Mateo Otugbaɛbui
Otugbaɛbui
Kpayɛbui anɛ Mateo kɛdɔŋuŋlɔmɛ nɛ nu kɛɛ ɖɔ kibui dzyɔgo nɛ sɛ, Yesu yɛ enu anɔ nɛ gɛ ba ɖɔ elu asɛ aba yɛkɛ akɔ anɔ, anɔ nɛ gɛ yɛa bha Kpaya aga pɛ abhɛtɛ ebui nɛ gɛ aɖɔ sɛ aba bhɛtɛ kɔ yɛayalɛ anɛ Tɛnyɛnya Kuku nɛ mɛ. Kibui Dzyɔgoe nɛɛ ganɛ Yuɖanɛ nɛ gɛ balɛ mɛ la mɔ Yesu pɛ aza nɛ tite koe yɛ lɛ nu, pɔ kɔ kanɔ nɛ petee.
Mateo Keplukpa be lua lɛ mɔmɔ. Ka kpɛesi nɛ Yesu tɛmumɔ, ka shrɔ yɛ bunikpɛkpɛ anɛ yɛ tɛfifekedi, flogo pɛ ka ba yɛkɔ yɛ kpayɛxwɛ nɛ gɛ nu kɛlɛ tɛɖuɖɔ, kɛdɔkɛkasɛ, anɛ banya tɛbibeke nɛ Galelia. Kɛɛ nɛ nɛede Kpayɛbui nɛ ŋlɔmɛ Yesu kidzogɛga denɔ Galelia ɔvɛnɔ Yerusalɛm anɛ Yesu ebui nɛ gɛ aba kɛlɛ mɛ nɛ ɔgɔnɛ gɔgɔɛ nɛ mɛ, gɛ alɛ petee ebe dzi yɛ tɛkpɛkplasɔ anɛ yɛ tɛlulɔ denɔ bekpum.
Kpayɛbui, kibu Yesu kasɛ ansɛ adɔkasɛ gbɛgbla, gɛ kabhaŋɛŋa ka lɛ yɛahwɛ sɛ tɛ ebu Kpaya Ɔshã nɛesi, klɛ akasɛdɔ edenɔ Kpaya bukusiɔŋakɔ nɛ shu. Yɛ kɛdɔkɛkasɛ gelee, bexogo kɛlɛ akpɛ kɛdɔkpɛkpasɛ etsu teti mɛ: (1) Kɛdɔkɛkasɛ nɛ Butua bha, gɛ kɛɖɔaɖɔ anɛ ekpãzɛza, kɛxwɛwɛwa, edzoenu, anɛ ɔdzyɔkɔ mɛ bui nɛ gɛ bagɛ be nu owũsise Bukusiɔŋakɔ banɔ na nyɛna evunɔ (Atɔkpu 5—7); (2) Tɛtutrɔ kɔ yɛ badɔkpasɛ lɔfɔntɛabha kɔ balɛ kpayɛxwɛ (Atɔkpu 10); (3) Akpalɛ nɛ owũsise Bukusiɔŋakɔ nɛ shu (Atɔkpu 13); (4) Kɛdɔkɛkasɛ denɔ adɔkpasɛ dzidziesi bubu shu (Atɔkpu 18); anɛ (5) Kɛdɔkɛkasɛ denɔ kanɔa nɛ obekekɔ anɛ owũsise Bukusiɔŋakɔ anɛ tɛbɛba (Atɔkpu 24—25).
Kalɛmɛ Ebuilulu
Yesu oku anɛ yɛ tɛmumɔ 1:1—2:23
Yohanɛsɛ Enikpɛ nɛ kɛxwɛ 3:1-12
Yesu bunikpɛkpɛ anɛ yɛ tɛfifekedi 3:13—4:11
Yesu ɔtɔɛxwɛ wɛwa nɛ Galelia 4:12—18:35
Denɔ Galelia ɔvɛnɔ Yerusalɛm 19:1—20:34
Ɔgɔnɛ gɔgɔɛ nɛ mɛ anɛ Yerusalɛm tɛtsutsubunɔ 21:1—27:66
Apalete nɛ tɛlulɔ anɛ yɛ tɛwɛ̃wɛ̃ 28:1-20
Nke Ahọpụtara Ugbu A:
Mateo Otugbaɛbui: tcd
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Ghana Institute of Linguistics, Literacy and Bible Translation