum khawlkhawm chengcheng, a gancha muh haw, Padan-aram gama a khawlkhawm haw chuh a chiehdawk pih vek ta a. 19Chun, Laban chuh a belam mul met dingin a chieh ta a: chun, Rachel in a pa milim haw chuh a gu a. 20Chun, Jakob chuh Suria mi Laban hetloh kâl in a chieh ta a, taihmang a guot chuh a hilh puoh a. 21Tichun, a neih chengcheng chu tawh kintak in a taimang ta a.tichun Euphrates luipi chuh a kân u a, Gilead tâng gam lam chuh zuonin a kipandawk tau hi.
Laban in Jakob a Delhzui
22Chun, zie nung ni thum ni chun Jakob a taimang hi tih Laban a hilh u a. 23Tichun a mite a pui a, ni sagih lam chanin a delh u a, Gilead tâng achun a delhpha tau a. 24Chun, Suria mi Laban kawm achun a mang in Pathien a hung kilak a, a kawmah, “Jakob kawmah a sie, apha bangmah gen lo dingin chingthei ah,” a ti a. 25Chun, Laban chun Jakob chuh a delhpha ta a. Jakob in a puon-In chuh tâng achun a na zak a: chun, Laban inle a suohpihte chu tawh Gilead tâng achun a zak u a.
26Laban chun Jakob kawmah, “Na thilhih hi bangti dân ahi, ka het loh kal a na chiehmang kêi mai u hih, suok a um guol maia ka chanute na na puihmang hih? 27Bang zieka gûk a taimang a, nei kilep san ahi? Kipahna tawh, la haw tawh, khuong haw tawh, kingkang haw tawh ka hun thak theihna dinga bang a ti a nei hilh loh hiel ahi? 28Ka tute leh ka chanute ka châwp phal lo in ngawlhuoi takin ahi thil na hih hi. 29Hun susie thei ka hi a puo: himahlele na pa Pathien in thangni zan khan, ‘Jakob kawma a sie, apha bangmah gen lo dingin chingthei in,’ ti’n ei hopih ahi. 30Chun, na pa In na ngaih mah mah zieka chieh nuom mah mah hileh chinle, bang zieka ka pathien haw nei gûk sak a?” a ti a.
31Jakob chun a dâwng a Laban kawmah, “Na chanute hi nei pawng lak sak khan la tih ka lauh ziek ahi. 32Kuole na pathiente a na muh na taphawt chuh suklup ding hi hen. Ka mite mitmuh ngêi ahin nanga haw chuh enchien inla, kilak in,” a ti a. Rachel in a na gûk ahi tih Jakob in a he puoh ngâla.
33Chun, Laban chuh Jakob puon-In haw, Leah puon-In haw, suoknu nih te puon-In haw achun a lut zel a; himahleh a mu zo puoh a. Chun, Leah puon-In apat chun a pawt a, Rachel puon-In achun a lut kit a. 34Rachel chun milim haw chuh a na la a, sangawngsau van haw lak achun ana kawih a, a na chutphah tai. Tichun, Laban chun a puon-In sung chengcheng chuh a hawl suok kêi a, himahleh a mu puoh a. 35Chun, Rachel chun a pa kawmah, “Na ma a ka dindawk theih loh ziek hin, ka lalpa lungna hiel ki’n; numei dân ngeina chuh ka neih lai tak ahi ngâl a,” a ti a. Tichun a hawl a hawl a, himahlele milim haw chuh a mu zo ta puoh a.
36Tichun, Jakob chuh a lungna ta a, Laban chuh a hânkhum a, “Banga ka sukkhelhna, banga ka gitlohna, nei hun nung delh hiel mai a? 37Ka thuomphuo chengcheng na phetlek vek ale, na insung thuomphuo himhim banga na muh um? Eite nih kalthu hi ngaihtuoh ahih theihna dingin ka suohpihte leh na suohpihte ma ahin suklat hi hen. 38Kum sawmnih hiel na kawmah ka um ta a; na belam haw leh na kelpihaw chuh ano asie kha puoh a, na belam hawn laka a chal haw le ka meh kha puoh ngâl a. 39Gamsa peh haw le na kawmah ka hun tut kha puoh a; ken a manghaw thasang chun ka thuok zaw sek a; suna kigu ahim, zan a kigu ahim haw chule ka hun ditkit na ngek sek hi. 40Hitibang hin ka um sek a; suna nisa leh zan a khawvawt in ei sugimthei mah mah sek a; ih le ka ip kha sek puoi. 41Zie kum sawmnih sung cheng chuh na In ah ka um a; na chanu te nih lawh dingin kum sawm leh li na na ka sem a, na ganchate lawh dingin kum gup ka sem kit a; ka lawh chuh la sawmvei hiel nei suklamdang sak nalai a. 42Ka pa Pathien, Abraham Pathien, Isak in a lauh chuh, ka kawma umlo hile vang chuh, tuhin le ngawnchang a ei chieh kit sak ngêi ngêi ding na hi hi. Pathien in ka liengvaih dân leh ka sepgim dân hi a mu a, thangnitak a chuh a hun hilhgaih ahi chu,” a ti a.
Jakob leh Laban Kiholemna
43Laban chun a dâwng a, Jakob kawmah, “Zie numei haw hi kei chanu te ahiu a, naupanghaw hi kei naupanghaw ahiu a, gancha haw hi kei gancha ahiu a, na muh chengcheng hi kei a ngên ahiu hi: tuni hin zie ka chanute chung leh a cha hinteu chung ahin bangmah hih theih ka nei puoi. 44Hung tie, kei leh nangin thugawlh siem hiti: zie chuh kei leh nang kal a hetpih ding hi hen,” a ti a.
45Tichun, Jakob chun suong a la a, suongpi khuom dingin a phut a. 46Chun, Jakob in a mite kawm achun, “Suong hun lakhawm u,” a ti a, chun, suong a lau a, a tiengkhawm u a: chun, suong tienkhawm kawm achun an a neu a. 47Laban in zie suong tienkhawm chuh Jegar-sahadutha,#Jegar-sahadutha hih Aramaic pau ahi a, “Ei hetdawksak kit dinga tienkhawm,” tihna ahi. a sa a: Jakob in chuh Galead#Galead, Hebrai pau ahi a, “Ei hetsak kit dinga tienkhawm,” tihna mah ahi. a minvawh hi. 48Chun, Laban chun, “Zie suong tienkhawm hi tuni hin kei leh nang kal a hetpih ahi hi,” a ti a. 49Zieziekchun a min dingin Galead sak ahi tai. Mizpah le sak ahi a, Laban in, “I kikhen tak u leh Lalpa chun ei veng gel henla, 50Ka chanute hi na sukgimtheih a, ka chanute tih loh hi zi dang na hun neih chun, I kawmah kuomah a um puoh na a chuh, en in, Pathien chuh nang leh kei kal a hetpih ahi,” a ti a. 51Chun, Laban mah in Jakob kawmah, “Zie suong tienkhawm hi en inla, nang leh kei kikala zie suong ka phuh hi hetzingna ding ahi. 52Thil kisuksiet sak dingin, ken zie suong tienkhawm hi kan in nang kawm lam ah hung puo’ng ka, tih leh, nang le zie suong tienkhawm leh zie suongphuh hi khel in ka kawm lam ah hung lo ding na hi tih, zie suong tienkhawm hi ei hetpih hi henla, zie suongphuh hile ei hetpih hi hen. 53Abraham Pathien, Nahor Pathien, a pileputeu Pathien chun I kalthu hi ngaihtuoh hen,” a ti kit a. Chun, Jakob chun a pa Isak kihchak chuh sâm in a kihâksiel ta a. 54Chun, Jakob chun tâng achun kithawihna a siem a, a mite chuh chângthâk ne dingin a sama: tichun chângthâk a neu a, tâng achun a giek tau a. 55Chun, zingkal matak in Laban chuh a tho a, a tute leh a chanute a châwp a, vang a pie a; tichun a kipan a, amah umna lam zuonin a chieh kit ta a.
