Kejadian 5
5
Adam en dogo’gwe a’ge wene
1 #
Kej. 1:27,28 Adam en dogo’gwe a’ge ebano enebe yu. (At Allah en aphwami walentasulat e, at ebe ’gela’ge walentesi.) 2#Mat. 19:4; Mrk. 10:6At en ap walhasulat, hwe walhasulat, toluk e, enebam ede aganhan poluk e,
“Is ononuk aphwami o,” oluk ononuk tualenebegei. 3At Adam umur 130 tahun pam, omlogo at ebe ’gela’ge deregeitik e, onuk Set tualegei. 4Asogo tegeirik pobuk Adam 800 tahun emin elaluk welaga. Welat e, eiyagai logon enemin dagenebegeitik e, 5umur 930 tahun pam arat waraga.
6At Set ano umur 105 tahun pam, at omlogo mesik onuk Enos deregeitik e, 7807 tahun logon emin elaluk welaga. Welat e, eiyagai logon enemin dagenebegeitik e, 8umur 912 tahun pam arat waraga.
9Enos umur 90 tahun pam, omlogo mesik onuk Kenan deregeitik e, 10nin pobuk 815 tahun emin elaluk welat, at eiyagai logon emin dagenebegeitik e, 11umur 905 tahun pam arat waraga.
12At ap Kenan ano umur 70 pam omlogo onuk Mahalaleel deregeitik e, 13nin pobuk 840 tahun logon emin welat, at eiyagai logon emin dagenebegeitik e, 14umur 910 tahun pam arat waraga.
15At ap Mahalaleel ano umur 65 tahun pam omlogo mesik onuk Yared deregeitik e, 16nin pobuk 830 tahun logon emin elaluk welat at eiyagai logon emin dagenebegeitik e, 17umur 895 pam arat waraga.
18At ap Yared ano umur 162 tahun pam omlogo mesik onuk Henokh deregeitik e, 19nin pobuk 800 tahun emin elaluk welat, at eiyagai logon emin dagenebegeitik e, 20umur 962 pam arat waraga.
21At ap Henokh ano umur 65 tahun pam omlogo mesik onuk Metusalah deregei. 22Asogo deregeitik e, at Allah emin modok hwedik welat 300 tahun logon emin elaluk welaga. At en eiyagai logon enemin dagenebegei. 23At umur 365 tahun elaluk welaga. 24#Ibr. 11:5; Yud. 1:14At elaluk welat Allah emin hwedik modok oruakhwe, Allah en woluk libagama erlak aga.
25At ap Metusalah ano umur 187 tahun pam, omlogo mesik onuk Lamekh deregeitik e, 26nin pobuk 782 tahun logon emin elaluk welat at en eiyagai logon enemin dagenebegeitik e, 27umur 969 tahun pam arat waraga.
28At ap Lamekh ano umur 182 tahun pam omlogo mesik deregeitik e, 29at en e, disogo egei,
“’Gwiangma yema at Nenaik ’gain Onuk Logo a’ge en heman pesimu, malik yu en yabuk e’ginsogo wogu lege a’ge ai nis set hwaluagoluk obapnonobua o,” oluk egeimu no oluk e, at onuk Nuh tualegei. 30Nin pobuk at ap Lamekh ano 595 tahun logon emin welaga. At en eiyagai logon enemin dagenebegeitik e, 31umur 777 pam arat waraga.
32At ap Nuh ano umur 500 tahun toluk e, eiyagai henagan, Sem emin, Ham emin, Yafet emin, dagenebegei.
Nke Ahọpụtara Ugbu A:
Kejadian 5: Wul
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye