Luke 14
14
Zezi salagi ngaa ngayi ma cugu le ba awuuma
1Ma cugu lemon le ba awuuma, mfumu afarizi cigi Zezi ma kaje ja ka njo nde, ŋaa afarizi ba kakese nde. 2Ŋaa balaga lemon eli njuru ema lwula ma ngayi, kiigi ka levuzu le nde. 3Ŋaa Zezi apiza ŋa ayizigi angiri bila afarizi ndi: «Ngiri a bizi a be ye lyele ndi, cugu le ba awuuma ba abuna salaga mbuuru, sikali amaaliga?» 4Bo bwori aki pi ŋaa bo akijya kayalaga ŋi, Zezi yagi obyeri salagi, ŋaa nde vuti obyeri ma kavuruga njo nde. 5Amana Zezi avura lyele ŋa bo ndi: «Mwana we sikali ngoombi a we, kava kanca terigi, we akaje ŋa asisari ma kaje yaga nde ŋi, ma lo le leli cugu le ba awuuma?» 6Ŋaa bo asiso se mbuuru wo akaala nde kali.
Lebiza kaswolo ebiri encomi
7Zezi kabaraga ndi baari ba ba aciga ba kaswolo ebiri encomi, nde ti bo ngana ndi: 8«Ntini ye ba aciga we ma kiza le baala ma kaje ja, we bizi kaka ka biri ye eka baari baanini. Asimi ama ciga mbuuru okima wo ovuli we. 9Ŋaa ncanke mbuuru wo cigi be wua oyi lyele we ndi: Mpa nde biri, ŋaa ntini ye ma vuruga we mbiza okuru boonini omisa we. 10Ŋaa nkerive ntini ye ba aciga we, je ka kabiri ye embiza, ma buni kaya mbuuru wo ocigi we, dugi ŋa we ndi: Ndigi a mi ya ciina levuzu kabiri e baari baanini. Ŋaa bwa abuga baali bila we anyimi we. 11Ma kalyele ni, we asaga kaka ka levuzu, asi we okuru, ŋaa we aje mbiza ampi we onkuunu.»
12Zezi se alyele ŋa mbuuru wo ocigi nde ndi: «Ntini ye eciga we baari ma kaja ka kiza le njo we, we bizi kaciga andigi a we atu, ŋa andumu a we atu, ŋa abuga a we ba amfumu atu, ncanke cugu le asa bo le bo, ŋa bo avuti we mva lemigi le esi we bo. 13Ŋaa we asa kiza we cigi afuga, ebuka, eleme bila baari eli miizi onyaŋa. 14Ŋaa kase ka we keka keenini, kabila bo kibuna vuta we ŋi. Ŋaa we kabaga wuura le we, ma cugu le Njyami le kanyusa baari atele baasi maami maave.»
Ngana ye kiza leenini
15Mbwuru omon nca baari baakiigi ja bila Zezi, kayuga mbari yia ŋa nde ndi: «Kase ka li bila mbuuru wa ja kanca omfumu o Njyami.» 16Ŋaa Zezi kaali nde ma ngana yi ndi: «Balaga lemon lesi kiza leenini, lo le cigi baari ba akukuna.» 17Ntini ye kaja eto, nde tumi oyiga a nde, ma kacwolo baari ba acigi nde ndi: Leya biibi esiso emi mana kuga. 18Ŋaa bo aso, mbuuru ŋa mbuuru yiga ampa akolokolo ma kabiza. Wo ncomi ŋa nde ndi: Kolokolo we, mi kibuna kaya ŋi, kabila mi ma swuma ngwunu ŋaa mi nkini esa je mono yo. 19Ŋaa okima ŋa nde ndi: Kolokolo we bologo mi, mi ki buna kaya ŋi, kabila mi ma suuma angoombi kuumu ma kajanja anguunu, mi nkini eje yelege bo. 20Buga okima se ŋa nde ndi: Mi maasa baala parabu ŋa, yia biri eli mi kibuna je ŋi. 21Oyiga wua biri enyua yi lyele ŋa mfumu a njo. Ŋaa mfumu a njo nkeri esi, ŋa nde ojanji ndi: Je ŋa asisari nca kangundu, nca ewombo ŋa ebiri eli baari amaakuga, ya ŋa afuga, ŋa ebuka, ŋa baari eli miizi kali, ŋa angaa eleme. 22Ŋaa oyiga wua kamana sa, oyi lyele ndi: Mfumu, maami ma tumi we mi, mi mi mana sa, mi miya ŋa baari ba akukuna ŋaa ebiri ekini. 23Ŋaa mfumu ŋa oyiga ndi: Je yila anjila, ka empaani ba angwunu, baari baamono we kwara bo, bo aya mi njo elwula. 24Ee: «Sysyele mi elyele be ni, nca baari ancomi ba acigi baa, bo se mbuuru se omon wo aliina biila e mi kali.»
Lemigi le kalwono Zezi
25Cugu lemon, lembuuru leenini le kalwono Zezi. Ŋaa Zezi kaligi ŋa nde ŋa bo ndi: 26«Mbwuru wo alwono mi, eli nde asaga ka olwoni a mi, ave jya le nde le kajia mi levuli le taara nde, le nguugu a nde, le okari a nde, le baana a nde, le adumu a nde, le ankeri bila le omwon o nde-ankulu. Aka kabwa ŋi, nde ka olwoni a mi ŋi.» 27Mbwuru wo kini yalaga kamono mpasi ŋi, ŋaa nde biri lemaanji le nde-ankulu ma kaje kpaa mva mi, nde ka olwoni a mi ŋi. 28Nde wua mbuuru nca be eli aka asaga cua njo yeenini, nde aka sa aka manci, nde legi otali wo mvunu a njo yia, ma kamono aka nde ŋa ampara ma abuna mana nde yo. 29Nde kabiza bwa kasa, nde kalege abaani, nde akabuna yo kamana ŋi, ŋaa baari aso ba amoni nde ba asebe nde ndi: 30'Lemono balaga li! Nde ma abaana ocui ŋaa nde ma kwono. 31Sikali wua mfumu a kasi wo asaraga ma kaje eta mpila mfumu a kasi okima, nde sibaana ka manci, ma kakese aka nde bila ekama kwumu (10.000) ba ajuaani, nde abuna je juaana bila mfumu woomon ngaa ekwumu ba ekama jyele (20.000) ba ajuaani. 32Nde kamono ndi nde akabuna ŋi, ntini eli mfumu woomon kini lala, nde tumi antuma a nde mpila buga, ma kaje yese mpanaŋi a bo. 33Ŋaa Zezi alusa ndi: «Ma lemigi loankulu lia, kanca be mbuuru wo asaga ka olwoni a mi, ave nde nyini biibi e nde eso.»
Ongba wo oyele mpye
34Zezi vuri ti bo ngana ndi: «Ongba kalogo keeve. Ŋaa nde ka kaama mpye, kavuta yo bunu? 35Ongba yiga kasari kali, yiga kibuna yaga nde ma mbori ŋi, ayaga nde acuni. Lesa oyeri ma maami a mi elyele mi be.»
Nke Ahọpụtara Ugbu A:
Luke 14: teg
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luke 14
14
Zezi salagi ngaa ngayi ma cugu le ba awuuma
1Ma cugu lemon le ba awuuma, mfumu afarizi cigi Zezi ma kaje ja ka njo nde, ŋaa afarizi ba kakese nde. 2Ŋaa balaga lemon eli njuru ema lwula ma ngayi, kiigi ka levuzu le nde. 3Ŋaa Zezi apiza ŋa ayizigi angiri bila afarizi ndi: «Ngiri a bizi a be ye lyele ndi, cugu le ba awuuma ba abuna salaga mbuuru, sikali amaaliga?» 4Bo bwori aki pi ŋaa bo akijya kayalaga ŋi, Zezi yagi obyeri salagi, ŋaa nde vuti obyeri ma kavuruga njo nde. 5Amana Zezi avura lyele ŋa bo ndi: «Mwana we sikali ngoombi a we, kava kanca terigi, we akaje ŋa asisari ma kaje yaga nde ŋi, ma lo le leli cugu le ba awuuma?» 6Ŋaa bo asiso se mbuuru wo akaala nde kali.
Lebiza kaswolo ebiri encomi
7Zezi kabaraga ndi baari ba ba aciga ba kaswolo ebiri encomi, nde ti bo ngana ndi: 8«Ntini ye ba aciga we ma kiza le baala ma kaje ja, we bizi kaka ka biri ye eka baari baanini. Asimi ama ciga mbuuru okima wo ovuli we. 9Ŋaa ncanke mbuuru wo cigi be wua oyi lyele we ndi: Mpa nde biri, ŋaa ntini ye ma vuruga we mbiza okuru boonini omisa we. 10Ŋaa nkerive ntini ye ba aciga we, je ka kabiri ye embiza, ma buni kaya mbuuru wo ocigi we, dugi ŋa we ndi: Ndigi a mi ya ciina levuzu kabiri e baari baanini. Ŋaa bwa abuga baali bila we anyimi we. 11Ma kalyele ni, we asaga kaka ka levuzu, asi we okuru, ŋaa we aje mbiza ampi we onkuunu.»
12Zezi se alyele ŋa mbuuru wo ocigi nde ndi: «Ntini ye eciga we baari ma kaja ka kiza le njo we, we bizi kaciga andigi a we atu, ŋa andumu a we atu, ŋa abuga a we ba amfumu atu, ncanke cugu le asa bo le bo, ŋa bo avuti we mva lemigi le esi we bo. 13Ŋaa we asa kiza we cigi afuga, ebuka, eleme bila baari eli miizi onyaŋa. 14Ŋaa kase ka we keka keenini, kabila bo kibuna vuta we ŋi. Ŋaa we kabaga wuura le we, ma cugu le Njyami le kanyusa baari atele baasi maami maave.»
Ngana ye kiza leenini
15Mbwuru omon nca baari baakiigi ja bila Zezi, kayuga mbari yia ŋa nde ndi: «Kase ka li bila mbuuru wa ja kanca omfumu o Njyami.» 16Ŋaa Zezi kaali nde ma ngana yi ndi: «Balaga lemon lesi kiza leenini, lo le cigi baari ba akukuna.» 17Ntini ye kaja eto, nde tumi oyiga a nde, ma kacwolo baari ba acigi nde ndi: Leya biibi esiso emi mana kuga. 18Ŋaa bo aso, mbuuru ŋa mbuuru yiga ampa akolokolo ma kabiza. Wo ncomi ŋa nde ndi: Kolokolo we, mi kibuna kaya ŋi, kabila mi ma swuma ngwunu ŋaa mi nkini esa je mono yo. 19Ŋaa okima ŋa nde ndi: Kolokolo we bologo mi, mi ki buna kaya ŋi, kabila mi ma suuma angoombi kuumu ma kajanja anguunu, mi nkini eje yelege bo. 20Buga okima se ŋa nde ndi: Mi maasa baala parabu ŋa, yia biri eli mi kibuna je ŋi. 21Oyiga wua biri enyua yi lyele ŋa mfumu a njo. Ŋaa mfumu a njo nkeri esi, ŋa nde ojanji ndi: Je ŋa asisari nca kangundu, nca ewombo ŋa ebiri eli baari amaakuga, ya ŋa afuga, ŋa ebuka, ŋa baari eli miizi kali, ŋa angaa eleme. 22Ŋaa oyiga wua kamana sa, oyi lyele ndi: Mfumu, maami ma tumi we mi, mi mi mana sa, mi miya ŋa baari ba akukuna ŋaa ebiri ekini. 23Ŋaa mfumu ŋa oyiga ndi: Je yila anjila, ka empaani ba angwunu, baari baamono we kwara bo, bo aya mi njo elwula. 24Ee: «Sysyele mi elyele be ni, nca baari ancomi ba acigi baa, bo se mbuuru se omon wo aliina biila e mi kali.»
Lemigi le kalwono Zezi
25Cugu lemon, lembuuru leenini le kalwono Zezi. Ŋaa Zezi kaligi ŋa nde ŋa bo ndi: 26«Mbwuru wo alwono mi, eli nde asaga ka olwoni a mi, ave jya le nde le kajia mi levuli le taara nde, le nguugu a nde, le okari a nde, le baana a nde, le adumu a nde, le ankeri bila le omwon o nde-ankulu. Aka kabwa ŋi, nde ka olwoni a mi ŋi.» 27Mbwuru wo kini yalaga kamono mpasi ŋi, ŋaa nde biri lemaanji le nde-ankulu ma kaje kpaa mva mi, nde ka olwoni a mi ŋi. 28Nde wua mbuuru nca be eli aka asaga cua njo yeenini, nde aka sa aka manci, nde legi otali wo mvunu a njo yia, ma kamono aka nde ŋa ampara ma abuna mana nde yo. 29Nde kabiza bwa kasa, nde kalege abaani, nde akabuna yo kamana ŋi, ŋaa baari aso ba amoni nde ba asebe nde ndi: 30'Lemono balaga li! Nde ma abaana ocui ŋaa nde ma kwono. 31Sikali wua mfumu a kasi wo asaraga ma kaje eta mpila mfumu a kasi okima, nde sibaana ka manci, ma kakese aka nde bila ekama kwumu (10.000) ba ajuaani, nde abuna je juaana bila mfumu woomon ngaa ekwumu ba ekama jyele (20.000) ba ajuaani. 32Nde kamono ndi nde akabuna ŋi, ntini eli mfumu woomon kini lala, nde tumi antuma a nde mpila buga, ma kaje yese mpanaŋi a bo. 33Ŋaa Zezi alusa ndi: «Ma lemigi loankulu lia, kanca be mbuuru wo asaga ka olwoni a mi, ave nde nyini biibi e nde eso.»
Ongba wo oyele mpye
34Zezi vuri ti bo ngana ndi: «Ongba kalogo keeve. Ŋaa nde ka kaama mpye, kavuta yo bunu? 35Ongba yiga kasari kali, yiga kibuna yaga nde ma mbori ŋi, ayaga nde acuni. Lesa oyeri ma maami a mi elyele mi be.»
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES