Ruka 8
8
Smnegul Yesu ka Mmqedil
1Bobo na hiya ini qbsiyaq, moda gmarang mtqiri lualang paru ma lualang biciq ka Yesu ma sgarang na ka malu kari quri qnlhangan Utux Baro. Msuupu heya ka 12 tnugsaan na. 2Ga msuupu heya uri ka duma mmqedil wada na pklmeun mnarux ma wada na pqdriqan bgihur naqah. Kiya de seediq Magdalene kesun ka Maria we 7 bgihur naqah pnyahan peeyah heyi na, 3Yoanna mqedil Qoujas mpqlahang sapah Hrodes ma, Susana ma hbaro mqedil. Dheya we qyqeya daha ka sqeepah daha Yesu ma tnugsaan na.
Pnungalan Kari Mrehak Rehak
(Mat 13:1-9. Mrk 4:1-9)
4Meyah msseli qmita Yesu ka hbaro bale seediq ma meyah hiya ka pneyah knkingal alang de rmengo 1 pnungalan kari ka Yesu: 5“Mosa rmehak ka 1 seediq mrehak. Rmehak ciida we mtuting ssiyo elu ka duma rehak ma stmaqan seediq ma qhdeun mekan qbheni. 6Duma rehak we mtuting qhqahur btunux. Kiya de ado ini ghriqi de asi kdengu mnheru da. 7Duma rehak we mtuting ckceka pkpako. Msuupu hiya hmeru ka pako ma kmubuy mubung heya. 8Duma rehak we mtuting malu dxeral ma hmeru bale ma mrana 1'00 ka pnugheyi na.” Bobo rmnengo so nii kari ka Yesu de paru ba hrenang na rmengo: “Niqan birac qqbahang we qbahang!”
Dngusun Pnungalan Kari
(Mat 13:10-17. Mrk 4:10-12)
9Smiling Yesu ka tnugsaan na: “Maanu dngusun na ka pnungalan kari nii ho?” 10Kiya de rmengo ka Yesu: “Wano yamu ka srwaan pgkela lneing quri qnlhangan Utux Baro. Quri so duma seediq de asi ka srengo paangal kari tmgesa. Kiya we
ani qmita we uxe daha qtaan,
ani mbahang we uxe daha kklaun lmngelung.
Tmgesa Pnungalan Kari
(Mat 13:18-23. Mrk 4:13-20)
11Pnungalan kari we so nii, rehak we kari Utux Baro. 12Ga meeniq ssiyo elu kesun we wada mbahang kari ka seediq. Kiya de meyah ka Qbsuran Bgihur Naqah de yahan na mangal peeyah lhebun daha ka kari, so uxe maha ssnheyi ma uxe ppkdusun ka dheya. 13Ga meniq bobo tasil kesun we wada mbahang kari ma tqqaras ba mangal ka seediq. Kiya de uka gamil ka lhebun daha ma tnnais ba snhii. Kiya de moda smterung pnseengan de asi alix. 14Mtuting ckceka pkpako kesun we wada mbahang ka kari ka seediq. Kiya de mlatac noda daha de kbuyun pnslhbenun, qnbleyaq ma qqrasun bobo dxeral ka dheya. Kiya de ini dehuk mhada ka pnugheyi daha. 15Ga meniq malu dxeral kesun we wada mbahang kari ka seediq. Kiya de pgdehu ba dmoi ckceka ini qberiq ma malu lhebun knremun ba tmara mghei.”
Camo Truma Gmukan
(Mrk 4:21-25)
16“Mncamo ka seediq we ini gmuki kulu, uxe uri we ini psai toma qlapo. Ida psaun bobo pcmagan qqtaun seediq meyah mremux hiya ka ledax. 17Ado ga bungan ka noda we uka ka uxe ptraun. Uxe uri we ga liingun ka noda we uka ka uxe maha klaun. 18So kiya de qlahang ba mbahang ka yamu. Ado ga dmoi ka seediq we krnahun mege. Ini doi ka seediq we glekun kana ka dnoi na kesun gaga niqan.”
Bubu ma Dmtswai Yesu
(Mat 12:46-50. Mrk 3:31-35)
19Kiya de meyah hiya ka bubu na ma dmtswai na. Kiya de ini tduwa meyah berah na ado knhbragan seediq. 20Niqan ka seediq rmengo heya: “Mqmita sunan ga mheyu nganguc ka bubu su ma dmtswai su.” 21Cmiyuk rmengo ka Yesu: “Mbahang kari Utux Baro ma muyu ba ka seediq we kika bubu mu ma mtswai mu.”
Pgseesu Bgihur ma Rcilung
(Mat 8:23-27. Mrk 4:35-41)
22Wada 1 ali. Yesu ma tnugsaan na mosa paapa asu, rmengo tnugsaan na: “Ntrile ta sipo rcilung.” Kiya de prading mosa ka asu daha da, 23mquri berah mosa ka asu ciida we mtaqi ka Yesu. Kiya de bobo rcilung de asi nii ka paru ba bgihur ma uxe beyo stngayun qsiya ka asu so ba smiicu. 24Mosa tmutuy Yesu ka tnsaan: “Mptgesa! Mptgesa! Mphuqil nami da!” Kiya de miiyo ka Yesu de kseengun na ka bgihur paru ma bula paru. Kiya de asi sange ma mgmelux bale da. 25Rmengo dheya ka Yesu: “Ga inu ka snhiyan namu da?” Ado miicu ma mskluwi bale ka dheya de mpprengo: “Ima bale ka nii ho? Posa kari bgihur ma qsiya ka heya de ida thei ba heya ka bgihur ma qsiya uri.”
Pkmalu Seediq Ga Sdooyan Bgihur Naqah Meeniq Gerasen
(Mat 8:28-34. Mrk 5:1-20)
26Dehuk dxeral Gerasen sipo Galil ka dheya. 27Mnkala siyo rcilung ciida ka Yesu de smterung meyah heya ka ga sdooyan bgihur naqah ka 1 seediq pneyah alang hiya. Seediq nii ge bsiyaq ba ini plukus, ini eeniq sapah, wano habung ka niqan na. 28Mita Yesu ka heya de tgtemaq berah na ma paru quwaq na mdiras rmengo: “Yesu, laqi Utux Baro Tgpusu Ba Baro, ma su meyah smqeya kenan? Braho su bale, iya ku pqqihi!” 29Ado rmnengo bgihur naqah nii: Latac peeyah heyi seediq kiya, mesa ka Yesu. Mneegu qmerac heya ka bgihur naqah. Heya we qnlhangan klaali ma bkean negul xiluy ka baga na ma papak na. Tduwa na pstequn ka negul xiluy, lwaqi bgihur naqah mosa tadus brenux. 30Smiling heya ka Yesu: “Ima ka ngayan su?” Cmiyuk ka heya: “Mgrahul”. Ado hbaro ka bgihur naqah wada mremux heya. 31Rmengo mesa Yesu ka bgihur naqah, so uxe skgulun mosa rangah uka pusu ka dheya.
32Gaga tbugan dgiyaq hiya ka egu bale 1 qpuruh babuy. Rmengo mesa Yesu, so maha smruwa pteme babuy ka dheya. Wada srwaan Yesu ka dheya. 33Kiya de mlatac peeyah seediq kiya ka dbgihur naqah dima mremux ckceka babuy. Kiya de tmalang priyax kdere skrebu rcilung ma wada mhuqil ka qpuruh babuy. 34Mita noda so nii ka dmtabu babuy de qduriq ma soosa daha smneru alang ma seediq tthngali alang uri. 35Meyah mita ndaan so maanu mesa ka seediq ma meyah berah Yesu. Kiya de taan daha ka seediq kiya gaga tleung berah Yesu, mnlatac ka bgihur naqah, mlukus duma tgkeela ka lnglungan na da. Kiya de miicu ka dheya da. 36Qmnita noda nii ka seediq we srengo daha dheya ka wada huwa mesa pklmeun ka seediq tnlungan bgihur naqah. 37Kiya de kana knhbaro seediq mtqiri dxeral Gerasen hiya, ado miicu bale dwe rmengo Yesu mlatac peeyah dheya. Maanu so kiya de paapa asu ka Yesu ma wada da. 38Kiya de seediq pnyahan dbgihur naqah we rmengo Yesu ssuupu na theyaq dheya. Kiya de Yesu we psaun na ka heya ma rmengo: 39“Osa sapah su, saani smneru wada hmuwa mesa qneepah na paru sunan ka Utux Baro.” Kiya de mosa ka heya ma sgarang na kana alang ka paru ba qneepah Yesu heya.
Weewa Yairos ma Mqedil Msdara
(Mat 9:18-26. Mrk 5:21-43)
40Meyah ciida ka Yesu we mqaras smterung heya ka hbaro ba seediq, ado tmnara heya ka dheya han. 41Niqan 1 mpqlahang sapah pssliyan, ngayan na we Yairos. Meyah tgtemaq berah papak Yesu ka heya ma mesa Yesu oosa na sapah na. 42Ado ga steqan ka 1 ba weewa na yaa ba 12 knkawas, uxe beyo mphuqil di.
Mosa ka Yesu ciida we kmheruy heya ka hbaro ba seediq. 43Niqan 1 mqedil we 12 knkawas mnarux mqedil msdara. Wada na spsapuh ka kana dnoi na ma uka ani ima dehuk pkmalu heya. 44Meyah bukuy Yesu ka heya ma tmelung palic lukus na de asi kdengu ka cmriyu dara na da. 45Smiling ka Yesu: “Ima ka tmnelung kenan ho?” Uxe dheya, mesa ka kana seediq. Kiya de rmengo ka Petros ma kana tnheyaq hiya: “Mptgesa, ga tmlibu qmapur sunan ka hbaro ba seediq!” 46Rmengo ka Yesu: “Niqan ka tmnelung kenan. Ado wada peeyah kenan ka beyax mu we klaun mu.” 47Klaun na uka na kklaan tgleing ka mqedil nii de pkrkerang meyah tmbqelic berah na. Kiya de maanu ka stelung na Yesu ma wada huwa mesa asi kmalu we ssneeru na berah kana seediq. 48Rmengo heya ka Yesu: “Weewa, snhiyan su ka wada pkmalu sunan. Psbleyaq lnglungan su ma osa!”
49Rmengo kari ciida ka Yesu we, meyah ka duma seediq pneyah sapah mpqlahang sapah pssliyan ma rmengo: “Ga mhuqil ka laqi su mqedil da. Iya so smuuwic sunan da.” 50Mbahang so nii ka Yesu de rngagan na: “Iya kiicu, asi skingal snhii. Ida mpkmalu ka laqi su mqedil.” 51Dehuk sapah na ka heya de wano Petros, Yohane, Yakobu ma tama ma bubu laqi we ini na srwai psteme msuupu heya ka ani ima. 52Kiya de lmingis ka kana seediq ma tsdamac heya. Kiya de rmengo ka Yesu: “Iya lingis! Uxe nii mhuqil ka heya. Nii su mtaqi.” 53Klaun daha wada mhuqil ka heya, kiya de phlisan daha ka Yesu. 54Yesu we dooyan na baga ka laqi ma splawa na: “Laqi, tutuy da!” 55Kiya de meyah dungal ka utux bgihur na ma asi heyu ka heya. Dmurun qdali uqun mesa ka Yesu. 56Mskluwi bale ka tama ma bubu na. Mdakar rmengo dheya ka Yesu, iya rrngaani ani ima ka ndaan na.
Nke Ahọpụtara Ugbu A:
Ruka 8: Stgdaya
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible Society in Taiwan, 2020
© 台灣聖經公會版權所有，2020
Ruka 8
8
Smnegul Yesu ka Mmqedil
1Bobo na hiya ini qbsiyaq, moda gmarang mtqiri lualang paru ma lualang biciq ka Yesu ma sgarang na ka malu kari quri qnlhangan Utux Baro. Msuupu heya ka 12 tnugsaan na. 2Ga msuupu heya uri ka duma mmqedil wada na pklmeun mnarux ma wada na pqdriqan bgihur naqah. Kiya de seediq Magdalene kesun ka Maria we 7 bgihur naqah pnyahan peeyah heyi na, 3Yoanna mqedil Qoujas mpqlahang sapah Hrodes ma, Susana ma hbaro mqedil. Dheya we qyqeya daha ka sqeepah daha Yesu ma tnugsaan na.
Pnungalan Kari Mrehak Rehak
(Mat 13:1-9. Mrk 4:1-9)
4Meyah msseli qmita Yesu ka hbaro bale seediq ma meyah hiya ka pneyah knkingal alang de rmengo 1 pnungalan kari ka Yesu: 5“Mosa rmehak ka 1 seediq mrehak. Rmehak ciida we mtuting ssiyo elu ka duma rehak ma stmaqan seediq ma qhdeun mekan qbheni. 6Duma rehak we mtuting qhqahur btunux. Kiya de ado ini ghriqi de asi kdengu mnheru da. 7Duma rehak we mtuting ckceka pkpako. Msuupu hiya hmeru ka pako ma kmubuy mubung heya. 8Duma rehak we mtuting malu dxeral ma hmeru bale ma mrana 1'00 ka pnugheyi na.” Bobo rmnengo so nii kari ka Yesu de paru ba hrenang na rmengo: “Niqan birac qqbahang we qbahang!”
Dngusun Pnungalan Kari
(Mat 13:10-17. Mrk 4:10-12)
9Smiling Yesu ka tnugsaan na: “Maanu dngusun na ka pnungalan kari nii ho?” 10Kiya de rmengo ka Yesu: “Wano yamu ka srwaan pgkela lneing quri qnlhangan Utux Baro. Quri so duma seediq de asi ka srengo paangal kari tmgesa. Kiya we
ani qmita we uxe daha qtaan,
ani mbahang we uxe daha kklaun lmngelung.
Tmgesa Pnungalan Kari
(Mat 13:18-23. Mrk 4:13-20)
11Pnungalan kari we so nii, rehak we kari Utux Baro. 12Ga meeniq ssiyo elu kesun we wada mbahang kari ka seediq. Kiya de meyah ka Qbsuran Bgihur Naqah de yahan na mangal peeyah lhebun daha ka kari, so uxe maha ssnheyi ma uxe ppkdusun ka dheya. 13Ga meniq bobo tasil kesun we wada mbahang kari ma tqqaras ba mangal ka seediq. Kiya de uka gamil ka lhebun daha ma tnnais ba snhii. Kiya de moda smterung pnseengan de asi alix. 14Mtuting ckceka pkpako kesun we wada mbahang ka kari ka seediq. Kiya de mlatac noda daha de kbuyun pnslhbenun, qnbleyaq ma qqrasun bobo dxeral ka dheya. Kiya de ini dehuk mhada ka pnugheyi daha. 15Ga meniq malu dxeral kesun we wada mbahang kari ka seediq. Kiya de pgdehu ba dmoi ckceka ini qberiq ma malu lhebun knremun ba tmara mghei.”
Camo Truma Gmukan
(Mrk 4:21-25)
16“Mncamo ka seediq we ini gmuki kulu, uxe uri we ini psai toma qlapo. Ida psaun bobo pcmagan qqtaun seediq meyah mremux hiya ka ledax. 17Ado ga bungan ka noda we uka ka uxe ptraun. Uxe uri we ga liingun ka noda we uka ka uxe maha klaun. 18So kiya de qlahang ba mbahang ka yamu. Ado ga dmoi ka seediq we krnahun mege. Ini doi ka seediq we glekun kana ka dnoi na kesun gaga niqan.”
