Yele-za-pɛr-tib 41
41
A zánʋ a Faarawɔ̃ na zánɩ a
1Yome ayi pùorí, a Faarawɔ̃ tɩ gã na zanɩ. Ʋ tɩ zanɩ na nyɛ̃ ʋ àr a Nɩl#41:1 Nɩl: A Eziptɩ tẽw man n'ʋ dɩ a Nɩl. nʋɔr, 2wa bere na-vɩɛlɩ 'wɔɛ 'wɔɛ ayopõi yi a Nɩl pʋɔ do 'wɔbr a mʋ̃ɔ. 3Al pùorí, na-faar kòn kòn ayopõi mɩ̀ yi a Nɩl pʋɔ do, cen tɩ páw a dãw niwn dem a man nʋɔr. 4A na-faar kòn kòn tɩ nyɔw nɩ a na-vɩɛlɩ 'wɔɛ 'wɔɛ vɔl. Lɛ n'a a Faarawɔ̃ tɩ zaw ìr.
5Ʋ tɩ lɛb'a gúr, ɛ́ lɛb zanɩ a gb'a ayi sob. Ʋ tɩ nyɛ̃ nɩ ble zu-vɩɛlɩ bɛrɛ ayopõi na yire dà-been zu a. 6Al pùorí, ble zu-mɩɩlɛ ayopõi a wɛja-kpalɛ sɛsɛb na ŋmɛ a ko a, mɩ̀ tɩ yi na. 7A ble zu-mɩɩlɛ kòn tɩ vɔl'ɩ a ble zu-vɩɛlɩ bɛrɛ. Lɛ n'a a Faarawɔ̃ tɩ zaw ìr nyɛ̃ a ɩ zánʋ.
8A biɓaara a, dɛ̃bɩ̃ɛ tɩ ɩrɛ nɩ a Faarawɔ̃, ʋ ƴãw bɛ bʋɔlɩ a Eziptɩ tẽw tɩtɩlbɛ za nɩ a yã-bãwnbɛ za kʋ̀ ʋ. Ʋ tɩ man nɩ a ʋ zánʋ kʋ̀ bɛ, ɛcɛ nɩr za bɛ tɩ tʋ̃ɔ́ ír a pɛr kʋ̀ ʋ ɛ#41:8 A zánʋ ŋa tɔ ƴãw a, nyɛ̃ Dan 2.2.. 9Lɛ n'a a dã-nyúuri kaarbɛ nɩ-kpɛ̃ɛ tɩ yel a Faarawɔ̃: «Nãà a, a fɛr'a k'ɩ̃ɩ wo a ɩ̃ sãwna a dɩ̃a. 10Fʋ tɩ nyɛ̃ nɩ tɩ nɩ suur bibir kãw, mãa nɩ a dipɛ̃-maalbɛ nɩ-kpɛ̃ɛ, ɛ́ nyɔw tɩ pàw a sojarɩ na gùre fʋ a nɩ-kpɛ̃ɛ gaso pʋɔ. 11Tɩ za ayi tɩ zanɩ nɩ tɩ̃ɩsɔw-been, ɛ́ a zánʋ za mɩ́ tɛr a ʋ pɛr. 12Ebre pɔlbil-gbãgbaa kãw na ɩ a sojarɩ na gùre a nãà a nɩ-kpɛ̃ɛ tõ-tõ-bie a, tɩ be n a gaso pʋɔ lãwnɩ tɩ. Tɩ tɩ man nɩ a tɩ zánʋ kʋ̀ ʋ, ʋʋ tɩ ír ŋa za dem pɛr kʋ̀ ʋ. 13A wa tu n a lɛ tɔr za ʋ na ír a pɛr kʋ̀ tɩ a: bɛ lɛb'a de m a ɩ̃ tome pʋɔ, ɛ́ yawlɩ a dipɛ̃-maalbɛ nɩ-kpɛ̃ɛ.»
