Sɔr-nɛ́ɛ 4
4
A levitɩ mɩnɛ dɔwlʋ tõ-nɛ́ɛ
a. A Kehatɩ bʋʋrɛ tome
1A Sore tɩ yel'ɩ a Moyiir nɩ a Aarɔ̃ à ŋá: 2-3«A levitɩ mɩnɛ bɛl na ɩ a Kehatɩ bʋʋrɛ ɛ́ tɛr yome lɩzɛr'ɩ pie tɩ ta yome lɩz'a ayi nɩ pie a, nyɩ sɛb a bɛ yée a dɔwlʋ dɔwlʋ nɩ a yie yie. Bɛ na ír bɛ na bɛ tɛr tome a tuor-taa pɛn-sɛw pʋɔ. 4Bɛ na kaarɛ nɩ a bʋ̃-son son zie. 5A Ɩsɩrayɛl nɩbɛ mɩ́ wa lɛb lore a sɔ́r a, a Aarɔ̃ nɩ a ʋ bidɛbr na mɩ́ wa na wa yàw a zi-sõw pɛn-yawla na bʋ́r a ziir a, pàw nɩ a daw-sõw na tɛr a wõ-taa kʋsɛ-pamɛ a. 6Bɛ na mɩ́ de nɩ gán-kpɛ̃w dɔwlɩ pàw, ɛ́ de píir kɔblʋ pɛn-zɩɛ-mʋɔlɛ pàw a za, ɛ́ de a dàar tõ ƴãw a daga ƴãw, a ʋ tuofʋ ƴãw. 7Bɛ na mɩ́ de nɩ a píir kɔblʋ pɛn-zɩɛ-mʋɔlɛ ƴen sob dɔl pàw a dipɛ̃ bɛ na mɩ́ de kʋ̀ m a tabal, ɛ́ de a bome bʋ̃-ƴãwnɩ dɔwlɩ: a labɛ, a koli-nyúuri, a lali nɩ a duwli a divɛ̃ de-kʋ̀b ƴãw. Bɛ mɩ̀ na mɩ́ dɔwl'ɩ a dipɛ̃ a na fɛr kɛ́ bɛ dier kʋ̀rɛ mɛ̃ kʋralɛ a. 8Bɛ na dɔl'ɩ píir kɔblʋ pɛn-zɩɛ-ɓõɓõ pàw, ɛ́ de gán-kpɛ̃w pàw a za. Al pùorí, bɛ na mɩ́ de nɩ a dàar tõ ƴãw a tabal ƴãw a ʋ tuofʋ ƴãw. 9Bɛ na mɩ́ de nɩ pɛn-zɩɛ-mʋɔlɛ pili pàw a fɩ̃tɩlɩ dɔwlʋ zie nɩ a ʋ fɩ̃tɩlɩ nɩ a ʋ bʋ̃-kpɛ̃kpɛrsɩ za, a cabli, a tãpɛlʋ laar nɩ a kãá koli. 10Bɛ na mɩ́ de nɩ à á ŋá za pili nɩ gán na kpɛmɛ a, ɛ́ de a dɔwlɩ bome bʋ̃-tuora zu. 11Bɛ na mɩ́ dɔl'ɩ pɛn-zɩɛ-mʋɔlɛ pàw a salm-zɩɛ bàwr-maal-kuur, ɛ́ pàw ʋ nɩ gán-kpɛ̃w, ɛ́ tõ a dàar ƴãw a tuofʋ ƴãw. 12Al pùorí, bɛ na mɩ́ wob'ɩ a puoru bome al za bɛ na mɩ́ tone nɩ a zi-sõw pʋɔ a ɓã taa, de pɛn-zɩɛ-mʋɔlɛ pili nɩ a, de gán-kpɛ̃w pili nɩ a pàw, ɛ́ de dɔwlɩ bome bʋ̃-tuora zu. 13Bɛ na mɩ́ wob'ɩ a tãpɛlʋ bɛr a bàwr-maal-kuur zu, ɛ́ yɛ́r pɛn-zɩɛ pàw, 14ɛ́ de a bome al za bɛ na mɩ́ maalɛ nɩ a bàwr a dɔwlɩ: a tãpɛlʋ laar, a nɛn tɩr-jajaar, a pɛ́lɛ̀, a lali a zɩ̃ɩ ƴãw. Bɛ na mɩ́ dɔl'ɩ gán-kpɛ̃w pàw a za, ɛ́ tõ a dàar ƴãw a ʋ tuofʋ ƴãw. 15A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr. 16A Aarɔ̃ na ɩ a bàwr-maalɛ a bidɛb Eleazaar'ʋ na so a fɩ̃tɩlɩ kãá kaafʋ, a parfɛ̃ bɛ na mɩ́ nyɩw a, a bibi-vɩɛrɩ za kukur-bome bɛ na mɩ́ de tɩr a, nɩ a nũu-ka-ƴãwfʋ kãá. Ʋ na kaarɛ nɩ a kpɛb-zi-sõw zie nɩ bom za na be a ʋ pʋɔ a, a bʋ̃-son nɩ a kpɛ̃kpɛrsɩ.»
17A Sore tɩ cãà na yel a Moyiir nɩ a Aarɔ̃: 18«Nyɩ maal ɩrɛ, a Kehatɩ bʋʋrɛ tʋ̃ɔ́ be a levitɩ mɩnɛ bɛl na cɛ a pʋɔ kʋralɛ. 19Nyɩ mɩ́ ɩ à ŋá a bɛ ƴãw, kɛ̀ bɛ taa wa mab kpiir a bʋ̃-son son kaafʋ pʋɔ ɩ: a fʋ̃ʋ Aarɔ̃ nɩ a fʋ bidɛbr na mɩ́ tɛr'ɩ a bɛ been been tɩ wul a ʋ tõ-nʋɔr nɩ a ʋ tuor. 20À ŋá n'a bɛ kʋ̃ mɩ́ cen tɩ jɩ́rɛ a bʋ̃-son ɛ. Alɛ saa na mɩ́ ɩ daƴen bɛ jɩ́r a, a na ɩ n a bɛ kũu.»
b. A Gɛrson bʋʋrɛ tome
21A Sore tɩ yel'ɩ a Moyiir à ŋá: 22«Mɩ̀ sɔ́r a Gɛrson bʋʋrɛ, a yie yie nɩ a dɔwlʋ dɔwlʋ. 23Fʋ na sɔr'ɩ a dɛbr na tɛr yome lɩzɛr'ɩ pie tɩ ta yome lɩz'a ayi nɩ pie a, ɛ́ bɛ na ír bɛ na ƴãw bɛ tone a tuor-taa pɛn-sɛw tome a mɩnɛ. 24Tome á ŋá n'a bɛ na kʋ̀ bɛ: 25bɛ na mɩ́ tuo nɩ a pɛn na mɩ́ pàw a kpɛb-zi-sõw, ɛ́ ɩ a pɛnɛ-sɛwr ayi sob'a, a pʋ́rɩ gamɛ bɛ na mɩ́ pàw nɩ a, nɩ a gán na mɩ́ piw a za tɛr a, a pɛn-sɛw dɩ̃dɔr pɛn-yawla, 26a davʋra na viiri koli a kpɛb zi-sõw nɩ a bàwr-maal-kuur a pɛnɛ, nɩ a ʋ dɩ̃dɔr pɛn-yawla, a davʋra dàbáw mié, lãwnɩ a bʋ̃-kpɛ̃kpɛrsɩ nɩ a bome bʋ̃-ƴãwnɩ bɛ na tone nɩ a bɛ tome a. 27A Gɛrson bʋʋrɛ na tone nɩ a bɛ tõ-nʋɔr tuur'ɩ a lɛ a Aarɔ̃ nɩ a ʋ bidɛbr na yere kʋ̀rɛ bɛ a, a bʋ̃-tuori tuofʋ ƴãw nɩ a tome tob ƴãw. Bɛ na mɩ́ yel'ɩ bom nɛ bɛ na na ɩ a, nɩ bom nɛ bɛ na na tuo a kʋ̀ bɛ. 28A tome n'ɩ à á ŋá bɛ na kʋ̀ a Gɛrson bʋʋrɛ a tuor-taa pɛn-sɛw pʋɔ a. A Aarɔ̃ na ɩ a bàwr-maalɛ a bidɛb Itamaar'ʋ na jɩ́rɛ a bɛ tõ-nʋɔr.»
c. A Merari bʋʋrɛ tome
29«Mɩ̀ sɔ́r a Merari bʋʋrɛ, a dɔwlʋ dɔwlʋ nɩ a yie yie. 30Fʋ na sɔr'ɩ a dɛbr bɛl na tɛr yome lɩzɛr'ɩ pie tɩ ta yome lɩz'a ayi nɩ pie a, ɛ́ bɛ na ír bɛ na ƴãw bɛ tone a tuor-taa pɛn-sɛw tome a mɩnɛ. 31Tome á ŋá n'a bɛ na kʋ̀ bɛ: bɛ na mɩ́ tuo nɩ a kpɛb-zi-sõw dà-tɩɛrɩ, a dà-garjɩrɩ, a kpule, a kpule dɔwlʋ ziir, 32a davʋra dàbáw kpule lãwnɩ a dɔwlʋ ziir, a kpawbie nɩ a mié, lãwnɩ a bome al za bɛ na mɩ́ tone nɩ a. A bàwr-maalbɛ na mɩ́ yel'a kʋ̀ ŋa za a alɩ bome nɛ ʋ na na tuo a. 33A Merari bʋʋrɛ tome n'ɩ à á ŋá a tuor-taa pɛn-sɛw pʋɔ. A Aarɔ̃ na ɩ a bàwr-maalɛ a bidɛb Itamaar'ʋ mɩ̀ na cãà jɩ́rɛ a bɛ tõ-nʋɔr.»
A levitɩ mɩnɛ bɛl na tone a sɔ́rʋ
34-49A Moyiir nɩ a Aarɔ̃ nɩ a Ɩsɩrayɛl nɩbɛ lãw nɩ-bɛrɛ tɩ sɔr'ɩ a levitɩ mɩnɛ za na ɩ a Kehatɩ nɩ a Gɛrson nɩ a Merari bʋʋrɛ a. Bɛ tɩ sɔ́r bɛ nɩ a dɔwlʋ dɔwlʋ nɩ a yie yie. Bɛ tɩ sɔr'ɩ a dɛbr bɛl na tɛr yome lɩzɛr'ɩ pie tɩ ta yome lɩz'a ayi nɩ pie a, a bɛl bɛ na tɩ ír kɛ́ bɛ tɛr tõ-pɛ-bʋʋrɛ bʋʋrɛ a tuor-taa pɛn-sɛw pʋɔ a. A Sore n'ʋ tɩ yel a Moyiir k'ʋʋ ƴãw bɛ sɔr a sɔ́rʋ ŋa. À ŋá n'a bɛ tɩ sɔ́r nyɛ̃:
| Kehatɩ bʋʋrɛ: | dɛbr 2 750 |
| Gɛrson bʋʋrɛ: | dɛbr 2 630 |
| Merari bʋʋrɛ: | dɛbr 3 200 |
| A levitɩ mɩnɛ za nʋɔr: | dɛbr 8 580 |
Bɛ tɩ yel'ɩ ŋa za tome kʋ̀ ʋ, nɩ a bome ʋ na na mɩ́ tuo a, mɛ̃ a lɛ a Sore na tɩ yel kʋ̀ a Moyiir a.
Nke Ahọpụtara Ugbu A:
Sɔr-nɛ́ɛ 4: DBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.