Bubu ma Dmtswai Yesu
(Mat 12:46-50. Mrk 3:31-35)
19Kiya de meyah hiya ka bubu na ma dmtswai na. Kiya de ini tduwa meyah berah na ado knhbragan seediq. 20Niqan ka seediq rmengo heya: “Mqmita sunan ga mheyu nganguc ka bubu su ma dmtswai su.” 21Cmiyuk rmengo ka Yesu: “Mbahang kari Utux Baro ma muyu ba ka seediq we kika bubu mu ma mtswai mu.”
Pgseesu Bgihur ma Rcilung
(Mat 8:23-27. Mrk 4:35-41)
22Wada 1 ali. Yesu ma tnugsaan na mosa paapa asu, rmengo tnugsaan na: “Ntrile ta sipo rcilung.” Kiya de prading mosa ka asu daha da, 23mquri berah mosa ka asu ciida we mtaqi ka Yesu. Kiya de bobo rcilung de asi nii ka paru ba bgihur ma uxe beyo stngayun qsiya ka asu so ba smiicu. 24Mosa tmutuy Yesu ka tnsaan: “Mptgesa! Mptgesa! Mphuqil nami da!” Kiya de miiyo ka Yesu de kseengun na ka bgihur paru ma bula paru. Kiya de asi sange ma mgmelux bale da. 25Rmengo dheya ka Yesu: “Ga inu ka snhiyan namu da?” Ado miicu ma mskluwi bale ka dheya de mpprengo: “Ima bale ka nii ho? Posa kari bgihur ma qsiya ka heya de ida thei ba heya ka bgihur ma qsiya uri.”
Pkmalu Seediq Ga Sdooyan Bgihur Naqah Meeniq Gerasen
(Mat 8:28-34. Mrk 5:1-20)
26Dehuk dxeral Gerasen sipo Galil ka dheya. 27Mnkala siyo rcilung ciida ka Yesu de smterung meyah heya ka ga sdooyan bgihur naqah ka 1 seediq pneyah alang hiya. Seediq nii ge bsiyaq ba ini plukus, ini eeniq sapah, wano habung ka niqan na. 28Mita Yesu ka heya de tgtemaq berah na ma paru quwaq na mdiras rmengo: “Yesu, laqi Utux Baro Tgpusu Ba Baro, ma su meyah smqeya kenan? Braho su bale, iya ku pqqihi!” 29Ado rmnengo bgihur naqah nii: Latac peeyah heyi seediq kiya, mesa ka Yesu. Mneegu qmerac heya ka bgihur naqah. Heya we qnlhangan klaali ma bkean negul xiluy ka baga na ma papak na. Tduwa na pstequn ka negul xiluy, lwaqi bgihur naqah mosa tadus brenux. 30Smiling heya ka Yesu: “Ima ka ngayan su?” Cmiyuk ka heya: “Mgrahul”. Ado hbaro ka bgihur naqah wada mremux heya. 31Rmengo mesa Yesu ka bgihur naqah, so uxe skgulun mosa rangah uka pusu ka dheya.
32Gaga tbugan dgiyaq hiya ka egu bale 1 qpuruh babuy. Rmengo mesa Yesu, so maha smruwa pteme babuy ka dheya. Wada srwaan Yesu ka dheya. 33Kiya de mlatac peeyah seediq kiya ka dbgihur naqah dima mremux ckceka babuy. Kiya de tmalang priyax kdere skrebu rcilung ma wada mhuqil ka qpuruh babuy. 34Mita noda so nii ka dmtabu babuy de qduriq ma soosa daha smneru alang ma seediq tthngali alang uri. 35Meyah mita ndaan so maanu mesa ka seediq ma meyah berah Yesu. Kiya de taan daha ka seediq kiya gaga tleung berah Yesu, mnlatac ka bgihur naqah, mlukus duma tgkeela ka lnglungan na da. Kiya de miicu ka dheya da. 36Qmnita noda nii ka seediq we srengo daha dheya ka wada huwa mesa pklmeun ka seediq tnlungan bgihur naqah. 37Kiya de kana knhbaro seediq mtqiri dxeral Gerasen hiya, ado miicu bale dwe rmengo Yesu mlatac peeyah dheya. Maanu so kiya de paapa asu ka Yesu ma wada da. 38Kiya de seediq pnyahan dbgihur naqah we rmengo Yesu ssuupu na theyaq dheya. Kiya de Yesu we psaun na ka heya ma rmengo: 39“Osa sapah su, saani smneru wada hmuwa mesa qneepah na paru sunan ka Utux Baro.” Kiya de mosa ka heya ma sgarang na kana alang ka paru ba qneepah Yesu heya.
Weewa Yairos ma Mqedil Msdara
(Mat 9:18-26. Mrk 5:21-43)
40Meyah ciida ka Yesu we mqaras smterung heya ka hbaro ba seediq, ado tmnara heya ka dheya han. 41Niqan 1 mpqlahang sapah pssliyan, ngayan na we Yairos. Meyah tgtemaq berah papak Yesu ka heya ma mesa Yesu oosa na sapah na. 42Ado ga steqan ka 1 ba weewa na yaa ba 12 knkawas, uxe beyo mphuqil di.
Mosa ka Yesu ciida we kmheruy heya ka hbaro ba seediq. 43Niqan 1 mqedil we 12 knkawas mnarux mqedil msdara. Wada na spsapuh ka kana dnoi na ma uka ani ima dehuk pkmalu heya. 44Meyah bukuy Yesu ka heya ma tmelung palic lukus na de asi kdengu ka cmriyu dara na da. 45Smiling ka Yesu: “Ima ka tmnelung kenan ho?” Uxe dheya, mesa ka kana seediq. Kiya de rmengo ka Petros ma kana tnheyaq hiya: “Mptgesa, ga tmlibu qmapur sunan ka hbaro ba seediq!” 46Rmengo ka Yesu: “Niqan ka tmnelung kenan. Ado wada peeyah kenan ka beyax mu we klaun mu.” 47Klaun na uka na kklaan tgleing ka mqedil nii de pkrkerang meyah tmbqelic berah na. Kiya de maanu ka stelung na Yesu ma wada huwa mesa asi kmalu we ssneeru na berah kana seediq. 48Rmengo heya ka Yesu: “Weewa, snhiyan su ka wada pkmalu sunan. Psbleyaq lnglungan su ma osa!”
49Rmengo kari ciida ka Yesu we, meyah ka duma seediq pneyah sapah mpqlahang sapah pssliyan ma rmengo: “Ga mhuqil ka laqi su mqedil da. Iya so smuuwic sunan da.” 50Mbahang so nii ka Yesu de rngagan na: “Iya kiicu, asi skingal snhii. Ida mpkmalu ka laqi su mqedil.” 51Dehuk sapah na ka heya de wano Petros, Yohane, Yakobu ma tama ma bubu laqi we ini na srwai psteme msuupu heya ka ani ima. 52Kiya de lmingis ka kana seediq ma tsdamac heya. Kiya de rmengo ka Yesu: “Iya lingis! Uxe nii mhuqil ka heya. Nii su mtaqi.” 53Klaun daha wada mhuqil ka heya, kiya de phlisan daha ka Yesu. 54Yesu we dooyan na baga ka laqi ma splawa na: “Laqi, tutuy da!” 55Kiya de meyah dungal ka utux bgihur na ma asi heyu ka heya. Dmurun qdali uqun mesa ka Yesu. 56Mskluwi bale ka tama ma bubu na. Mdakar rmengo dheya ka Yesu, iya rrngaani ani ima ka ndaan na.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible Society in Taiwan, 2020
© 台灣聖經公會版權所有，2020