Nke Ahọpụtara Ugbu A:
THILSIEMBUL 31: GANGBSI
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
THILSIEMBUL 31
31
Jakob Taihmang na
1Chun, amah chun Laban chapate’n, “Jakob in ka pau neih chengcheng a lâksak vek a, ka pau apat a hauhsakna a muh ahi,” a tih thuu chuh a hun za ta a. 2Tichun Jakob in Laban maisuoh a en a, tuma guol khan a chungah a pha ta puoi tih a he a. 3Chun, Lalpa chun Jakob kawmah, “Nang hun suonte leh na inkawte kawmah chieh kit ta’n; na kawmah um zel ing ka,” a ti a.
4Tichun Jakob in mi a sawl a, phul a a ganhawn umna lam achun Rachel leh Leah chuh a sama, 5a kawm u ah, “Na pau maisuoh ka et leh, tuma lam guol khan ka chungah a pha ta puoi tih ka he a; himahlele ka pa Pathien chuh ka kawmah a um zing hi. 6Na pau na hi ka theihtawp in ka sem hi tih nangun le na heu a. 7Himahlele, na pau chun ei thêm a, ka lawh hi sawmvei hiel ei suklamdang sak ta a; himahlele, Pathien in ka chunga thil phalo a bawl dinga phal puoh a. 8‘A sihkap a pieng haw chuh na lawh ding hi’n a,’ a tih leh, ganhawn chengcheng chuh a sihkap in a hung pieng sek a; ‘A zetan te chuh na lawh hi’n a,’ a tih leh ganhawn chengcheng chun a zetan haw a hing sek uh a. 9Khutibang chun Pathien in na pau gancha haw chuh a lâksak a, kei ei piek ahi.”
10“Chun, hiti hi ahi a, ganchate chuh a gaih pat lai u chun, ka mang lam in gancha anu hawnhaw chuh, a zetan haw, a sihkap haw, a zekai zengzung haw ahiu hi tih ka mu a. 11Ka mang chun Pathien vânsâwlchâk in, ‘Jakob,’ ei hun ti a: ‘Zie hin ka um hi,’ ka ti a. 12Amah chun, ‘Vak dâk inla, en in, a chal gancha bawh haw chengcheng khu: a zetan haw, a sihkap haw, a zekai zeng zung haw ahiu khu: Laban in na chunga thil a hih cheng hi ka mûi. 13Kei hi suongphuh a thau na nuhna, ka kawma thu na tiemna, Bethel Pathien kha ka hi: tuhin kipan inla, zie gam apat hin pawt inla, na pienna gam achun chieh kit ta’n,’ ei tii,” a ti a.#Tsb 28.18-22
14Chun, Rachel leh Leah chun a dâwng u a, a kawmah, “Ka pau In achun kei u dingin chanvo leh goluoh ding himhim a um ta puoi. 15Amah chun malzin bangpheta ei ngaih hi talo ahim? Ei zuok a, ka man u le a ne zo vek ta ngâl a. 16Pathien in ka pau sum a lâksak chengcheng chuh kei u a leh ka chateu a ahi hi: khutichun Pathien in na kawma a gen takphawt chuh hihin,” a tiu a.
17Tichun Jakob chuh a kipan a, a chapate leh a zite chuh sangawngsau chungah a chuon sak a; 18Kanaan gama a pa Isak kawma chieh dingin a ganhawn chengcheng leh a sum khawlkhawm chengcheng, a gancha muh haw, Padan-aram gama a khawlkhawm haw chuh a chiehdawk pih vek ta a. 19Chun, Laban chuh a belam mul met dingin a chieh ta a: chun, Rachel in a pa milim haw chuh a gu a. 20Chun, Jakob chuh Suria mi Laban hetloh kâl in a chieh ta a, taihmang a guot chuh a hilh puoh a. 21Tichun, a neih chengcheng chu tawh kintak in a taimang ta a.tichun Euphrates luipi chuh a kân u a, Gilead tâng gam lam chuh zuonin a kipandawk tau hi.
Laban in Jakob a Delhzui
22Chun, zie nung ni thum ni chun Jakob a taimang hi tih Laban a hilh u a. 23Tichun a mite a pui a, ni sagih lam chanin a delh u a, Gilead tâng achun a delhpha tau a. 24Chun, Suria mi Laban kawm achun a mang in Pathien a hung kilak a, a kawmah, “Jakob kawmah a sie, apha bangmah gen lo dingin chingthei ah,” a ti a. 25Chun, Laban chun Jakob chuh a delhpha ta a. Jakob in a puon-In chuh tâng achun a na zak a: chun, Laban inle a suohpihte chu tawh Gilead tâng achun a zak u a.
26Laban chun Jakob kawmah, “Na thilhih hi bangti dân ahi, ka het loh kal a na chiehmang kêi mai u hih, suok a um guol maia ka chanute na na puihmang hih? 27Bang zieka gûk a taimang a, nei kilep san ahi? Kipahna tawh, la haw tawh, khuong haw tawh, kingkang haw tawh ka hun thak theihna dinga bang a ti a nei hilh loh hiel ahi? 28Ka tute leh ka chanute ka châwp phal lo in ngawlhuoi takin ahi thil na hih hi. 29Hun susie thei ka hi a puo: himahlele na pa Pathien in thangni zan khan, ‘Jakob kawma a sie, apha bangmah gen lo dingin chingthei in,’ ti’n ei hopih ahi. 30Chun, na pa In na ngaih mah mah zieka chieh nuom mah mah hileh chinle, bang zieka ka pathien haw nei gûk sak a?” a ti a.
31Jakob chun a dâwng a Laban kawmah, “Na chanute hi nei pawng lak sak khan la tih ka lauh ziek ahi. 32Kuole na pathiente a na muh na taphawt chuh suklup ding hi hen. Ka mite mitmuh ngêi ahin nanga haw chuh enchien inla, kilak in,” a ti a. Rachel in a na gûk ahi tih Jakob in a he puoh ngâla.
33Chun, Laban chuh Jakob puon-In haw, Leah puon-In haw, suoknu nih te puon-In haw achun a lut zel a; himahleh a mu zo puoh a. Chun, Leah puon-In apat chun a pawt a, Rachel puon-In achun a lut kit a. 34Rachel chun milim haw chuh a na la a, sangawngsau van haw lak achun ana kawih a, a na chutphah tai. Tichun, Laban chun a puon-In sung chengcheng chuh a hawl suok kêi a, himahleh a mu puoh a. 35Chun, Rachel chun a pa kawmah, “Na ma a ka dindawk theih loh ziek hin, ka lalpa lungna hiel ki’n; numei dân ngeina chuh ka neih lai tak ahi ngâl a,” a ti a. Tichun a hawl a hawl a, himahlele milim haw chuh a mu zo ta puoh a.
36Tichun, Jakob chuh a lungna ta a, Laban chuh a hânkhum a, “Banga ka sukkhelhna, banga ka gitlohna, nei hun nung delh hiel mai a? 37Ka thuomphuo chengcheng na phetlek vek ale, na insung thuomphuo himhim banga na muh um? Eite nih kalthu hi ngaihtuoh ahih theihna dingin ka suohpihte leh na suohpihte ma ahin suklat hi hen. 38Kum sawmnih hiel na kawmah ka um ta a; na belam haw leh na kelpihaw chuh ano asie kha puoh a, na belam hawn laka a chal haw le ka meh kha puoh ngâl a. 39Gamsa peh haw le na kawmah ka hun tut kha puoh a; ken a manghaw thasang chun ka thuok zaw sek a; suna kigu ahim, zan a kigu ahim haw chule ka hun ditkit na ngek sek hi. 40Hitibang hin ka um sek a; suna nisa leh zan a khawvawt in ei sugimthei mah mah sek a; ih le ka ip kha sek puoi. 41Zie kum sawmnih sung cheng chuh na In ah ka um a; na chanu te nih lawh dingin kum sawm leh li na na ka sem a, na ganchate lawh dingin kum gup ka sem kit a; ka lawh chuh la sawmvei hiel nei suklamdang sak nalai a. 42Ka pa Pathien, Abraham Pathien, Isak in a lauh chuh, ka kawma umlo hile vang chuh, tuhin le ngawnchang a ei chieh kit sak ngêi ngêi ding na hi hi. Pathien in ka liengvaih dân leh ka sepgim dân hi a mu a, thangnitak a chuh a hun hilhgaih ahi chu,” a ti a.
Jakob leh Laban Kiholemna
43Laban chun a dâwng a, Jakob kawmah, “Zie numei haw hi kei chanu te ahiu a, naupanghaw hi kei naupanghaw ahiu a, gancha haw hi kei gancha ahiu a, na muh chengcheng hi kei a ngên ahiu hi: tuni hin zie ka chanute chung leh a cha hinteu chung ahin bangmah hih theih ka nei puoi. 44Hung tie, kei leh nangin thugawlh siem hiti: zie chuh kei leh nang kal a hetpih ding hi hen,” a ti a.
45Tichun, Jakob chun suong a la a, suongpi khuom dingin a phut a. 46Chun, Jakob in a mite kawm achun, “Suong hun lakhawm u,” a ti a, chun, suong a lau a, a tiengkhawm u a: chun, suong tienkhawm kawm achun an a neu a. 47Laban in zie suong tienkhawm chuh Jegar-sahadutha,#Jegar-sahadutha hih Aramaic pau ahi a, “Ei hetdawksak kit dinga tienkhawm,” tihna ahi. a sa a: Jakob in chuh Galead#Galead, Hebrai pau ahi a, “Ei hetsak kit dinga tienkhawm,” tihna mah ahi. a minvawh hi. 48Chun, Laban chun, “Zie suong tienkhawm hi tuni hin kei leh nang kal a hetpih ahi hi,” a ti a. 49Zieziekchun a min dingin Galead sak ahi tai. Mizpah le sak ahi a, Laban in, “I kikhen tak u leh Lalpa chun ei veng gel henla, 50Ka chanute hi na sukgimtheih a, ka chanute tih loh hi zi dang na hun neih chun, I kawmah kuomah a um puoh na a chuh, en in, Pathien chuh nang leh kei kal a hetpih ahi,” a ti a. 51Chun, Laban mah in Jakob kawmah, “Zie suong tienkhawm hi en inla, nang leh kei kikala zie suong ka phuh hi hetzingna ding ahi. 52Thil kisuksiet sak dingin, ken zie suong tienkhawm hi kan in nang kawm lam ah hung puo’ng ka, tih leh, nang le zie suong tienkhawm leh zie suongphuh hi khel in ka kawm lam ah hung lo ding na hi tih, zie suong tienkhawm hi ei hetpih hi henla, zie suongphuh hile ei hetpih hi hen. 53Abraham Pathien, Nahor Pathien, a pileputeu Pathien chun I kalthu hi ngaihtuoh hen,” a ti kit a. Chun, Jakob chun a pa Isak kihchak chuh sâm in a kihâksiel ta a. 54Chun, Jakob chun tâng achun kithawihna a siem a, a mite chuh chângthâk ne dingin a sama: tichun chângthâk a neu a, tâng achun a giek tau a. 55Chun, zingkal matak in Laban chuh a tho a, a tute leh a chanute a châwp a, vang a pie a; tichun a kipan a, amah umna lam zuonin a chieh kit ta a.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.