THA 6
6
Tiilamlwi kapyiimei sanahgo kalai katu
1Sateichii ai tinglang aihang ki aito boumei tei moibuibuitu sek-kii, Grik lat katii Jehudimei nei Jehudimei sazyii nah ai hangna kak aito n-gee tei pat takle. Kadapokii Grik lat katii Jehudimei teinii ahnyiiki kamipwimei go tingnei tingneikii jaikapyii kito kaletle katupii, 2teito Tiilamlwi kapyiimei keariisiinakhii teinii kamalum meihang gotei lat ndwi wosii tamle, “Sana jumtang karam jangpii nyiinii Saraa sam tam ralikapyii ai matou ai tang karam ai matou makle. 3Teijangpii kangsanamei, rangii kamateipii ninado swirek kabi piinii tokryiisii kalei sapfiimei sana ai gonyii kak kito kalai wolo, sateichii nyiinii ahnyiigo tha ai phyiiryiikii bam kaipyii tangle. 4Nlenii nyiinii nyii mah tinglang hangtei kariita ninado kabi rasam katam karali tha kikii pyiitangle.”
5Teito ahnyiinii katam sam teipiinii meihang lungtei tiisamou pyiitakle, sateichii ahnyiinii kamalum ninado rangii kamateipii tokryiisii kalei sapfii mpou Stifan sii kalat ninado Filip, Prokorus, Nikanor, Timor, Parminas, ninado Antiyok ki Jehudimei mah kanat kanhii kajum- pii Nikolous, ahnyii aigo kalai mpat tosii, 6Tiilamlwi kapyiimei doikii masat takle, sateichii ahnyiinii riita kaleitai ahnyii phyiiryiikii ahnyiinii bah poikaipyii takle.
7Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.
Stifan go jum katu
8Sateichii Stifan, jumage kati ni- nado teimahampii tokryiisii kaleipii teinii meimoi kak kito kamadat kadido tiikamangoudo tiiwole. 9Teito mpougo Jehudimei ndwiki kahaimei laat mpat kaleimei sii lat kalei, Siren kito kalung Jehudimei ninado Alekjandriya kito kalung Jehudimei, sateichii Silisiya kito kalei mei ninado Asia kito kalungmei teinii Stifan go kazyiitu takle. 10Nlenii mpounii swirek kabi ninado rangiipii tam kalei doi teito ahnyiinii satpei wolak takle. 11Teito ahnyiinii sapfiimei kangkago katwikai pyii- sanii tam matule, “Mpounii Moses phyiiryiikii ninado Saraa phyiiryiikii tam kamashyii sam katam tei nyiinii shiile.” 12Sateichii ahnyiinii meihang go, katingmeigo ninado jai tingshang kati ojameigo katwikai pyiitakle. Sateichii choikaipyiisanii mpougo jum wosii samtak katii katingmei doikii pangkhii takle. 13Sateichii “Mei aipounii kamatei bam ninado kakhatkapyii jaitingshang phyii- ryiikii taksupii tam kamashyii sam tamle. 14Kadapokii Nazaret ki Jisu ainii bam ai ai tiimaga aisii Mosesnii nyii dakii pyii kabam kanat kanhii aigo tiikali tanglesii mpounii katam tei nyiinii shiitakle, katu kasang kasu sakchyii katiimei hang gotei ahnyiinii sat matutakle.” 15Teito samtak katii katingmei bam kito bam kaleimei hangteinii mpougo jutiit-tiitmai wosek-kii, mpou jutei sating gamlui ju takumpii ngoutakle.
Nke Ahọpụtara Ugbu A:
THA 6: NAG2
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Maram Naga, KARANU KABI SAMTAM © Bible Society of India, 2007.
THA 6
6
Tiilamlwi kapyiimei sanahgo kalai katu
1Sateichii ai tinglang aihang ki aito boumei tei moibuibuitu sek-kii, Grik lat katii Jehudimei nei Jehudimei sazyii nah ai hangna kak aito n-gee tei pat takle. Kadapokii Grik lat katii Jehudimei teinii ahnyiiki kamipwimei go tingnei tingneikii jaikapyii kito kaletle katupii, 2teito Tiilamlwi kapyiimei keariisiinakhii teinii kamalum meihang gotei lat ndwi wosii tamle, “Sana jumtang karam jangpii nyiinii Saraa sam tam ralikapyii ai matou ai tang karam ai matou makle. 3Teijangpii kangsanamei, rangii kamateipii ninado swirek kabi piinii tokryiisii kalei sapfiimei sana ai gonyii kak kito kalai wolo, sateichii nyiinii ahnyiigo tha ai phyiiryiikii bam kaipyii tangle. 4Nlenii nyiinii nyii mah tinglang hangtei kariita ninado kabi rasam katam karali tha kikii pyiitangle.”
5Teito ahnyiinii katam sam teipiinii meihang lungtei tiisamou pyiitakle, sateichii ahnyiinii kamalum ninado rangii kamateipii tokryiisii kalei sapfii mpou Stifan sii kalat ninado Filip, Prokorus, Nikanor, Timor, Parminas, ninado Antiyok ki Jehudimei mah kanat kanhii kajum- pii Nikolous, ahnyii aigo kalai mpat tosii, 6Tiilamlwi kapyiimei doikii masat takle, sateichii ahnyiinii riita kaleitai ahnyii phyiiryiikii ahnyiinii bah poikaipyii takle.
7Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.
Stifan go jum katu
8Sateichii Stifan, jumage kati ni- nado teimahampii tokryiisii kaleipii teinii meimoi kak kito kamadat kadido tiikamangoudo tiiwole. 9Teito mpougo Jehudimei ndwiki kahaimei laat mpat kaleimei sii lat kalei, Siren kito kalung Jehudimei ninado Alekjandriya kito kalung Jehudimei, sateichii Silisiya kito kalei mei ninado Asia kito kalungmei teinii Stifan go kazyiitu takle. 10Nlenii mpounii swirek kabi ninado rangiipii tam kalei doi teito ahnyiinii satpei wolak takle. 11Teito ahnyiinii sapfiimei kangkago katwikai pyii- sanii tam matule, “Mpounii Moses phyiiryiikii ninado Saraa phyiiryiikii tam kamashyii sam katam tei nyiinii shiile.” 12Sateichii ahnyiinii meihang go, katingmeigo ninado jai tingshang kati ojameigo katwikai pyiitakle. Sateichii choikaipyiisanii mpougo jum wosii samtak katii katingmei doikii pangkhii takle. 13Sateichii “Mei aipounii kamatei bam ninado kakhatkapyii jaitingshang phyii- ryiikii taksupii tam kamashyii sam tamle. 14Kadapokii Nazaret ki Jisu ainii bam ai ai tiimaga aisii Mosesnii nyii dakii pyii kabam kanat kanhii aigo tiikali tanglesii mpounii katam tei nyiinii shiitakle, katu kasang kasu sakchyii katiimei hang gotei ahnyiinii sat matutakle.” 15Teito samtak katii katingmei bam kito bam kaleimei hangteinii mpougo jutiit-tiitmai wosek-kii, mpou jutei sating gamlui ju takumpii ngoutakle.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Maram Naga, KARANU KABI SAMTAM © Bible Society of India, 2007.