Gênesis 35
35
Jacó Betel Tshinikowaka Hsatojyawakapa Piranapni
1Waneya Hoyakalu wla tshinru Jacó:
— Ppalnanu, Betel tshinikowaka pyanu waneya waneko pwanu. Waneya altar pkamhinri Hoyakalu, pix-yehi hiphujewnikatshri mitshi pimole Esaú pasukahnapuxin-mitshi.
2Waneya Jacó hiynumatkana walepji hajene hiyrun-koxa waleymalune ptowruneka wla htshinatkana:
— Hoyakalu minjene hmunanhalene herutanu hix-yehiya, hpowraxinwa, hemkatanutshi.
3Waneya wpalnanu Betel nwaka wyanu. Waneko satu altar nkamhini Hoyakalu tshinanu. Waleni nyijnakotjeru napohchinikanutlu mitshi nkaheknanuwle klu papko. Hitaymakananru nyapyawaka pejnukananuya.
4Waneya renekluna Jacó hoyakalune minjene rimwakanatanune. Rujeprena rutaklerna renekluna. Waneya Jacó xye ptowruka hkapnatatka tsru hahmuna hmana Siquém tshinikowaka hinaple hwatshri.
5Waneya hyamtatkana. Seyni Hoyakalu henekhamlehonutna wale poktshini tnumne hajene hiyáhoni hi Jacó-ne hatjini hyatkana hkamnitapyawakapna.
6Waneya Luz tshinikowaka Betel koxa htshinka, Canaã tshinikowaka tshijne hwatshri rapokatka Jacó hiyrun-koxa waleymalune ptowruneka wane hapokatka.
7Waneya waneko satu altar hkamhiyatka. Waneya rutakhiwakatlu wale poktshi El-Betel klu tshinanu wanekni mitshi Hoyakalu hakanhayehixyalu Jacó himole rasujiniklunutka mitshi.
8Wanekni Débora tshinkalúroni, Rebeca towreroni hipniyanatka. Wanekni Betel tshinikowaka tkapnanatkana Carvalho muna hmana. Tkapnaxikowakana hiwakni Alom-Bacute.
9Waneya Jacó Padã-Arã ruchpajiniklunukananuko Hoyakalu hakanhayehitatnaklu waneya kihlewaka htshinanwakatlu Jacó.
10Wla htshinatkalu: “Phiwakni Jacó seyni xye hohne pnutpatka hi Jacó ptshinkotka seyni Israel ptshinkotka.” Hiyáhoni Israel rutakhiwakatlu.
11Waneya Hoyakalu wla tshinatkalu:
“Hitni Hoyakalu Ptowru Himukatatshrino. Pwuhenewatanu, hixolunepyi. Satu nerupyi satu nerkaka xkehipyi hiyrun-koxa phurune hichpajinri pixkehi.
12Hiyrun-koxa tshiji nenejyatkalu Abraão, Isaque, pixa nenekanru hiyrun-koxa pixa piklopichanepa pixa hatjini hakanhatshinepa nenekanru tshiji.”
13Waneya Hoyakalu teno yatka riynumsakanaxyawaklu yehiya.
14Waneya Jacó riynumsakanaxikowak-yehi pa stsihi hyopkakatka sotlu kamhikolu. Waneya satu henekachalu hirkaluru ruyokhohotlu hiyrun-koxa óleo-ha ruyokhohotlu.
15Waneya Hoyakalu hiynumsakanaxyawaklu Jacó yehi, Betel rutakhiwakatlu.
Benjamim Matuxyawaka Hiyrun-koxa Raquel Hipniywaka Piranapni
16Waneya hyamtna Betel ruchpajyatkana waneya hi tsru mahatatka Efrata rapojyawakapna Raquel tshinowatatka, tyapretaklu tmatuwhenexyawaka.
17Waneya tmatuwhenekastsi potuko tshinowatatshro hislahatshro wla tshinro:
— Hi ppikanu klu tshinanu xye mturu koxa pmatkakanu.