Sɔr-nɛ́ɛ 4
4
A levitɩ mɩnɛ dɔwlʋ tõ-nɛ́ɛ
a. A Kehatɩ bʋʋrɛ tome
1A Sore tɩ yel'ɩ a Moyiir nɩ a Aarɔ̃ à ŋá: 2-3«A levitɩ mɩnɛ bɛl na ɩ a Kehatɩ bʋʋrɛ ɛ́ tɛr yome lɩzɛr'ɩ pie tɩ ta yome lɩz'a ayi nɩ pie a, nyɩ sɛb a bɛ yée a dɔwlʋ dɔwlʋ nɩ a yie yie. Bɛ na ír bɛ na bɛ tɛr tome a tuor-taa pɛn-sɛw pʋɔ. 4Bɛ na kaarɛ nɩ a bʋ̃-son son zie. 5A Ɩsɩrayɛl nɩbɛ mɩ́ wa lɛb lore a sɔ́r a, a Aarɔ̃ nɩ a ʋ bidɛbr na mɩ́ wa na wa yàw a zi-sõw pɛn-yawla na bʋ́r a ziir a, pàw nɩ a daw-sõw na tɛr a wõ-taa kʋsɛ-pamɛ a. 6Bɛ na mɩ́ de nɩ gán-kpɛ̃w dɔwlɩ pàw, ɛ́ de píir kɔblʋ pɛn-zɩɛ-mʋɔlɛ pàw a za, ɛ́ de a dàar tõ ƴãw a daga ƴãw, a ʋ tuofʋ ƴãw. 7Bɛ na mɩ́ de nɩ a píir kɔblʋ pɛn-zɩɛ-mʋɔlɛ ƴen sob dɔl pàw a dipɛ̃ bɛ na mɩ́ de kʋ̀ m a tabal, ɛ́ de a bome bʋ̃-ƴãwnɩ dɔwlɩ: a labɛ, a koli-nyúuri, a lali nɩ a duwli a divɛ̃ de-kʋ̀b ƴãw. Bɛ mɩ̀ na mɩ́ dɔwl'ɩ a dipɛ̃ a na fɛr kɛ́ bɛ dier kʋ̀rɛ mɛ̃ kʋralɛ a. 8Bɛ na dɔl'ɩ píir kɔblʋ pɛn-zɩɛ-ɓõɓõ pàw, ɛ́ de gán-kpɛ̃w pàw a za. Al pùorí, bɛ na mɩ́ de nɩ a dàar tõ ƴãw a tabal ƴãw a ʋ tuofʋ ƴãw. 9Bɛ na mɩ́ de nɩ pɛn-zɩɛ-mʋɔlɛ pili pàw a fɩ̃tɩlɩ dɔwlʋ zie nɩ a ʋ fɩ̃tɩlɩ nɩ a ʋ bʋ̃-kpɛ̃kpɛrsɩ za, a cabli, a tãpɛlʋ laar nɩ a kãá koli. 10Bɛ na mɩ́ de nɩ à á ŋá za pili nɩ gán na kpɛmɛ a, ɛ́ de a dɔwlɩ bome bʋ̃-tuora zu. 11Bɛ na mɩ́ dɔl'ɩ pɛn-zɩɛ-mʋɔlɛ pàw a salm-zɩɛ bàwr-maal-kuur, ɛ́ pàw ʋ nɩ gán-kpɛ̃w, ɛ́ tõ a dàar ƴãw a tuofʋ ƴãw. 12Al pùorí, bɛ na mɩ́ wob'ɩ a puoru bome al za bɛ na mɩ́ tone nɩ a zi-sõw pʋɔ a ɓã taa, de pɛn-zɩɛ-mʋɔlɛ pili nɩ a, de gán-kpɛ̃w pili nɩ a pàw, ɛ́ de dɔwlɩ bome bʋ̃-tuora zu. 13Bɛ na mɩ́ wob'ɩ a tãpɛlʋ bɛr a bàwr-maal-kuur zu, ɛ́ yɛ́r pɛn-zɩɛ pàw, 14ɛ́ de a bome al za bɛ na mɩ́ maalɛ nɩ a bàwr a dɔwlɩ: a tãpɛlʋ laar, a nɛn tɩr-jajaar, a pɛ́lɛ̀, a lali a zɩ̃ɩ ƴãw. Bɛ na mɩ́ dɔl'ɩ gán-kpɛ̃w pàw a za, ɛ́ tõ a dàar ƴãw a ʋ tuofʋ ƴãw. 15A cenu za daar a, a Aarɔ̃ nɩ a ʋ bidɛbr na mɩ́ pili nɩ a zi-sõw bome za pàw baarɩ, ɛ́ a Kehatɩ bʋʋrɛ pãa bãw wa de. À ŋá n'a a Kehatɩ bʋʋrɛ kʋ̃ mɩ́ càarɩ tɔ bʋ̃-sõw been kãw za ɩ, ɛ́ kʋ̃ mɩ́ ɩrɛ wa mab kpi ɛ. A tuor-taa pɛn-sɛw ƴãw a, a Kehatɩ bʋʋrɛ so a bʋ̃-son tuofʋ tõ-nʋɔr. 16A Aarɔ̃ na ɩ a bàwr-maalɛ a bidɛb Eleazaar'ʋ na so a fɩ̃tɩlɩ kãá kaafʋ, a parfɛ̃ bɛ na mɩ́ nyɩw a, a bibi-vɩɛrɩ za kukur-bome bɛ na mɩ́ de tɩr a, nɩ a nũu-ka-ƴãwfʋ kãá. Ʋ na kaarɛ nɩ a kpɛb-zi-sõw zie nɩ bom za na be a ʋ pʋɔ a, a bʋ̃-son nɩ a kpɛ̃kpɛrsɩ.»
17A Sore tɩ cãà na yel a Moyiir nɩ a Aarɔ̃: 18«Nyɩ maal ɩrɛ, a Kehatɩ bʋʋrɛ tʋ̃ɔ́ be a levitɩ mɩnɛ bɛl na cɛ a pʋɔ kʋralɛ. 19Nyɩ mɩ́ ɩ à ŋá a bɛ ƴãw, kɛ̀ bɛ taa wa mab kpiir a bʋ̃-son son kaafʋ pʋɔ ɩ: a fʋ̃ʋ Aarɔ̃ nɩ a fʋ bidɛbr na mɩ́ tɛr'ɩ a bɛ been been tɩ wul a ʋ tõ-nʋɔr nɩ a ʋ tuor. 20À ŋá n'a bɛ kʋ̃ mɩ́ cen tɩ jɩ́rɛ a bʋ̃-son ɛ. Alɛ saa na mɩ́ ɩ daƴen bɛ jɩ́r a, a na ɩ n a bɛ kũu.»
b. A Gɛrson bʋʋrɛ tome
21A Sore tɩ yel'ɩ a Moyiir à ŋá: 22«Mɩ̀ sɔ́r a Gɛrson bʋʋrɛ, a yie yie nɩ a dɔwlʋ dɔwlʋ. 23Fʋ na sɔr'ɩ a dɛbr na tɛr yome lɩzɛr'ɩ pie tɩ ta yome lɩz'a ayi nɩ pie a, ɛ́ bɛ na ír bɛ na ƴãw bɛ tone a tuor-taa pɛn-sɛw tome a mɩnɛ. 24Tome á ŋá n'a bɛ na kʋ̀ bɛ: 25bɛ na mɩ́ tuo nɩ a pɛn na mɩ́ pàw a kpɛb-zi-sõw, ɛ́ ɩ a pɛnɛ-sɛwr ayi sob'a, a pʋ́rɩ gamɛ bɛ na mɩ́ pàw nɩ a, nɩ a gán na mɩ́ piw a za tɛr a, a pɛn-sɛw dɩ̃dɔr pɛn-yawla, 26a davʋra na viiri koli a kpɛb zi-sõw nɩ a bàwr-maal-kuur a pɛnɛ, nɩ a ʋ dɩ̃dɔr pɛn-yawla, a davʋra dàbáw mié, lãwnɩ a bʋ̃-kpɛ̃kpɛrsɩ nɩ a bome bʋ̃-ƴãwnɩ bɛ na tone nɩ a bɛ tome a. 27A Gɛrson bʋʋrɛ na tone nɩ a bɛ tõ-nʋɔr tuur'ɩ a lɛ a Aarɔ̃ nɩ a ʋ bidɛbr na yere kʋ̀rɛ bɛ a, a bʋ̃-tuori tuofʋ ƴãw nɩ a tome tob ƴãw. Bɛ na mɩ́ yel'ɩ bom nɛ bɛ na na ɩ a, nɩ bom nɛ bɛ na na tuo a kʋ̀ bɛ. 28A tome n'ɩ à á ŋá bɛ na kʋ̀ a Gɛrson bʋʋrɛ a tuor-taa pɛn-sɛw pʋɔ a. A Aarɔ̃ na ɩ a bàwr-maalɛ a bidɛb Itamaar'ʋ na jɩ́rɛ a bɛ tõ-nʋɔr.»
c. A Merari bʋʋrɛ tome
29«Mɩ̀ sɔ́r a Merari bʋʋrɛ, a dɔwlʋ dɔwlʋ nɩ a yie yie. 30Fʋ na sɔr'ɩ a dɛbr bɛl na tɛr yome lɩzɛr'ɩ pie tɩ ta yome lɩz'a ayi nɩ pie a, ɛ́ bɛ na ír bɛ na ƴãw bɛ tone a tuor-taa pɛn-sɛw tome a mɩnɛ. 31Tome á ŋá n'a bɛ na kʋ̀ bɛ: bɛ na mɩ́ tuo nɩ a kpɛb-zi-sõw dà-tɩɛrɩ, a dà-garjɩrɩ, a kpule, a kpule dɔwlʋ ziir, 32a davʋra dàbáw kpule lãwnɩ a dɔwlʋ ziir, a kpawbie nɩ a mié, lãwnɩ a bome al za bɛ na mɩ́ tone nɩ a. A bàwr-maalbɛ na mɩ́ yel'a kʋ̀ ŋa za a alɩ bome nɛ ʋ na na tuo a. 33A Merari bʋʋrɛ tome n'ɩ à á ŋá a tuor-taa pɛn-sɛw pʋɔ. A Aarɔ̃ na ɩ a bàwr-maalɛ a bidɛb Itamaar'ʋ mɩ̀ na cãà jɩ́rɛ a bɛ tõ-nʋɔr.»
A levitɩ mɩnɛ bɛl na tone a sɔ́rʋ
34-49A Moyiir nɩ a Aarɔ̃ nɩ a Ɩsɩrayɛl nɩbɛ lãw nɩ-bɛrɛ tɩ sɔr'ɩ a levitɩ mɩnɛ za na ɩ a Kehatɩ nɩ a Gɛrson nɩ a Merari bʋʋrɛ a. Bɛ tɩ sɔ́r bɛ nɩ a dɔwlʋ dɔwlʋ nɩ a yie yie. Bɛ tɩ sɔr'ɩ a dɛbr bɛl na tɛr yome lɩzɛr'ɩ pie tɩ ta yome lɩz'a ayi nɩ pie a, a bɛl bɛ na tɩ ír kɛ́ bɛ tɛr tõ-pɛ-bʋʋrɛ bʋʋrɛ a tuor-taa pɛn-sɛw pʋɔ a. A Sore n'ʋ tɩ yel a Moyiir k'ʋʋ ƴãw bɛ sɔr a sɔ́rʋ ŋa. À ŋá n'a bɛ tɩ sɔ́r nyɛ̃:
| Kehatɩ bʋʋrɛ: | dɛbr 2 750 |
| Gɛrson bʋʋrɛ: | dɛbr 2 630 |
| Merari bʋʋrɛ: | dɛbr 3 200 |
| A levitɩ mɩnɛ za nʋɔr: | dɛbr 8 580 |
Bɛ tɩ yel'ɩ ŋa za tome kʋ̀ ʋ, nɩ a bome ʋ na na mɩ́ tuo a, mɛ̃ a lɛ a Sore na tɩ yel kʋ̀ a Moyiir a.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
La Bible en Dagara © Alliance Biblique du Burkina Faso, 2013.