Matiu 4
4
Setani ko zolizolievo vo Jisu
(Maka 1:12-13; Luke 4:1-13)
1Nio vo Jisu ko bapitaiso ko tova, inio vo Tabu ala Auvana ta o odievake vo lealea kama zaekale tu Setani ta o zolizolievo vo. 2Nio Jisu ta ariku toni ṉaniu ni ariku toni ipu o evake sai, melai vota pulia quli o kuake, so sole vota ota matu luapake. 3So keru nio vo Setani ta o baroake vokasi ni o zolizolievake vo ni eri kiolake, “Ṉota vo Baṉara vo Meqora ṉa sole bazueka komia lado tu sailao ko elo,” kiolake.
4Melai vo Jisu ta o vati tiorikake ni eri va kiolake, “Ko Tabu ama Riki kikolani ta eri nio, ‘Maba ta pui o rovea saevo sailao kale ko kiada. Melai voko zoriko kale kiadama vo Baṉara ko bazubazu inio o saevou,’ ” kiolake.
5Nio vo Setani ta o vati olake vo Jerusalema, Baṉara ko Tabu ama Peuru kale, ni vota o lojoevake vo Jisu Jelepade ko matu okate ama volei kale. 6Sai nio eri va kiolake, “Ṉota vo Baṉara vo meqora ṉa sole ṉota joupare koi kazo. Ako ko Tabu ama Riki kikolani ta, ‘Baṉara ta o bazuemou voko mateana poso tu seta ke ṉati vailou ṉo.’ Ni mata kota eri nio kikolani, ‘Seta ke zolaeṉou ṉo seko ṉase kale ni ṉoko kiti melai pui kopa taṉa sasa qoriziovou lado topi,’” kiolake vo Setani.
7Melai vo Jisu ta o vati tiorikake ni eri va kiolake, “Melai ko Tabu ama Riki kikolani ta mata eri nio, ‘Ṉota pui ṉo madoevou ṉovo Baṉara vo ṉovo Lekasa tu tava kelo voko aqasiele ama iruruputo ṉoko sarube ama kalo kale,’ ” kiolake.
8Nio vo Setani ta mata o vati kailake vo Jisu matu okate ala sopu ko toubana kale ni vota ova kasekake kiadama komia peuru ma peuru kale ama matumatuma peuru poso ni toutou poso ni koko ṉaṉaidara. 9Nio vo Setani ta eri kiolake Jisu kasi, “Ṉota ṉola loqunou aṉa, ni ṉo ilusilou aṉa, inio aṉata a qatiṉou koa kiadama quli ko ṉoṉo qeako.”
10Melai vo Jisu ta o vati tiorikake ni eri va kiolake, “Ose, Setani! Ako ko Tabu ama Riki kikolani ta eri nio sole, ‘Ilusiva vo Baṉara vo ṉovo Lekasa ni va nabulupute vo o kiada!’” kiolake.
11So sole vo Setani ta o vaevake vo Jisu ni se mateana madu ta ke kuevake tauvevole vo.
Jisu ko tanieko voko iruruputo Qalili rana
(Maka 1:14-15; Luke 4:14-15)
12Nio vo Jisu ta ota va viqake Jone ta ke amaqiva pirito pade kale nio vota ota olake Qalili rana. 13Vota o olake Nazareti peuru kale, melai sai kazo inio ota vatutake tu o elo Keponeami peuru kale Qalili toupa ko ketaketa, koa omuqa toutou Zebuloni ni Napitalai ko vikuvikula miduku kale. 14Ni vo Jisu ta o evake sai koa peuru kale. So inio vo poropita Aisea kiovevo ta tuvevo ko evake, ko eri ka kiovema;
15“Zebuloni ni Napitalai toutou ko miduku kalea mela
toupa kale ko baroako keve kalea mela, sai Jodani ka pake
Qalilia mela, sai se pui Jiu amu ke evakoi zamela.
16Meme jaevani mela kutumana kale
ta me qelou ko aqasiele ama zakaremu,
me mebeta evani mela vou ko kutumana kale
ko melai talolou ko zakaremu,” ka kiovema.
17So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.
Jisu ko nokaemo ariku abu ko maba madu
(Maka 1:16-20; Luke 5:1-11)
18Ni vo Jisu ta opeta ketaina Qalili toupa ko ketaketa, nio vota o keake Saimone, kama pado voko ṉi ta Pita, ni vovo visi Aduru. Nioqa tamania ta abu ko maba kidi, so sole nioqata qopeta sabaoke toupa kale. 19Nio vo Jisu ta eri kiolake nioqa kasi, “Kueko tu lulueloko aṉa. Ako qeta niuniu ko abu ko maba kidi qela melai erisaṉa aṉata a qelati nianiiekikou ko maba ko odiemo aṉa kasi,” kiolake. 20So sole koa taku kale inio nioqata qo vaekake nioqako saru ni koa ziole qo luluevake vo.
21Nio vo Jisu ta mata o sasa vatutake ni vota o keake mata kainioqa tamania Jemisi ni Jone, vo Zebeti ko meqora kidi. Nioqa tamania ni nioqavo mama Zebeti ta koaka kale kebe vuarikake seko saru inio Jisu ta o nokaekake nioqa ni eri kiolake, “Kueko tu lulueloko aṉa.” 22So sole koa omadeuma taku kale inio nioqa tamania ta qo vaekake nioqako koaka ni nioqavo mama ni koa ziole qo luluevake vo Jisu.
Jisu ko nianiiekato ni bazubazuto ni voko urikimo se vere amu
(Luke 6:17-19)
23Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu. 24So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu. 25Sokale avo inio koa matuma vaki ta ko luluevake vo Jisu, ni seta Qalili rana mu, ni koa Tonipeuru kale azo amu, ni sea Jerusalema mu, ni mata kama peuru poso kale amu Jiudia rana mu, ni se Jodani sukuru ka pake amu.
Nke Ahọpụtara Ugbu A:
Matiu 4: BLBNT
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The New Testament in the Bilua language, Solomon Islands © The Bible Society of the South Pacific, 1995.
Matiu 4
4
Setani ko zolizolievo vo Jisu
(Maka 1:12-13; Luke 4:1-13)
1Nio vo Jisu ko bapitaiso ko tova, inio vo Tabu ala Auvana ta o odievake vo lealea kama zaekale tu Setani ta o zolizolievo vo. 2Nio Jisu ta ariku toni ṉaniu ni ariku toni ipu o evake sai, melai vota pulia quli o kuake, so sole vota ota matu luapake. 3So keru nio vo Setani ta o baroake vokasi ni o zolizolievake vo ni eri kiolake, “Ṉota vo Baṉara vo Meqora ṉa sole bazueka komia lado tu sailao ko elo,” kiolake.
4Melai vo Jisu ta o vati tiorikake ni eri va kiolake, “Ko Tabu ama Riki kikolani ta eri nio, ‘Maba ta pui o rovea saevo sailao kale ko kiada. Melai voko zoriko kale kiadama vo Baṉara ko bazubazu inio o saevou,’ ” kiolake.
5Nio vo Setani ta o vati olake vo Jerusalema, Baṉara ko Tabu ama Peuru kale, ni vota o lojoevake vo Jisu Jelepade ko matu okate ama volei kale. 6Sai nio eri va kiolake, “Ṉota vo Baṉara vo meqora ṉa sole ṉota joupare koi kazo. Ako ko Tabu ama Riki kikolani ta, ‘Baṉara ta o bazuemou voko mateana poso tu seta ke ṉati vailou ṉo.’ Ni mata kota eri nio kikolani, ‘Seta ke zolaeṉou ṉo seko ṉase kale ni ṉoko kiti melai pui kopa taṉa sasa qoriziovou lado topi,’” kiolake vo Setani.
7Melai vo Jisu ta o vati tiorikake ni eri va kiolake, “Melai ko Tabu ama Riki kikolani ta mata eri nio, ‘Ṉota pui ṉo madoevou ṉovo Baṉara vo ṉovo Lekasa tu tava kelo voko aqasiele ama iruruputo ṉoko sarube ama kalo kale,’ ” kiolake.
8Nio vo Setani ta mata o vati kailake vo Jisu matu okate ala sopu ko toubana kale ni vota ova kasekake kiadama komia peuru ma peuru kale ama matumatuma peuru poso ni toutou poso ni koko ṉaṉaidara. 9Nio vo Setani ta eri kiolake Jisu kasi, “Ṉota ṉola loqunou aṉa, ni ṉo ilusilou aṉa, inio aṉata a qatiṉou koa kiadama quli ko ṉoṉo qeako.”
10Melai vo Jisu ta o vati tiorikake ni eri va kiolake, “Ose, Setani! Ako ko Tabu ama Riki kikolani ta eri nio sole, ‘Ilusiva vo Baṉara vo ṉovo Lekasa ni va nabulupute vo o kiada!’” kiolake.
11So sole vo Setani ta o vaevake vo Jisu ni se mateana madu ta ke kuevake tauvevole vo.
Jisu ko tanieko voko iruruputo Qalili rana
(Maka 1:14-15; Luke 4:14-15)
12Nio vo Jisu ta ota va viqake Jone ta ke amaqiva pirito pade kale nio vota ota olake Qalili rana. 13Vota o olake Nazareti peuru kale, melai sai kazo inio ota vatutake tu o elo Keponeami peuru kale Qalili toupa ko ketaketa, koa omuqa toutou Zebuloni ni Napitalai ko vikuvikula miduku kale. 14Ni vo Jisu ta o evake sai koa peuru kale. So inio vo poropita Aisea kiovevo ta tuvevo ko evake, ko eri ka kiovema;
15“Zebuloni ni Napitalai toutou ko miduku kalea mela
toupa kale ko baroako keve kalea mela, sai Jodani ka pake
Qalilia mela, sai se pui Jiu amu ke evakoi zamela.
16Meme jaevani mela kutumana kale
ta me qelou ko aqasiele ama zakaremu,
me mebeta evani mela vou ko kutumana kale
ko melai talolou ko zakaremu,” ka kiovema.
17So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.
Jisu ko nokaemo ariku abu ko maba madu
(Maka 1:16-20; Luke 5:1-11)
18Ni vo Jisu ta opeta ketaina Qalili toupa ko ketaketa, nio vota o keake Saimone, kama pado voko ṉi ta Pita, ni vovo visi Aduru. Nioqa tamania ta abu ko maba kidi, so sole nioqata qopeta sabaoke toupa kale. 19Nio vo Jisu ta eri kiolake nioqa kasi, “Kueko tu lulueloko aṉa. Ako qeta niuniu ko abu ko maba kidi qela melai erisaṉa aṉata a qelati nianiiekikou ko maba ko odiemo aṉa kasi,” kiolake. 20So sole koa taku kale inio nioqata qo vaekake nioqako saru ni koa ziole qo luluevake vo.
21Nio vo Jisu ta mata o sasa vatutake ni vota o keake mata kainioqa tamania Jemisi ni Jone, vo Zebeti ko meqora kidi. Nioqa tamania ni nioqavo mama Zebeti ta koaka kale kebe vuarikake seko saru inio Jisu ta o nokaekake nioqa ni eri kiolake, “Kueko tu lulueloko aṉa.” 22So sole koa omadeuma taku kale inio nioqa tamania ta qo vaekake nioqako koaka ni nioqavo mama ni koa ziole qo luluevake vo Jisu.
Jisu ko nianiiekato ni bazubazuto ni voko urikimo se vere amu
(Luke 6:17-19)
23Nio vo Jisu ta okai taliake kiadama zae poso Qalili rana ni vota o mati nianiiekikake se maba poso seko ilusato ko pade kale, ni okai bazubazutake ko Uri ama Bazu vo Baṉara ko lekasa puo ko, ni o urikimake se maba poso kiadama azaazama vere poso samu. 24So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu. 25Sokale avo inio koa matuma vaki ta ko luluevake vo Jisu, ni seta Qalili rana mu, ni koa Tonipeuru kale azo amu, ni sea Jerusalema mu, ni mata kama peuru poso kale amu Jiudia rana mu, ni se Jodani sukuru ka pake amu.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The New Testament in the Bilua language, Solomon Islands © The Bible Society of the South Pacific, 1995.