18Waneya tupnakastsi potuko tutakhiwakatlu Benoni seyni ruru hitakhiwakatlu Benjamim.
19Waneya Raquel hipnanatka. Hatnu hapo Efrata tshinikowaka nwaka yatshri tupniyanatka Belém tshinikowaka tkapnatkana.
20Waneya Jacó sotlu stsihi hyopkakatka tyomle hohoya. Wanekowalu haté xawakni histsihi yopkakkaluru Raquel-ni yomle himaxikole.
21Waneya Israel yamtatka waneya hpanawatatka Migdal-Éder tshinikowaka pnute.
22Waneya Israel wale tshijne rawakanaxini Rúben ruru hnunro hepúrotshi Bila tshinkaluro hkatshpekatka. Israel jempiranyehitlu. Israel doze whene rixapa.
23Wla pejnuna Lia whenene: Jacó whene tsrujru Rúben tshinkaluru, Simeão, Levi, Judá, Issacar, Zebulom.
24Wla pejnuna Jacó whenene Raquel matkaklene: José, Benjamim.
25Wla pejnu koxna Jacó whenene Bila, Raquel towrero matkaklene: Dã, Naftali.
26Hiyrun-koxa wla pejnuna Jacó whenene Zilpa, Lia towrero matkaklene: Gade, Aser. Nyi mturune pejnu Jacó whenenni Padã-Arã tshinikowaka matuxikatshine.
27Waneya Jacó hapyehitlu ruru Isaque, Manre tshinikowaka, Quiriate-Arba tshinikowakastsi, Hebrom tshijneya Abraão-ni, Isaque hwajekanaxyawaka rapokamtatka.
28Isaque hiwejyawak-hohne pejnu cento e oitenta mhale.
29Rupnanatka Isaque-ni. Rutsruknu potuko kamakatanru. Rutsrukatenniyma rapatjetatka. Waneya hiwhenene Esaú, Jacó kapnatanru.
Nke Ahọpụtara Ugbu A:
Gênesis 35: mpdBiblia
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 35
35
Jacó Betel Tshinikowaka Hsatojyawakapa Piranapni
1Waneya Hoyakalu wla tshinru Jacó:
— Ppalnanu, Betel tshinikowaka pyanu waneya waneko pwanu. Waneya altar pkamhinri Hoyakalu, pix-yehi hiphujewnikatshri mitshi pimole Esaú pasukahnapuxin-mitshi.
2Waneya Jacó hiynumatkana walepji hajene hiyrun-koxa waleymalune ptowruneka wla htshinatkana:
— Hoyakalu minjene hmunanhalene herutanu hix-yehiya, hpowraxinwa, hemkatanutshi.
3Waneya wpalnanu Betel nwaka wyanu. Waneko satu altar nkamhini Hoyakalu tshinanu. Waleni nyijnakotjeru napohchinikanutlu mitshi nkaheknanuwle klu papko. Hitaymakananru nyapyawaka pejnukananuya.
4Waneya renekluna Jacó hoyakalune minjene rimwakanatanune. Rujeprena rutaklerna renekluna. Waneya Jacó xye ptowruka hkapnatatka tsru hahmuna hmana Siquém tshinikowaka hinaple hwatshri.
5Waneya hyamtatkana. Seyni Hoyakalu henekhamlehonutna wale poktshini tnumne hajene hiyáhoni hi Jacó-ne hatjini hyatkana hkamnitapyawakapna.
6Waneya Luz tshinikowaka Betel koxa htshinka, Canaã tshinikowaka tshijne hwatshri rapokatka Jacó hiyrun-koxa waleymalune ptowruneka wane hapokatka.
7Waneya waneko satu altar hkamhiyatka. Waneya rutakhiwakatlu wale poktshi El-Betel klu tshinanu wanekni mitshi Hoyakalu hakanhayehixyalu Jacó himole rasujiniklunutka mitshi.
8Wanekni Débora tshinkalúroni, Rebeca towreroni hipniyanatka. Wanekni Betel tshinikowaka tkapnanatkana Carvalho muna hmana. Tkapnaxikowakana hiwakni Alom-Bacute.
9Waneya Jacó Padã-Arã ruchpajiniklunukananuko Hoyakalu hakanhayehitatnaklu waneya kihlewaka htshinanwakatlu Jacó.
10Wla htshinatkalu: “Phiwakni Jacó seyni xye hohne pnutpatka hi Jacó ptshinkotka seyni Israel ptshinkotka.” Hiyáhoni Israel rutakhiwakatlu.
11Waneya Hoyakalu wla tshinatkalu:
“Hitni Hoyakalu Ptowru Himukatatshrino. Pwuhenewatanu, hixolunepyi. Satu nerupyi satu nerkaka xkehipyi hiyrun-koxa phurune hichpajinri pixkehi.
12Hiyrun-koxa tshiji nenejyatkalu Abraão, Isaque, pixa nenekanru hiyrun-koxa pixa piklopichanepa pixa hatjini hakanhatshinepa nenekanru tshiji.”
13Waneya Hoyakalu teno yatka riynumsakanaxyawaklu yehiya.
14Waneya Jacó riynumsakanaxikowak-yehi pa stsihi hyopkakatka sotlu kamhikolu. Waneya satu henekachalu hirkaluru ruyokhohotlu hiyrun-koxa óleo-ha ruyokhohotlu.
15Waneya Hoyakalu hiynumsakanaxyawaklu Jacó yehi, Betel rutakhiwakatlu.
Benjamim Matuxyawaka Hiyrun-koxa Raquel Hipniywaka Piranapni
16Waneya hyamtna Betel ruchpajyatkana waneya hi tsru mahatatka Efrata rapojyawakapna Raquel tshinowatatka, tyapretaklu tmatuwhenexyawaka.
17Waneya tmatuwhenekastsi potuko tshinowatatshro hislahatshro wla tshinro:
— Hi ppikanu klu tshinanu xye mturu koxa pmatkakanu.
18Waneya tupnakastsi potuko tutakhiwakatlu Benoni seyni ruru hitakhiwakatlu Benjamim.
19Waneya Raquel hipnanatka. Hatnu hapo Efrata tshinikowaka nwaka yatshri tupniyanatka Belém tshinikowaka tkapnatkana.
20Waneya Jacó sotlu stsihi hyopkakatka tyomle hohoya. Wanekowalu haté xawakni histsihi yopkakkaluru Raquel-ni yomle himaxikole.
21Waneya Israel yamtatka waneya hpanawatatka Migdal-Éder tshinikowaka pnute.
22Waneya Israel wale tshijne rawakanaxini Rúben ruru hnunro hepúrotshi Bila tshinkaluro hkatshpekatka. Israel jempiranyehitlu. Israel doze whene rixapa.
23Wla pejnuna Lia whenene: Jacó whene tsrujru Rúben tshinkaluru, Simeão, Levi, Judá, Issacar, Zebulom.
24Wla pejnuna Jacó whenene Raquel matkaklene: José, Benjamim.
25Wla pejnu koxna Jacó whenene Bila, Raquel towrero matkaklene: Dã, Naftali.
26Hiyrun-koxa wla pejnuna Jacó whenene Zilpa, Lia towrero matkaklene: Gade, Aser. Nyi mturune pejnu Jacó whenenni Padã-Arã tshinikowaka matuxikatshine.
27Waneya Jacó hapyehitlu ruru Isaque, Manre tshinikowaka, Quiriate-Arba tshinikowakastsi, Hebrom tshijneya Abraão-ni, Isaque hwajekanaxyawaka rapokamtatka.
28Isaque hiwejyawak-hohne pejnu cento e oitenta mhale.
29Rupnanatka Isaque-ni. Rutsruknu potuko kamakatanru. Rutsrukatenniyma rapatjetatka. Waneya hiwhenene Esaú, Jacó kapnatanru.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil