Eziptɩ tẽw yib 29
29
A bàwr-maalbɛ nũu-ka-ƴãwfʋ tub
1«Nyɛ̃ a lɛ fʋ na na tu mɩ́ ka nũu ƴãw a Aarɔ̃ nɩ a ʋ bidɛbr bɛ ɩ a bàwr-maalbɛ tone a ɩ̃ tome a:
Fʋ na kaa na ír nadɛr nɩ pʋ́rɩ ayi, a ƴã-gan zie kãw za na bɛ sãw a. 2Fʋ na de nɩ ble zɔ̃ maal'ɩ dipɛ̃ na bɛ ƴãw dãbɩl a nɩ gato bɛ na naw a zɔ̃ nɩ kãá ɛ́ bɛ ƴãw dãbɩl a, de nɩ ble zɔ̃ sɛ̃sɛ̃-ɓɛrɓɛr na bɛ ƴãw dãbɩl ɛ́ sɔ kãá a. 3Fʋ na ƴãw a nɩ pèlé pʋɔ wa n a zi-sõw pʋɔ, lãw nɩ a nadɛr nɩ a pʋ́rɩ ayi al.
4Fʋ na tɛr'ɩ a Aarɔ̃ nɩ a ʋ bidɛbr cen nɩ a tuor-taa pɛn-sɛw dɩ̃dɔrɩ́ tɩ ƴãw bɛ so kʋ̃ɔ. 5Fʋ na su n a Aarɔ̃ a ʋ kpar-son: a kpali-mawra, a kpar-kpɛ̃ɛ-wogo, a nyãa-kpale nɩ a nyãa-zu-zʋbɛ, ɛ́ sɛ ʋ a nyãa-kpale kpàwr. 6Fʋ na vɔbl'ʋ nɩ a pɛn-kpawʋɔ ɛ́ ƴãw a nũu-ka-ƴãwfʋ bãwfʋ#29:6 Nũu-ka-ƴãwfʋ bãwfʋ: A tɩ-puuru pɩ̃ɛmɛ ƴɛ̀rʋ bɛ na ƴɛ̀r a 28.36-37 a, ʋlɛ n'ʋ. a kpawʋɔ ƴãw. 7Al pùorí, fʋ na de nɩ a kãá-sõw cir ƴãw a ʋ zũú tu a kãá-cir-ƴãwfʋ tub a ʋ zie. 8Fʋ na ƴãw na a Aarɔ̃ bidɛbr taw pɩɛlɩ, fʋ su bɛ a bɛ kparɩ, 9ɛ́ sɛ bɛ a bɛ kpàgɛ, vɔblɩ bɛ a bɛ kpawʋʋr. A lɛn daar a, bɛ na ɩ n a bàwr-maalbɛ. Nʋɔr'ʋ ƴãw gã kʋralɛ.
Pãa nyɛ̃ a lɛ fʋ na na de a tome ƴãw a Aarɔ̃ nɩ a ʋ bidɛbr nuru pʋɔ a:
10Bɛ na wa n nɩ a nadɛr a tuor-taa pɛn-sɛw nisɔw. A Aarɔ̃ nɩ a ʋ bidɛbr na dɔwl'ɩ a bɛ nuru a nadɛr zũú. 11Fʋ na ŋmãa nɩ a nadɛr kɔkɔr a ɩ̃ niŋé, a tuor-taa pɛn-sɛw dɩ̃dɔrɩ́. 12Fʋ na de nɩ a zɩ̃ɩ tɩ ɩ n nobir ƴãw a bàwr-maal-kuur ɩ́lɛ́ ƴãw. Al pùorí, fʋ na cir'ɩ a zɩ̃ɩ na cɛ a ƴãw a bàwr-maal-kuur sɩɛ ƴãw. 13Fʋ na de nɩ a kãá za na pàw a nyagɛ nɩ a púor a, a sabr lõbowr kãw, a alãbie a za ayi nɩ a kãá na pàw a a nyɩw a za a bàwr-maal-kuur zu. 14Ʋ na ɩ n a bàwr-maalbɛ yel-bier-ír-bɛrʋ-bàwr. Ɛcɛ a nadɛr nɛn na cɛ a, a gán nɩ a po-bine a, fʋ na yi na zaa nɩ a pɛnɛ-sɛwr pʋɔ tɩ nyɩw a bɛr yẽw.
15Al pùorí, bɛ na wa n nɩ a pʋr-dãw-niwn sob. A Aarɔ̃ nɩ a ʋ bidɛbr na dɔwl'ɩ a bɛ nuru a ʋ zũú. 16Fʋ na ŋmãa nɩ a pʋ́ra kɔkɔr, ɩ a ʋ zɩ̃ɩ mɩr'ɩ a bàwr-maal-kuur kõkowe viiri koli. 17Fʋ na vár vár'ɩ a dʋ̃w ŋma, ɛ́ pɛ́w a pʋ-bome nɩ a gbɛ́ɛ, ɛ́ de a dɔwlɩ a nɛn-gbile á ŋá nɩ a dʋ̃w zu zu. 18Fʋ na nyɩw nɩ a pʋ́ra za bɛr a bàwr-maal-kuur zu. Ʋ na ɩ n nyɩw-a-za-bàwr nyɩ maalɩ kʋ̀ m, bàwr a mãa Sore na nɔnɛ a zʋ̀ʋ́r nyũu a#29:18 Nyɛ̃ Efɛ 5.2, Fil 4.18..
19Bɛ na baa na wa n a pʋ́rɩ ayi sob. A Aarɔ̃ nɩ a ʋ bidɛbr na dɔwl'ɩ a bɛ nuru a ʋ zũú. 20Fʋ na ŋmãa nɩ a pʋ́ra kɔkɔr, ɛ́ ɩ a ʋ zɩ̃ɩ ƴãw a Aarɔ̃ dʋrʋ tolan ƴãw, nɩ a ʋ bidɛbr dem ƴãw, ɛ́ mɩ̀ ƴãw a bɛ dʋrʋ nobidaar nɩ a bɛ dʋrʋ gbɛbidaar ƴãw. Al pùorí, fʋ ɩ a zɩ̃ɩ mɩr a bàwr-maal-kuur kõkowe viiri koli nɩ. 21Fʋ na ɩ n zɩ̃ɩ blã a bàwr-maal-kuur zu nɩ a kãá-cir-ƴãwfʋ kãá mɩr'ɩ a Aarɔ̃ nɩ a ʋ kparɩ, ɛ́ mɩ̀ mɩr a ʋ bidɛbr nɩ a bɛ kparɩ. Lɛ n'a a Aarɔ̃ nɩ a ʋ bidɛbr nɩ a bɛ kparɩ na ɩ son. 22A pʋ́rɩ ayi sob de-kʋ̀b na ɩ n a bàwr-maalbɛ tome-deb ƴãw. Fʋ na de nɩ a dʋ̃w ŋa zʋʋr#29:22 Zʋʋr: A píir a mɩnɛ zie a, a zʋʋr'ʋ mɩ́ ɩ a kãá zie. Nyɛ̃ Lev 3.9., a kãá na pàw a nyagɛ nɩ a púor a, a sabr lõbowr kãw, a alãbie a za ayi nɩ a kãá na pàw a a, nɩ a dʋrʋ pɛrɩ́ gbɛ́r. 23A dipɛ̃ nɩ a pèlé na bin a ɩ̃ niŋé a pʋɔ a, fʋ na ír'ɩ dipɛ̃-vilovilo been, gato bɛ na naw a zɔ̃ nɩ kãá a been nɩ sɛ̃sɛ̃-been. 24Fʋ na ƴãw nɩ a za a Aarɔ̃ nɩ a ʋ bidɛbr nuru pʋɔ, ɛ́ yel bɛ kɛ́ bɛ de a tur kʋ̀ m, mɛ̃ a lɛ bɛ na mɩ́ ɩ de a bom tur a. 25Fʋ na lɛb'a de a, a pùorí, a bɛ nuru pʋɔ, nyɩw a bɛr a bàwr-maal-kuur zu, a nyɩw-a-za-bàwr bome zu: ʋ na ɩ n bàwr ɩ̃ na nɔnɛ a zʋ̀ʋ́r nyũu a. 26Fʋ na de nɩ a pʋ́rɩ ayi sob ŋa na ɩ a Aarɔ̃ tome-deb pʋ́ra a, nyãa tur kʋ̀ m fʋ̃ʋ mɩŋa, mɛ̃ a lɛ bɛ na mɩ́ ɩ tur a bom a. Fʋ̃ʋ na so a bàwr nɛn ŋa a pùorí.
27Fʋ na yel'a k'aa pʋ́ra ŋa nyãa nɩ a dʋrʋ pɛrɩ́ gbɛ́r bɛ na ír, ɛ́ tu a bom tɩrʋ tub tɩr a, ɩ n nɛn-son. 28Alɛ n'a so a Ɩsɩrayɛl nɩbɛ na mɩ́ ír a nɛnɛ á ŋá kʋralɛ, a dʋn bɛ na mɩ́ kʋ maal'ɩ lãw-taa-bàwr kʋ̀ m a nɛnɛ pʋɔ. Bɛ na mɩ́ kʋ̀ a na a Aarɔ̃ nɩ a ʋ bidɛbr.
29A Aarɔ̃ wa kpi a, bɛ na kʋ̀ n a ʋ kparɩ a ʋ bidɛbr bɛ su a, a bɛ nũu-ka-ƴãwfʋ nɩ a bɛ tome-deb bibir. 30A bàwr-maalɛ ʋl na na lɩɛrɩ a Aarɔ̃ a na su a nɩ bibie ayopõi, a tuor-taa pɛn-sɛw pʋɔ kpɛb daar, ʋ na na mɩ́ kpɛ k'ʋʋ tɩ tõ a ʋ tome a zi-sõw pʋɔ a.
31Bɛ na de nɩ a pʋ́rɩ ayi sob ʋl bɛ na kʋ a bàwr-maalbɛ tome-deb ƴãw a nɛn, dʋw zi-sõw pʋɔ. 32A Aarɔ̃ nɩ a ʋ bidɛbr na 'wɔb a na lãw nɩ a dipɛ̃ na cɛ a pèlé pʋɔ a, a tuor-taa pɛn-sɛw dɩ̃dɔr nʋɔr. 33Bɛl yõ nɛbɛ na tʋ̃ɔ́ dɩ a bàwr-maal-bome bɛ na tõ n a bɛ nũu-ka-ƴãwfʋ nɩ a bɛ tome-deb tome, ɛ́ a ɩ bɛ páw a bɛ yel-bebe suur a. Nɩ-yũo kãw za bɛ tɛr sɔ́r na dɩ a ɩ, a na ɩ bʋ̃-dɩ-sõw a ƴãw. 34Nɛn bɩɩ dipɛ̃ wa guu a bio daarɩ́ biɓaara a, bɛ na nyɩw a na bɛr, bɛ bɛ lɛb dɩrɛ a ɩ, bʋ̃-dɩ-son na n'a a.
35Fʋ na ɩ n a Aarɔ̃ nɩ a ʋ bidɛbr zie mɛ̃ à à ŋá tɔr za ɩ̃ na yel kʋ̀ b a. A bàwr-maalbɛ tome-deb tub na mɩ́ maal'ɩ bibie ayopõi.
36Bibir za, fʋ na mɩ́ kʋ n nadɛr maal'ɩ bàwr a yel-bier ír-bɛrʋ ƴãw. À à ŋá n'a fʋ na mɩ́ ɩ a bàwr-maal-kuur ʋ vɩɛl, ɛ́ fʋ cir kãá ƴãw a ʋ zu, maal'ʋ k'ʋ ɩ sõw. 37A tub ŋa na mɩ́ tu n bibie ayopõi. Al pùorí, a bàwr-maal-kuur na ɩ n sõw yaga za. Lɛ n'a nɩr za bɩɩ bom za wa tʋɔr ʋ a na ɩ sõw.»
A bibi-vɩɛrɩ za nyɩw-a-za-bagɛ
38«Bibir za, bɛ na mɩ́ de nɩ yũon-been peli ayi kʋ̀ m a bàwr-maal-kuur zu, ɛ́ kʋralɛ n'a a na ɩrɛ à à ŋá. 39Bɛ na mɩ́ de nɩ a dãw-niwn sob tɩr a biɓaara, ɛ́ tɩr a ayi sob a zaanʋɔra. 40-41Bɛ na lãwnɩ nɩ a biɓaara pele nɩ a zaanʋɔra pele wa n kilo ata zɔ̃ bɛ na naw nɩ litɩr been nɩ ŋmãa kãá na ɩ kãá a, nɩ litɩr been nɩ ŋmãa divɛ̃. A na ɩ n bagɛ a mãa Sore na nɔnɛ a zʋ̀ʋ́r nyũu a. 42Dɩ̃a na dɛ ta a, bɛ na maalɛ nɩ a nyɩw-a-za-bagɛ kʋralɛ kʋ̀rɛ mɛ̃, a tuor-taa pɛn-sɛw dɩ̃dɔr nʋɔr. A be n'a ɩ̃ na mɩ́ tuori nyɩ ƴɛ̀r a fʋ zie.
43Be n'a ɩ̃ na mɩ́ tuori a Ɩsɩrayɛl nɩbɛ, ɛ́ a ɩ̃ beba a be nɩ a ɩ̃ yúor-vɩɛlʋ-danʋ na mɩ́ ɩ n a zie ʋl ʋ ɩ sõw. 44Mãa mɩŋa na maal'ɩ a tuor-taa pɛn-sɛw nɩ a bàwr-maal-kuur a ɩ son. Ɩ̃ na maal'ɩ a Aarɔ̃ nɩ a ʋ bidɛbr bɛ ɩ son, tone a bàwr-maalʋ tome a ɩ̃ ƴãw. 45Ɩ̃ na be n a Ɩsɩrayɛl nɩbɛ sɔgɔ, ɩ a bɛ Naaŋmɩn. 46Lɛ n'a bɛ na nyɛ̃ bãw kɛ́ mãa n'ɩ a Sore, a bɛ Naaŋmɩn na ɩ bɛ yi a Eziptɩ k'ɩ̃ɩ tʋ̃ɔ́ kpɩɛr a bɛ pʋɔ a.
Mãa n'ɩ a Sore bɛ Naaŋmɩn.»
Nke Ahọpụtara Ugbu A:
Eziptɩ tẽw yib 29: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.
Eziptɩ tẽw yib 29
29
A bàwr-maalbɛ nũu-ka-ƴãwfʋ tub
1«Nyɛ̃ a lɛ fʋ na na tu mɩ́ ka nũu ƴãw a Aarɔ̃ nɩ a ʋ bidɛbr bɛ ɩ a bàwr-maalbɛ tone a ɩ̃ tome a:
Fʋ na kaa na ír nadɛr nɩ pʋ́rɩ ayi, a ƴã-gan zie kãw za na bɛ sãw a. 2Fʋ na de nɩ ble zɔ̃ maal'ɩ dipɛ̃ na bɛ ƴãw dãbɩl a nɩ gato bɛ na naw a zɔ̃ nɩ kãá ɛ́ bɛ ƴãw dãbɩl a, de nɩ ble zɔ̃ sɛ̃sɛ̃-ɓɛrɓɛr na bɛ ƴãw dãbɩl ɛ́ sɔ kãá a. 3Fʋ na ƴãw a nɩ pèlé pʋɔ wa n a zi-sõw pʋɔ, lãw nɩ a nadɛr nɩ a pʋ́rɩ ayi al.
4Fʋ na tɛr'ɩ a Aarɔ̃ nɩ a ʋ bidɛbr cen nɩ a tuor-taa pɛn-sɛw dɩ̃dɔrɩ́ tɩ ƴãw bɛ so kʋ̃ɔ. 5Fʋ na su n a Aarɔ̃ a ʋ kpar-son: a kpali-mawra, a kpar-kpɛ̃ɛ-wogo, a nyãa-kpale nɩ a nyãa-zu-zʋbɛ, ɛ́ sɛ ʋ a nyãa-kpale kpàwr. 6Fʋ na vɔbl'ʋ nɩ a pɛn-kpawʋɔ ɛ́ ƴãw a nũu-ka-ƴãwfʋ bãwfʋ#29:6 Nũu-ka-ƴãwfʋ bãwfʋ: A tɩ-puuru pɩ̃ɛmɛ ƴɛ̀rʋ bɛ na ƴɛ̀r a 28.36-37 a, ʋlɛ n'ʋ. a kpawʋɔ ƴãw. 7Al pùorí, fʋ na de nɩ a kãá-sõw cir ƴãw a ʋ zũú tu a kãá-cir-ƴãwfʋ tub a ʋ zie. 8Fʋ na ƴãw na a Aarɔ̃ bidɛbr taw pɩɛlɩ, fʋ su bɛ a bɛ kparɩ, 9ɛ́ sɛ bɛ a bɛ kpàgɛ, vɔblɩ bɛ a bɛ kpawʋʋr. A lɛn daar a, bɛ na ɩ n a bàwr-maalbɛ. Nʋɔr'ʋ ƴãw gã kʋralɛ.
Pãa nyɛ̃ a lɛ fʋ na na de a tome ƴãw a Aarɔ̃ nɩ a ʋ bidɛbr nuru pʋɔ a:
10Bɛ na wa n nɩ a nadɛr a tuor-taa pɛn-sɛw nisɔw. A Aarɔ̃ nɩ a ʋ bidɛbr na dɔwl'ɩ a bɛ nuru a nadɛr zũú. 11Fʋ na ŋmãa nɩ a nadɛr kɔkɔr a ɩ̃ niŋé, a tuor-taa pɛn-sɛw dɩ̃dɔrɩ́. 12Fʋ na de nɩ a zɩ̃ɩ tɩ ɩ n nobir ƴãw a bàwr-maal-kuur ɩ́lɛ́ ƴãw. Al pùorí, fʋ na cir'ɩ a zɩ̃ɩ na cɛ a ƴãw a bàwr-maal-kuur sɩɛ ƴãw. 13Fʋ na de nɩ a kãá za na pàw a nyagɛ nɩ a púor a, a sabr lõbowr kãw, a alãbie a za ayi nɩ a kãá na pàw a a nyɩw a za a bàwr-maal-kuur zu. 14Ʋ na ɩ n a bàwr-maalbɛ yel-bier-ír-bɛrʋ-bàwr. Ɛcɛ a nadɛr nɛn na cɛ a, a gán nɩ a po-bine a, fʋ na yi na zaa nɩ a pɛnɛ-sɛwr pʋɔ tɩ nyɩw a bɛr yẽw.
15Al pùorí, bɛ na wa n nɩ a pʋr-dãw-niwn sob. A Aarɔ̃ nɩ a ʋ bidɛbr na dɔwl'ɩ a bɛ nuru a ʋ zũú. 16Fʋ na ŋmãa nɩ a pʋ́ra kɔkɔr, ɩ a ʋ zɩ̃ɩ mɩr'ɩ a bàwr-maal-kuur kõkowe viiri koli. 17Fʋ na vár vár'ɩ a dʋ̃w ŋma, ɛ́ pɛ́w a pʋ-bome nɩ a gbɛ́ɛ, ɛ́ de a dɔwlɩ a nɛn-gbile á ŋá nɩ a dʋ̃w zu zu. 18Fʋ na nyɩw nɩ a pʋ́ra za bɛr a bàwr-maal-kuur zu. Ʋ na ɩ n nyɩw-a-za-bàwr nyɩ maalɩ kʋ̀ m, bàwr a mãa Sore na nɔnɛ a zʋ̀ʋ́r nyũu a#29:18 Nyɛ̃ Efɛ 5.2, Fil 4.18..
19Bɛ na baa na wa n a pʋ́rɩ ayi sob. A Aarɔ̃ nɩ a ʋ bidɛbr na dɔwl'ɩ a bɛ nuru a ʋ zũú. 20Fʋ na ŋmãa nɩ a pʋ́ra kɔkɔr, ɛ́ ɩ a ʋ zɩ̃ɩ ƴãw a Aarɔ̃ dʋrʋ tolan ƴãw, nɩ a ʋ bidɛbr dem ƴãw, ɛ́ mɩ̀ ƴãw a bɛ dʋrʋ nobidaar nɩ a bɛ dʋrʋ gbɛbidaar ƴãw. Al pùorí, fʋ ɩ a zɩ̃ɩ mɩr a bàwr-maal-kuur kõkowe viiri koli nɩ. 21Fʋ na ɩ n zɩ̃ɩ blã a bàwr-maal-kuur zu nɩ a kãá-cir-ƴãwfʋ kãá mɩr'ɩ a Aarɔ̃ nɩ a ʋ kparɩ, ɛ́ mɩ̀ mɩr a ʋ bidɛbr nɩ a bɛ kparɩ. Lɛ n'a a Aarɔ̃ nɩ a ʋ bidɛbr nɩ a bɛ kparɩ na ɩ son. 22A pʋ́rɩ ayi sob de-kʋ̀b na ɩ n a bàwr-maalbɛ tome-deb ƴãw. Fʋ na de nɩ a dʋ̃w ŋa zʋʋr#29:22 Zʋʋr: A píir a mɩnɛ zie a, a zʋʋr'ʋ mɩ́ ɩ a kãá zie. Nyɛ̃ Lev 3.9., a kãá na pàw a nyagɛ nɩ a púor a, a sabr lõbowr kãw, a alãbie a za ayi nɩ a kãá na pàw a a, nɩ a dʋrʋ pɛrɩ́ gbɛ́r. 23A dipɛ̃ nɩ a pèlé na bin a ɩ̃ niŋé a pʋɔ a, fʋ na ír'ɩ dipɛ̃-vilovilo been, gato bɛ na naw a zɔ̃ nɩ kãá a been nɩ sɛ̃sɛ̃-been. 24Fʋ na ƴãw nɩ a za a Aarɔ̃ nɩ a ʋ bidɛbr nuru pʋɔ, ɛ́ yel bɛ kɛ́ bɛ de a tur kʋ̀ m, mɛ̃ a lɛ bɛ na mɩ́ ɩ de a bom tur a. 25Fʋ na lɛb'a de a, a pùorí, a bɛ nuru pʋɔ, nyɩw a bɛr a bàwr-maal-kuur zu, a nyɩw-a-za-bàwr bome zu: ʋ na ɩ n bàwr ɩ̃ na nɔnɛ a zʋ̀ʋ́r nyũu a. 26Fʋ na de nɩ a pʋ́rɩ ayi sob ŋa na ɩ a Aarɔ̃ tome-deb pʋ́ra a, nyãa tur kʋ̀ m fʋ̃ʋ mɩŋa, mɛ̃ a lɛ bɛ na mɩ́ ɩ tur a bom a. Fʋ̃ʋ na so a bàwr nɛn ŋa a pùorí.
27Fʋ na yel'a k'aa pʋ́ra ŋa nyãa nɩ a dʋrʋ pɛrɩ́ gbɛ́r bɛ na ír, ɛ́ tu a bom tɩrʋ tub tɩr a, ɩ n nɛn-son. 28Alɛ n'a so a Ɩsɩrayɛl nɩbɛ na mɩ́ ír a nɛnɛ á ŋá kʋralɛ, a dʋn bɛ na mɩ́ kʋ maal'ɩ lãw-taa-bàwr kʋ̀ m a nɛnɛ pʋɔ. Bɛ na mɩ́ kʋ̀ a na a Aarɔ̃ nɩ a ʋ bidɛbr.
29A Aarɔ̃ wa kpi a, bɛ na kʋ̀ n a ʋ kparɩ a ʋ bidɛbr bɛ su a, a bɛ nũu-ka-ƴãwfʋ nɩ a bɛ tome-deb bibir. 30A bàwr-maalɛ ʋl na na lɩɛrɩ a Aarɔ̃ a na su a nɩ bibie ayopõi, a tuor-taa pɛn-sɛw pʋɔ kpɛb daar, ʋ na na mɩ́ kpɛ k'ʋʋ tɩ tõ a ʋ tome a zi-sõw pʋɔ a.
31Bɛ na de nɩ a pʋ́rɩ ayi sob ʋl bɛ na kʋ a bàwr-maalbɛ tome-deb ƴãw a nɛn, dʋw zi-sõw pʋɔ. 32A Aarɔ̃ nɩ a ʋ bidɛbr na 'wɔb a na lãw nɩ a dipɛ̃ na cɛ a pèlé pʋɔ a, a tuor-taa pɛn-sɛw dɩ̃dɔr nʋɔr. 33Bɛl yõ nɛbɛ na tʋ̃ɔ́ dɩ a bàwr-maal-bome bɛ na tõ n a bɛ nũu-ka-ƴãwfʋ nɩ a bɛ tome-deb tome, ɛ́ a ɩ bɛ páw a bɛ yel-bebe suur a. Nɩ-yũo kãw za bɛ tɛr sɔ́r na dɩ a ɩ, a na ɩ bʋ̃-dɩ-sõw a ƴãw. 34Nɛn bɩɩ dipɛ̃ wa guu a bio daarɩ́ biɓaara a, bɛ na nyɩw a na bɛr, bɛ bɛ lɛb dɩrɛ a ɩ, bʋ̃-dɩ-son na n'a a.
35Fʋ na ɩ n a Aarɔ̃ nɩ a ʋ bidɛbr zie mɛ̃ à à ŋá tɔr za ɩ̃ na yel kʋ̀ b a. A bàwr-maalbɛ tome-deb tub na mɩ́ maal'ɩ bibie ayopõi.
36Bibir za, fʋ na mɩ́ kʋ n nadɛr maal'ɩ bàwr a yel-bier ír-bɛrʋ ƴãw. À à ŋá n'a fʋ na mɩ́ ɩ a bàwr-maal-kuur ʋ vɩɛl, ɛ́ fʋ cir kãá ƴãw a ʋ zu, maal'ʋ k'ʋ ɩ sõw. 37A tub ŋa na mɩ́ tu n bibie ayopõi. Al pùorí, a bàwr-maal-kuur na ɩ n sõw yaga za. Lɛ n'a nɩr za bɩɩ bom za wa tʋɔr ʋ a na ɩ sõw.»
A bibi-vɩɛrɩ za nyɩw-a-za-bagɛ
38«Bibir za, bɛ na mɩ́ de nɩ yũon-been peli ayi kʋ̀ m a bàwr-maal-kuur zu, ɛ́ kʋralɛ n'a a na ɩrɛ à à ŋá. 39Bɛ na mɩ́ de nɩ a dãw-niwn sob tɩr a biɓaara, ɛ́ tɩr a ayi sob a zaanʋɔra. 40-41Bɛ na lãwnɩ nɩ a biɓaara pele nɩ a zaanʋɔra pele wa n kilo ata zɔ̃ bɛ na naw nɩ litɩr been nɩ ŋmãa kãá na ɩ kãá a, nɩ litɩr been nɩ ŋmãa divɛ̃. A na ɩ n bagɛ a mãa Sore na nɔnɛ a zʋ̀ʋ́r nyũu a. 42Dɩ̃a na dɛ ta a, bɛ na maalɛ nɩ a nyɩw-a-za-bagɛ kʋralɛ kʋ̀rɛ mɛ̃, a tuor-taa pɛn-sɛw dɩ̃dɔr nʋɔr. A be n'a ɩ̃ na mɩ́ tuori nyɩ ƴɛ̀r a fʋ zie.
43Be n'a ɩ̃ na mɩ́ tuori a Ɩsɩrayɛl nɩbɛ, ɛ́ a ɩ̃ beba a be nɩ a ɩ̃ yúor-vɩɛlʋ-danʋ na mɩ́ ɩ n a zie ʋl ʋ ɩ sõw. 44Mãa mɩŋa na maal'ɩ a tuor-taa pɛn-sɛw nɩ a bàwr-maal-kuur a ɩ son. Ɩ̃ na maal'ɩ a Aarɔ̃ nɩ a ʋ bidɛbr bɛ ɩ son, tone a bàwr-maalʋ tome a ɩ̃ ƴãw. 45Ɩ̃ na be n a Ɩsɩrayɛl nɩbɛ sɔgɔ, ɩ a bɛ Naaŋmɩn. 46Lɛ n'a bɛ na nyɛ̃ bãw kɛ́ mãa n'ɩ a Sore, a bɛ Naaŋmɩn na ɩ bɛ yi a Eziptɩ k'ɩ̃ɩ tʋ̃ɔ́ kpɩɛr a bɛ pʋɔ a.
Mãa n'ɩ a Sore bɛ Naaŋmɩn.»
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.