KENESE 8
8
Ko 'Masa te Lofiaga
1Ne seki puli i te Atua a Noa mo manu katoa i te vaka; ne fakaagi ne ia te matagi, ko te vai eiloa ko kamata o fanaifo o 'masa. 2A alavai o te vai i lalo ifo o te laukele, e pela foki mo matavai i te lagi ko 'pono katoa. 3Ne gata te vaiua, ko te vai eiloa ko gasolosolo malie o masa e tusa mo te selau limasefulu aso. 4I te po sefulu fitu o te fitu o masina, ne kasa ei te vaka i te ulu o te atumauga o Alalata. 5Ne gasolo ifo eiloa te vai ki lalo, kae i te aso muamua o te sefulu o masina, ne 'sae ei a ulu o mauga.
6I te katoaga o te fasefulu o aso, ne tala ne Noa te famalama 7kae fakaeva atu ne ia a te oleva. Ne seki foki te oleva ki te vaka, kae ne evaeva eiloa ke oko eiloa ki te taimi ne 'masa ei te vai. 8Ne toe fakaeva atu ne Noa a te lupe, ke iloa aka me ko masa lei eiloa te vai me ikai. 9Ne seki maua se koga o te lupe mo ona tu, me i te laukele koi 'sua eiloa i te vai, tela ne toe foki ei te lupe ki te vaka, kae 'kapa atu te lima o Noa o puke mai ki loto. 10Ne fakatali a Noa i aso e fitu, toe fakaeva atu ei ne ia a te lupe. 11Ne foki mai te lupe i te afiafi mo te kaula o te olive e u i tena gutu. Tena, ko iloa ei ne Noa i te vai ko gasolo ifo eiloa o 'masa. 12Ne toe fakatalitali a ia i ne aso e fitu, toe fakaeva ei ne ia te lupe; i te evaatuga tena, seki toe foki mai eiloa.
13I te katoaga o te 601 tausaga o Noa, i te po muamua o te masina muamua, ne masa ei te vai. Ne 'tala ne Noa te fale o te vaka, kilokilo ifo ki te laukele, lavea ei ne ia i te vai ko fano eiloa o 'masa. 14I te po luasefulu fitu i te lua o masina, ne 'masapakupaku ei te vai i luga i te laukele.
15Muna a te Atua ki a Noa, 16“Ulu ki tua mo te vaka, fakatasi mo tau avaga, au tama tagata, mo olotou avaga. 17Puke atu ki tua a manu eva katoa, mo manu vaefa katoa, ko te mea ke fanafanau kae salalau i luga i te lalolagi.” 18Tela ne ulu ifo ei a Noa ki tua mo te vaka fakatasi mo tena avaga, ana tamaliki tagata mo olotou avaga. 19A manu vae fa katoa mo manu eva ne solo ifo ki tua mo te vaka i olotou itukaiga eiloa.
Ko Ofo atu ne Noa se Taulaga
20Ne faite ne Noa se fata-fai-taulaga mo fai tena taulaga ki te Aliki. Ne puke aka ne ia e tasi te manu mai vaega kesekese o manu kola e 'ma i faiga o tapuakiga, manu vaefa mo manu eva, kae sunu katoa i luga i te fata-fai-taulaga mo fai tena taulaga ki te Aliki. 21Ne fiafia te Aliki ki te manogi o te taulaga, tela ne fai ifo a ia ki a ia eiloa penei, “Ka se toe fakamalaia ne au te lalolagi katoa mai luga i agasala a te tino e fai. E iloa ne au me i te taimi koi foniki ei a ia, a tena mafaufau e se 'lei. Ka se toe 'ta fakapalele ne au a mea ola katoa, e penei mo taku mea ne fai atu nei. 22Ka tumau faeloa i te lalolagi a aso e toki ei lakau mo aso e kati ei. Ka tumau foki te moko mo te vela, te 'tau vela mo te 'tau moko e pela foki te ao mo te po.”
Nke Ahọpụtara Ugbu A:
KENESE 8: Tusi Tapu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Tuvalu Revised Bible © Bible Society in the South Pacific
KENESE 8
8
Ko 'Masa te Lofiaga
1Ne seki puli i te Atua a Noa mo manu katoa i te vaka; ne fakaagi ne ia te matagi, ko te vai eiloa ko kamata o fanaifo o 'masa. 2A alavai o te vai i lalo ifo o te laukele, e pela foki mo matavai i te lagi ko 'pono katoa. 3Ne gata te vaiua, ko te vai eiloa ko gasolosolo malie o masa e tusa mo te selau limasefulu aso. 4I te po sefulu fitu o te fitu o masina, ne kasa ei te vaka i te ulu o te atumauga o Alalata. 5Ne gasolo ifo eiloa te vai ki lalo, kae i te aso muamua o te sefulu o masina, ne 'sae ei a ulu o mauga.
6I te katoaga o te fasefulu o aso, ne tala ne Noa te famalama 7kae fakaeva atu ne ia a te oleva. Ne seki foki te oleva ki te vaka, kae ne evaeva eiloa ke oko eiloa ki te taimi ne 'masa ei te vai. 8Ne toe fakaeva atu ne Noa a te lupe, ke iloa aka me ko masa lei eiloa te vai me ikai. 9Ne seki maua se koga o te lupe mo ona tu, me i te laukele koi 'sua eiloa i te vai, tela ne toe foki ei te lupe ki te vaka, kae 'kapa atu te lima o Noa o puke mai ki loto. 10Ne fakatali a Noa i aso e fitu, toe fakaeva atu ei ne ia a te lupe. 11Ne foki mai te lupe i te afiafi mo te kaula o te olive e u i tena gutu. Tena, ko iloa ei ne Noa i te vai ko gasolo ifo eiloa o 'masa. 12Ne toe fakatalitali a ia i ne aso e fitu, toe fakaeva ei ne ia te lupe; i te evaatuga tena, seki toe foki mai eiloa.
13I te katoaga o te 601 tausaga o Noa, i te po muamua o te masina muamua, ne masa ei te vai. Ne 'tala ne Noa te fale o te vaka, kilokilo ifo ki te laukele, lavea ei ne ia i te vai ko fano eiloa o 'masa. 14I te po luasefulu fitu i te lua o masina, ne 'masapakupaku ei te vai i luga i te laukele.
15Muna a te Atua ki a Noa, 16“Ulu ki tua mo te vaka, fakatasi mo tau avaga, au tama tagata, mo olotou avaga. 17Puke atu ki tua a manu eva katoa, mo manu vaefa katoa, ko te mea ke fanafanau kae salalau i luga i te lalolagi.” 18Tela ne ulu ifo ei a Noa ki tua mo te vaka fakatasi mo tena avaga, ana tamaliki tagata mo olotou avaga. 19A manu vae fa katoa mo manu eva ne solo ifo ki tua mo te vaka i olotou itukaiga eiloa.
Ko Ofo atu ne Noa se Taulaga
20Ne faite ne Noa se fata-fai-taulaga mo fai tena taulaga ki te Aliki. Ne puke aka ne ia e tasi te manu mai vaega kesekese o manu kola e 'ma i faiga o tapuakiga, manu vaefa mo manu eva, kae sunu katoa i luga i te fata-fai-taulaga mo fai tena taulaga ki te Aliki. 21Ne fiafia te Aliki ki te manogi o te taulaga, tela ne fai ifo a ia ki a ia eiloa penei, “Ka se toe fakamalaia ne au te lalolagi katoa mai luga i agasala a te tino e fai. E iloa ne au me i te taimi koi foniki ei a ia, a tena mafaufau e se 'lei. Ka se toe 'ta fakapalele ne au a mea ola katoa, e penei mo taku mea ne fai atu nei. 22Ka tumau faeloa i te lalolagi a aso e toki ei lakau mo aso e kati ei. Ka tumau foki te moko mo te vela, te 'tau vela mo te 'tau moko e pela foki te ao mo te po.”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Tuvalu Revised Bible © Bible Society in the South Pacific