Gênesis 28
28
Jacó Hasujyawaka Piranapni
1Hiyáhoni Isaque tomhalu Jacó. Kihleru htshinanwakatlu waneya htowutlu:
— Hi phanunrotanro suxo canaã-nero.
2Padã-Arã tshinikowaka nwaka pyanu. Betuel tshinkaluru, punro hirupji nwaka pyanu waneya waneko suxo Labão tshinkaluru, punro mole whene phanunrotanu.
3Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.
4Hoyakalu hinkajyalu Abraão-ni rixkakanyi pixa hiyrun-koxa piklopichanepa wane rixkakanu pyapyawaka tshijne pyoptoxini Hoyakalu henejyalu Abraão-ni mitshi tshijne.
5Waneya Isaque-yma runhakakna Jacó. Hiyáhoni Jacó yatka Padã-Arã tshinikowaka nwaka Labão tshinkaluru, Betuel tshinkaluru whene nwaka, Jacó, Esaú hinro mole nwaka hyatka.
6Hiyáhoni rexinixka Esaú, Isaque kihlewaka htshinanwakaxyawaklu Jacó hiyrun-koxa Padã-Arã tshinikowaka nwaka hyokanaxyawakatkalu Jacó, wane hnurtapyawakaplo suxo waneya hiyrun-koxa rimaxinixka kihleru htshinanwakaxyawakatkalu, wla htshin-towutletlu:
— Hi phanunrotanro suxo canaã hajeru whene.
7Rimaxinixka Jacó yijnakotatkalu ruru, runro tokanu hiyáhoni Padã-Arã nwaka hyatka,
8hiyrun-koxa rexinixka Esaú, ruru Isaque suxone canaã-nerune whenene hi rukchikhihlenuta
9Esaú yanwakatlu Ismael. Waneko suxo rawapya hhanunroxyawakaplo Maalate tshinkaluro, Ismael, Abraão-ni whene whene Nebaiote mole suxo.
Jacó Hipnawaxyawaka Piranapni
10Waneya Jacó Berseba hichpajya, Harã hyamta.
11Waneya rapoklu rumkamxyawakapa wane rumjiyatka klu tshinanu rutshpokatka tkatshi. Satu sotlu wane hwatshri hkachitatka wale hoho rutspanojiwuta, rukóluha wane rumjiyatka.
12Waneya wane rupnawaxyatka, escada rupjeta tshiji hyopkaka, escada jiwu tenhohne hapoka; escada hyapakanatna Hoyakalu anjo-tene, ratskotna, hserpikna.
13Escada teno nwaka rawakanata Tsru Hixikatshriwa Hoyakalu waneya wane htshina:
— Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.
14Pixa klopichane ksatuji pejnupna; rupalatanna ptowru sretako. Pixa tshinanu, Jacó, piklopichane tshinan-koxa ruhlehchinikanyehitkona ptowruneruka tshij-hoho hwatshine.
15Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.
16Waneya ruyojinixka Jacó rupnawleya wla htshina: “Halikakni hewiru Tsru Hixikatshriwa Hoyakalu seyni hi nimatyehikanatlu.”
17Hpikatka waneya wla htshinatka: “Hi pa hamlenukananru xye poktshi! Xye poktshi halikaka hi poktshichani seyni Hoyakalu hwiywaka potúkoni. Hewiktani tenhohne hiphaptote jihlokawakle.”
18Waneya wale prika yetshpotukawa Jacó yotunotatka. Sotlu hyostanojrekananu hkachitatka hyotupaklu. Waneya azeite-ha ruyokhohotlu.
19Rutakhiwakatlu wale poktshi, Betel htshinru. Mitshikananu Luz htshinka.
20Hiyrun-koxa Jacó Hoyakalu runkaklexyalu rixannu, wla htshinatka: “Hoyakalu hitaymalutu rixinpakni, repixanno xye nyanre hapoya, rohluxinipno, mkatshri rukchijinipno,
21haté nurupji nwakako nsatojinipa kihle hwachalepno waneya Tsru Hixikatshriwa Hoyakalu wale Noyakalute hkahwakko hitaya.
22Hiyáhoni xawakni xye sotlu nyotupakleru histsihi rixinixkawa Hoyakalu pjipatkani. Hiyrun-koxa ptowruka penejyano xyekaka dez penejyano psojite nsatkajinyi halikaka.”
