Eziptɩ tẽw yib 13
13
A tub a mɩnɛ na càarɩ a Tɔl-gãw cuw a
1A Sore tɩ ƴɛ̀r'ɩ a Moyiir zie yel à ŋá: 2«De bʋ̃-dãw-dɔwra za a Ɩsɩrayɛl tẽw pʋɔ kʋ̀ m, bʋ̃ʋ n'ʋ vɛ̃, mãa so pɔw dɛbli-dãw za nɩ dʋ̃w bil-dãw za#13:2 Nyɛ̃ Sɔr-n 3.13 nɩ Luk 2.23..» 3A Moyiir tɩ yel'ɩ a nɩbɛ: «Nyɩ bãwnɩ a dɩ̃a bibir ŋa nyɩ na yi a Eziptɩ a, a be nyɩ na tɩ ɩ gbãgbaar a. A Sore kpãkpãw-kpɛ̃w n'ʋ ʋ ír'ɩ nyɩ yi n a be. Nyɩ bɛ 'wɔbr dipɛ̃ na ƴãw dãbɩl a ɩ. 4A dɩ̃a bibir'a nyɩ yi lo a sɔ́r, a Abɩb cuw pʋɔ.#13:4 Abɩb: A cuw-dãw-niwn sob yúor'ʋ, mɛ̃ a Zãvie a. A ʋ yúor kãw cãà lɛ n'ɩ Nɩsã. 5Nyɩ na mɩ́ tɛr'ɩ a tub ŋa a cuw ŋa tɔr za pʋɔ, a lɛn daar a Sore nãà wa ɩ nyɩ kpɛ a Kanãa tẽw dem tẽw pʋɔ a. A tẽw ŋa mɩ̀ ɩ n a Hititɩ mɩnɛ, a Amoritɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw. A tẽw ŋa n'ʋ a Sore tɩ pɔ a nyɩ sãàkʋm-kore zie k'ʋʋ na kʋ̀ nyɩ na, tẽw bʋ̀rʋ nɩ sɩwr na gbɔlɛ#13:5 Tẽw bʋ̀rʋ nɩ sɩwr na gbɔlɛ a: Nyɛ̃ 3.8. a. 6Nyɩ na 'wɔbr'ɩ dipɛ̃ na bɛ ƴãw dãbɩl a, bibie ayopõi, ɛ́ a bibie ayopõi sob nyɩ maalɩ cuw a Sore ƴãw. 7A bibie á ŋá pʋɔ a, nyɩ na 'wɔbr'ɩ dipɛ̃ na bɛ ƴãw dãbɩl a. A nyɩ tẽw za pʋɔ a, nɩr bɛ nyɛrɛ dipɛ̃ na ƴãw dãbɩl a ɩ, nɩr bɛ nyɛrɛ dãbɩl ɛ. 8A cuw ŋa maalʋ daar a, manʋ ŋa n'ʋ nyɩ na mɩ́ manɩ kʋ̀ a nyɩ bibiir: “A lɛ a Sore na ɩ a tɩ ƴãw, a lɛn daar tɩ na yi a Eziptɩ a, al ƴãw n'a tɩ ɩrɛ à à ŋá.” 9A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a. 10Fʋ na mɩ́ tu n a nʋɔr ŋa yũon za, a daar ʋl na ƴãw a.»
11A Moyiir tɩ cãà na yel: «A Sore wa tɛr nyɩ kpɛ n a Kanãa tẽw pʋɔ tɩ de ʋ kʋ̀ nyɩ, mɛ̃ a lɛ ʋ na pɔ a nyɩ sãàkʋm-kore zie nɩ a nyɩɩm tɛɛ za zie a, 12a lɛn daar a, nyɩ na mɩ́ de nɩ a nyɩ bidɛb-bɛrɛ za nɩ a nyɩ dʋn bʋ̃-dãw-dɔwrɩ za kʋ̀ ʋ: ʋlɛ so a bʋ̃-daar. 13Ɛcɛ bõw bil-dãw wa n'ʋ a, nyɩ na nyɔw nɩ pele bɩɩ bʋle lɩɛr'ɩ ʋ, bɩɩ nyɩ na ŋmɛ ʋ nɩ a kpalimí kʋ#13:13 Ŋmɛ ʋ nɩ a kpalimí kʋ: A bõw tɩ ɩ n dʋ̃-dɛwr a Ɩsɩrayɛl nɩbɛ zie. Bɛ kʋ̃ tʋ̃ɔ́ kʋ ʋ kʋ̀ a Naaŋmɩn ɛ. Alɛ so bɛ mɩ́ tɩ tɛw nɩ pele bɩɩ bʋle, bɩɩ ŋmɛ ʋ kʋ. A nɩbɛ bidɛb-dãw-dɔwrɩ ya deb: Nyɛ̃ Sɔr-n 18.16.. Ɛcɛ, nyɩ na mɩ́ ya na de a nɩbɛ bidɛb-dãw-dɔwrɩ za. 14A nyɩ bibiir wa sowre nyɩ nɩdaar kãw: “Bʋnʋ ƴãw n'a nyɩ mɩ́ ɩ à à ŋá?” Nyɩɩm sɔw bɛ: “A Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ, a be tɩ na tɩ ɩ gbãgbaar a. 15A Faarawɔ̃ tɩ kpãa nɩ tobr bɛ sàwr na bɛr tɩ tɩ cen ɛ. Lɛ n'a a Sore tɩ ɩ a Eziptɩ tẽw bʋ̃-dãw-dɔwrɩ za a kpi, a nɩsaalbɛ bidɛb-dãw-dɔwrɩ tɩ lãwnɩ a dʋn bʋ̃-dãw-dɔwrɩ. A lɛ n'a so, dʋ̃-daa za na dãw dɔw a, tɩ mɩ́ maal'ɩ ʋ nɩ bàwr kʋ̀ a Sore, ɛ́ ya de dɛbli-dãw-dɔwra za.” 16A bagɛ á ŋá na ɩ na nyɩ cãà bãwnɩ a, a mɩ̀ na ɩ n bãwfʋ nyɩ ƴãw a a nyɩ kpãkpãw ƴãw nɩ a nyɩ gbẽé. A na ɩ na nyɩ cãà bãwnɩ a k'aa Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ.»
A Sore mɩŋa de nɩ a ʋ nɩbɛ niwn
17A Faarawɔ̃ na wa bɛr a Ɩsɩrayɛl nɩbɛ bɛ cen a, a Naaŋmɩn bɛ ɩ bɛ de a Filisɩtɛ̃ mɩnɛ tẽw sɔ́r#13:17 Filisɩtɛ̃ mɩnɛ sɔ́r: A sɔ́r ŋa n'ʋ tɩ ɩ a sɔr-ŋmãa na cere a tẽw a Naaŋmɩn na yel k'ʋʋ na kʋ̀ n a Ɩsɩrayɛl nɩbɛ a. Ɛcɛ, a Filisɩtɛ̃ mɩnɛ zɛbr bome tɩ gãw nɩ a Ɩsɩrayɛl nɩbɛ zɛbr bome. ɛ, ʋ na saa tɩ ɩ a sɔr-ŋmãa a. Bʋ̃ʋ n'ʋ vɛ̃, ʋ tɩ tɩ́ɛr'ɩ ʋ pʋɔ à ŋá: «A nɩbɛ nãà mab'a nyɛ̃ a zɛbr a na fɛr kɛ́ bɛ zɛb a, yel kɛ́ bɛlɛ tɩ bãw kɛ́ lɛ, ɛ́ lɛb cen a Eziptɩ.» 18A lɛ n'a so ʋ tɛr bɛ gʋɔr'ɩ tu n a Bàa-kɛkɛɛ kʋ̃ɔ-kpɛ̃ɛ wɛja-kpalɛ lowr. A Ɩsɩrayɛl nɩbɛ tɩ tɛr'ɩ zɛbr bome vla vla yi n a Eziptɩ. 19A Moyiir tɩ de nɩ a Zuzɛb kɔbɛ tɛr cen nɩ, bʋ̃ʋ n'ʋ vɛ̃, a Zuzɛb tɩ yel'ɩ a Ɩsɩrayɛl nɩbɛ: «A bɛ tɛr à ŋá ɩ, a Naaŋmɩn nãà sõw nyɩ na. Nyɩ pɔ yel mɛ̃ kɛ́ nyɩ na tɛr'ɩ a ɩ̃ kɔbɛ a lɛn daar cen nɩ#13:19 Nyɛ̃ Yzt 50.25 nɩ Zoz 24.32..»
20A Ɩsɩrayɛl nɩbɛ tɩ yi n a Sukotɩ, ɛ́ cen tɩ maalɩ a bɛ pɛnɛ-sɛwr Etam, a wɛja-kpalɛ nʋɔr. 21A Sore mɩŋa tɩ de bɛ nɩ niwn, mɩ́ ɩ zũzuwr#13:21 Zũzuwr: A wɛja-kpalɛ pʋɔ a, a zũzuwr'ʋ tɩ ɩ a bãwfʋ k'aa Sore be n a ʋ nɩ-bʋʋrɛ pʋɔ. A pùorí a, a wa ɩ n a tɩ-suur-zɔ̃-na-nyùur-vla-vla-a bɛ na mɩ́ nyɩw a zʋ̀ʋ́r. Nyɛ̃ Lev 16.2. na ɩ mɛ̃ kpul a, a mʋ̃tɔ̃w, k'ʋʋ wule bɛ a sɔ́r, ɛ́ ɩ vũu na ɩ mɛ̃ kpul a, a tɩ̃ɩsɔw, k'ʋʋ caalɛ bɛ. À ŋá n'a bɛ tɩ tʋ́ɔr cere mʋ̃tɔ̃w nɩ tɩ̃ɩsɔw. 22A zũzuwr na ɩ mɛ̃ kpul a mʋ̃tɔ̃w a, nɩ a vũu na ɩ mɛ̃ kpul a tɩ̃ɩsɔw a mɩ́ tɩ de bɛ nɩ niwn kʋralɛ.
Nke Ahọpụtara Ugbu A:
Eziptɩ tẽw yib 13: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.
Eziptɩ tẽw yib 13
13
A tub a mɩnɛ na càarɩ a Tɔl-gãw cuw a
1A Sore tɩ ƴɛ̀r'ɩ a Moyiir zie yel à ŋá: 2«De bʋ̃-dãw-dɔwra za a Ɩsɩrayɛl tẽw pʋɔ kʋ̀ m, bʋ̃ʋ n'ʋ vɛ̃, mãa so pɔw dɛbli-dãw za nɩ dʋ̃w bil-dãw za#13:2 Nyɛ̃ Sɔr-n 3.13 nɩ Luk 2.23..» 3A Moyiir tɩ yel'ɩ a nɩbɛ: «Nyɩ bãwnɩ a dɩ̃a bibir ŋa nyɩ na yi a Eziptɩ a, a be nyɩ na tɩ ɩ gbãgbaar a. A Sore kpãkpãw-kpɛ̃w n'ʋ ʋ ír'ɩ nyɩ yi n a be. Nyɩ bɛ 'wɔbr dipɛ̃ na ƴãw dãbɩl a ɩ. 4A dɩ̃a bibir'a nyɩ yi lo a sɔ́r, a Abɩb cuw pʋɔ.#13:4 Abɩb: A cuw-dãw-niwn sob yúor'ʋ, mɛ̃ a Zãvie a. A ʋ yúor kãw cãà lɛ n'ɩ Nɩsã. 5Nyɩ na mɩ́ tɛr'ɩ a tub ŋa a cuw ŋa tɔr za pʋɔ, a lɛn daar a Sore nãà wa ɩ nyɩ kpɛ a Kanãa tẽw dem tẽw pʋɔ a. A tẽw ŋa mɩ̀ ɩ n a Hititɩ mɩnɛ, a Amoritɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw. A tẽw ŋa n'ʋ a Sore tɩ pɔ a nyɩ sãàkʋm-kore zie k'ʋʋ na kʋ̀ nyɩ na, tẽw bʋ̀rʋ nɩ sɩwr na gbɔlɛ#13:5 Tẽw bʋ̀rʋ nɩ sɩwr na gbɔlɛ a: Nyɛ̃ 3.8. a. 6Nyɩ na 'wɔbr'ɩ dipɛ̃ na bɛ ƴãw dãbɩl a, bibie ayopõi, ɛ́ a bibie ayopõi sob nyɩ maalɩ cuw a Sore ƴãw. 7A bibie á ŋá pʋɔ a, nyɩ na 'wɔbr'ɩ dipɛ̃ na bɛ ƴãw dãbɩl a. A nyɩ tẽw za pʋɔ a, nɩr bɛ nyɛrɛ dipɛ̃ na ƴãw dãbɩl a ɩ, nɩr bɛ nyɛrɛ dãbɩl ɛ. 8A cuw ŋa maalʋ daar a, manʋ ŋa n'ʋ nyɩ na mɩ́ manɩ kʋ̀ a nyɩ bibiir: “A lɛ a Sore na ɩ a tɩ ƴãw, a lɛn daar tɩ na yi a Eziptɩ a, al ƴãw n'a tɩ ɩrɛ à à ŋá.” 9A Sore kpãkpãw-kpɛ̃w n'ʋ ʋ ír'ɩ nyɩ yi n a Eziptɩ tẽw. A cuw ŋa na ɩ n cãà-bãwnɩ cuw a nyɩ zie, nɩ bãwfʋ a nyɩ kpãkpãw ƴãw nɩ a nyɩ gbẽé. Ʋ na ɩ na nyɩ bãwnɩ a, a na fɛrɛ nyɩ kɛ́ nyɩ hiere a Sore wulu a. 10Fʋ na mɩ́ tu n a nʋɔr ŋa yũon za, a daar ʋl na ƴãw a.»
11A Moyiir tɩ cãà na yel: «A Sore wa tɛr nyɩ kpɛ n a Kanãa tẽw pʋɔ tɩ de ʋ kʋ̀ nyɩ, mɛ̃ a lɛ ʋ na pɔ a nyɩ sãàkʋm-kore zie nɩ a nyɩɩm tɛɛ za zie a, 12a lɛn daar a, nyɩ na mɩ́ de nɩ a nyɩ bidɛb-bɛrɛ za nɩ a nyɩ dʋn bʋ̃-dãw-dɔwrɩ za kʋ̀ ʋ: ʋlɛ so a bʋ̃-daar. 13Ɛcɛ bõw bil-dãw wa n'ʋ a, nyɩ na nyɔw nɩ pele bɩɩ bʋle lɩɛr'ɩ ʋ, bɩɩ nyɩ na ŋmɛ ʋ nɩ a kpalimí kʋ#13:13 Ŋmɛ ʋ nɩ a kpalimí kʋ: A bõw tɩ ɩ n dʋ̃-dɛwr a Ɩsɩrayɛl nɩbɛ zie. Bɛ kʋ̃ tʋ̃ɔ́ kʋ ʋ kʋ̀ a Naaŋmɩn ɛ. Alɛ so bɛ mɩ́ tɩ tɛw nɩ pele bɩɩ bʋle, bɩɩ ŋmɛ ʋ kʋ. A nɩbɛ bidɛb-dãw-dɔwrɩ ya deb: Nyɛ̃ Sɔr-n 18.16.. Ɛcɛ, nyɩ na mɩ́ ya na de a nɩbɛ bidɛb-dãw-dɔwrɩ za. 14A nyɩ bibiir wa sowre nyɩ nɩdaar kãw: “Bʋnʋ ƴãw n'a nyɩ mɩ́ ɩ à à ŋá?” Nyɩɩm sɔw bɛ: “A Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ, a be tɩ na tɩ ɩ gbãgbaar a. 15A Faarawɔ̃ tɩ kpãa nɩ tobr bɛ sàwr na bɛr tɩ tɩ cen ɛ. Lɛ n'a a Sore tɩ ɩ a Eziptɩ tẽw bʋ̃-dãw-dɔwrɩ za a kpi, a nɩsaalbɛ bidɛb-dãw-dɔwrɩ tɩ lãwnɩ a dʋn bʋ̃-dãw-dɔwrɩ. A lɛ n'a so, dʋ̃-daa za na dãw dɔw a, tɩ mɩ́ maal'ɩ ʋ nɩ bàwr kʋ̀ a Sore, ɛ́ ya de dɛbli-dãw-dɔwra za.” 16A bagɛ á ŋá na ɩ na nyɩ cãà bãwnɩ a, a mɩ̀ na ɩ n bãwfʋ nyɩ ƴãw a a nyɩ kpãkpãw ƴãw nɩ a nyɩ gbẽé. A na ɩ na nyɩ cãà bãwnɩ a k'aa Sore kpãkpãw-kpɛ̃w n'ʋ ʋ ír'ɩ tɩ yi n a Eziptɩ.»
A Sore mɩŋa de nɩ a ʋ nɩbɛ niwn
17A Faarawɔ̃ na wa bɛr a Ɩsɩrayɛl nɩbɛ bɛ cen a, a Naaŋmɩn bɛ ɩ bɛ de a Filisɩtɛ̃ mɩnɛ tẽw sɔ́r#13:17 Filisɩtɛ̃ mɩnɛ sɔ́r: A sɔ́r ŋa n'ʋ tɩ ɩ a sɔr-ŋmãa na cere a tẽw a Naaŋmɩn na yel k'ʋʋ na kʋ̀ n a Ɩsɩrayɛl nɩbɛ a. Ɛcɛ, a Filisɩtɛ̃ mɩnɛ zɛbr bome tɩ gãw nɩ a Ɩsɩrayɛl nɩbɛ zɛbr bome. ɛ, ʋ na saa tɩ ɩ a sɔr-ŋmãa a. Bʋ̃ʋ n'ʋ vɛ̃, ʋ tɩ tɩ́ɛr'ɩ ʋ pʋɔ à ŋá: «A nɩbɛ nãà mab'a nyɛ̃ a zɛbr a na fɛr kɛ́ bɛ zɛb a, yel kɛ́ bɛlɛ tɩ bãw kɛ́ lɛ, ɛ́ lɛb cen a Eziptɩ.» 18A lɛ n'a so ʋ tɛr bɛ gʋɔr'ɩ tu n a Bàa-kɛkɛɛ kʋ̃ɔ-kpɛ̃ɛ wɛja-kpalɛ lowr. A Ɩsɩrayɛl nɩbɛ tɩ tɛr'ɩ zɛbr bome vla vla yi n a Eziptɩ. 19A Moyiir tɩ de nɩ a Zuzɛb kɔbɛ tɛr cen nɩ, bʋ̃ʋ n'ʋ vɛ̃, a Zuzɛb tɩ yel'ɩ a Ɩsɩrayɛl nɩbɛ: «A bɛ tɛr à ŋá ɩ, a Naaŋmɩn nãà sõw nyɩ na. Nyɩ pɔ yel mɛ̃ kɛ́ nyɩ na tɛr'ɩ a ɩ̃ kɔbɛ a lɛn daar cen nɩ#13:19 Nyɛ̃ Yzt 50.25 nɩ Zoz 24.32..»
20A Ɩsɩrayɛl nɩbɛ tɩ yi n a Sukotɩ, ɛ́ cen tɩ maalɩ a bɛ pɛnɛ-sɛwr Etam, a wɛja-kpalɛ nʋɔr. 21A Sore mɩŋa tɩ de bɛ nɩ niwn, mɩ́ ɩ zũzuwr#13:21 Zũzuwr: A wɛja-kpalɛ pʋɔ a, a zũzuwr'ʋ tɩ ɩ a bãwfʋ k'aa Sore be n a ʋ nɩ-bʋʋrɛ pʋɔ. A pùorí a, a wa ɩ n a tɩ-suur-zɔ̃-na-nyùur-vla-vla-a bɛ na mɩ́ nyɩw a zʋ̀ʋ́r. Nyɛ̃ Lev 16.2. na ɩ mɛ̃ kpul a, a mʋ̃tɔ̃w, k'ʋʋ wule bɛ a sɔ́r, ɛ́ ɩ vũu na ɩ mɛ̃ kpul a, a tɩ̃ɩsɔw, k'ʋʋ caalɛ bɛ. À ŋá n'a bɛ tɩ tʋ́ɔr cere mʋ̃tɔ̃w nɩ tɩ̃ɩsɔw. 22A zũzuwr na ɩ mɛ̃ kpul a mʋ̃tɔ̃w a, nɩ a vũu na ɩ mɛ̃ kpul a tɩ̃ɩsɔw a mɩ́ tɩ de bɛ nɩ niwn kʋralɛ.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.