TAUNET 35
35
Koteechei Jakobo Kaptisisyet eng' Bethel
1 # Tau 28.11-17 Ki leenji `Kamuktaindet Jakobo, “Ng'eet, ui togoste Bethel, imeny oliindo, ak iteekyi Kamuktaindet kaptisisyet eng' olooto, ineendet ne ki mong'jin ye ki imwee ng'eetap kamenng'ung' Esau.” 2Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok. 3Ong'eetyee anyun, keebe ketogoste Bethel, si awo ateekyi Kamuktaindet kaptisisyet eng' oliindo, ineendet ne ki wolwo eng' peetuutap pichiindanyu ak ki mi kobooto eng' pandanyu.” 4Ki igoochi anyun `pichooto Jakobo kanamonichooto tugul po pororyosyek alak che ki tinyei, ak munaok che ki mi itiikwak, ak ki uny Jakobo chooto eng' keetitap alayet keel ne ki mi Shekem. 5Ak ye kibendi anyun, ko ki tebee kamuisetap Kamuktaindet nganasook che ki mi ole neegitee icheeget, ak ma isup icheek weeriigap Jakobo. 6Ki it anyun Jakobo Luz (nooto ko Bethel), ne mi emetap Kanaan, ak piik tugul che ki mi kobooto ineendet. 7Ki teech kaptisisyet eng' olooto, ak koguure olooto El-bet-el,#35:7 El-bet-el: ko kergei ak keele ‘Kamuktaindetap Bethel.’ amu yooto ko ye king'aang'jinegei Kamuktaindet, ye kingo mwee ng'eetap kamet. 8Ak kime Debora cheplakwetap Rebeka, ak ki kitupchi ole neegitee Bethel, eng' keetit keel ne ki mi olooto. Ki kiguure keetoto Alon-bakut.#35:8 Alon-bakut: ‘keetitap riirek.’
9Komong'ji `Kamuktaindet Jakobo kogeny, ye ki punu Padan-aram, ak koberuur ineendet. 10#Tau 32.28 Koleenji Kamuktaindet, “Kaineng'ung' ko Jakobo; ma keguurenen Jakobo kogeny, ago ngeguurenen Israel.” Ak kiguure kainennyi Israel. 11#Tau 17.4-8 Ak koleenji Kamuktaindet, “Aa Kamuktaindet Ne po Kamuktaet. Ii ak itesage, tuun mong'unenen inyee pororyet ak chaang'indap pororyosyek, ak mang'unen laitorinik. 12Tuun agoonin emonooto ki agoochi Abraham ak Isak, ak agoochini lagoguk ak icheek che tuun piitu let.” 13Ki wo anyun Kamuktaindet eng' yooto kotogosta eng' ole ki ng'alaale. 14#Tau 28.18-19 Ki lumda Jakobo toloita eng' yooto ki ng'alaale, toloita ne po koita, ak koroong'ji kagoochinet ne po tuguuk che kieei, yeityo koroong'ji mwaita. 15Ak kiguure Jakobo kainetap yooto ki ng'alaale ak Kamuktaindet, Bethel.
Sigeetap Benjamin ak meetap Rael
16Ki pa anyun eng' Bethel, ak kingo tomo koit Eprat, koam moet Rael, ak konyoor pichiindo eng' moonooto 17Ye ki machei kosigiis eng' pichiindo, koleenji chebyosetap sigisyo, “Meiywei amu imache isich weeriit age nguno.” 18Ye kingo machei kome Rael, koguuree lakwanooto kainennyi Ben-Oni,#35:18Ben-Oni: Weeriit ne po arageneet. ago kiguure `kwandanyi lakwanooto Benjamin.#35:18Benjamin:Weeriit ne po eunyun ne po tai. 19Ki me Rael, ak ki kitupchi ooreet ne wendi Eprat (yooto ko Bethlehem). 20Ak ki lumda Jakobo toloita eng' kererinnyi, toloatap kereritap Rael ne agoi ra. 21Kiu anyun Israel, ak ki teech emainnyi taitap teekseet ne kooi eng' Eder. 22#Tau 49.4 Ye kita komenyei Israel emonooto, kwo Reuben koruiyo ak Bila, chebaigeiyatap kwandanyi; ak ki kas Israel ng'olyoondonooto. Ki taman ak aeng' weeriigap Jakobo.
23Chu ko weeriigap Leah: ne po tai ko Reuben, (ne oo ne po Jakobo) Simion, Lawi, Judah, Issakar, ak Zebulun. 24Chu ko weeriigap Rael: Joseph ak Benjamin. 25Chu ko weeriigap Bila, kwondo ne ki otwogindetap Rael: Dan ak Naphtali. 26Chu ko weeriigap Silba, kwondo ne ki otwogindetap Leah: Gad ak Asher. Chuuto ko ki weeriigap Jakobo che kisichei eng' Padan-aram.
Meetap Isak
27 # Tau 13.18 Ki it anyun Jakobo Mamre, kap Isak kwandanyi, eng' Kiriath-arba (nooto ko Hebron), ole ki cham komenyei Abraham ak Isak ye kita ko toek. 28Kenyiisyegap Isak ko ki pogol ak tamanwogik sisiit. 29Ki ilil Isak, ak ki kiyum kobooto piikwak, ko poiyo ne kiga koosit miising'. Ak kitup ineendet weeriikyik Esau ak Jakobo.
Nke Ahọpụtara Ugbu A:
TAUNET 35: KAPR
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
©Bible Society of Kenya, 2019
TAUNET 35
35
Koteechei Jakobo Kaptisisyet eng' Bethel
1 # Tau 28.11-17 Ki leenji `Kamuktaindet Jakobo, “Ng'eet, ui togoste Bethel, imeny oliindo, ak iteekyi Kamuktaindet kaptisisyet eng' olooto, ineendet ne ki mong'jin ye ki imwee ng'eetap kamenng'ung' Esau.” 2Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok. 3Ong'eetyee anyun, keebe ketogoste Bethel, si awo ateekyi Kamuktaindet kaptisisyet eng' oliindo, ineendet ne ki wolwo eng' peetuutap pichiindanyu ak ki mi kobooto eng' pandanyu.” 4Ki igoochi anyun `pichooto Jakobo kanamonichooto tugul po pororyosyek alak che ki tinyei, ak munaok che ki mi itiikwak, ak ki uny Jakobo chooto eng' keetitap alayet keel ne ki mi Shekem. 5Ak ye kibendi anyun, ko ki tebee kamuisetap Kamuktaindet nganasook che ki mi ole neegitee icheeget, ak ma isup icheek weeriigap Jakobo. 6Ki it anyun Jakobo Luz (nooto ko Bethel), ne mi emetap Kanaan, ak piik tugul che ki mi kobooto ineendet. 7Ki teech kaptisisyet eng' olooto, ak koguure olooto El-bet-el,#35:7 El-bet-el: ko kergei ak keele ‘Kamuktaindetap Bethel.’ amu yooto ko ye king'aang'jinegei Kamuktaindet, ye kingo mwee ng'eetap kamet. 8Ak kime Debora cheplakwetap Rebeka, ak ki kitupchi ole neegitee Bethel, eng' keetit keel ne ki mi olooto. Ki kiguure keetoto Alon-bakut.#35:8 Alon-bakut: ‘keetitap riirek.’
9Komong'ji `Kamuktaindet Jakobo kogeny, ye ki punu Padan-aram, ak koberuur ineendet. 10#Tau 32.28 Koleenji Kamuktaindet, “Kaineng'ung' ko Jakobo; ma keguurenen Jakobo kogeny, ago ngeguurenen Israel.” Ak kiguure kainennyi Israel. 11#Tau 17.4-8 Ak koleenji Kamuktaindet, “Aa Kamuktaindet Ne po Kamuktaet. Ii ak itesage, tuun mong'unenen inyee pororyet ak chaang'indap pororyosyek, ak mang'unen laitorinik. 12Tuun agoonin emonooto ki agoochi Abraham ak Isak, ak agoochini lagoguk ak icheek che tuun piitu let.” 13Ki wo anyun Kamuktaindet eng' yooto kotogosta eng' ole ki ng'alaale. 14#Tau 28.18-19 Ki lumda Jakobo toloita eng' yooto ki ng'alaale, toloita ne po koita, ak koroong'ji kagoochinet ne po tuguuk che kieei, yeityo koroong'ji mwaita. 15Ak kiguure Jakobo kainetap yooto ki ng'alaale ak Kamuktaindet, Bethel.
Sigeetap Benjamin ak meetap Rael
16Ki pa anyun eng' Bethel, ak kingo tomo koit Eprat, koam moet Rael, ak konyoor pichiindo eng' moonooto 17Ye ki machei kosigiis eng' pichiindo, koleenji chebyosetap sigisyo, “Meiywei amu imache isich weeriit age nguno.” 18Ye kingo machei kome Rael, koguuree lakwanooto kainennyi Ben-Oni,#35:18Ben-Oni: Weeriit ne po arageneet. ago kiguure `kwandanyi lakwanooto Benjamin.#35:18Benjamin:Weeriit ne po eunyun ne po tai. 19Ki me Rael, ak ki kitupchi ooreet ne wendi Eprat (yooto ko Bethlehem). 20Ak ki lumda Jakobo toloita eng' kererinnyi, toloatap kereritap Rael ne agoi ra. 21Kiu anyun Israel, ak ki teech emainnyi taitap teekseet ne kooi eng' Eder. 22#Tau 49.4 Ye kita komenyei Israel emonooto, kwo Reuben koruiyo ak Bila, chebaigeiyatap kwandanyi; ak ki kas Israel ng'olyoondonooto. Ki taman ak aeng' weeriigap Jakobo.
23Chu ko weeriigap Leah: ne po tai ko Reuben, (ne oo ne po Jakobo) Simion, Lawi, Judah, Issakar, ak Zebulun. 24Chu ko weeriigap Rael: Joseph ak Benjamin. 25Chu ko weeriigap Bila, kwondo ne ki otwogindetap Rael: Dan ak Naphtali. 26Chu ko weeriigap Silba, kwondo ne ki otwogindetap Leah: Gad ak Asher. Chuuto ko ki weeriigap Jakobo che kisichei eng' Padan-aram.
Meetap Isak
27 # Tau 13.18 Ki it anyun Jakobo Mamre, kap Isak kwandanyi, eng' Kiriath-arba (nooto ko Hebron), ole ki cham komenyei Abraham ak Isak ye kita ko toek. 28Kenyiisyegap Isak ko ki pogol ak tamanwogik sisiit. 29Ki ilil Isak, ak ki kiyum kobooto piikwak, ko poiyo ne kiga koosit miising'. Ak kitup ineendet weeriikyik Esau ak Jakobo.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
©Bible Society of Kenya, 2019