Eziptɩ tẽw yib 25

LƐ BƐ NA NA ŊMÃA A ZI-SÕW A

25—31

A bome a Ɩsɩrayɛl nɩbɛ na tɩr a zi-sõw ƴãw a

1A Sore tɩ ƴɛ̀r'ɩ a Moyiir zie yel ʋ: 2«Yel a Ɩsɩrayɛl nɩbɛ kɛ́ bɛ ƴãw bʋ̃-tɩrɩ tɩrʋ be be a ɩ̃ ƴãw. Bɛlɩ dem pʋʋr na pɛlɩ a zie n'a bɛ na mɩ́ de a bʋ̃-tɩrɩ á ŋá. 3A bome bɛ na na tɩr a n'ɩ á ŋá: salm-zɩɛ, salm-pla, kur-zɩɛ, 4píir kɔblʋ pɛn-zɩɩr: zɩɛ-mʋɔlɛ, zɩɛ-kãbala, zɩɛ-ɓõɓõ, lɛ̃ pɛn-vʋlvʋl, bʋʋr kɔblʋ pɛnɛ, 5pʋ́rɩ gan-zɩɩr, gan-kpɛn, akasɩa dàar, 6fɩ̃tɩlɩ kãá, parfɛ̃ bɛ na na mɩ́ ƴãw a kãá-cir-ƴãwna#25:6 Kãá-cir-ƴãwna: A kãá bɛ na mɩ́ cir ƴãw a nɩr zũú, ka nũu ƴãw ʋ ʋ ɩ Naaŋmɩn nɩ-sora a bɩɩ bɛ na mɩ́ ƴãw bom zu ʋ ɩ Naaŋmɩn bʋ̃-sora a n'a. pʋɔ a, nɩ parfɛ̃ bɛ na mɩ́ nyɩw a, 7kʋsɛ-bi-nyɩlɩ zɩɩr zɩɩr, nɩ kʋsɛ-bi-nyɩlɩ a mɩnɛ a bàwr-maal-kara nyãa-kpale nɩ a ʋ nyãa-zu-zʋbɛ#25:7 Nyãa-zu-zʋbɛ: Be n'a a bie (uurim nɩ tumim) mɩ́ tɩ be a bàwr-maal-kara mɩ́ lɔb bãw a Naaŋmɩn pʋ-tɩɛrʋ. Nyɛ̃ 28.15-29. ƴãw. 8A Ɩsɩrayɛl nɩbɛ na maal'ɩ zi-sõw kʋ̀ m, ɩ̃ɩ na kpɩɛr'ɩ a bɛ sɔgɔ. 9Ɩ̃ na wul fʋ nɩ a lɛ a kpɛb zie na na ŋmɛ̃ a, nɩ a lɛ a bʋ̃-son za na na ŋmɛ̃ a. Nyɩ na maal'a na a ɩ a lɛ tɔr za.»

A wõ-taa daga

10«Bɛ na maal'ɩ daga nɩ akasɩa dàar. A ʋ wogo na ɩ n mɛtɩr-kʋba-bie#25:10 Mɛtɩr-kʋba-bir: A mɛtɩr ɩ n farsɩ ƴɛ̀r-bir, ɛ́ ɩ a wogo bʋ̃-mána mã. A mɛtɩr na põ ziir kʋba a, a zi-been n'ʋ bɛ bʋɔlɛ a mɛtɩr-kʋba-bir. Mɩ̀ nyɛ̃ 28.16. lɩz'a ayʋɔb nɩ anũu (125), a yɛ̀lʋ ɩ mɛtɩr-kʋba-bie lɩz'a anaar ŋmãa anũu, a kɛrʋ mɩ̀ ɩ a mɛtɩr-kʋba-bie lɩz'a anaar ŋmãa anũu. 11Salm-zɩɛ mɩŋa mɩŋa n'a bɛ na nyɩl pàw a pʋɔ nɩ a zikur. Salm-zɩɛ n'a bɛ na vibli nɩ a nʋɔr viiri koli. 12Bɛ na nyɩl'ɩ salm-zɩɛ maal'ɩ bamɛ anaar, ƴãw a daga kõkowe anaar ƴãw: bamɛ ayi lõbowr ŋa, bamɛ ayi lõbowr ŋa. 13Bɛ na maal'ɩ dà-wowr ayi nɩ akasɩa dàar, ɛ́ nyɩl salm-zɩɛ pàw. 14Bɛ na tõ n a dàar ƴãw a bamɛ ƴãw, a daga lõbowe ƴãw, mɩ́ tuo nɩ ʋ. 15A dàar na tõ na ƴãw gã a daga bamɛ pʋɔ, bɛ bɛ lɛb íre a ɩ. 16Fʋ na ƴãw nɩ a wõ-taa kʋsɛ-pamɛ ɩ̃ na na kʋ̀ b a, a daga pʋɔ.

