Эвел 36
36
Исавдин наслар
1Магьа Исавдин – дугъаз Эдумра кӀуйи – тухмикан ихтилат. 2Исавди чаз хананей дишагьлийир дитнийи. Дурарикан сар хпир хеттжви Элундин риш Ада вуйи, кьюрпир – хиввейжви Цивеундин хтул ва Анагьдин риш Угъливам вуйи. 3Гьацира дугъу чаз, Неваютдин чи вуйи Исмаилин риш Басемат дитнийи. 4Адайикан Исавдиз Элифаз гъахьнийи, Басематдикан – Реуэл, 5хъа Угъливамдикан – Яуш, Ялам ва Кюрей. Мурар Исавдиз Ханаандиъ чан хпарикан гъаши баяр вуйи.
6Исав, чав Ханаандиъ уч гъапӀу вари девлет хьади, чан гъардаш Якьубдин багарихьан гьудучӀвну, жара уьлкейиз удучӀвну гъягъюру. Дугъу чахьди вари мутму, малар-марччарин лижар-сюрйир, чан вари адмийир, чан хпар, баяр, шубар гъурхнийи. 7Му кьюрид чвйириз гьадмукьан мутму айики, сарун дурар кьюридра чиб али жилиин улуршури имдайи. Дурарихьан сатӀиди яшамиш хьуз шули адайи: жил кьюридин мал-къарайиз гьубкӀри имдайи. 8Исав Сеир дагъдихь ерлемиш шулу. Исавдиз Эдумра кӀури шулу.
9Магьа эдумарин аьхю аба, Сеир дагълариъ яшамиш гъаши Исавдин тухмикан ихтилат. 10Исавдин баяр: Элифаз – Адайикан вуйи Исавдин бай, ва Реуэл – Басематдикан вуйи Исавдин бай. 11Элифаздин баяр: Теман, Умар, Цефу, Гатам ва Кеназ. 12Элифаздин бицӀину хпир Тимнайи Элифаздиз Амалек кӀуру бай хуру. Мурар Адайикан вуйи Исавдин худлар вуйи. 13Реуэлин баяр: Нахат, Зерах, Шамма ва Миза – мурар, Басематдикан вуйи Исавдин худлар вуйи. 14Цивеундин бай Анагьдин риш Угъливамдикан Исавдиз Яуш, Ялам, Кюрей гъахьнийи.
15Магьа Исавдин насларин ханар: Исавдин сарпи бай Элифаздин наслар: Теман, Умар, Цефу, Кеназ, 16Кюрей, Гатам ва Амалек. Дурар Эдумдиъ яшамиш шулу. Дурар Адайин худлар, Элифаздин наслар вуйи. 17Исавдин бай Реуэлин баяр: Нахат, Зерах, Шамма, Миза. Дурар Эдумдиъ яшамиш шулу. Дурар Исавдин хпир Басематдин худлар, Реуэлин наслар вуйи. 18Угъливамдикан вуйи Исавдин наслар: Яуш, Ялам ва Кюрей – мурар, Анагьдин риш, Исавдин хпир вуйи Угъливамдилантина гъахьи ханар ву. 19Гьамцдар ву Исавдин (яни – Эдумдин) наслар ва дурарин ханар.
20Гьадму уьлкейиъ яшамиш гъаши хоррейжви Сеирин баяр: Лутан, Шувал, Цивеун, Анагь, 21Дишун, Эцер ва Дишан. Мурар, Эдум уьлкейиъ яшамиш гъахьи хоррейжви Сеирин насларин ханар ву. 22Лутандин баяр Хури ва Хемам вуйи. Тимна Лутандин чи вуйи. 23Шувалин баяр: Алван, Манахат, Гевал, Шефу ва Унам. 24Цивеундин баяр: Ай ва Анагь. Му Анагь, чав чпин адаш Цивеундин дажйирихъ хъайиган, чюлиъ чаз мани штар айи булагъ гъибихъу Анагь ву. 25Анагьдихъ Дишун кӀуру бай ва Угъливам кӀуру риш хъайи. 26Дишундин баяр: Хемдан, Эшбан, Итран ва Керан. 27Эцерин баяр: Билхан, Зааван ва Акан. 28Дишандин баяр: Уц ва Аран. 29Хорреярин ханар: Лутан, Шувал, Цивеун, Анагь, 30Дишун, Эцер ва Дишан. Мурар Сеир жилариин яшамиш гъахьи хорреярин ханар ву.
Эдумдин паччгьар
31Магьа израилариз паччгьар хьайиз, Эдумдин аьхювал апӀури гъахьи паччгьар. 32Сифте Эдумдиъ Беурин бай Бели паччагьвал апӀури гъахьну. Хъа дурарин меркездиз Динхава кӀури гъахьну. 33Бел гъачӀиган, дугъан йишвʼин, Буцрайиан вуйи Зерахдин бай Явав паччагь гъахьнийи. 34Явав гъачӀиган, Темандин насларин уьлкейиан вуйи Хушамдикан паччагь гъахьнийи. 35Хушам гъачӀиган, мидьянар Муав дюзенериъ дагъитмиш гъапӀу Бедаддин бай Хададдикан паччагь шулу. Дугъан меркездиз Авит кӀуйи. 36Хадад гъачӀиган, Масрекийиан вуйи Самлайи паччагьвал апӀуру. 37Самла гъачӀиган, нирин гъвалахъ хъайи Рехувутдиан вуйи Шаули паччагьвал апӀуру. 38Шаул гъачӀиган, Ахбурин бай Баал-Хананди паччагьвал апӀуру. 39Ахбурин бай Баал-Ханан гъачӀиган, Хадари паччагьвал апӀуру. Дугъан меркездиз Пау кӀуйи. Хъа дугъан хпириз Мехетавел кӀуйи. Мехетавелин дадайиз Матред кӀуйи, хъа Матреддин адашдиз Мезахав кӀуйи.
40Магьа Исавдин насларикан гъахьи, чпин тухмарин, чиб яшамиш гъаши йишварин жа-жаради вуйи ханарин ччвурар: Тимна, Алва, Ятет, 41Угъливам, Элагь, Пинун, 42Кеназ, Теман, Мивцар, 43Магдиэл, Ирам. Гьацдар ву Эдумдин ханар ва дурарин хилиъ ади гъаши йишварин ччвурар. Эдумарин аьхю аба Исав вуйи.
Nke Ahọpụtara Ugbu A:
Эвел 36: ТабГК
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Институт перевода Библии, 2010, 2013, 2016, 2018, 2023