Yele-za-pɛr-tib 48
48
A Zakɔb ƴɛ̀r'ɩ nɔ-vla ƴãw a Zuzɛb bibiir
1A yele á ŋá pùorí a, bɛ tɩ yel'ɩ a Zuzɛb: «A fʋ sãà ɩ n bàal.» Lɛ n'a a Zuzɛb tɩ tɛr a ʋ bidɛbr bɛ za ayi, a Manase nɩ a Efarayim cen nɩ. 2Bɛ tɩ yel'ɩ a Zakɔb: «A fʋ bidɛb Zuzɛb'ɩ ŋan waar a fʋ nyɛ́b.» A Zakɔb tɩ ƴãw nɩ fãw ìr zɩ̃ a ʋ gado zu. 3Ʋ tɩ yel'ɩ a Zuzɛb: «A Naaŋmɩn kpɛnʋ-za-sob ɩ na k'ɩ̃ nyɛ̃ ʋ a Luuzɩ, a Kanãa tẽw. Ʋ maalɩ mɛ̃ na, 4ɛ́ yel mɛ̃: “Ɩ̃ na kʋ̀ b'ɩ bibiir bɛ yãwmɛ yaga, ɛ́ ɩ fʋ ɩ nɩ-bʋʋrɛ na yãwmɛ ɓã taa a sãàkʋm. Ɩ̃ na kʋ̀ n a tẽw ŋa a fʋ bʋʋrɛ bɛ so ʋ kʋralɛ#48:4 A kan-nɛ́ɛ 3-4 ƴãw a, nyɛ̃ 28.13-14.”.» 5A Zakɔb tɩ yel'a ƴãw pʋɔ: «A fʋ bidɛbr ayi bɛl na dɔw a Eziptɩ ka, ɩ̃ɩ bãw wa páw fʋ a, mãa so bɛ. Mãa so a Efarayim nɩ a Manase, mɛ̃ a lɛ ɩ̃ na so a Urubɛn nɩ a Sɩmɩ̃ɔ a#48:5 A Efarayim nɩ a Manase nãà ɩ n dɔwlʋ ayi sãàkʋm-kore mɛ̃ a Urubɛn nɩ a Sɩmɩ̃ɔ a, lɩɛrɩ a bɛ sãà Zuzɛb.. 6Ɛcɛ a bibiir fʋ̃ʋ nãà wa dɔw a bɛ pùorí a, fʋ̃ʋ na so bɛ. A bɛ bɛrɛ ziir pʋɔ n'a bɛ mɩ̀ nãà páw a bɛ dem. 7Ɩ̃ na tɩ yi a Mezopotami lɛb waar a, ɩ̃ tɩ cɛ nɩ blã na ta a Efarata, a Kanãa tẽw, ɛ́ a fʋ mã Arasɛl kpi a ɩ̃ nuru pʋɔ a sɔ́r zu#48:7 Arasɛl kũu: Nyɛ̃ 35.19.. A be n'a ɩ̃ ũù ʋ a sɔ́r nʋɔr, a Efarata, bɛ na bʋɔlɛ ƴɛrɛŋa Bɛtɩlɛm a.» 8A Zakɔb tɩ nyɛ̃ nɩ a Zuzɛb bidɛbr ayi, ɛ́ sowri: «Ã-mɩnɛ n'ɩ a bɛ ŋa?» 9A Zuzɛb sɔw: «A bibiir a Naaŋmɩn na kʋ̀ m a Eziptɩ ka a nɛbɛ.» A Zakɔb yel: «Tɛr bɛ taw pɩɛl'ɩ mɛ̃, ɩ̃ ƴɛ̀r nɔ-vla ƴãw bɛ.»
10A Zakɔb tɩ kor'ɩ yaga, a mimie bɛ tɩ cãà maal nyɛrɛ ɩ. A Zuzɛb tɩ ɩ n a ʋ bidɛbr bɛ taw ta. A Zakɔb tɩ nyɔw bɛ na weri ɛ́ fɩɩrɩ tɛr. 11Al pùorí ʋ yel a Zuzɛb: «Ɩ̃ bɛ tɩ tɩ́ɛrɛ k'ɩ̃ɩ na lɛb'a nyɛ̃ a fʋ niwn ɛ, ɛ́ Naaŋmɩn wa sàw ɩ̃ nyɛ̃ a fʋ bibiir tɛɛ za!» 12A Zuzɛb tɩ ɓáw nɩ a ʋ bidɛbr a ʋ sãà gbɛ́ɛ zu, ɛ́ gbĩ dume gũu tɩ tɔ tẽw. 13Al pùorí ʋ nyɔw a ʋ bidɛbr ayi a nuru ƴãw: a Efarayim na tɩ be a ʋ dʋrʋ lowr a tɩ be n a Zakɔb gʋba lowr, ɛ́ a Manase na tɩ be a ʋ gʋba lowr a, be a Zakɔb dʋrʋ lowr. A Zuzɛb tɩ ɩ na bɛ taw ta a Zakɔb. 14Ɛcɛ a Zakɔb tɩ garjɩr'ɩ a ʋ nuru: dɔwlɩ a ʋ dʋrʋ nũu a Efarayim na ɩ a bile a zũú, ɛ́ dɔwlɩ a ʋ gʋba nũu a Manase na nɩ̃ɛ ɩ a kpɛ̃ɛ a zũú#48:14 Dɔwlɩ nũu a kpɛ̃ɛ zũú: A nɔ-vla na vɩɛl za a n'ʋ bɛ mɩ́ tɩ ƴɛ̀r ƴãw a kpɛ̃ɛ nɩ a dʋrʋ nũu, ɛ́ a Zakɔb wa garjɩr a nuru dɔwlɩ a ʋ dʋrʋ nũu a bile zũú.. 15Ʋ tɩ ƴɛ̀r'ɩ nɔ-vla ƴãw a Zuzɛb yel:
«A Naaŋmɩn ʋl niŋé a ɩ̃ sãàkʋm Abraham
nɩ a ɩ̃ sãà Ɩzaakɩ na vʋʋrɩ a,
a Naaŋmɩn ʋl na ɩ a ɩ̃ cɩ̃ɩnɛ,
ɩ̃ na cɔ̃ kɛ́ be wa tɩ tɔ a dɩ̃a a,
16a malkɩ ʋl na faa mɛ̃ yel-faa za pʋɔ a,
ʋ maalɩ a dɛbli bɛ ŋa, k'aa bɛl zũú a,
a ɩ̃ yúor tʋ̃ɔ́ pore, mɛ̃ a ɩ̃ sãàkʋm Abraham
nɩ a ɩ̃ sãà Ɩzaakɩ dem a!
Bɛ yɛ̀r yaga za a tẽw za pʋɔ!»
17A Zuzɛb tɩ nyɛ̃ na k'aa ʋ sãà dɔwl'ɩ a ʋ dʋrʋ nũu a Efarayim zũú, ɛ́ nʋ̃ɔ̀ bɛ tɩ kpɛ ʋ ɛ. Ʋ tɩ ír'ɩ a ʋ sãà nũu a Efarayim zũú, cen nɩ k'ʋʋ tɩ dɔwlɩ a Manase zũú, ɛ́ yel: 18«Ɩ̃ sãà a, lɛ bɛ n'a ɩ, ŋa n'ɩ a kpɛ̃ɛ, dɔwlɩ a fʋ dʋrʋ nũu a ʋ zu.» 19Ɛcɛ a sãà tɩ zawr'a, ɛ́ yel: «Ɩ̃ bãwnɩ a na, ɩ̃ bidɛb i, ɩ̃ bãwnɩ a na. A Manase bʋʋrɛ mɩ̀ na yɛ̀r a tɩ ɩ nɩ-bʋʋr-yaga. Ɛcɛ a ʋ yɛ-bile na ɩ n kpɛ̃ɛ zuo ʋ, ɛ́ a ʋ bʋʋrɛ ɩ tẽ-yaga yaga nɩbɛ.»
20Ʋ tɩ ƴɛ̀r'ɩ nɔ-vla ƴãw bɛ a ʋlɩ bibir nɛ yel: «A nyɩ yée n'a a Ɩsɩrayɛl nɩbɛ na pore ƴɛ̀rɛ nɩ a nɔ-vla ƴãwnɛ taa. Bɛ na yere na: “A Naaŋmɩn, ʋ maalɩ fʋ vla mɛ̃ a lɛ ʋ na maalɩ a Efarayim nɩ a Manase a#48:20 Nyɛ̃ Eb 11.21.!”» À ŋá n'a a Zakɔb tɩ ɩ a Efarayim de niwn a Manase ƴãw. 21Al pùorí ʋ yel a Zuzɛb: «Ɩ̃ kʋ̃ yaa kɛ́ kpi ɛ, ɛcɛ Naaŋmɩn na be n a nyɩ zie ɛ́ ɩ nyɩ lɛb wa a nyɩ sãàkʋm-kore tẽw. 22Mãa ƴãw a, ɩ̃ kʋ̀rɛ fʋ na zuo a fʋ yɛbr, ɩ̃ kʋ̀rɛ fʋ nɩ a Sɩsɛm#48:22 Sɩsɛm: A Sɩsɛm tẽw n'a bɛ tɩ ũù a Zuzɛb (Zoz 24.32). A Sɩsɛm yúor ŋa pɛr'ɩ “baw” bɩɩ “gbɛ́r”, bʋ̃ʋ n'ʋ vɛ̃, a dʋ̃w baw bɩɩ a gbɛ́r tɩ ɩ n a nɛn zi-vla zie (nyɛ̃ 1Sa 9.24). vuo za. Ɩ̃ zɛb'ɩ nɩ a ɩ̃ zɛbr-sɔ-kpɛ̃ɛ nɩ a ɩ̃ tam de ʋ a Amoritɩ mɩnɛ zie.»
Nke Ahọpụtara Ugbu A:
Yele-za-pɛr-tib 48: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.
Yele-za-pɛr-tib 48
48
A Zakɔb ƴɛ̀r'ɩ nɔ-vla ƴãw a Zuzɛb bibiir
1A yele á ŋá pùorí a, bɛ tɩ yel'ɩ a Zuzɛb: «A fʋ sãà ɩ n bàal.» Lɛ n'a a Zuzɛb tɩ tɛr a ʋ bidɛbr bɛ za ayi, a Manase nɩ a Efarayim cen nɩ. 2Bɛ tɩ yel'ɩ a Zakɔb: «A fʋ bidɛb Zuzɛb'ɩ ŋan waar a fʋ nyɛ́b.» A Zakɔb tɩ ƴãw nɩ fãw ìr zɩ̃ a ʋ gado zu. 3Ʋ tɩ yel'ɩ a Zuzɛb: «A Naaŋmɩn kpɛnʋ-za-sob ɩ na k'ɩ̃ nyɛ̃ ʋ a Luuzɩ, a Kanãa tẽw. Ʋ maalɩ mɛ̃ na, 4ɛ́ yel mɛ̃: “Ɩ̃ na kʋ̀ b'ɩ bibiir bɛ yãwmɛ yaga, ɛ́ ɩ fʋ ɩ nɩ-bʋʋrɛ na yãwmɛ ɓã taa a sãàkʋm. Ɩ̃ na kʋ̀ n a tẽw ŋa a fʋ bʋʋrɛ bɛ so ʋ kʋralɛ#48:4 A kan-nɛ́ɛ 3-4 ƴãw a, nyɛ̃ 28.13-14.”.» 5A Zakɔb tɩ yel'a ƴãw pʋɔ: «A fʋ bidɛbr ayi bɛl na dɔw a Eziptɩ ka, ɩ̃ɩ bãw wa páw fʋ a, mãa so bɛ. Mãa so a Efarayim nɩ a Manase, mɛ̃ a lɛ ɩ̃ na so a Urubɛn nɩ a Sɩmɩ̃ɔ a#48:5 A Efarayim nɩ a Manase nãà ɩ n dɔwlʋ ayi sãàkʋm-kore mɛ̃ a Urubɛn nɩ a Sɩmɩ̃ɔ a, lɩɛrɩ a bɛ sãà Zuzɛb.. 6Ɛcɛ a bibiir fʋ̃ʋ nãà wa dɔw a bɛ pùorí a, fʋ̃ʋ na so bɛ. A bɛ bɛrɛ ziir pʋɔ n'a bɛ mɩ̀ nãà páw a bɛ dem. 7Ɩ̃ na tɩ yi a Mezopotami lɛb waar a, ɩ̃ tɩ cɛ nɩ blã na ta a Efarata, a Kanãa tẽw, ɛ́ a fʋ mã Arasɛl kpi a ɩ̃ nuru pʋɔ a sɔ́r zu#48:7 Arasɛl kũu: Nyɛ̃ 35.19.. A be n'a ɩ̃ ũù ʋ a sɔ́r nʋɔr, a Efarata, bɛ na bʋɔlɛ ƴɛrɛŋa Bɛtɩlɛm a.» 8A Zakɔb tɩ nyɛ̃ nɩ a Zuzɛb bidɛbr ayi, ɛ́ sowri: «Ã-mɩnɛ n'ɩ a bɛ ŋa?» 9A Zuzɛb sɔw: «A bibiir a Naaŋmɩn na kʋ̀ m a Eziptɩ ka a nɛbɛ.» A Zakɔb yel: «Tɛr bɛ taw pɩɛl'ɩ mɛ̃, ɩ̃ ƴɛ̀r nɔ-vla ƴãw bɛ.»
10A Zakɔb tɩ kor'ɩ yaga, a mimie bɛ tɩ cãà maal nyɛrɛ ɩ. A Zuzɛb tɩ ɩ n a ʋ bidɛbr bɛ taw ta. A Zakɔb tɩ nyɔw bɛ na weri ɛ́ fɩɩrɩ tɛr. 11Al pùorí ʋ yel a Zuzɛb: «Ɩ̃ bɛ tɩ tɩ́ɛrɛ k'ɩ̃ɩ na lɛb'a nyɛ̃ a fʋ niwn ɛ, ɛ́ Naaŋmɩn wa sàw ɩ̃ nyɛ̃ a fʋ bibiir tɛɛ za!» 12A Zuzɛb tɩ ɓáw nɩ a ʋ bidɛbr a ʋ sãà gbɛ́ɛ zu, ɛ́ gbĩ dume gũu tɩ tɔ tẽw. 13Al pùorí ʋ nyɔw a ʋ bidɛbr ayi a nuru ƴãw: a Efarayim na tɩ be a ʋ dʋrʋ lowr a tɩ be n a Zakɔb gʋba lowr, ɛ́ a Manase na tɩ be a ʋ gʋba lowr a, be a Zakɔb dʋrʋ lowr. A Zuzɛb tɩ ɩ na bɛ taw ta a Zakɔb. 14Ɛcɛ a Zakɔb tɩ garjɩr'ɩ a ʋ nuru: dɔwlɩ a ʋ dʋrʋ nũu a Efarayim na ɩ a bile a zũú, ɛ́ dɔwlɩ a ʋ gʋba nũu a Manase na nɩ̃ɛ ɩ a kpɛ̃ɛ a zũú#48:14 Dɔwlɩ nũu a kpɛ̃ɛ zũú: A nɔ-vla na vɩɛl za a n'ʋ bɛ mɩ́ tɩ ƴɛ̀r ƴãw a kpɛ̃ɛ nɩ a dʋrʋ nũu, ɛ́ a Zakɔb wa garjɩr a nuru dɔwlɩ a ʋ dʋrʋ nũu a bile zũú.. 15Ʋ tɩ ƴɛ̀r'ɩ nɔ-vla ƴãw a Zuzɛb yel:
«A Naaŋmɩn ʋl niŋé a ɩ̃ sãàkʋm Abraham
nɩ a ɩ̃ sãà Ɩzaakɩ na vʋʋrɩ a,
a Naaŋmɩn ʋl na ɩ a ɩ̃ cɩ̃ɩnɛ,
ɩ̃ na cɔ̃ kɛ́ be wa tɩ tɔ a dɩ̃a a,
16a malkɩ ʋl na faa mɛ̃ yel-faa za pʋɔ a,
ʋ maalɩ a dɛbli bɛ ŋa, k'aa bɛl zũú a,
a ɩ̃ yúor tʋ̃ɔ́ pore, mɛ̃ a ɩ̃ sãàkʋm Abraham
nɩ a ɩ̃ sãà Ɩzaakɩ dem a!
Bɛ yɛ̀r yaga za a tẽw za pʋɔ!»
17A Zuzɛb tɩ nyɛ̃ na k'aa ʋ sãà dɔwl'ɩ a ʋ dʋrʋ nũu a Efarayim zũú, ɛ́ nʋ̃ɔ̀ bɛ tɩ kpɛ ʋ ɛ. Ʋ tɩ ír'ɩ a ʋ sãà nũu a Efarayim zũú, cen nɩ k'ʋʋ tɩ dɔwlɩ a Manase zũú, ɛ́ yel: 18«Ɩ̃ sãà a, lɛ bɛ n'a ɩ, ŋa n'ɩ a kpɛ̃ɛ, dɔwlɩ a fʋ dʋrʋ nũu a ʋ zu.» 19Ɛcɛ a sãà tɩ zawr'a, ɛ́ yel: «Ɩ̃ bãwnɩ a na, ɩ̃ bidɛb i, ɩ̃ bãwnɩ a na. A Manase bʋʋrɛ mɩ̀ na yɛ̀r a tɩ ɩ nɩ-bʋʋr-yaga. Ɛcɛ a ʋ yɛ-bile na ɩ n kpɛ̃ɛ zuo ʋ, ɛ́ a ʋ bʋʋrɛ ɩ tẽ-yaga yaga nɩbɛ.»
20Ʋ tɩ ƴɛ̀r'ɩ nɔ-vla ƴãw bɛ a ʋlɩ bibir nɛ yel: «A nyɩ yée n'a a Ɩsɩrayɛl nɩbɛ na pore ƴɛ̀rɛ nɩ a nɔ-vla ƴãwnɛ taa. Bɛ na yere na: “A Naaŋmɩn, ʋ maalɩ fʋ vla mɛ̃ a lɛ ʋ na maalɩ a Efarayim nɩ a Manase a#48:20 Nyɛ̃ Eb 11.21.!”» À ŋá n'a a Zakɔb tɩ ɩ a Efarayim de niwn a Manase ƴãw. 21Al pùorí ʋ yel a Zuzɛb: «Ɩ̃ kʋ̃ yaa kɛ́ kpi ɛ, ɛcɛ Naaŋmɩn na be n a nyɩ zie ɛ́ ɩ nyɩ lɛb wa a nyɩ sãàkʋm-kore tẽw. 22Mãa ƴãw a, ɩ̃ kʋ̀rɛ fʋ na zuo a fʋ yɛbr, ɩ̃ kʋ̀rɛ fʋ nɩ a Sɩsɛm#48:22 Sɩsɛm: A Sɩsɛm tẽw n'a bɛ tɩ ũù a Zuzɛb (Zoz 24.32). A Sɩsɛm yúor ŋa pɛr'ɩ “baw” bɩɩ “gbɛ́r”, bʋ̃ʋ n'ʋ vɛ̃, a dʋ̃w baw bɩɩ a gbɛ́r tɩ ɩ n a nɛn zi-vla zie (nyɛ̃ 1Sa 9.24). vuo za. Ɩ̃ zɛb'ɩ nɩ a ɩ̃ zɛbr-sɔ-kpɛ̃ɛ nɩ a ɩ̃ tam de ʋ a Amoritɩ mɩnɛ zie.»
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.