17Bɛ na maal'ɩ a daga pàwra nɩ salm-zɩɛ mɩŋa mɩŋa. A ʋ wogo na ɩ n mɛtɩr-kʋba-bie lɩz'a ayʋɔb nɩ anũu (125), ɛ́ a yɛ̀lʋ ɩ mɛtɩr-kʋba-bie lɩz'a anaar ŋmãa anũu. 18Bɛ na ŋmɛ ŋmɛ n salm-zɩɛ nɩ 'hama#25:18 'Hama: Ãgelsɩ ƴɛ̀r-bir'ʋ, ɛ́ farsɩ mɩ́ yel kɛ́ marto. Kur-gbilfili n'ʋ bɛ mɩ́ de dàa tõ ƴãw, kpɩɛr'ɩ a sãa bɩɩ ŋmɩɛr'ɩ a bʋ̃-kpɛn ŋmɛrɛ. maal'ɩ seribɛ̃ ayi ƴãw a daw-pàwra nɛ́ɛ ayi ƴãw. 19A seribɛ̃ ayi á ŋá nɩ a daw-pàwra na nyɔw nɩ taa, a daw-pàwra nɔgbãbie a za ayi ƴãw. 20A seribɛ̃ na tori nɩ taa, ɛ́ jɩ́rɛ a daw-pàwra. A na dɔl'ɩ a pɩgɛ a saa-zu pàw nɩ ʋ. 21Fʋ na ƴãw nɩ a wõ-taa kʋsɛ-pamɛ ɩ̃ na na kʋ̀ b a, a daga pʋɔ, ɛ́ de a daw-pàwra dɔwlɩ pàw. 22A daw-pàwra zu ka n'a ɩ̃ na mɩ́ ɩ fʋ nyɛ̃ m, a seribɛ̃ ayi cara pʋɔ. A ka n'a ɩ̃ na mɩ́ be, ɛ́ ƴãw a nɛ́ɛ za kʋ̀ b a Ɩsɩrayɛl nɩbɛ ƴãw.»

A dipɛ̃ bɛ na mɩ́ kʋ̀ a Naaŋmɩn a tabal

23«Bɛ na maal'ɩ tabal nɩ akasɩa dàar. A ʋ wogo na ɩ n mɛtɩr been, a yɛ̀lʋ ɩ mɛtɩr-kʋba-bie lɩz'a ayi nɩ pie, ɛ́ a kɛrʋ ɩ mɛtɩr-kʋba-bie lɩz'a anaar ŋmãa anũu. 24Bɛ na nyɩl'ɩ salm-zɩɛ mɩŋa mɩŋa pàw ʋ, ɛ́ vibli a nʋɔr viiri koli nɩ salm-zɩɛ. 25Bɛ na ƴãw nɩ dà-pãgalali a lõbowe anaar viiri koli, dà-pãgalali a yɛ̀lʋ na ɩ mɛtɩr-kʋba-bie ani a. A dà-pãgalali nɛ́ɛ mɩ̀ na ƴãw nɩ salm-zɩɛ viiri koli. 26Bɛ na maal'ɩ salm-zɩɛ bamɛ anaar ƴãw a tabal kõkowe anaar ƴãw, pɩɛlɩ a gbɛ́ɛ a za anaar. 27A bamɛ na pɩɛl'ɩ a dà-pãgalali. Bɛ na tõ n dàar ƴãw a bamɛ ƴãw, mɩ́ tuo nɩ a tabal. 28Bɛ na cɛ n akasɩa dàar ayi nyɩl salm-zɩɛ pàw mɩ́ tuo nɩ a tabal. 29Bɛ na maal'ɩ salm-zɩɛ mɩŋa mɩŋa labɛ, koli-nyúuri, duwli nɩ lali, mɩ́ de nɩ a divɛ̃ kʋ̀ a mãa Sore. 30A tabal ŋa zu n'a bɛ na mɩ́ dɔwlɩ a dipɛ̃ bɛ na kʋ̀rɛ mɛ̃ a. A na mɩ́ be n a ɩ̃ niŋé kʋralɛ#25:30 Nyɛ̃ Lev 24.5-9..»

A fɩ̃tɩlɩ dɔwlʋ zie na tɛr ɓɛrmɛ ayopõi a

31«Bɛ na ŋmɛ ŋmɛ n salm-zɩɛ mɩŋa mɩŋa nɩ 'hama maal'ɩ fɩ̃tɩlɩ dɔwlʋ zie. A sɩɛ nɩ a dàa, a koli, a tɩ-puur-kpãakpule nɩ a tɩ-puur-yɩɩrɩ, a za na nyɔw nɩ taa ɩ bʋ̃-been. 32Ɓɛrmɛ ayʋɔb na ɓɛrɩ nɩ a sɔwlɩsɔw dàa: ɓɛrmɛ ata be ka lowr, ɓɛrmɛ ata mɩ̀ be ka lowr. 33A ɓɛrmɛ ayʋɔb á ŋá kãw za zu a, koli ata na ŋmɛ̃ taa nɩ amãdɩ#25:33 Amãdɩ: Nɩ-pɛlɛ tẽw tɩɛ kãw bɛ na bʋɔlɛ amãdie a bir'ʋ. Ʋ mɩ́ ŋmɛ̃ na taa nɩ cʋʋn-cɔ̃cɔlɔ. Mɩ̀ nyɛ̃ 37.19-20. a na mɩ́ be n be, lãwnɩ tɩ-puur-kpãakpul nɩ tɩ-puur-yɩɩra. 34A sɔwlɩsɔw dàa zu a, koli anaar na ŋmɛ̃ taa nɩ amãdɩ a n'a na be be, lãwnɩ tɩ-puur-kpãakpul nɩ tɩ-puur-yɩɩra. 35A ɓɛrmɛ ayi al na de niwn a, nɩ a sɔwlɩsɔw dàa nyɔw-taa zie, a pile a, tɩ-puur-kpãakpul na be n be. Ɛ́ a na ɩ n a lɛ a ɓɛrmɛ a za ayʋɔb na nyɔw a sɔwlɩsɔw dàa a ƴãw. 36A tɩ-puur-kpãakpul nɩ a ɓɛrmɛ na nyɔw nɩ a al na baa cɛ a, a za ɩ bʋ̃-been daadaa, ɛ́ ɩ bom bɛ na ŋmɛ ŋmɛ salm-zɩɛ mɩŋa mɩŋa maal'ɩ a. 37Bɛ na maal'ɩ fɩ̃tɩlɩ ayopõi#25:37 Nyɛ̃ Yel-w 1.12. dɔwlɩ a fɩ̃tɩlɩ dɔwlʋ zie a tʋ̃ɔ́ caalɛ a ʋ nisɔw. 38Salm-zɩɛ mɩŋa mɩŋa n'a bɛ na maal'ɩ a ʋ cabli nɩ a ʋ tãpɛlʋ koli. 39Salm-zɩɛ mɩŋa mɩŋa kilo#25:39 Kilo: A kilogɩram'ʋ bɛ pʋ̃ɔ bʋɔlɛ a kilo a ka. A kilogɩram been ɩ n gɩram túr. A kilo ɩ n tɩbrʋ bʋ̃-mána. Nyɛ̃ Yzt 18.6 nɩ a manʋ. lɩzɛr'ɩ pie n'a bɛ na de maal'ɩ a fɩ̃tɩlɩ dɔwlʋ zie nɩ a kpɛ̃kpɛrsɩ. 40A fʋ̃ʋ Moyiir, jɩ́r ɛ́ tɩ ƴãw bɛ maalɩ tu n a bʋ̃-mã ɩ̃ na wule fʋ a tãw zu ka a.»

Nke Ahọpụtara Ugbu A:

Eziptɩ tẽw yib 25: DBDC

Mee ka ọ bụrụ isi

Kesaa

Mapịa