Gênesis 6
6
Hoyakalu Kamhalene Hektutu Tsonu Kamhajetatshine Piranapni
1Wane rix-hixowletna yine tshij-hohoya hiyáhoni hwuhenetna hiwhenenna suxone.
2Waneya Hoyakalu whenene hetna jeji whenene suxone, kihlekakna. Hiyáhoni hhanunrotna satkaka ralukanrone potuko.
3Hiyáhoni wane htshina Tsru Hixikatshriwa Hoyakalu:
— Hita Hiwejinri hi ptowru hohneka yapretakna jejine klu tshinanu jeji hihituchani. Seyni yine hiwejinri hohne pejnu cento e vinte mhale tsonu riwekanna.
4Hiyrunu waneklu papko rawapna tshij-hoho tseruwnapotutatshine potuko. Hiyáhoni wane pnute Hoyakalu whenene hapokmanexinna jeji whenene suxone waneya hmatuwhenexinna hwuhenene jejine. Hiyáhoni xyekaka jejine tsru hixkolune, tsru hchinikanurune psoluchaka kpohiyna mitshikawni.
5Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.
6Hoyakalu wan-tshina:
— Klukta nikamhana nyi yine tshiji hwatshine hiyrunu nwamonuwahchinikanuta.
7Waneya wane htshina Tsru Hixikatshriwa Hoyakalu:
— Nkamhalene yine, tshiji hwatshine, namhakakannuna yine hiyrunu hocha hajeru hiyrunu ptowru hixatshri tshij-hoho yosrolotatshri hiyrunu kamejirune tenhohne yapatshine klu tshinanu nyokmanahchinikanuta nkamhalene tshinanu.
8Seyni Hoyakalu hikchikhihlenutlu Noé tshinkaluru.
9Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.
10Hwuhenene mapa, wannani Sem, Cão, Jafé.
Hoyakalu Hinkakletlu Hahyekachalu Pirana
11Hektuwaka tsonu hkamhajetna yine tshijiya Hoyakalu yhaleya hiyrunu muhlentshi tsonu tsepotlu tshiji.
12Hiyáhoni Hoyakalu hetlu tshiji. Halikaka hektupotlu tshiji klu tshinanu ptowru hiwekatshri rumtukhiweklexnawa psol-tshijneyako.
13Waneya Hoyakalu wan-tshinru Noé:
— Xawakni nuchinikanuwata nnikaxyawakaplu ptowru hiwekatshri klu tshinanu ptowru hektutu tsepotlu tshiji wanna htshinanna. Hiyáhoni nnikatanunna wannapni tshijiyma.
14Xawakni pkamhanro sato tsro kanawa cipreste chpataya. Waneya totlo hitokote putakanru hihrukokaka. Waneya pyochitanro tsro kanawa chiptshajpalu hitoko sreta, maleka sret-koxa psahatanu.
15Hiyáhoni wane pix-kamhaletanro tsro kanawa: cento e trinta e três metros rowuknu pixanro; vinte e dois metros ttsernu, ttennutlo treze metros pixanu.
16Kanawapji cinquenta centímetros htennu wane psoji swa pixexini, psoluka hsajrukanu. Waneya hikwansata sreta putakanru satu hiphapto. Pkamhanru kwalkaka, satu kwalu tshiji nwaka hajeru, satu kwalu hanikaji hajeru, satu kwalu teno nwaka hajeru pkamhanu.
17Hiyáhoni Hita honha yokanaxinipa xye tshijne nnikaxyawakapa ptowru hiwekatshri hanuruktako hiweka, xye tshijne hinniphaxikatshri, tenhohne hpuko hajeru nnikatanu. Ptowru potuko tshiji hwatshri nikawnanutka.
18Noé, nkojiretanyi pixa satu nunkaklexinyi. Hiyáhoni pixa tsro kanawa jihlokanu pixa, piwhenene, pixa hnunro, piwhenene hnunrone koxa tsro kanawa jihlokanu pixayma.
19Hiyrun-koxa ptowru hixatshri hiwekatshri, hepkaka ptowru hixatshri, satu jeji, sato suxo ppokotanu tsro kanawaya pixayma, riwejyawakapna pixayma.
20Ptowru hixatshri kamejirune, ptowru hixatshri hocha hajerune, ptowru hixatshri kammanetkaluru, ptowru hixatshri tshij-hoho yosrolotatshri koxa. Satu nerkaka hepkaka ppokotanu satu jeji, sato suxo hma mupniywakanupna.
21Ppokotan-koxlu ptowru hixatshri niklurupa. Papatjetanru wale hnijyawakapna pixa, wanna koxa.
22Waneya hanukta htshinru Hoyakalu wane potuko rixa Noé.
Nke Ahọpụtara Ugbu A:
Gênesis 6: mpdBiblia
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 6
6
Hoyakalu Kamhalene Hektutu Tsonu Kamhajetatshine Piranapni
1Wane rix-hixowletna yine tshij-hohoya hiyáhoni hwuhenetna hiwhenenna suxone.
2Waneya Hoyakalu whenene hetna jeji whenene suxone, kihlekakna. Hiyáhoni hhanunrotna satkaka ralukanrone potuko.
3Hiyáhoni wane htshina Tsru Hixikatshriwa Hoyakalu:
— Hita Hiwejinri hi ptowru hohneka yapretakna jejine klu tshinanu jeji hihituchani. Seyni yine hiwejinri hohne pejnu cento e vinte mhale tsonu riwekanna.
4Hiyrunu waneklu papko rawapna tshij-hoho tseruwnapotutatshine potuko. Hiyáhoni wane pnute Hoyakalu whenene hapokmanexinna jeji whenene suxone waneya hmatuwhenexinna hwuhenene jejine. Hiyáhoni xyekaka jejine tsru hixkolune, tsru hchinikanurune psoluchaka kpohiyna mitshikawni.
5Waneya retlu Tsru Hixikatshriwa Hoyakalu hi psokananru hektutu rapatjererna yine tshijiya hiyrunu rethixanutna yine hektutu tsonu ruchinikanretjetna rajiyna ptowru hohneruka.
6Hoyakalu wan-tshina:
— Klukta nikamhana nyi yine tshiji hwatshine hiyrunu nwamonuwahchinikanuta.
7Waneya wane htshina Tsru Hixikatshriwa Hoyakalu:
— Nkamhalene yine, tshiji hwatshine, namhakakannuna yine hiyrunu hocha hajeru hiyrunu ptowru hixatshri tshij-hoho yosrolotatshri hiyrunu kamejirune tenhohne yapatshine klu tshinanu nyokmanahchinikanuta nkamhalene tshinanu.
8Seyni Hoyakalu hikchikhihlenutlu Noé tshinkaluru.
9Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.
10Hwuhenene mapa, wannani Sem, Cão, Jafé.
Hoyakalu Hinkakletlu Hahyekachalu Pirana
11Hektuwaka tsonu hkamhajetna yine tshijiya Hoyakalu yhaleya hiyrunu muhlentshi tsonu tsepotlu tshiji.
12Hiyáhoni Hoyakalu hetlu tshiji. Halikaka hektupotlu tshiji klu tshinanu ptowru hiwekatshri rumtukhiweklexnawa psol-tshijneyako.
13Waneya Hoyakalu wan-tshinru Noé:
— Xawakni nuchinikanuwata nnikaxyawakaplu ptowru hiwekatshri klu tshinanu ptowru hektutu tsepotlu tshiji wanna htshinanna. Hiyáhoni nnikatanunna wannapni tshijiyma.
14Xawakni pkamhanro sato tsro kanawa cipreste chpataya. Waneya totlo hitokote putakanru hihrukokaka. Waneya pyochitanro tsro kanawa chiptshajpalu hitoko sreta, maleka sret-koxa psahatanu.
15Hiyáhoni wane pix-kamhaletanro tsro kanawa: cento e trinta e três metros rowuknu pixanro; vinte e dois metros ttsernu, ttennutlo treze metros pixanu.
16Kanawapji cinquenta centímetros htennu wane psoji swa pixexini, psoluka hsajrukanu. Waneya hikwansata sreta putakanru satu hiphapto. Pkamhanru kwalkaka, satu kwalu tshiji nwaka hajeru, satu kwalu hanikaji hajeru, satu kwalu teno nwaka hajeru pkamhanu.
17Hiyáhoni Hita honha yokanaxinipa xye tshijne nnikaxyawakapa ptowru hiwekatshri hanuruktako hiweka, xye tshijne hinniphaxikatshri, tenhohne hpuko hajeru nnikatanu. Ptowru potuko tshiji hwatshri nikawnanutka.
18Noé, nkojiretanyi pixa satu nunkaklexinyi. Hiyáhoni pixa tsro kanawa jihlokanu pixa, piwhenene, pixa hnunro, piwhenene hnunrone koxa tsro kanawa jihlokanu pixayma.
19Hiyrun-koxa ptowru hixatshri hiwekatshri, hepkaka ptowru hixatshri, satu jeji, sato suxo ppokotanu tsro kanawaya pixayma, riwejyawakapna pixayma.
20Ptowru hixatshri kamejirune, ptowru hixatshri hocha hajerune, ptowru hixatshri kammanetkaluru, ptowru hixatshri tshij-hoho yosrolotatshri koxa. Satu nerkaka hepkaka ppokotanu satu jeji, sato suxo hma mupniywakanupna.
21Ppokotan-koxlu ptowru hixatshri niklurupa. Papatjetanru wale hnijyawakapna pixa, wanna koxa.
22Waneya hanukta htshinru Hoyakalu wane potuko rixa Noé.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil