Genesis 13
13
Ohiyana wa Abramu ni Loti
1Abramu ni mwaariye yavenyilliiwawo o Iguputo, yaaya o echigawo yoomwera ya Kanani. Nave Loti aathaanana nimodda.
2Abramu aari mullupa eyuuma vawi aakhalla ni eziweto navettho siliva ni golide. 3Ovenyera omwera aasusella o Betele, o nipuro wulle khalle amakilleeyewo musasaaye, variyari va Betele ni Ai. 4Sika aahokollweellattho onipuroni wulle khalle amakilleeyewo nikuwa nave aallapella nnddina na Apwiya.
5Loti nayeenettho aakhalla ni enkhosa, epuri ni eng'ombe ni nibanja naye nittheene vamoddattho ni akaporwaaye. 6Sika khewaari munyepu wookwakhwanella ochihella eziweto dda eellaayo vawi arive muthu aakhalla ni eziweto ddinchichi. Sika waari woohiworeya wi ekhallelle va nipuro nimodda. 7Sika abusa a Abramu ni abusa a Loti yahaamba okangana. Enthawi yeeyo Akanani ni Aperezi yaari ekhallakave mwiillaponimmo.
8Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka. 9Ethiyo ellapo ettheene kheri m'mattani mwawo? Hanko nihiyane, otthoolle embali ya ellapo eyo onapaalleewe. Watthoolla onnatta noonyottho, miyaano kinaaye onnattanatta nave watthoolla onnattanatta, miyaano kinaaye onnatta noonyottho.”
10 #
Gen 2.10
Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya#13.10 emata ya Apwiya: Voollotani dda emata ya Edeni. apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora. 11Sika Loti aatthoolla ntapo nittheene na Yordani, aya akhalla wookhuma nndduwa wa ntaponno. Mmu sika athu eellaalla yahiyanelliiwa. 12Abramu aakhalla mu ellapo ya Kanani koma Loti aakeraattheya variyari va mizinda dda ntapo, atthipella musasaaye vakhuviru ni muzinda wa Sodomu. 13Athu a m'muzindammo yaari oonanara ni oochimwesesa vamiitthoni va Apwiya.
Abramu aasusella o Hebroni
14Loti atthaamille, Apwiya yaamulleella Abramu wi, “Tukhulla miitthwaawo nave owehesese ompoto, omwera, wookhuma nndduwa ni woovollowa nndduwa. 15#Mit 7.5Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla. 16Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.” 17Vano timulla ni weetella ellapo ettheeneeyo vawi kineerewuuvaha. 18Sika vano Abramu aatthaamiha musasaaye, aya akhalla o miteekho dda muthundu dda o Mamure nnddo ddiri o Hebroni. Nave wenko ahaamakella Apwiya nikuwa.
Nke Ahọpụtara Ugbu A:
Genesis 13: MW2019
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible in Elhomwe © The Bible Society of Malawi, 2019.
Genesis 13
13
Ohiyana wa Abramu ni Loti
1Abramu ni mwaariye yavenyilliiwawo o Iguputo, yaaya o echigawo yoomwera ya Kanani. Nave Loti aathaanana nimodda.
2Abramu aari mullupa eyuuma vawi aakhalla ni eziweto navettho siliva ni golide. 3Ovenyera omwera aasusella o Betele, o nipuro wulle khalle amakilleeyewo musasaaye, variyari va Betele ni Ai. 4Sika aahokollweellattho onipuroni wulle khalle amakilleeyewo nikuwa nave aallapella nnddina na Apwiya.
5Loti nayeenettho aakhalla ni enkhosa, epuri ni eng'ombe ni nibanja naye nittheene vamoddattho ni akaporwaaye. 6Sika khewaari munyepu wookwakhwanella ochihella eziweto dda eellaayo vawi arive muthu aakhalla ni eziweto ddinchichi. Sika waari woohiworeya wi ekhallelle va nipuro nimodda. 7Sika abusa a Abramu ni abusa a Loti yahaamba okangana. Enthawi yeeyo Akanani ni Aperezi yaari ekhallakave mwiillaponimmo.
8Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka. 9Ethiyo ellapo ettheene kheri m'mattani mwawo? Hanko nihiyane, otthoolle embali ya ellapo eyo onapaalleewe. Watthoolla onnatta noonyottho, miyaano kinaaye onnattanatta nave watthoolla onnattanatta, miyaano kinaaye onnatta noonyottho.”
10 #
Gen 2.10
Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya#13.10 emata ya Apwiya: Voollotani dda emata ya Edeni. apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora. 11Sika Loti aatthoolla ntapo nittheene na Yordani, aya akhalla wookhuma nndduwa wa ntaponno. Mmu sika athu eellaalla yahiyanelliiwa. 12Abramu aakhalla mu ellapo ya Kanani koma Loti aakeraattheya variyari va mizinda dda ntapo, atthipella musasaaye vakhuviru ni muzinda wa Sodomu. 13Athu a m'muzindammo yaari oonanara ni oochimwesesa vamiitthoni va Apwiya.
Abramu aasusella o Hebroni
14Loti atthaamille, Apwiya yaamulleella Abramu wi, “Tukhulla miitthwaawo nave owehesese ompoto, omwera, wookhuma nndduwa ni woovollowa nndduwa. 15#Mit 7.5Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla. 16Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.” 17Vano timulla ni weetella ellapo ettheeneeyo vawi kineerewuuvaha. 18Sika vano Abramu aatthaamiha musasaaye, aya akhalla o miteekho dda muthundu dda o Mamure nnddo ddiri o Hebroni. Nave wenko ahaamakella Apwiya nikuwa.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible in Elhomwe © The Bible Society of Malawi, 2019.