A Zuzɛb ír'ɩ a Faarawɔ̃ zánʋ pɛr
14A Faarawɔ̃ tɩ ƴãw na bɛ bʋɔlɩ a Zuzɛb. Bɛ tɩ ɩ na ʋ yi fɔ̃wlɛ a gaso pʋɔ. Bɛ tɩ fɔr ʋ nɩ a zu nɩ a tɩɛm, ʋʋ lɩɛrɩ a bʋ̃-suuri wa n a nãà niŋé. 15A nãà tɩ yel'ɩ a Zuzɛb: «Ɩ̃ zánɩ nɩ zánʋ, ɛ́ nɩr za bɛ tʋ̃ɔ́ ír a pɛr kʋ̀ m ɛ. Ɛcɛ ɩ̃ wõ na bɛ yel kɛ́ fʋ mɩ́ tʋ̃ɔ́ na ír a zánʋ bɛ na manɩ kʋ̀ b a pɛr.» 16A Zuzɛb tɩ sɔw nɩ a Faarawɔ̃: «Mãa bɛ n'ʋ ɛ, Naaŋmɩn n'ʋ na tʋ̃ɔ́ ír a pɛr a ɓãá fʋ a ƴãw.» 17Lɛ n'a a Faarawɔ̃ tɩ yel a Zuzɛb: «Ɩ̃ tɩ zanɩ na nyɛ̃ ɩ̃ àr a Nɩl nʋɔr, 18wa bere na-vɩɛlɩ 'wɔɛ 'wɔɛ ayopõi yi a Nɩl pʋɔ do 'wɔbr a mʋ̃ɔ. 19Al pùorí, nĩi ayopõi tɩ do na tu a, na-kon faar faar mɛ̃ ɩ̃ na bɛ dãw nyɛ̃ a taabɛ a Eziptɩ tẽw za pʋɔ a. 20A na-kon faar tɩ nyɔw nɩ a dãw niwn dem vɔl, a na-vɩɛlɩ 'wɔɛ 'wɔɛ ayopõi al. 21A tɩ vɔl a na, ɛ́ fʋ kʋ̃ sàw k'aa be n a pee pʋɔ ɩ, a na tɩ cãà kõw kõw mɛ̃ a dãwdãw a. Lɛ n'a ɩ̃ tɩ zaw ìr. 22Al pùorí, ɩ̃ lɛb zanɩ nyɛ̃ ble zu-vɩɛlɩ ayopõi na paalɩ bie a, a yire da-been zu. 23Ble ayopõi mɩ̀ tɩ yi n a pùorí, kpawlɩ a bie, ɛ́ ɩ mɩɩlɛ, ɛ́ a wɛja-kpalɛ sɛsɛb ŋmɛ a ko. 24A ble zu-mɩɩlɛ tɩ vɔl'ɩ a ble zu-vɩɛlɩ ayopõi al. Ɩ̃ man nɩ a zánʋ á ŋá kʋ̀ a tɩtɩlbɛ, ɛcɛ a bɛ kãw za bɛ tʋ̃ɔ́ ír a pɛr kʋ̀ m ɛ.»
25A Zuzɛb tɩ yel'ɩ a Faarawɔ̃: «Zán-been n'ɩ à á ŋá fʋ na zanɩ a. Naaŋmɩn n'ʋ yel kʋ̀ b à à ŋá, a lɛ ʋ na na ɩ a. 26A na-vɩɛlɩ ayopõi ɩ n yome ayopõi, a ble vɩɛlɩ ayopõi mɩ́ ɩ yome ayopõi: zán-been n'ɩ à ŋá. 27A na-kon-faar ayopõi na do tu a, nɩ a ble zu-mɩɩlɛ ayopõi a wɛja-kpalɛ sɛsɛb na ŋmɛ a ko a, mɩ̀ ɩ n yome ayopõi, yome kɔ̃ na na lo a. 28Nãà a, alɛ n'ɩ a lɛ ɩ̃ na yel kʋ̀ b a, Naaŋmɩn wul fʋ nɩ a ʋlɩ bom ʋ na na ɩ a. 29A yome ayopõi á ŋá na waar a na ɩ n bʋ̃-dieri na ʋr'a yome a Eziptɩ tẽw za pʋɔ. 30Al pùorí, yome ayopõi kɔ̃ n'a na wa, wa ɩ bɛ yiiri a bʋ̃-dieri na tɩ ʋr a Eziptɩ tẽw pʋɔ a bɛr. A kɔ̃ na kpɛ n a tẽw fa bɛr. 31Ʋ na kpɛ n faa yaga za, nɩr bɛ cãà bãw bʋ̃ʋ n'ɩ bome na ʋr a ɩ. 32A zánʋ fʋ na zanɩ a gb'a ayi a, a wul'a k'aa Naaŋmɩn yel'ɩ a ʋlɩ bom nɛ ʋ na na ɩ a baarɩ, nɩ k'ʋʋ kʋ̃ yaa kɛ́ ɩ ʋ ɛ. 33Ƴɛrɛŋa a, nãà a, bɔ nɩr na tɛr yã ɛ́ ɩ yã-bãwnɛ a, ɛ́ kʋ̀ ʋ fãw a Eziptɩ tẽw zu. 34Mɩ̀ ƴãw tõ-tõ-biir bɛ mɩ́ de a tẽw bʋ̃-dieri na põ ziir anũu a zi-been sob, a yome ayopõi al a bʋ̃-dieri na na ʋr a. 35Bɛ na de nɩ a yũo-vɩɛlɩ ayopõi na waar a bʋ̃-dɩrɩ ɓã taa. Fʋ na ƴãw na bɛ ƴãw ble paalɩ bow-bɛrɛ a tẽ-bɛrɛ pʋɔ, a ɩ bʋ̃-dɩrɩ n'a bɛ maal bin gùre nɩ. 36À ŋá n'a a Eziptɩ tẽw na tɛr bʋ̃-dɩrɩ a yome ayopõi kɔ̃ daar, a kɔ̃ bɛ sãw a tẽw ɛ.»
A Zuzɛb lɩɛb'ɩ a Faarawɔ̃ tõ-tõ-bi-kpɛ̃ɛ za
37A Zuzɛb yã ŋa tɩ nʋmɛ nɩ a Faarawɔ̃ nɩ a ʋ tõ-tõ-bi-bɛrɛ zie, 38a Faarawɔ̃ yel bɛ: «A Naaŋmɩn Vʋʋrʋ paal'ɩ a nɩr ŋa. Tɩ na tʋ̃ɔ́ na lɛb nyɛ̃ nɩr ʋ ɩ mɛ̃ a ʋl a?» 39Al pùorí ʋ yel a Zuzɛb: «A Naaŋmɩn na faa n'ʋ wul fʋ à á ŋá za a, nɩr kʋ̃ lɛb tʋ̃ɔ́ tɛr yã ɛ́ bãw yã man fʋ ɛ. 40Fʋ̃ʋ n'ʋ na kaarɛ a ɩ̃ naalʋ-tẽw zie, a ɩ̃ nɩbɛ za na sàwr'ɩ a fʋ nɛ́ɛ. A nãà ɩ̃ na ɩ a, al tɛwr'a na ɩ ɩ̃ zuo fʋ#41:40 Nyɛ̃ Nɩ-t 7.10.. 41Ƴɛrɛŋa a, ɩ̃ kʋ̀rɛ fʋ nɩ fãw a Eziptɩ tẽw za zu.» 42A Faarawɔ̃ tɩ for'ɩ a ʋ nãà nũ-tʋʋr a ʋ nobirí ƴãw a Zuzɛb. Ʋ tɩ ƴãw na bɛ su ʋ lɛ̃ pɛnɛ kpar-vɩɛlɩ vɩɛlɩ, ʋʋ ƴãw ʋ salm-zɩɛ bãzɔlɛ a kɔkɔrɩ́#41:42 Nyɛ̃ Dan 5.29.. 43Al pùorí, ʋ ƴãw ʋ do kpɛ a ʋ zɛbr-torkori ayi sob pʋɔ, ɛ́ nɩbɛ de niwn zɔrɛ, ɛ́ yere: «Nyɩ bɛr sɔ́r!» À ŋá n'a a Faarawɔ̃ tɩ kʋ̀ a Zuzɛb a fãw a Eziptɩ tẽw za zu.
44A Faarawɔ̃ tɩ cãà na yel a Zuzɛb: «Mãa n'ɩ a Faarawɔ̃. Ɛcɛ a fʋ Zuzɛb bɛ wa n'ʋ tɩr sɔ́r a, baa bɛ wowre a Eziptɩ tẽw ŋa za pʋɔ ɩ.» 45Al pùorí ʋ por a Zuzɛb yúor kɛ́ Safɩnatɩ-Paneya#41:45 Safɩnatɩ-Paneya: Eziptɩ tẽw dem yúor'ʋ ɛ́ a pɛr bãwfʋ kpɛmɛ. Ɛcɛ bɛ mɩnɛ tɩ́ɛrɛ k'aa yúor ŋa pɛr'ɩ “Naalʋ-tẽw faarɛ” bɩɩ “Ʋ vʋʋrɛ na” bɩɩ “Ʋ mɩ́ bãw nɩ a yel-sɔwlɩ”. A yúor ŋa n'ʋ a Faarawɔ̃ tɩ por a Zuzɛb.. Ʋ tɩ de nɩ Asɩnatɩ na ɩ On tẽw bàwr-maalɛ Poti-Fera pɔwyaa a kʋ̀ ʋ ʋ ɩ a ʋ pɔw. Lɛ n'a a Zuzɛb tɩ yi cɔlɩ a Eziptɩ tẽw za. 46Ʋ tɩ tɛr'ɩ yome lɩzɛr'ɩ pie a lɛn daar bɛ na tɛr ʋ wa n a Eziptɩ tẽw nãà Faarawɔ̃ niŋé a.
A Zuzɛb tɩ yi n a Faarawɔ̃ zie, ɛ́ nyɔw a Eziptɩ tẽw za cɔlʋ. 47A yome ayopõi al a bʋ̃-dieri na ʋr a, a bʋ̃-kʋ́ɔrɩ tɩ maal'ɩ vla za. 48A yome ayopõi al na tɩ cen tu taa a pʋɔ, a Zuzɛb tɩ de nɩ a bʋ̃-dɩrɩ za ɓã taa. A bʋ̃-dieri bɛ na mɩ́ tɩ de a kuri pʋɔ a, ʋ mɩ́ tɩ de a na maal bin a tẽ-bɛrɛ al a na viiri koli a pʋɔ. 49Ʋ tɩ de nɩ ble yaga yaga za ƴãw boge pʋɔ. A ble tɩ yãwmɛ na man kʋ̃ɔ-kpɛ̃ɛ nʋɔr biire. Lɛ so bɛ tɩ bɛr a ble binu ziir sɔ́rʋ a na tɩ zuo a ƴãw.
50A kɔ̃ na bɛ tɩ lo sɛr a, a Zuzɛb pɔw Asɩnatɩ, na ɩ a On tẽw bàwr-maalɛ Poti-Fera pɔwyaa a, tɩ dɔw nɩ bidɛbr ayi kʋ̀ ʋ. 51Ʋ tɩ por'ɩ a kpɛ̃ɛ kɛ́ Manase#41:51 Manase: A yúor ŋa pɛr'ɩ “Ʋ ɩ na ɩ̃ yiiri”., ɛ́ yel: «Naaŋmɩn sàw na ɩ̃ yiiri a ɩ̃ kpɩɛrʋ za bɛr, ɛ́ mɩ́ yiiri mãa nɩ a ɩ̃ yir dem na tɩ bʋ́r taa a bɛr.» 52Ʋ tɩ por'ɩ a bile kɛ́ Efarayim#41:52 Efarayim: A yúor ŋa pɛr'ɩ “Ʋ kʋ̀ m'ɩ bibiir”. , ɛ́ yel: «Naaŋmɩn kʋ̀ m'ɩ bibiir a tẽw ŋa pʋɔ ɩ̃ na ɩ wʋ̀ʋr a.»
53A bome ʋrʋ yome ayopõi tɩ baar'ɩ a Eziptɩ tẽw. 54Lɛ n'a a yome ayopõi kɔ̃ tɩ tĩ, mɛ̃ a lɛ a Zuzɛb na tɩ yel a. A kɔ̃ tɩ lo n a ten za, ɛ́ bʋ̃-dɩrɩ tɩ cãà a Eziptɩ tẽw za pʋɔ. 55A kɔ̃ na wa tĩ kpɩɛr a Eziptɩ tẽw dem a, bɛ yel'a k'aa Faarawɔ̃ kʋ̀ bɛ bʋ̃-dɩrɩ. Ʋ tɩ yel'ɩ a nɩbɛ za: «Nyɩ cen tɩ páw a Zuzɛb, ɛ́ ɩ a lɛ ʋ na na yel a.» 56A kɔ̃ pãa wa tɩ lo n a tẽw za pʋɔ. Lɛ n'a a Zuzɛb tɩ ƴãw bɛ yuo a boge kʋɔrɛ a ble kʋ̀rɛ a Eziptɩ tẽw dem. Al pùorí a kɔ̃ lɛb tɩ bãw kpɛ faa a Eziptɩ tẽw. 57A nɩbɛ tɩ yire nɩ a ten za waar wa daar a ble a Zuzɛb zie. Bʋ̃ʋ n'ʋ vɛ̃, a kɔ̃ tɩ kʋrɛ nɩ a nɩbɛ a ziir za.
Nke Ahọpụtara Ugbu A:
Yele-za-pɛr-tib 41: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.
Yele-za-pɛr-tib 41
41
A zánʋ a Faarawɔ̃ na zánɩ a
1Yome ayi pùorí, a Faarawɔ̃ tɩ gã na zanɩ. Ʋ tɩ zanɩ na nyɛ̃ ʋ àr a Nɩl#41:1 Nɩl: A Eziptɩ tẽw man n'ʋ dɩ a Nɩl. nʋɔr, 2wa bere na-vɩɛlɩ 'wɔɛ 'wɔɛ ayopõi yi a Nɩl pʋɔ do 'wɔbr a mʋ̃ɔ. 3Al pùorí, na-faar kòn kòn ayopõi mɩ̀ yi a Nɩl pʋɔ do, cen tɩ páw a dãw niwn dem a man nʋɔr. 4A na-faar kòn kòn tɩ nyɔw nɩ a na-vɩɛlɩ 'wɔɛ 'wɔɛ vɔl. Lɛ n'a a Faarawɔ̃ tɩ zaw ìr.
5Ʋ tɩ lɛb'a gúr, ɛ́ lɛb zanɩ a gb'a ayi sob. Ʋ tɩ nyɛ̃ nɩ ble zu-vɩɛlɩ bɛrɛ ayopõi na yire dà-been zu a. 6Al pùorí, ble zu-mɩɩlɛ ayopõi a wɛja-kpalɛ sɛsɛb na ŋmɛ a ko a, mɩ̀ tɩ yi na. 7A ble zu-mɩɩlɛ kòn tɩ vɔl'ɩ a ble zu-vɩɛlɩ bɛrɛ. Lɛ n'a a Faarawɔ̃ tɩ zaw ìr nyɛ̃ a ɩ zánʋ.
8A biɓaara a, dɛ̃bɩ̃ɛ tɩ ɩrɛ nɩ a Faarawɔ̃, ʋ ƴãw bɛ bʋɔlɩ a Eziptɩ tẽw tɩtɩlbɛ za nɩ a yã-bãwnbɛ za kʋ̀ ʋ. Ʋ tɩ man nɩ a ʋ zánʋ kʋ̀ bɛ, ɛcɛ nɩr za bɛ tɩ tʋ̃ɔ́ ír a pɛr kʋ̀ ʋ ɛ#41:8 A zánʋ ŋa tɔ ƴãw a, nyɛ̃ Dan 2.2.. 9Lɛ n'a a dã-nyúuri kaarbɛ nɩ-kpɛ̃ɛ tɩ yel a Faarawɔ̃: «Nãà a, a fɛr'a k'ɩ̃ɩ wo a ɩ̃ sãwna a dɩ̃a. 10Fʋ tɩ nyɛ̃ nɩ tɩ nɩ suur bibir kãw, mãa nɩ a dipɛ̃-maalbɛ nɩ-kpɛ̃ɛ, ɛ́ nyɔw tɩ pàw a sojarɩ na gùre fʋ a nɩ-kpɛ̃ɛ gaso pʋɔ. 11Tɩ za ayi tɩ zanɩ nɩ tɩ̃ɩsɔw-been, ɛ́ a zánʋ za mɩ́ tɛr a ʋ pɛr. 12Ebre pɔlbil-gbãgbaa kãw na ɩ a sojarɩ na gùre a nãà a nɩ-kpɛ̃ɛ tõ-tõ-bie a, tɩ be n a gaso pʋɔ lãwnɩ tɩ. Tɩ tɩ man nɩ a tɩ zánʋ kʋ̀ ʋ, ʋʋ tɩ ír ŋa za dem pɛr kʋ̀ ʋ. 13A wa tu n a lɛ tɔr za ʋ na ír a pɛr kʋ̀ tɩ a: bɛ lɛb'a de m a ɩ̃ tome pʋɔ, ɛ́ yawlɩ a dipɛ̃-maalbɛ nɩ-kpɛ̃ɛ.»
A Zuzɛb ír'ɩ a Faarawɔ̃ zánʋ pɛr
14A Faarawɔ̃ tɩ ƴãw na bɛ bʋɔlɩ a Zuzɛb. Bɛ tɩ ɩ na ʋ yi fɔ̃wlɛ a gaso pʋɔ. Bɛ tɩ fɔr ʋ nɩ a zu nɩ a tɩɛm, ʋʋ lɩɛrɩ a bʋ̃-suuri wa n a nãà niŋé. 15A nãà tɩ yel'ɩ a Zuzɛb: «Ɩ̃ zánɩ nɩ zánʋ, ɛ́ nɩr za bɛ tʋ̃ɔ́ ír a pɛr kʋ̀ m ɛ. Ɛcɛ ɩ̃ wõ na bɛ yel kɛ́ fʋ mɩ́ tʋ̃ɔ́ na ír a zánʋ bɛ na manɩ kʋ̀ b a pɛr.» 16A Zuzɛb tɩ sɔw nɩ a Faarawɔ̃: «Mãa bɛ n'ʋ ɛ, Naaŋmɩn n'ʋ na tʋ̃ɔ́ ír a pɛr a ɓãá fʋ a ƴãw.» 17Lɛ n'a a Faarawɔ̃ tɩ yel a Zuzɛb: «Ɩ̃ tɩ zanɩ na nyɛ̃ ɩ̃ àr a Nɩl nʋɔr, 18wa bere na-vɩɛlɩ 'wɔɛ 'wɔɛ ayopõi yi a Nɩl pʋɔ do 'wɔbr a mʋ̃ɔ. 19Al pùorí, nĩi ayopõi tɩ do na tu a, na-kon faar faar mɛ̃ ɩ̃ na bɛ dãw nyɛ̃ a taabɛ a Eziptɩ tẽw za pʋɔ a. 20A na-kon faar tɩ nyɔw nɩ a dãw niwn dem vɔl, a na-vɩɛlɩ 'wɔɛ 'wɔɛ ayopõi al. 21A tɩ vɔl a na, ɛ́ fʋ kʋ̃ sàw k'aa be n a pee pʋɔ ɩ, a na tɩ cãà kõw kõw mɛ̃ a dãwdãw a. Lɛ n'a ɩ̃ tɩ zaw ìr. 22Al pùorí, ɩ̃ lɛb zanɩ nyɛ̃ ble zu-vɩɛlɩ ayopõi na paalɩ bie a, a yire da-been zu. 23Ble ayopõi mɩ̀ tɩ yi n a pùorí, kpawlɩ a bie, ɛ́ ɩ mɩɩlɛ, ɛ́ a wɛja-kpalɛ sɛsɛb ŋmɛ a ko. 24A ble zu-mɩɩlɛ tɩ vɔl'ɩ a ble zu-vɩɛlɩ ayopõi al. Ɩ̃ man nɩ a zánʋ á ŋá kʋ̀ a tɩtɩlbɛ, ɛcɛ a bɛ kãw za bɛ tʋ̃ɔ́ ír a pɛr kʋ̀ m ɛ.»
25A Zuzɛb tɩ yel'ɩ a Faarawɔ̃: «Zán-been n'ɩ à á ŋá fʋ na zanɩ a. Naaŋmɩn n'ʋ yel kʋ̀ b à à ŋá, a lɛ ʋ na na ɩ a. 26A na-vɩɛlɩ ayopõi ɩ n yome ayopõi, a ble vɩɛlɩ ayopõi mɩ́ ɩ yome ayopõi: zán-been n'ɩ à ŋá. 27A na-kon-faar ayopõi na do tu a, nɩ a ble zu-mɩɩlɛ ayopõi a wɛja-kpalɛ sɛsɛb na ŋmɛ a ko a, mɩ̀ ɩ n yome ayopõi, yome kɔ̃ na na lo a. 28Nãà a, alɛ n'ɩ a lɛ ɩ̃ na yel kʋ̀ b a, Naaŋmɩn wul fʋ nɩ a ʋlɩ bom ʋ na na ɩ a. 29A yome ayopõi á ŋá na waar a na ɩ n bʋ̃-dieri na ʋr'a yome a Eziptɩ tẽw za pʋɔ. 30Al pùorí, yome ayopõi kɔ̃ n'a na wa, wa ɩ bɛ yiiri a bʋ̃-dieri na tɩ ʋr a Eziptɩ tẽw pʋɔ a bɛr. A kɔ̃ na kpɛ n a tẽw fa bɛr. 31Ʋ na kpɛ n faa yaga za, nɩr bɛ cãà bãw bʋ̃ʋ n'ɩ bome na ʋr a ɩ. 32A zánʋ fʋ na zanɩ a gb'a ayi a, a wul'a k'aa Naaŋmɩn yel'ɩ a ʋlɩ bom nɛ ʋ na na ɩ a baarɩ, nɩ k'ʋʋ kʋ̃ yaa kɛ́ ɩ ʋ ɛ. 33Ƴɛrɛŋa a, nãà a, bɔ nɩr na tɛr yã ɛ́ ɩ yã-bãwnɛ a, ɛ́ kʋ̀ ʋ fãw a Eziptɩ tẽw zu. 34Mɩ̀ ƴãw tõ-tõ-biir bɛ mɩ́ de a tẽw bʋ̃-dieri na põ ziir anũu a zi-been sob, a yome ayopõi al a bʋ̃-dieri na na ʋr a. 35Bɛ na de nɩ a yũo-vɩɛlɩ ayopõi na waar a bʋ̃-dɩrɩ ɓã taa. Fʋ na ƴãw na bɛ ƴãw ble paalɩ bow-bɛrɛ a tẽ-bɛrɛ pʋɔ, a ɩ bʋ̃-dɩrɩ n'a bɛ maal bin gùre nɩ. 36À ŋá n'a a Eziptɩ tẽw na tɛr bʋ̃-dɩrɩ a yome ayopõi kɔ̃ daar, a kɔ̃ bɛ sãw a tẽw ɛ.»
A Zuzɛb lɩɛb'ɩ a Faarawɔ̃ tõ-tõ-bi-kpɛ̃ɛ za
37A Zuzɛb yã ŋa tɩ nʋmɛ nɩ a Faarawɔ̃ nɩ a ʋ tõ-tõ-bi-bɛrɛ zie, 38a Faarawɔ̃ yel bɛ: «A Naaŋmɩn Vʋʋrʋ paal'ɩ a nɩr ŋa. Tɩ na tʋ̃ɔ́ na lɛb nyɛ̃ nɩr ʋ ɩ mɛ̃ a ʋl a?» 39Al pùorí ʋ yel a Zuzɛb: «A Naaŋmɩn na faa n'ʋ wul fʋ à á ŋá za a, nɩr kʋ̃ lɛb tʋ̃ɔ́ tɛr yã ɛ́ bãw yã man fʋ ɛ. 40Fʋ̃ʋ n'ʋ na kaarɛ a ɩ̃ naalʋ-tẽw zie, a ɩ̃ nɩbɛ za na sàwr'ɩ a fʋ nɛ́ɛ. A nãà ɩ̃ na ɩ a, al tɛwr'a na ɩ ɩ̃ zuo fʋ#41:40 Nyɛ̃ Nɩ-t 7.10.. 41Ƴɛrɛŋa a, ɩ̃ kʋ̀rɛ fʋ nɩ fãw a Eziptɩ tẽw za zu.» 42A Faarawɔ̃ tɩ for'ɩ a ʋ nãà nũ-tʋʋr a ʋ nobirí ƴãw a Zuzɛb. Ʋ tɩ ƴãw na bɛ su ʋ lɛ̃ pɛnɛ kpar-vɩɛlɩ vɩɛlɩ, ʋʋ ƴãw ʋ salm-zɩɛ bãzɔlɛ a kɔkɔrɩ́#41:42 Nyɛ̃ Dan 5.29.. 43Al pùorí, ʋ ƴãw ʋ do kpɛ a ʋ zɛbr-torkori ayi sob pʋɔ, ɛ́ nɩbɛ de niwn zɔrɛ, ɛ́ yere: «Nyɩ bɛr sɔ́r!» À ŋá n'a a Faarawɔ̃ tɩ kʋ̀ a Zuzɛb a fãw a Eziptɩ tẽw za zu.
44A Faarawɔ̃ tɩ cãà na yel a Zuzɛb: «Mãa n'ɩ a Faarawɔ̃. Ɛcɛ a fʋ Zuzɛb bɛ wa n'ʋ tɩr sɔ́r a, baa bɛ wowre a Eziptɩ tẽw ŋa za pʋɔ ɩ.» 45Al pùorí ʋ por a Zuzɛb yúor kɛ́ Safɩnatɩ-Paneya#41:45 Safɩnatɩ-Paneya: Eziptɩ tẽw dem yúor'ʋ ɛ́ a pɛr bãwfʋ kpɛmɛ. Ɛcɛ bɛ mɩnɛ tɩ́ɛrɛ k'aa yúor ŋa pɛr'ɩ “Naalʋ-tẽw faarɛ” bɩɩ “Ʋ vʋʋrɛ na” bɩɩ “Ʋ mɩ́ bãw nɩ a yel-sɔwlɩ”. A yúor ŋa n'ʋ a Faarawɔ̃ tɩ por a Zuzɛb.. Ʋ tɩ de nɩ Asɩnatɩ na ɩ On tẽw bàwr-maalɛ Poti-Fera pɔwyaa a kʋ̀ ʋ ʋ ɩ a ʋ pɔw. Lɛ n'a a Zuzɛb tɩ yi cɔlɩ a Eziptɩ tẽw za. 46Ʋ tɩ tɛr'ɩ yome lɩzɛr'ɩ pie a lɛn daar bɛ na tɛr ʋ wa n a Eziptɩ tẽw nãà Faarawɔ̃ niŋé a.
A Zuzɛb tɩ yi n a Faarawɔ̃ zie, ɛ́ nyɔw a Eziptɩ tẽw za cɔlʋ. 47A yome ayopõi al a bʋ̃-dieri na ʋr a, a bʋ̃-kʋ́ɔrɩ tɩ maal'ɩ vla za. 48A yome ayopõi al na tɩ cen tu taa a pʋɔ, a Zuzɛb tɩ de nɩ a bʋ̃-dɩrɩ za ɓã taa. A bʋ̃-dieri bɛ na mɩ́ tɩ de a kuri pʋɔ a, ʋ mɩ́ tɩ de a na maal bin a tẽ-bɛrɛ al a na viiri koli a pʋɔ. 49Ʋ tɩ de nɩ ble yaga yaga za ƴãw boge pʋɔ. A ble tɩ yãwmɛ na man kʋ̃ɔ-kpɛ̃ɛ nʋɔr biire. Lɛ so bɛ tɩ bɛr a ble binu ziir sɔ́rʋ a na tɩ zuo a ƴãw.
50A kɔ̃ na bɛ tɩ lo sɛr a, a Zuzɛb pɔw Asɩnatɩ, na ɩ a On tẽw bàwr-maalɛ Poti-Fera pɔwyaa a, tɩ dɔw nɩ bidɛbr ayi kʋ̀ ʋ. 51Ʋ tɩ por'ɩ a kpɛ̃ɛ kɛ́ Manase#41:51 Manase: A yúor ŋa pɛr'ɩ “Ʋ ɩ na ɩ̃ yiiri”., ɛ́ yel: «Naaŋmɩn sàw na ɩ̃ yiiri a ɩ̃ kpɩɛrʋ za bɛr, ɛ́ mɩ́ yiiri mãa nɩ a ɩ̃ yir dem na tɩ bʋ́r taa a bɛr.» 52Ʋ tɩ por'ɩ a bile kɛ́ Efarayim#41:52 Efarayim: A yúor ŋa pɛr'ɩ “Ʋ kʋ̀ m'ɩ bibiir”. , ɛ́ yel: «Naaŋmɩn kʋ̀ m'ɩ bibiir a tẽw ŋa pʋɔ ɩ̃ na ɩ wʋ̀ʋr a.»
53A bome ʋrʋ yome ayopõi tɩ baar'ɩ a Eziptɩ tẽw. 54Lɛ n'a a yome ayopõi kɔ̃ tɩ tĩ, mɛ̃ a lɛ a Zuzɛb na tɩ yel a. A kɔ̃ tɩ lo n a ten za, ɛ́ bʋ̃-dɩrɩ tɩ cãà a Eziptɩ tẽw za pʋɔ. 55A kɔ̃ na wa tĩ kpɩɛr a Eziptɩ tẽw dem a, bɛ yel'a k'aa Faarawɔ̃ kʋ̀ bɛ bʋ̃-dɩrɩ. Ʋ tɩ yel'ɩ a nɩbɛ za: «Nyɩ cen tɩ páw a Zuzɛb, ɛ́ ɩ a lɛ ʋ na na yel a.» 56A kɔ̃ pãa wa tɩ lo n a tẽw za pʋɔ. Lɛ n'a a Zuzɛb tɩ ƴãw bɛ yuo a boge kʋɔrɛ a ble kʋ̀rɛ a Eziptɩ tẽw dem. Al pùorí a kɔ̃ lɛb tɩ bãw kpɛ faa a Eziptɩ tẽw. 57A nɩbɛ tɩ yire nɩ a ten za waar wa daar a ble a Zuzɛb zie. Bʋ̃ʋ n'ʋ vɛ̃, a kɔ̃ tɩ kʋrɛ nɩ a nɩbɛ a ziir za.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.