JOHAN 18
18
Jisu Ghankeya
(Mat 26.47-56; Mrk 14.43-50; Luk 22.47-53)
1Jisu na kekhie kesa seng wi ma sansikeyathu ssinu Kidron Ghaku khhaka wi wa. Ciwi asanku kesü na ben, Jisu nu ma sansikeyathu la ma non wi du. 2Judah, ma matsa ketenwa la apen tsü chüben, kepaghenanye Jisu ciwi kejon tughu la ma sansikeyathu metudha. 3Tsalina Judah na keqhaikedi ntsathu nu Farisithu wina kesun kechi Rom süpahithu nu Kekinyijjen ghikehiethu ssiya nu ciwi wa; mathu na annithegü, ahula, nu aghitsanqaithu pvüden. 4Jisu na pala hathu ha ma miwi kulile keben tsü chüben, tsalina ma atuwi shhugho nu mathu wi keü, “Nthu na thowa bhaten nu?”
5Mathu na luneng, “Nazareth nyiwa Jisu.”
Jisu na mathu wi “Tsüna hi le,” kiza.
Judah ma matsa ketenwa la mathu gweghe nganben. 6Jisu na mathu wi “Tsüna hi le” kiza meyi mathu na aseng kheneng wa ayyi wi khulidua. 7Jisu na kheneng mathu wi keü, “Nthu na thowa bhaten le?” Mathu kekhi na, “Nazareth nyiwa Jisu le!”
8Jisu na khi, “Tsüna hi le kesa nthu wi kizadha, tsalina keujüla nthu na hi bhaten lethu, anyi hathu ha bvü thsülo.” 9(Hawa ha ma ajüh hati khi ketheng tsü cenyale kesalina khi, “Abawa, no pi hi kecüthu tsü hi kesütanla pi nbhatagha thsüle.”)
10Tsaseng wi Simon Pitor na ma njünnu hanshi pi Keqhaikedi Kemisi ntsa maghawa khuna ajewa hanthi pia. Amaghawa nyan na Malkha. 11#Mat 26.39; Mrk 14.36; Luk 22.42 Jisu na Pitor wi kiza, “No njünnu pi nlicen wi chiyalo! No kemeshen, iBa na ketizenkesa hyi pi hi kecüwa tsü hi njjüla benle ben kwe?”
Jisu na Anna Tuwi kewa
12Tsaseng wi Rom süpahithu na mathu benchüwa gweghe nu Judah nyi aghikehiethu na Jisu ghanya nu ma bhenya, 13nu atuwa sa ma ssinu Anna wi wa. Ma Kaifa myiwa tsü mapi wi Keqhaikedi Kemisintsa saben. 14#Jhn 11.49-50 Judah nyi kekhang kesenthu wi meshu kesü pi anyi tsüdi ghena shü thsü kesawa mehaile kekhiwa tsüna Kaifa.
Pitor na Jisu Nchüle Kekhi
(Mat 26.69-70; Mrk 14.66-68; Luk 22.55-57)
15Simon Pitor nu sansikeya kepawa manyi na Jisu nie den. Sansikeya hawa ha Keqhaikedi Kemisintsa na mehaitsü ma chü keben ghena ma Keqhaikedi Kemisintsa jjen ccühha wi Jisu nie du. 16Isala Pitor na akhemi wi nganben. Tsaseng wi sansikeya kepawa na kheneng shhula ajenka hie keben nzawa kiza nu Pitor ssinu du. 17Nza ajenka hie kebenwa na Pitor wi kiza, “No la anyi hawa sansikeya nyi kesü nye kwe?”
Pitor na luneng, “Hi nye le!”
18Tsü tsüwi se kesalina amaghathu nu aghikehiethu na amihi pi anni sa nu mathu na tsü vüla anni kehang ben. Tsalina Pitor la wala mathu gweghe anni kihang ben.
Keqhaikedi Kemisintsa na Pala Jisu Kekeü
(Mat 26.59-66; Mrk 14.55-64; Luk 22.66-71)
19Keqhaikedi Kemisintsa na Jisu wi ma sansikeyathu nu ma kesansijüh cüki keü. 20Jisu na luneng, “Hi keshüthangla anyithu jawi tsüdi sansiden; nu anyithu na gho Sinagogthu nu Kekinyijjen wi saghuya lethu, hi mathu sansile. Hi khiela kekuthi wina mathu wi mangla nkhi. 21Isathu, no mangkesa na hi keü ben nu? Anyi ijüh kekhi za keyathu wi hi mangwa le mathu sansi khe mathu chü benna, mathu keü nanlo.”
22Jisu na ha khi kechi wi aghikehiethu kesü na ma cen cü nu khi, “No khati nu nmessila tsüti Keqhaikedi Kemisintsa ccüneng ben nu!”
23Jisu na ma luneng, “Keujüla hi ajühkhi zzi lethu, hi kekhi zzi tsü pi kizalo. Isala hi khimeshonchi lethu, no mangkesa na hi kiccü ben nu?”
24Tsaseng wi Anna na ma bhen sen nu Keqhaikedi Kemisintsa Kaifa wi walo kesun chia.
Pitor na Jisu Nchüle Kekhineng
(Mat 26.71-75; Mrk 14.69-72; Luk 22.58-62)
25Pitor na khili kecu ciwi ngan nu anni kihang ben. Tsalina anyi kepathu na ma keü, “No la anyi hawa sansikeya nyi nye kwe?”
Isala Pitor na “Nye, hi nyele” khia.
26Keqhaikedi ntsa maghawa Pitor na ma khuna hanthi kesa shiliwa kekhi na “No asanku wi ma gweghe keten hi no nmu kwe?”
27Pitor na kheneng khi, “Nyele.” — isa khi meyi awegü na khou shagha.
Jisu na Pilat Tuwi kewa
(Mat 27.1-2,11-14; Mrk 15.1-5; Luk 23.1-5)
28Ghanen mitu na Kaifa jjen wina Jisu ssinu ahng jjen wi wa. Judah nyi kekhang kesenthu na ahng jjen non wi ndu, kepaghenanye mathu n-nakhila metha benla nu wala Shhukeya Kho tsse tsü dsayale ben. 29Tsalina Pilat na akhemi wi shhugho mathu metu nu khi, “Nthu anyi hawa miwi kemeshensa mangwa khile ghoben nu?”
30Mathu na luneng, “Keujüla anyi hawa ha kesazzi kesa nyi nye lethu, ikhang ma ssinu no wi gho nkesa le!”
31Pilat na mathu wi kiza, “Nthu ma ssi wa nthu ketanla nthu yen kenie wina ma ghan-nanlo.”
Mathu na luneng, “Ikhang na meshu kesütan la pi shü thsü kesa ayen nmi le!” 32#Jhn 3.14; 12.32 (Hawa ha Jisu na khati kesa wi shüten khe ma khichi ketheng tsü cenyale kesalina.)
33Pilat na kheneng ma kadipen wi duya nu Jisu cichi pi ma wi keü, “No Judah nyithu Kadimiwa kwe?”
34Jisu luneng, “Ha no kemeshen wina la nyu icüki khi pi no kiza nu khiben nu?”
35Pilat na khineng, “Hi Judah nyi kwe? N-nyi nu keqhaikedi ntsathu na no ghan pi ikwen wi chi cüdha. No mangwa satheng nu?”
36Jisu na khi, “Hi kadiyyi na ayyi hawa ji nye; keujüla hi kadiyyi na ayyi hawa ji lethu, isenkeniethu na mathu ssi kaghashen nu hi ghan pi Judah nyithu kwen wi chi nkesa. Isala hi kadiyyi na ayyi hawa ji nye.”
37Tsalina Pilat na ma keü, “Isathu, no kadimiwa kwe?”
Jisu na luneng, “No hi kadimiwa le khi. Hi atsentsawa sheipi le kesa jjügi ghena ayyi hawi gho. Thowa na atsentsawa wi benten khe ijüh kina den.”
38Pilat na keü, “Atsentsawa tsüna mangwa nu?”
Jisu pi shü Thsülo Kekhi
(Mat 27.15-31; Mrk 15.6-20; Luk 23.13-25)
Tsaseng wi Pilat na akhemi anyithu wi shhu nu mathu wi khi, “Hi ma kemeshensa jjügi mangla mu meya. 39Isala ha pi nthu yen saden, hi keshüthangla Shhukeya Kho tsüwi nthu ghena atssüzü nyi kesü khushi cüden. Nthu ghena hi Judah nyithu Kadimiwa tsü khushi thsü mvu ben ma?”
40Mathu na magha nu ma wi khi, “Nye, anyi ha nyele! Ikhang Barabba ya mvu ben.” (Barabba na kaghanfü nyi kesü.)
Nke Ahọpụtara Ugbu A:
JOHAN 18: RENGNBSI
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
JOHAN 18
18
Jisu Ghankeya
(Mat 26.47-56; Mrk 14.43-50; Luk 22.47-53)
1Jisu na kekhie kesa seng wi ma sansikeyathu ssinu Kidron Ghaku khhaka wi wa. Ciwi asanku kesü na ben, Jisu nu ma sansikeyathu la ma non wi du. 2Judah, ma matsa ketenwa la apen tsü chüben, kepaghenanye Jisu ciwi kejon tughu la ma sansikeyathu metudha. 3Tsalina Judah na keqhaikedi ntsathu nu Farisithu wina kesun kechi Rom süpahithu nu Kekinyijjen ghikehiethu ssiya nu ciwi wa; mathu na annithegü, ahula, nu aghitsanqaithu pvüden. 4Jisu na pala hathu ha ma miwi kulile keben tsü chüben, tsalina ma atuwi shhugho nu mathu wi keü, “Nthu na thowa bhaten nu?”
5Mathu na luneng, “Nazareth nyiwa Jisu.”
Jisu na mathu wi “Tsüna hi le,” kiza.
Judah ma matsa ketenwa la mathu gweghe nganben. 6Jisu na mathu wi “Tsüna hi le” kiza meyi mathu na aseng kheneng wa ayyi wi khulidua. 7Jisu na kheneng mathu wi keü, “Nthu na thowa bhaten le?” Mathu kekhi na, “Nazareth nyiwa Jisu le!”
8Jisu na khi, “Tsüna hi le kesa nthu wi kizadha, tsalina keujüla nthu na hi bhaten lethu, anyi hathu ha bvü thsülo.” 9(Hawa ha ma ajüh hati khi ketheng tsü cenyale kesalina khi, “Abawa, no pi hi kecüthu tsü hi kesütanla pi nbhatagha thsüle.”)
10Tsaseng wi Simon Pitor na ma njünnu hanshi pi Keqhaikedi Kemisi ntsa maghawa khuna ajewa hanthi pia. Amaghawa nyan na Malkha. 11#Mat 26.39; Mrk 14.36; Luk 22.42 Jisu na Pitor wi kiza, “No njünnu pi nlicen wi chiyalo! No kemeshen, iBa na ketizenkesa hyi pi hi kecüwa tsü hi njjüla benle ben kwe?”
Jisu na Anna Tuwi kewa
12Tsaseng wi Rom süpahithu na mathu benchüwa gweghe nu Judah nyi aghikehiethu na Jisu ghanya nu ma bhenya, 13nu atuwa sa ma ssinu Anna wi wa. Ma Kaifa myiwa tsü mapi wi Keqhaikedi Kemisintsa saben. 14#Jhn 11.49-50 Judah nyi kekhang kesenthu wi meshu kesü pi anyi tsüdi ghena shü thsü kesawa mehaile kekhiwa tsüna Kaifa.
Pitor na Jisu Nchüle Kekhi
(Mat 26.69-70; Mrk 14.66-68; Luk 22.55-57)
15Simon Pitor nu sansikeya kepawa manyi na Jisu nie den. Sansikeya hawa ha Keqhaikedi Kemisintsa na mehaitsü ma chü keben ghena ma Keqhaikedi Kemisintsa jjen ccühha wi Jisu nie du. 16Isala Pitor na akhemi wi nganben. Tsaseng wi sansikeya kepawa na kheneng shhula ajenka hie keben nzawa kiza nu Pitor ssinu du. 17Nza ajenka hie kebenwa na Pitor wi kiza, “No la anyi hawa sansikeya nyi kesü nye kwe?”
Pitor na luneng, “Hi nye le!”
18Tsü tsüwi se kesalina amaghathu nu aghikehiethu na amihi pi anni sa nu mathu na tsü vüla anni kehang ben. Tsalina Pitor la wala mathu gweghe anni kihang ben.
Keqhaikedi Kemisintsa na Pala Jisu Kekeü
(Mat 26.59-66; Mrk 14.55-64; Luk 22.66-71)
19Keqhaikedi Kemisintsa na Jisu wi ma sansikeyathu nu ma kesansijüh cüki keü. 20Jisu na luneng, “Hi keshüthangla anyithu jawi tsüdi sansiden; nu anyithu na gho Sinagogthu nu Kekinyijjen wi saghuya lethu, hi mathu sansile. Hi khiela kekuthi wina mathu wi mangla nkhi. 21Isathu, no mangkesa na hi keü ben nu? Anyi ijüh kekhi za keyathu wi hi mangwa le mathu sansi khe mathu chü benna, mathu keü nanlo.”
22Jisu na ha khi kechi wi aghikehiethu kesü na ma cen cü nu khi, “No khati nu nmessila tsüti Keqhaikedi Kemisintsa ccüneng ben nu!”
23Jisu na ma luneng, “Keujüla hi ajühkhi zzi lethu, hi kekhi zzi tsü pi kizalo. Isala hi khimeshonchi lethu, no mangkesa na hi kiccü ben nu?”
24Tsaseng wi Anna na ma bhen sen nu Keqhaikedi Kemisintsa Kaifa wi walo kesun chia.
Pitor na Jisu Nchüle Kekhineng
(Mat 26.71-75; Mrk 14.69-72; Luk 22.58-62)
25Pitor na khili kecu ciwi ngan nu anni kihang ben. Tsalina anyi kepathu na ma keü, “No la anyi hawa sansikeya nyi nye kwe?”
Isala Pitor na “Nye, hi nyele” khia.
26Keqhaikedi ntsa maghawa Pitor na ma khuna hanthi kesa shiliwa kekhi na “No asanku wi ma gweghe keten hi no nmu kwe?”
27Pitor na kheneng khi, “Nyele.” — isa khi meyi awegü na khou shagha.
Jisu na Pilat Tuwi kewa
(Mat 27.1-2,11-14; Mrk 15.1-5; Luk 23.1-5)
28Ghanen mitu na Kaifa jjen wina Jisu ssinu ahng jjen wi wa. Judah nyi kekhang kesenthu na ahng jjen non wi ndu, kepaghenanye mathu n-nakhila metha benla nu wala Shhukeya Kho tsse tsü dsayale ben. 29Tsalina Pilat na akhemi wi shhugho mathu metu nu khi, “Nthu anyi hawa miwi kemeshensa mangwa khile ghoben nu?”
30Mathu na luneng, “Keujüla anyi hawa ha kesazzi kesa nyi nye lethu, ikhang ma ssinu no wi gho nkesa le!”
31Pilat na mathu wi kiza, “Nthu ma ssi wa nthu ketanla nthu yen kenie wina ma ghan-nanlo.”
Mathu na luneng, “Ikhang na meshu kesütan la pi shü thsü kesa ayen nmi le!” 32#Jhn 3.14; 12.32 (Hawa ha Jisu na khati kesa wi shüten khe ma khichi ketheng tsü cenyale kesalina.)
33Pilat na kheneng ma kadipen wi duya nu Jisu cichi pi ma wi keü, “No Judah nyithu Kadimiwa kwe?”
34Jisu luneng, “Ha no kemeshen wina la nyu icüki khi pi no kiza nu khiben nu?”
35Pilat na khineng, “Hi Judah nyi kwe? N-nyi nu keqhaikedi ntsathu na no ghan pi ikwen wi chi cüdha. No mangwa satheng nu?”
36Jisu na khi, “Hi kadiyyi na ayyi hawa ji nye; keujüla hi kadiyyi na ayyi hawa ji lethu, isenkeniethu na mathu ssi kaghashen nu hi ghan pi Judah nyithu kwen wi chi nkesa. Isala hi kadiyyi na ayyi hawa ji nye.”
37Tsalina Pilat na ma keü, “Isathu, no kadimiwa kwe?”
Jisu na luneng, “No hi kadimiwa le khi. Hi atsentsawa sheipi le kesa jjügi ghena ayyi hawi gho. Thowa na atsentsawa wi benten khe ijüh kina den.”
38Pilat na keü, “Atsentsawa tsüna mangwa nu?”
Jisu pi shü Thsülo Kekhi
(Mat 27.15-31; Mrk 15.6-20; Luk 23.13-25)
Tsaseng wi Pilat na akhemi anyithu wi shhu nu mathu wi khi, “Hi ma kemeshensa jjügi mangla mu meya. 39Isala ha pi nthu yen saden, hi keshüthangla Shhukeya Kho tsüwi nthu ghena atssüzü nyi kesü khushi cüden. Nthu ghena hi Judah nyithu Kadimiwa tsü khushi thsü mvu ben ma?”
40Mathu na magha nu ma wi khi, “Nye, anyi ha nyele! Ikhang Barabba ya mvu ben.” (Barabba na kaghanfü nyi kesü.)
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.