Eziptɩ tẽw yib 2
2
A Moyiir dɔwfʋ yele
1Levi dɔwlʋ nɩr kãw tɩ kul'ɩ pɔw na tɩ ɩ a dɔwlʋ been nɛ nɩr a. 2A pɔw tɩ tɛr'ɩ pʋɔ dɔw dɛble, nyɛ̃ ʋ vɩɛl, ʋ sɔwlɩ ʋ cuwr ata#2:2 Nyɛ̃ Nɩ-t 7.20 nɩ Eb 11.23.. 3Al pùorí, a na bɛ tɩ cãà tɛr ʋ na sɔwlɩ ʋ a, ʋ de nɩ zãkpa bɛ na wob'ɩ papiirisɩ#2:3 Papiirisɩ: Bàa nʋɔr mie kãw bʋʋrɛ n'a. Bɛ mɩ́ tɩ wobr'ɩ a nɩ bʋ̃-wobri ɛ́ maalɛ nɩ a a sɛb-vaar. mie a, bʋl'ɩ gudurɔ̃ lãwnɩ súur, de a bie ƴãw a be, ɛ́ cen nɩ tɩ bin a bàa-kɛkɛɛ pʋɔ, a Nɩl nʋɔr. 4A bie yeepuule tɩ àr'a zãá blã, k'ʋʋ nyɛ̃ a ʋlɩ bom nɛ na na ɩ ʋ a.
5Al pùorí, a Faarawɔ̃ pɔwyaa tɩ siw nɩ a Nɩl pʋɔ k'ʋʋ tɩ puuli kʋ̃ɔ, ɛ́ a ʋ bɩɛlbɛ tɩ dɛnɛ a man nʋɔr. Ʋ tɩ nyɛ̃ nɩ a zãkpa a bàa-kɛkɛɛ pʋɔ, ɛ́ ƴãw a ʋ tõ-tõ-bi-pɔw cen tɩ de ʋ wa n. 6Ʋ tɩ yuo nɩ a zãkpa nyɛ̃ ʋ ɩ dɛbli-cãpile n'ʋ kone. Nɩbaalʋ tɩ kpɛ ʋ nɩ a ʋ ƴãw, ʋ yel: «A Ebre mɩnɛ bie kãw n'ʋ!» 7A bie yeepuule tɩ sowr'ɩ a Faarawɔ̃ pɔwyaa: «Fʋ bɔbr'a k'ɩ̃ɩ cen a Ebre pɔwbɛ pʋɔ tɩ bʋɔlɩ pɔw na cãà ƴɛnɛ bie a bɩɩ? Ʋ na tʋ̃ɔ́ na ƴɛnɩ a bie kʋ̀ b.» 8Ʋ sɔw ʋ: «Cen.»
A powle tɩ cen na tɩ bʋɔlɩ a bie mã. 9A Faarawɔ̃ pɔwyaa tɩ yel'ɩ a pɔw: «De a bie ŋa tɩ ƴɛnɩ kʋ̀ m, ɩ̃ɩ na ya b'a.» A pɔw tɩ de nɩ a bie tɩ ƴɛnɩ.
10A bie na wa ɩ kpɛ̃ɛ a, a mã tɛr ʋ na tɩ kʋ̀ a Faarawɔ̃ pɔwyaa, ʋ de ʋ k'ʋ ɩ a ʋ bidɛb, ʋʋ por ʋ a yúor kɛ́ Moyiir#2:10 Moyiir: A yúor ŋa pɛr'ɩ “Ír kʋ̃ɔ pʋɔ”. Nyɛ̃ Ssy 18.17.. Bʋ̃ʋ n'ʋ vɛ̃, ʋ tɩ yel'a: «Kʋ̃ɔmɩ́ n'a ɩ̃ ír ʋ.»
A Moyiir na zɔ cen Madian tẽw a
11A Moyiir na wa ɩ nɩ-kpɛ̃ɛ baar'a, ʋ yi n bibir kãw k'ʋʋ tɩ nyɛ̃ a ʋ yɛbr Ebre mɩnɛ. Ʋ tɩ nyɛ̃ nɩ a pɔ̃tɔrɩ tome bɛ na tone a. Ʋ mɩ̀ tɩ nyɛ̃ nɩ Eziptɩ tẽw nɩr na pɔbr a ʋl Moyiir yɛbr Ebre nɩr kãw a. 12Lɛ n'a ʋ tɩ piwri a ziir za bɛ nyɛ̃ nɩr ɛ, ɛ́ ŋmɛ a Eziptɩ tẽw nɩr nɛ kʋ, sɔwlɩ bɛr a biire pʋɔ. 13Ʋ tɩ lɛb'a wa a bio daarɩ́ wa nyɛ̃ Ebre nɩbɛ ayi bɛ pɔbr taa, ʋ sowri a sãwna sob: «Bʋnʋ ƴãw n'a fʋ pɔbr a fʋ tɔ?» 14A nɩr nɛ yel ʋ: «Ãa n'ʋ ƴãw kɛ́ fʋ ɩ a tɩ nɩ-kpɛ̃ɛ maalɛ nɩ tɩ a ƴɛ̀rʋ? Fʋ bɔbr'a kɛ́ fʋ mɩ́ kʋ m mɛ̃ a lɛ fʋ na kʋ a Eziptɩ tẽw nɩr a bɩɩ?» A Moyiir na tɩ nyɛ̃ k'aa yel yi na a, dɛ̃bɩ̃ɛ tɩ kpɛ ʋ na. 15A Faarawɔ̃ tɔr za tɩ wõ na bɛ ƴɛ̀rɛ a ƴɛ̀rʋ, ɛ́ tɩ bɔbr a ʋ kʋb. Lɛ n'a a Moyiir tɩ yi a Faarawɔ̃ zie zɔ cen tɩ kpɩɛr Madian tẽw. A be n'a ʋ tɩ yi bibir kãw zɩ̃ bule kãw pɛr#2:15 A kan-nɛ́ɛ 11-15 ƴãw a, nyɛ̃ Nɩ-t 7.23-29 nɩ Eb 11.24-27. Madian: Nɩ-yʋɔrɩ bʋʋrɛ kãw na tɩ kpɩɛr a Palɛsin tẽw vuo kãw pʋɔ a nɛbɛ. Ɛcɛ a Yzt 25.2 pʋɔ a, a Madian ɩ n a Abraham bidɛb kãw. Bule pɛr: A zie ŋa pɛr'a a nɩ-sãan mɩ́ tɩ tʋ̃ɔ́ nyɛ̃ a tẽw nɩr kãw fɔ̃wlɛ, a be na n'a a tẽw dem mɩ́ tɩ cere kʋralɛ tɩ 'wɔ̃wnɛ a kʋ̃ɔ a..
16A Madian tẽw bàwr-maalɛ tɩ tɛr'ɩ pɔwyaar ayopõi. Bɛ tɩ wa na kɛ́ bɛ wa 'wɔ̃w kʋ̃ɔ paalɩ a dʋn balɛ̃wnɩ, a bɛ sãà píir nɩ a bʋʋr nyũ. 17Ɛcɛ pi-cɩ̃ɩnbɛ tɩ ta na diw bɛ. Lɛ n'a a Moyiir tɩ ìr faa bɛ, ɛ́ 'wɔ̃w a kʋ̃ɔ ƴãw a bɛ dʋn a nyũ. 18Bɛ tɩ lɛb'a kul a bɛ sãà Erewuyɛl zie, ʋ tɩ sowri bɛ: «Bʋ̃ʋ n'ʋ so nyɩ dãwnɩ waa a dɩ̃a?» 19Bɛ sɔw: «Eziptɩ tẽw nɩr kãw n'ʋ faa tɩ a pi-cɩ̃ɩnbɛ nuru pʋɔ, ɛ́ 'wɔ̃w a kʋ̃ɔ ʋl mɩŋa ƴãw a tɩ dʋn a nyũ.» 20A bɛ sãà sowri bɛ: «Nyɩnɛ n'a ʋ be? Bʋ̃ʋ n'ʋ so nyɩ bɛr ʋ a be? Nyɩ cen tɩ tɛr ʋ wa n ʋ wa dɩ!»
21A Moyiir tɩ sàw na be a Erewuyɛl zie, ʋ kʋ̀ ʋ a ʋ pɔwyaa Sefora ʋ kul. 22A Sefora tɩ dɔw nɩ bidɛb, a Moyiir por a yúor kɛ́ Gɛrsom, a pɛr lɛ kɛ́ “Nʋʋra-a-ka”. Bʋ̃ʋ n'ʋ vɛ̃, ʋ tɩ yel'a: «Ɩ̃ lɩɛb'ɩ nʋʋra tẽ-sãan pʋɔ.»
A Naaŋmɩn kaa na ír a Moyiir a Ɩsɩrayɛl nɩbɛ faafʋ ƴãw
23A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn. 24A Naaŋmɩn tɩ wõ n a bɛ kon, ɛ́ lɛb tɩ́ɛrɩ bãwnɩ a ʋ wõ-taa ʋ na maal'ɩ a Abraham, a Ɩzaakɩ nɩ a Zakɔb a#2:24 Nyɛ̃ Yzt 15.13-14.. 25Ʋ tɩ jɩ́r'ɩ a Ɩsɩrayɛl nɩbɛ ɛ́ bãw a lɛ a na ŋmɛ̃ a bɛ zie a.
Nke Ahọpụtara Ugbu A:
Eziptɩ tẽw yib 2: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.
Eziptɩ tẽw yib 2
2
A Moyiir dɔwfʋ yele
1Levi dɔwlʋ nɩr kãw tɩ kul'ɩ pɔw na tɩ ɩ a dɔwlʋ been nɛ nɩr a. 2A pɔw tɩ tɛr'ɩ pʋɔ dɔw dɛble, nyɛ̃ ʋ vɩɛl, ʋ sɔwlɩ ʋ cuwr ata#2:2 Nyɛ̃ Nɩ-t 7.20 nɩ Eb 11.23.. 3Al pùorí, a na bɛ tɩ cãà tɛr ʋ na sɔwlɩ ʋ a, ʋ de nɩ zãkpa bɛ na wob'ɩ papiirisɩ#2:3 Papiirisɩ: Bàa nʋɔr mie kãw bʋʋrɛ n'a. Bɛ mɩ́ tɩ wobr'ɩ a nɩ bʋ̃-wobri ɛ́ maalɛ nɩ a a sɛb-vaar. mie a, bʋl'ɩ gudurɔ̃ lãwnɩ súur, de a bie ƴãw a be, ɛ́ cen nɩ tɩ bin a bàa-kɛkɛɛ pʋɔ, a Nɩl nʋɔr. 4A bie yeepuule tɩ àr'a zãá blã, k'ʋʋ nyɛ̃ a ʋlɩ bom nɛ na na ɩ ʋ a.
5Al pùorí, a Faarawɔ̃ pɔwyaa tɩ siw nɩ a Nɩl pʋɔ k'ʋʋ tɩ puuli kʋ̃ɔ, ɛ́ a ʋ bɩɛlbɛ tɩ dɛnɛ a man nʋɔr. Ʋ tɩ nyɛ̃ nɩ a zãkpa a bàa-kɛkɛɛ pʋɔ, ɛ́ ƴãw a ʋ tõ-tõ-bi-pɔw cen tɩ de ʋ wa n. 6Ʋ tɩ yuo nɩ a zãkpa nyɛ̃ ʋ ɩ dɛbli-cãpile n'ʋ kone. Nɩbaalʋ tɩ kpɛ ʋ nɩ a ʋ ƴãw, ʋ yel: «A Ebre mɩnɛ bie kãw n'ʋ!» 7A bie yeepuule tɩ sowr'ɩ a Faarawɔ̃ pɔwyaa: «Fʋ bɔbr'a k'ɩ̃ɩ cen a Ebre pɔwbɛ pʋɔ tɩ bʋɔlɩ pɔw na cãà ƴɛnɛ bie a bɩɩ? Ʋ na tʋ̃ɔ́ na ƴɛnɩ a bie kʋ̀ b.» 8Ʋ sɔw ʋ: «Cen.»
A powle tɩ cen na tɩ bʋɔlɩ a bie mã. 9A Faarawɔ̃ pɔwyaa tɩ yel'ɩ a pɔw: «De a bie ŋa tɩ ƴɛnɩ kʋ̀ m, ɩ̃ɩ na ya b'a.» A pɔw tɩ de nɩ a bie tɩ ƴɛnɩ.
10A bie na wa ɩ kpɛ̃ɛ a, a mã tɛr ʋ na tɩ kʋ̀ a Faarawɔ̃ pɔwyaa, ʋ de ʋ k'ʋ ɩ a ʋ bidɛb, ʋʋ por ʋ a yúor kɛ́ Moyiir#2:10 Moyiir: A yúor ŋa pɛr'ɩ “Ír kʋ̃ɔ pʋɔ”. Nyɛ̃ Ssy 18.17.. Bʋ̃ʋ n'ʋ vɛ̃, ʋ tɩ yel'a: «Kʋ̃ɔmɩ́ n'a ɩ̃ ír ʋ.»
A Moyiir na zɔ cen Madian tẽw a
11A Moyiir na wa ɩ nɩ-kpɛ̃ɛ baar'a, ʋ yi n bibir kãw k'ʋʋ tɩ nyɛ̃ a ʋ yɛbr Ebre mɩnɛ. Ʋ tɩ nyɛ̃ nɩ a pɔ̃tɔrɩ tome bɛ na tone a. Ʋ mɩ̀ tɩ nyɛ̃ nɩ Eziptɩ tẽw nɩr na pɔbr a ʋl Moyiir yɛbr Ebre nɩr kãw a. 12Lɛ n'a ʋ tɩ piwri a ziir za bɛ nyɛ̃ nɩr ɛ, ɛ́ ŋmɛ a Eziptɩ tẽw nɩr nɛ kʋ, sɔwlɩ bɛr a biire pʋɔ. 13Ʋ tɩ lɛb'a wa a bio daarɩ́ wa nyɛ̃ Ebre nɩbɛ ayi bɛ pɔbr taa, ʋ sowri a sãwna sob: «Bʋnʋ ƴãw n'a fʋ pɔbr a fʋ tɔ?» 14A nɩr nɛ yel ʋ: «Ãa n'ʋ ƴãw kɛ́ fʋ ɩ a tɩ nɩ-kpɛ̃ɛ maalɛ nɩ tɩ a ƴɛ̀rʋ? Fʋ bɔbr'a kɛ́ fʋ mɩ́ kʋ m mɛ̃ a lɛ fʋ na kʋ a Eziptɩ tẽw nɩr a bɩɩ?» A Moyiir na tɩ nyɛ̃ k'aa yel yi na a, dɛ̃bɩ̃ɛ tɩ kpɛ ʋ na. 15A Faarawɔ̃ tɔr za tɩ wõ na bɛ ƴɛ̀rɛ a ƴɛ̀rʋ, ɛ́ tɩ bɔbr a ʋ kʋb. Lɛ n'a a Moyiir tɩ yi a Faarawɔ̃ zie zɔ cen tɩ kpɩɛr Madian tẽw. A be n'a ʋ tɩ yi bibir kãw zɩ̃ bule kãw pɛr#2:15 A kan-nɛ́ɛ 11-15 ƴãw a, nyɛ̃ Nɩ-t 7.23-29 nɩ Eb 11.24-27. Madian: Nɩ-yʋɔrɩ bʋʋrɛ kãw na tɩ kpɩɛr a Palɛsin tẽw vuo kãw pʋɔ a nɛbɛ. Ɛcɛ a Yzt 25.2 pʋɔ a, a Madian ɩ n a Abraham bidɛb kãw. Bule pɛr: A zie ŋa pɛr'a a nɩ-sãan mɩ́ tɩ tʋ̃ɔ́ nyɛ̃ a tẽw nɩr kãw fɔ̃wlɛ, a be na n'a a tẽw dem mɩ́ tɩ cere kʋralɛ tɩ 'wɔ̃wnɛ a kʋ̃ɔ a..
16A Madian tẽw bàwr-maalɛ tɩ tɛr'ɩ pɔwyaar ayopõi. Bɛ tɩ wa na kɛ́ bɛ wa 'wɔ̃w kʋ̃ɔ paalɩ a dʋn balɛ̃wnɩ, a bɛ sãà píir nɩ a bʋʋr nyũ. 17Ɛcɛ pi-cɩ̃ɩnbɛ tɩ ta na diw bɛ. Lɛ n'a a Moyiir tɩ ìr faa bɛ, ɛ́ 'wɔ̃w a kʋ̃ɔ ƴãw a bɛ dʋn a nyũ. 18Bɛ tɩ lɛb'a kul a bɛ sãà Erewuyɛl zie, ʋ tɩ sowri bɛ: «Bʋ̃ʋ n'ʋ so nyɩ dãwnɩ waa a dɩ̃a?» 19Bɛ sɔw: «Eziptɩ tẽw nɩr kãw n'ʋ faa tɩ a pi-cɩ̃ɩnbɛ nuru pʋɔ, ɛ́ 'wɔ̃w a kʋ̃ɔ ʋl mɩŋa ƴãw a tɩ dʋn a nyũ.» 20A bɛ sãà sowri bɛ: «Nyɩnɛ n'a ʋ be? Bʋ̃ʋ n'ʋ so nyɩ bɛr ʋ a be? Nyɩ cen tɩ tɛr ʋ wa n ʋ wa dɩ!»
21A Moyiir tɩ sàw na be a Erewuyɛl zie, ʋ kʋ̀ ʋ a ʋ pɔwyaa Sefora ʋ kul. 22A Sefora tɩ dɔw nɩ bidɛb, a Moyiir por a yúor kɛ́ Gɛrsom, a pɛr lɛ kɛ́ “Nʋʋra-a-ka”. Bʋ̃ʋ n'ʋ vɛ̃, ʋ tɩ yel'a: «Ɩ̃ lɩɛb'ɩ nʋʋra tẽ-sãan pʋɔ.»
A Naaŋmɩn kaa na ír a Moyiir a Ɩsɩrayɛl nɩbɛ faafʋ ƴãw
23A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn. 24A Naaŋmɩn tɩ wõ n a bɛ kon, ɛ́ lɛb tɩ́ɛrɩ bãwnɩ a ʋ wõ-taa ʋ na maal'ɩ a Abraham, a Ɩzaakɩ nɩ a Zakɔb a#2:24 Nyɛ̃ Yzt 15.13-14.. 25Ʋ tɩ jɩ́r'ɩ a Ɩsɩrayɛl nɩbɛ ɛ́ bãw a lɛ a na ŋmɛ̃ a bɛ zie a.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.