Matiyu 16
16
Alama sameye mada
(Mar 8.11-13)
1Farisawa-a Sadusiya-a isane Isaa rijapturo alama laa sameye tayiro fǝlejuworo tia keworo. 2Isaye tayiro: «Kajirijiya, nayiye: “Kasam kǝji fandiye, same kimejǝna nangaro,” nuwi. 3Koro dunia wajiya, nayiye: “Ku ingi cuduri, same keyera kime cittaro waljǝna nangaro,” nuwi. Awo samen fǝlediyidǝa fisardu nonuwwa, amma awo jaman adǝn wakkajidǝa fisardudǝ nayiro katkero! 4Am ansi Alaye jaman diwi adǝyeso alama majai, amma alama Nawi Yunusse gǝnia, alama fima tayiro fǝlediyiwawo,» yeno. Daji tayia kolje leyeno.
Yis Farisawa-a Sadusiya-aye
(Mar 8.14-21)
5Fuwurawadǝ bǝrǝm faljane ci todǝro koyeranniya, ngessane burodi ngojanniro asuyera. 6Daji Isaye tayiro: «Yis Farisawa-a Sadusiya-ayero hangal gǝnanowo!» yeno. 7Tayidǝ kattenjan: «Burodi ngoniyende nangaro ngai wulji,» cane mana badiyera. 8Isa adǝa asuje tayiro: «Nayi kambǝrse ganaaso, awiro kǝla burodi nandon bawoyen kattendon mananuwidǝ? 9Ra, kua yaye asunuwwi wa? Burodi uwu am dǝwu uwuro dagargaadadǝ-a jowo ndawu cammuwwa-adǝa ngessuwwa wa? 10Ra, burodi tulur am dǝwu dewuro dagargaadadǝ-a jowo kalaram ndawu cammuwwa-adǝa ngessuwwa wa? 11To, awiro gǝle asunuwwidǝ? Wu kǝla burodiyen gǝni mananjagakki, yis Farisawa-a Sadusiya-ayero hangal gǝnanowo yekko!» 12Daji fuwurawadǝ yis burodiyero gǝni, alamdu Farisawa-a Sadusiya-ayero hangal gǝnaja wuljǝgǝnaro asuyera.
Biturusse Isama Almasiwu Alayedǝ woro asudu
(Mar 8.27-30; Luk 9.18-21)
13Isa cije cidi bǝrni Kaisariya Filifiyero kadinniya, fuwurawanjuro: «Wunduro Tada Kambedǝa amsodǝ ngoyera?» cǝne tayia kiworo. 14Tayiye: «Am laa Yahaya Kasalama cani, laa ye Nawi Iliya cani, laa ye Nawi Irimiya bi nawiya kureye falnja cani,» yera. 15Tiye: «Nayidǝ, wunduro wua ngosew?» cǝne tayia kiworǝnniya, 16Siman Biturusse: «Nima *Almasiwu Tada Ala Kǝndǝgaimayedǝ wo!» yeno. 17Daji Isaye tiro: «Barganǝm Siman tada Yunusse, dalilnjudǝ kam gǝni, Bawani Mai Samema adǝa isanonjǝgǝna nangaro. 18Niro wulnjǝgǝkki, nima Biturus,#16.18 Biturus - Maananjudǝ kau. kǝla kau adǝyeman#16.18 kau adǝ - Awo Biturus wuljǝnadǝ. jama kakke tandǝkki,#16.18 jama kakke tandǝkki - Am duwon Isa tayia capce fuwurawanjuro waljane mananju ye jagaidǝ. koro kǝnduwo jaanamaye kǝlanjan kǝnnasar cuwandiwawo. 19Niro nodo bargaa Mai Samemaye cuwurambanju#16.19 cuwuramba - Kǝnduwo. njikki. Awi duwon dunian gerǝmidǝ same yen tikkerǝna, koro awi duwon dunian wuinǝmidǝ same yen wuidǝna,» yeno. 20Daji Isa sǝmonja kasse tayiro bare wundumaro tima Almasiwudǝ woro wuljaganni yeno.
______________________________________________________________________
Kalmaram: Almasiwu Alaye
Maana Almasiwuyedǝ kam kǝndawulan samgada. Jaman kureyen Ala kam laaa kǝreje mai jama Israyilawuyero cǝdiya, nawi bi ɍiman kuraa cakke fuwu jamayen kǝla kamdǝyero kǝndawu jaitunne fijiye samjiyi. Adǝ noduwuram Kǝmande kamdǝa jama Alayea cunodoro kǝreje galajǝnaye. Kam ngailan maijǝnadǝa Almasiwu Alayen bowojai.
Ci nawiyayen Kǝmandeye kam laa maiya jaman kureyesodǝa daraja-a kǝnduwo-an kojǝnaa jamanjuro juwajiyi yeno. Kam adǝ yea Almasiwu Alayen bowojai, dalilnjudǝ Kǝmande tiro Ruhunju cakke wakkilnjuro galajǝna nangaro. Tǝlam nasaralan Almasiwudǝa Kǝristilan bowojai. Kidanju cu Kǝmandeyen jama Alayea jawal jireyen nodo, koro nodo bargaa Alayea dunia ngaro tarduwu. Adǝ nangaro yaudiya jaman adǝyen Isaa Almasiwu ye, Mai Israyilaye yelan bowoyera. Almasiwu Alaye-a Mai Israyilaye-a yindi samma kaala Bargaande Isa Wakkil Alayedǝye.
Isaye kǝla karmonju-a cidunju-ayen wuldu
(Mar 8.31–9.1; Luk 9.22-27)
21Kua adǝn fuwun Isa fuwurawanjuro Ala kadarjǝna Jerujalembo leje mukko amwurawa-a wurawa ɍimannaye-a malǝmba Attauraye-ayen kuttu tai daje cane tia roro ceyesi, koro kawu yakkua roaro walje ciji cǝne tayia alamdu badiyeno. 22Daji Biturus tia sǝgǝriro cuttuluwe jǝkkade: «A! Ala nia adǝro damnjuwo, Kǝma! Adǝ tǝmmaro niro wakkanjiyiwawo!» yeno. 23Amma Isa suworde Biturusso: «Nani kolle, Yiwulis! Jawalnilan takkallo walsǝgǝmma. Awo karwunǝmlan tammadǝ Alaye gǝni, kambe!» yeno.
24Daji Isaye fuwurawanjuro: «Kam laa wua ga cǝraanaa, mǝradu kǝlanjuye wajo kǝskanju karmoye#16.24 kǝska karmoye - Kǝska duwon tiro kam jajagane nuidǝ. ngojo wua sǝga. 25Dalilnjudǝ wundu duwon ronju ɍiwo cǝraanamadǝ ronjudǝa cuwatki, amma wundu duwon wu nangaro ronju cuwatkǝnamadǝ ronjudǝa cuwandi. 26Kam dunia adǝ ngaa jǝgande ronju asarjiya, nda riwanju? Ra, awi gǝle kam ce ronju cuwandi? 27Dalilnjudǝ Tada Kambedǝ curo daraja Bawanjuyen malaiyawanju-a rokko isiya, daji wundu yayero kǝla awo cǝdǝnasoyen kalkallo ci nangaro. 28Jiremaro nayiro wulnjagakki, am laa na adǝn daada mbeji, kawu kawunja dajidǝro, Tada Kambedǝye nodonju bargaa walde isi carui,» yeno.
Nke Ahọpụtara Ugbu A:
Matiyu 16: kby
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© (Active), SIM International