Genesis 39
39
Yosefe ni mwaara Potifara
1Amalondaalle yaamukusella Yosefe o Iguputo nave yaamukulliha wa Potifara Muiguputo, enduna yuullupalli ya akhoto oowehera enyumba ya Farao. 2#Mit 7.9Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle. 3Nave apwinnyaayo yahoona wi Apwiya yaari ni Yosefe nave wi mitteko ddaye ddittheddene ddaanamweetella phaama. 4Sika Potifara aahakallalla ni Yosefe. Nave aamutthattusa kaporwaaye navettho oowehera ddittheddene dda mpammo. 5Ovenyera enthawi eyo Yosefe aambilleeye owehera ddittheddene dda mpa mwa Potifarooyo, Apwiya yaadalisa ddittheddene dda mpa mwa Muiguputooyo vamoddattho ni dda omata ddaye ekaamba ya Yosefe. 6Sika vano Potifara aahiya ddittheddene aariiyena m'mattani mwa Yosefe, mwawittho khaapwatha erive ello, opatula yoochave eyo acheeye.
Yosefe aari awooneya phaama ni ooreera. 7Nave viviralle enthawi, mwaariwa a apwinnya ahaamba omupaalla Yosefe. Vano mutthiyanooyo aamulleella Yosefe wi, “Ngawa, okone ni miyaano.” 8Koma Yosefe aakhoota wi, “Ngoonani, apwiyaaka khenapwatha dda erive ello yampammu, ekaamba ya miyaano. Ookivaha odindo woowehera ddaaye ddittheddene, 9nave olamulello wa ddittheddene dda mpammu ori m'mattani mwaka, ohiri m'mattani mwaye. Khakiimanille erive ello opatula nyuwaanove vawi muri amwaariwa. Miyaano ngiwora weera ello yoonanara yawi ddiidda ni omuchimwella Mulluku.” 10Naari mutthiyanoolle avirellelle ollota mawu amoddave yaalla ni Yosefe nllapo ni nllapo, Yosefe khaamwaapella maaru naari vang'ono nave khaakhullella weera ddoonanara ni mutthiyanooyo.
11Koma nllapo nimodda Yosefe aavollowa mpa wi aphare mutteko nave khemwaari akaporo amodda mpammo. 12Sika mutthiyanoolle aamuphara yoowara Yosefooyo, amulleella wi, “Okone ni miyaano!” Koma olliye aathawella vaatte, ahiya yoowaraayeeyo eri m'mattani mwa mutthiyanooyo. 13Vano mutthiyanoolle oonilleeye wi Yosefe oohiya mukanjwaaye nave oothawella vaatte, 14aawiithana akaporo a mpammo, aalleella wi, “Ngoonani nndda! Mamunaka aawaana Muheberoolla mpammu wi aniphudde hiyaano. Olliye aakivollowella ochipindani waka nave aheeseesa wi akone ni miyaano koma miyaano kaakhuwa wi athu ekithamakelle. 15Sika iiwalleeye okhuwanko, aahiya mukanjwaaye m'mattani mwaka nave athawella vaatte.”
16Nave mukanjooyo aawusunga m'mattani ophiyera pwiya a Yosefe awiille. 17Vano aamulleella mwaha muttheenooyo wi, “Kaporoolle a Eheberi mwawiilleenyuna mpammoolle, aakivollowella ochipindani waka nave aheeseesa wi akone ni miyaano. 18Koma kakhuwalleemi, olliyooyo aahiya mukanjwaaye vakhuviru ni miyaano, athawella vaatte.”
19Pwiya a Yosefe aasha murima wunchichi vawiiwani mawu yaalla ovenyera wa mwaariye va nnddo eerille kaporwaaye. 20Nave aamumakiha Yosefe, amuwallella mundendeni mmo mwawallelliwa a mundende a mwene nave aakhalla mwemmo. 21#Mit 7.9Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo. 22Nave oowehera endende aamutthattusa Yosefe kapitawo awaawehera a mundende akhwaaye attheene ni ddittheddene ddaweereya mundendenimmo. 23Nave aahiya ddittheddene m'mattani mwa Yosefe nave oowehera endendeeyo khaapwathattho erive ello kaambiiwa Apwiya yaari ni Yosefe nave yaanampambaniha va mitteko ddaye ddittheddene.
Nke Ahọpụtara Ugbu A:
Genesis 39: MW2019
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible in Elhomwe © The Bible Society of Malawi, 2019.
Genesis 39
39
Yosefe ni mwaara Potifara
1Amalondaalle yaamukusella Yosefe o Iguputo nave yaamukulliha wa Potifara Muiguputo, enduna yuullupalli ya akhoto oowehera enyumba ya Farao. 2#Mit 7.9Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle. 3Nave apwinnyaayo yahoona wi Apwiya yaari ni Yosefe nave wi mitteko ddaye ddittheddene ddaanamweetella phaama. 4Sika Potifara aahakallalla ni Yosefe. Nave aamutthattusa kaporwaaye navettho oowehera ddittheddene dda mpammo. 5Ovenyera enthawi eyo Yosefe aambilleeye owehera ddittheddene dda mpa mwa Potifarooyo, Apwiya yaadalisa ddittheddene dda mpa mwa Muiguputooyo vamoddattho ni dda omata ddaye ekaamba ya Yosefe. 6Sika vano Potifara aahiya ddittheddene aariiyena m'mattani mwa Yosefe, mwawittho khaapwatha erive ello, opatula yoochave eyo acheeye.
Yosefe aari awooneya phaama ni ooreera. 7Nave viviralle enthawi, mwaariwa a apwinnya ahaamba omupaalla Yosefe. Vano mutthiyanooyo aamulleella Yosefe wi, “Ngawa, okone ni miyaano.” 8Koma Yosefe aakhoota wi, “Ngoonani, apwiyaaka khenapwatha dda erive ello yampammu, ekaamba ya miyaano. Ookivaha odindo woowehera ddaaye ddittheddene, 9nave olamulello wa ddittheddene dda mpammu ori m'mattani mwaka, ohiri m'mattani mwaye. Khakiimanille erive ello opatula nyuwaanove vawi muri amwaariwa. Miyaano ngiwora weera ello yoonanara yawi ddiidda ni omuchimwella Mulluku.” 10Naari mutthiyanoolle avirellelle ollota mawu amoddave yaalla ni Yosefe nllapo ni nllapo, Yosefe khaamwaapella maaru naari vang'ono nave khaakhullella weera ddoonanara ni mutthiyanooyo.
11Koma nllapo nimodda Yosefe aavollowa mpa wi aphare mutteko nave khemwaari akaporo amodda mpammo. 12Sika mutthiyanoolle aamuphara yoowara Yosefooyo, amulleella wi, “Okone ni miyaano!” Koma olliye aathawella vaatte, ahiya yoowaraayeeyo eri m'mattani mwa mutthiyanooyo. 13Vano mutthiyanoolle oonilleeye wi Yosefe oohiya mukanjwaaye nave oothawella vaatte, 14aawiithana akaporo a mpammo, aalleella wi, “Ngoonani nndda! Mamunaka aawaana Muheberoolla mpammu wi aniphudde hiyaano. Olliye aakivollowella ochipindani waka nave aheeseesa wi akone ni miyaano koma miyaano kaakhuwa wi athu ekithamakelle. 15Sika iiwalleeye okhuwanko, aahiya mukanjwaaye m'mattani mwaka nave athawella vaatte.”
16Nave mukanjooyo aawusunga m'mattani ophiyera pwiya a Yosefe awiille. 17Vano aamulleella mwaha muttheenooyo wi, “Kaporoolle a Eheberi mwawiilleenyuna mpammoolle, aakivollowella ochipindani waka nave aheeseesa wi akone ni miyaano. 18Koma kakhuwalleemi, olliyooyo aahiya mukanjwaaye vakhuviru ni miyaano, athawella vaatte.”
19Pwiya a Yosefe aasha murima wunchichi vawiiwani mawu yaalla ovenyera wa mwaariye va nnddo eerille kaporwaaye. 20Nave aamumakiha Yosefe, amuwallella mundendeni mmo mwawallelliwa a mundende a mwene nave aakhalla mwemmo. 21#Mit 7.9Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo. 22Nave oowehera endende aamutthattusa Yosefe kapitawo awaawehera a mundende akhwaaye attheene ni ddittheddene ddaweereya mundendenimmo. 23Nave aahiya ddittheddene m'mattani mwa Yosefe nave oowehera endendeeyo khaapwathattho erive ello kaambiiwa Apwiya yaari ni Yosefe nave yaanampambaniha va mitteko ddaye ddittheddene.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The Bible in Elhomwe © The Bible Society of Malawi, 2019.