Kumsada Introduson

Introduson

Ali ku no ta lei di kumsada o rais di tudu kusa. E libru ta konta aserka di kumsada di mundu, di omi ku minjer, di pekadu, di sufrimentu, di kastigu, di mortu, ku di sosiedadi ku nasons. I ta mas foka na jorson di Abraon, Isak ku Jakó, ki pobu ku Deus kuji, ku sedu ebreus, kunsidu mas tardi suma Israel o judeus.

E libru tene dentru del onzi librusiñu antigu. Judeus ku kristons ta fia kuma Moisés toma ki librusiñus; ku ajuda di Deus i forma un libru son. Si bu jubi na versikulus de lista, bu na nota kumsada di kada librusiñu.

1.1 Deus kumpu mundu

2.4 Storia di seu ku tera, ku mas splikason (Kaida di omi sta na kapitulu 3.)

5.1 Jorson di Adon ku si fiju Set

6.9 Storia di Noe

10.1 Jorson di fijus di Noe

11.10 Jorson di Sen

11.27 Jorson di Tera, pape di Abraon

25.12 Jorson di Ismael

25.19 Storia di Isak

36.1 Jorson di Esaú

37.2 Storia di Jakó

Nke Ahọpụtara Ugbu A:

Kumsada Introduson: povB

Mee ka ọ bụrụ isi

Kesaa

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Mụtakwuo maka BIBLIA - traduson antigu in Krioulo