Iuanna Iuanna
Iuanna
OIuanna pokat nti iul woIeccuo iattul ana ikken keꞌra. Kwokurrot atham enni akwittarot ul woIouth ana opilingon akin occokot lon loIeccuo. Kwerethe lon loppot ilommaththik ila oIeccuo pokkothe, ana thongkene itha kwongkenet. Elli lakene itti oIeccuo pokat pul iponyi ana kwokat Kapik cakuruk.
Atham wuroko ncik nthokene lon itti oIeccuo pokat lon loKapik, ana manna thothïot thon nocapu ncik appik. Ana itti thio thung thaka papu pothokiot ngüccük cik ipaneko lon ilokithak, lonocapu ncik appik. Ana itti ook oMiccie ipa thao thung therettathe inthatham nomaꞌrot.
OIuanna peret thongat thoIeccuo itha kwongothe ul iammakothok kicce ana lon lung ilapiet kin cik cipin akkwarthuk occokittat (Kuꞌrathal 13-17). Atham wacothok lon ntheret kathar ika oIeccuo pakkmakot ngngin ana okkwettat nothapak. Ana tat akka kurokot nti ithio ana akka kumminthet ul iammakothok maꞌri moppot.
Nke Ahọpụtara Ugbu A:
Iuanna Iuanna: Lumun
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
´© (Active), Wycliffe Bible Translators, Inc. All rights reserved