Matiu 1
1
Va Kenuna Pagahaina: Ia Va Podoli Ia Mane Ginitaukela 1:1–4:11
Ia Pagusu Ka Zisas Ia Mesaea
Ruti 4:18-22; 1 Sukutu 1:34; 2:1-15; Luku 3:31-34
1Irahi mu ira babaolodi ira faana Zisas ia Mesaea, neke pagusu mehao ka Deveti ia Mane Ginitaukela
nia ka Ebarahamu e ghua:
2Ebarahamu mu neke nona mamana Aesake.
Aesake mu neke nona mamana Zekopu.
Zekopu mu neke nona mamana Zuda nia ira tahina mane.
3Zuda mu neke nodi mamana Perezi ghe Zera (nodi ukena maneri palu mu Tamari).
Perezi mu neke nona mamana Hezironi.
Hezironi mu neke nona mamana Rami.
4Rami mu neke nona mamana Aminadabu.
Aminadabu mu neke nona mamana Nasoni.
Nasoni mu neke nona mamana Salamoni.
5Salamoni mu neke nona mamana Boazi (nona ukena manei mu Rehabu).
Boazi mu neke nona mamana Obedi (nona ukena manei mu Ruti).
Obedi mu neke nona mamana Zese
6Zese mu neke nona mamana Deveti ia Mane Ginitaukela.
Deveti mu neke nona mamana Solomone (nona ukena manei mu Batisiba neke keranauo Uraea).
7Solomone mu neke nona mamana Rehoboamu.
Rehoboamu mu neke nona mamana Abiza.
Abiza mu neke nona mamana Esafu.
8Esafu mu neke nona mamana Zehosafati.
Zehosafati mu neke nona mamana Zehoramu.
Zehoramu mu neke nona mamana Uzaea.
9Uzaea mu neke nona mamana Zotamu.
Zotamu mu neke nona mamana Ehazi.
Ehazi mu neke nona mamana Hezikaea.
10Hezikaea mu neke nona mamana Manase.
Manase mu neke nona mamana Emosi.
Emosi mu neke nona mamana Zosaea.
11Zosaea mu neke nona mamana Zehoiakini nia ira tahina mane e ghua (dike doli ghu ka ia fafata seka ghidi lao Babiloni).
12Leghuna ia seka lao Babiloni:
Zehoiakini mu neke nona mamana Sialitieli.
Sialitieli mu neke nona mamana Zerubabele.
13Zerubabele mu neke nona mamana Abaeudi.
Abaeudi mu neke nona mamana Elaeakimi.
Elaeakimi mu neke nona mamana Ezoro.
14Ezoro mu neke nona mamana Zedoko.
Zedoko mu neke nona mamana Akimi.
Akimi mu neke nona mamana Elaeudi.
15Elaeudi mu neke nona mamana Eleaza.
Eleaza mu neke nona mamana Matani.
Matani mu neke nona mamana Zekopu.
16Zekopu mu neke nona mamana Zosepu ia keranau Mere.
Mere mu neke nona ukena Zisas ia Mesaea.
17Taghe tatanigaina ka Ebarahamu ta dufuna ghu ka Deveti ia Mane Ginitaukela mu, e tazoi rodana pagusuna noni ghu, nia keha tazoi rodana ghu tuna sipana ka ia fafata Deveti ta dufuna ghu ka ia seka lao Babiloni, nia keha tazoi rodanauni tuna mu, sipana ka ia seka lao Babiloni ta dufuna ghu ka ia Mesaea, e ghua.
Urahana Ia Mesaea
18Taghe iahi neke ghua mu ia uraha meha ka Zisas ia Mesaea. Mere ia nona uke, neke paru ka Zosepu mala varihiona maneri palu. Ghe deo ngama gedi ke varihio ghu maneri palu ghu, neto ke age avohi ghu taghonai tato potena ka ia Tarunga Ta Maduana. 19Zosepu ia paru ka manei mu kaike mane ta lotoro, neke kabai va nogha poikai ghu paru iahi, mala e deo ghu va haghavina Mere ka kenudi ira leghu noni nga, neke ghua.
20Ne hadu ghini ngangana ngama manei iahi, neto podolo ghini ghu ia nona engizeli ia Lod ka ia epu baghunai, kahe ghuana iahi, “Zosepu, agho noke mehao ka ia pagusu Deveti, oka maugheu ghu hioina Mere ta mala ghaseborouna ghu, vununa gogoso ta vuha ani ka manei mu, neke sipa ka ia Tarunga Ta Maduana. 21Manei e age au ghu kaike tuuna ghatu, Zisas#1:21 Ia babaolona Zisas mu neke meha ka ia ngengene Hiburu “Zosua” ia ta ghua. Ia fafahakana babaolo Zosua mu “Ia Lod ta vari hio va doli.” o ghua ghini ghu babaolonana, vununa manei, e age hio va doliri ira nona noni ka ira sasake maneri.”
22Leghu irahi nga mu mala va ghuduvuna ia nona nonomoho ia Lod neke mehao ka ia nona porofeti: 23“Ia kupi e age pote ghini ghatu kaike rekaha, Imanueli e age ghua ghini ghu babaolonana”#1:23 Aesaea 7:14 (fafahakanana mu, “God ne au taremehada”) e ghua ghu.
24Ka ia baghunu vonana Zosepu, manei neke riva ghini heve neke ungene va gigimaio ka manei ia engizeli ka ia Lod, neke hio surai ghu Mere mala keranauna. 25Ghe maneri palu deo gedi ke epu varighara ghu neke vuhai age uraha ghu ia tuuna. Zisas neke ghua ghini ghu Zosepu baolina.
Nke Ahọpụtara Ugbu A:
Matiu 1: kji
Mee ka ọ bụrụ isi
Kesaa
Mapịa
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fig.png&w=128&q=75)
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2022, Islands Bible Ministries. All rights reserved.