Nke Ahọpụtara Ugbu A:
Gênesis 28: mpdBiblia
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 28
28
Jacó Hasujyawaka Piranapni
1Hiyáhoni Isaque tomhalu Jacó. Kihleru htshinanwakatlu waneya htowutlu:
— Hi phanunrotanro suxo canaã-nero.
2Padã-Arã tshinikowaka nwaka pyanu. Betuel tshinkaluru, punro hirupji nwaka pyanu waneya waneko suxo Labão tshinkaluru, punro mole whene phanunrotanu.
3Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.
4Hoyakalu hinkajyalu Abraão-ni rixkakanyi pixa hiyrun-koxa piklopichanepa wane rixkakanu pyapyawaka tshijne pyoptoxini Hoyakalu henejyalu Abraão-ni mitshi tshijne.
5Waneya Isaque-yma runhakakna Jacó. Hiyáhoni Jacó yatka Padã-Arã tshinikowaka nwaka Labão tshinkaluru, Betuel tshinkaluru whene nwaka, Jacó, Esaú hinro mole nwaka hyatka.
6Hiyáhoni rexinixka Esaú, Isaque kihlewaka htshinanwakaxyawaklu Jacó hiyrun-koxa Padã-Arã tshinikowaka nwaka hyokanaxyawakatkalu Jacó, wane hnurtapyawakaplo suxo waneya hiyrun-koxa rimaxinixka kihleru htshinanwakaxyawakatkalu, wla htshin-towutletlu:
— Hi phanunrotanro suxo canaã hajeru whene.
7Rimaxinixka Jacó yijnakotatkalu ruru, runro tokanu hiyáhoni Padã-Arã nwaka hyatka,
8hiyrun-koxa rexinixka Esaú, ruru Isaque suxone canaã-nerune whenene hi rukchikhihlenuta
9Esaú yanwakatlu Ismael. Waneko suxo rawapya hhanunroxyawakaplo Maalate tshinkaluro, Ismael, Abraão-ni whene whene Nebaiote mole suxo.
Jacó Hipnawaxyawaka Piranapni
10Waneya Jacó Berseba hichpajya, Harã hyamta.
11Waneya rapoklu rumkamxyawakapa wane rumjiyatka klu tshinanu rutshpokatka tkatshi. Satu sotlu wane hwatshri hkachitatka wale hoho rutspanojiwuta, rukóluha wane rumjiyatka.
12Waneya wane rupnawaxyatka, escada rupjeta tshiji hyopkaka, escada jiwu tenhohne hapoka; escada hyapakanatna Hoyakalu anjo-tene, ratskotna, hserpikna.
13Escada teno nwaka rawakanata Tsru Hixikatshriwa Hoyakalu waneya wane htshina:
— Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.
14Pixa klopichane ksatuji pejnupna; rupalatanna ptowru sretako. Pixa tshinanu, Jacó, piklopichane tshinan-koxa ruhlehchinikanyehitkona ptowruneruka tshij-hoho hwatshine.
15Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.
16Waneya ruyojinixka Jacó rupnawleya wla htshina: “Halikakni hewiru Tsru Hixikatshriwa Hoyakalu seyni hi nimatyehikanatlu.”
17Hpikatka waneya wla htshinatka: “Hi pa hamlenukananru xye poktshi! Xye poktshi halikaka hi poktshichani seyni Hoyakalu hwiywaka potúkoni. Hewiktani tenhohne hiphaptote jihlokawakle.”
18Waneya wale prika yetshpotukawa Jacó yotunotatka. Sotlu hyostanojrekananu hkachitatka hyotupaklu. Waneya azeite-ha ruyokhohotlu.
19Rutakhiwakatlu wale poktshi, Betel htshinru. Mitshikananu Luz htshinka.
20Hiyrun-koxa Jacó Hoyakalu runkaklexyalu rixannu, wla htshinatka: “Hoyakalu hitaymalutu rixinpakni, repixanno xye nyanre hapoya, rohluxinipno, mkatshri rukchijinipno,
21haté nurupji nwakako nsatojinipa kihle hwachalepno waneya Tsru Hixikatshriwa Hoyakalu wale Noyakalute hkahwakko hitaya.
22Hiyáhoni xawakni xye sotlu nyotupakleru histsihi rixinixkawa Hoyakalu pjipatkani. Hiyrun-koxa ptowruka penejyano xyekaka dez penejyano psojite nsatkajinyi halikaka.”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil