GENESI 11
11
Mmoto wa Babele. Lešika la Seme go iša go Aborahama
1Lefase ka moka le be le na le leleme le tee le mmolelo o tee. 2Ya re ge ba falalela thoko ya Bohlabela, ba hwetša molala mo nageng ya Sineara, ba aga ntshe. 3Ba boledišana ba re: Tlang re bopeng makokota, re a fiše a butšwe. Mme makokota ya ba matlapa a bona, motimmu ya ba leraga la bona. 4Ba re: Tlang re ikageleng motse le mmoto wa ntlha e fihlago legodimong, re itirele leina, gore re se ke ra phatlalala le lefase ka moka.
5Gomme Morena a fologa gore a bone motse woo le mmoto wo bana ba batho ba o agago. 6Mme Morena a re: Ruri batho ke setšhaba setee; ka moka ba na le mmolelo o tee. Tše ba di dirago e sa le mathomo; mme bjale ba ka se ke ba palelwa ke modiro mang le mang wo ba o rerago. 7Tlang re yeng, re raranye mmolelo wa bona gona moo, gore ba se ke ba hlwa ba kwana ka mmolelo. 8Ke moka Morena a ba phatlalatša le lefase ka moka, ba tloga gona fao, ba lesa go aga motse woo. 9Ke ka baka leo leina la felo fao e lego Babele (Tharano), ka gobane gona moo Morena o rarantše mmolelo wa lefase ka moka, a ba phatlalatša le lefase ka moka ba etšwa gona moo.
10Lešika la Seme šele:
Seme e be e le monna wa nywaga e lekgolo ge a belegelwa Arapagasadi; ke ge go fedile nywaga e mebedi ka morago ga meetsefula. 11Ge go belegwe Arapagasadi, Seme o phetše nywaga e mengwe e makgolo a mahlano, a ba le barwa le barwedi.
12Arapagasadi o be a phetše nywaga e masome a mararo le e mehlano, a belegelwa Selaga. 13Ge go belegwe Selaga, Arapagasadi o phetše nywaga e mengwe e makgolo a mane le nywaga e meraro, a ba le barwa le barwedi.
14Selaga o be a phetše nywaga e masome a mararo, a belegelwa Hebere. 15Ge go belegwe Hebere, Selaga o phetše nywaga e mengwe e makgolo a mane le nywaga e meraro, a ba le barwa le barwedi.
16Hebere o be a phetše nywaga e masome a mararo le e mene, a belegelwa Pelege. 17Ge go belegwe Pelege, Hebere o phetše nywaga e mengwe e makgolo a mane le masome a mararo, a ba le barwa le barwedi.
18Pelege o be a phetše nywaga e masome a mararo, a belegelwa Regu. 19Ge go belegwe Regu, Pelege o phetše nywaga e mengwe e makgolo a mabedi le e senyane, a ba le barwa le barwedi.
20Regu o be a phetše nywaga e masome a mararo le e mebedi, a belegelwa Seruge. 21Ge go belegwe Seruge, Regu o phetše nywaga e mengwe e makgolo a mabedi le e šupago, a ba le barwa le barwedi.
22Seruge o be a phetše nywaga e masome a mararo, a belegelwa Nahoro. 23Ge go belegwe Nahoro, Seruge o phetše nywaga e mengwe e makgolo a mabedi, a ba le barwa le barwedi.
24Nahoro o be a phetše nywaga e masome a mabedi le nywaga e senyane, a belegelwa Thara. 25Ge go belegwe Thara, Nahoro o phetše nywaga e mengwe e lekgolo le lesome le nywaga e senyane, a ba le barwa le barwedi.
26Thara o be a phetše nywaga e masome a šupago, a belegelwa Aborama le Nahoro le Harane.
27Lešika la Thara šele:
Barwa ba Thara ke Aborama le Nahoro le Harane. Morwa wa Harane ke Loto. 28Harane yena o hwile Thara tatagwe a sa phela mo nageng yeo a tswaletšwego go yona, motseng wa Uri wa kwa Kaladea. 29Aborama le Nahoro ba tšere basadi. Leina la mosadi wa Aborama ke Sarai. Leina la mosadi wa Nahoro ke Milika; e be e le morwedi wa Harane, tatago Milika le Yisika. 30Sarai yena e be e le moopa, a se na ngwana.
31Thara o tlogile motseng wa Uri wa kwa Kaladea, a na le Aborama morwa wa gagwe, le Loto morwa wa Harane morwa wa morwa wa gagwe, le Sarai ngwetši ya gagwe mosadi wa Aborama morwa wa gagwe, a tloga a re ke khudugela nageng ya Kanana. Ya re ge ba fihla Harane, ba aga gona. 32Mehla ya Thara e be e le nywaga e makgolo a mabedi le nywaga e mehlano. Thara o hwetše gôna moo motseng wa Harane.
Nke Ahọpụtara Ugbu A:
GENESI 11: NSO51
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Bible Society of South Africa 1986. Used with permission. All rights reserved.
GENESI 11
11
Mmoto wa Babele. Lešika la Seme go iša go Aborahama
1Lefase ka moka le be le na le leleme le tee le mmolelo o tee. 2Ya re ge ba falalela thoko ya Bohlabela, ba hwetša molala mo nageng ya Sineara, ba aga ntshe. 3Ba boledišana ba re: Tlang re bopeng makokota, re a fiše a butšwe. Mme makokota ya ba matlapa a bona, motimmu ya ba leraga la bona. 4Ba re: Tlang re ikageleng motse le mmoto wa ntlha e fihlago legodimong, re itirele leina, gore re se ke ra phatlalala le lefase ka moka.
5Gomme Morena a fologa gore a bone motse woo le mmoto wo bana ba batho ba o agago. 6Mme Morena a re: Ruri batho ke setšhaba setee; ka moka ba na le mmolelo o tee. Tše ba di dirago e sa le mathomo; mme bjale ba ka se ke ba palelwa ke modiro mang le mang wo ba o rerago. 7Tlang re yeng, re raranye mmolelo wa bona gona moo, gore ba se ke ba hlwa ba kwana ka mmolelo. 8Ke moka Morena a ba phatlalatša le lefase ka moka, ba tloga gona fao, ba lesa go aga motse woo. 9Ke ka baka leo leina la felo fao e lego Babele (Tharano), ka gobane gona moo Morena o rarantše mmolelo wa lefase ka moka, a ba phatlalatša le lefase ka moka ba etšwa gona moo.
10Lešika la Seme šele:
Seme e be e le monna wa nywaga e lekgolo ge a belegelwa Arapagasadi; ke ge go fedile nywaga e mebedi ka morago ga meetsefula. 11Ge go belegwe Arapagasadi, Seme o phetše nywaga e mengwe e makgolo a mahlano, a ba le barwa le barwedi.
12Arapagasadi o be a phetše nywaga e masome a mararo le e mehlano, a belegelwa Selaga. 13Ge go belegwe Selaga, Arapagasadi o phetše nywaga e mengwe e makgolo a mane le nywaga e meraro, a ba le barwa le barwedi.
14Selaga o be a phetše nywaga e masome a mararo, a belegelwa Hebere. 15Ge go belegwe Hebere, Selaga o phetše nywaga e mengwe e makgolo a mane le nywaga e meraro, a ba le barwa le barwedi.
16Hebere o be a phetše nywaga e masome a mararo le e mene, a belegelwa Pelege. 17Ge go belegwe Pelege, Hebere o phetše nywaga e mengwe e makgolo a mane le masome a mararo, a ba le barwa le barwedi.
18Pelege o be a phetše nywaga e masome a mararo, a belegelwa Regu. 19Ge go belegwe Regu, Pelege o phetše nywaga e mengwe e makgolo a mabedi le e senyane, a ba le barwa le barwedi.
20Regu o be a phetše nywaga e masome a mararo le e mebedi, a belegelwa Seruge. 21Ge go belegwe Seruge, Regu o phetše nywaga e mengwe e makgolo a mabedi le e šupago, a ba le barwa le barwedi.
22Seruge o be a phetše nywaga e masome a mararo, a belegelwa Nahoro. 23Ge go belegwe Nahoro, Seruge o phetše nywaga e mengwe e makgolo a mabedi, a ba le barwa le barwedi.
24Nahoro o be a phetše nywaga e masome a mabedi le nywaga e senyane, a belegelwa Thara. 25Ge go belegwe Thara, Nahoro o phetše nywaga e mengwe e lekgolo le lesome le nywaga e senyane, a ba le barwa le barwedi.
26Thara o be a phetše nywaga e masome a šupago, a belegelwa Aborama le Nahoro le Harane.
27Lešika la Thara šele:
Barwa ba Thara ke Aborama le Nahoro le Harane. Morwa wa Harane ke Loto. 28Harane yena o hwile Thara tatagwe a sa phela mo nageng yeo a tswaletšwego go yona, motseng wa Uri wa kwa Kaladea. 29Aborama le Nahoro ba tšere basadi. Leina la mosadi wa Aborama ke Sarai. Leina la mosadi wa Nahoro ke Milika; e be e le morwedi wa Harane, tatago Milika le Yisika. 30Sarai yena e be e le moopa, a se na ngwana.
31Thara o tlogile motseng wa Uri wa kwa Kaladea, a na le Aborama morwa wa gagwe, le Loto morwa wa Harane morwa wa morwa wa gagwe, le Sarai ngwetši ya gagwe mosadi wa Aborama morwa wa gagwe, a tloga a re ke khudugela nageng ya Kanana. Ya re ge ba fihla Harane, ba aga gona. 32Mehla ya Thara e be e le nywaga e makgolo a mabedi le nywaga e mehlano. Thara o hwetše gôna moo motseng wa Harane.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Bible Society of South Africa 1986. Used with permission. All rights reserved.