Josoa 16
16
Ny zaratanin’i Efraîma sy i Manase
1Izao no zaratany navoakan’ny antsapaka ho an’ny taranak’i Jôsefa. Ny sisiny atsimo dia manomboka hatreo Jôrdàna akaikin’i Jerikao, eo atsinanan’ny loharanon’ny tanàna. Avy eo Jerikao dia mihazo ilay taniefitra miakatra ho any amin’ny tendrombohitr’i Betela. 2Dia mankany Lozy, mandalo an’i Hatarôta izay sisin-tanin’ny Arkita#16.2 Ny Arkita dia tokony ho mponina Kanahanita toy ny Jafletita eo amin’ny and 3., 3midina miankandrefana ho any amin’ny sisin-tanin’ny Jafletita, mandalo an’i Bety-Hôrôna ambany sy i Gezera, ary mipaka amin’ny Ranomasina Mediteranea. 4Ireo taranak’i Jôsefa, izany hoe ny fokon-dry i Manase sy i Efraîma, no nandova izany.
5Izao kosa no velaran-tanin’ny Efraîmita ho an’ireo tarika ao anatiny: ny sisiny atsimo dia manomboka hatreo Hatarôta-Adara any atsinanana, tonga hatrany Bety-Hôrôna ambony 6ary mipaka amin’ny Ranomasina Mediteranea. Ny sisin-tany tendrony avaratra kosa dia eo Mikmetata. Eo atsinanan’i Mikmetata dia mihodina mankany Taanata-Silao ary mizotra miantsinanana ho any Janôhà; 7avy eo dia midina ho any Hatarôta sy Naharà, dia mihazo an’i Jerikao ary mipaka any Jôrdàna. 8Eo andrefan’i Mikmetata kosa dia mihodina mankany Tapoa, manaraka ny reniranon’i Kanà, ary mipaka amin’ny Ranomasina Mediteranea. Izany no zaratany nomena ireo tarika ao anatin’ny fokon’i Efraîma, 9miampy ireo tanàna sy zana-bohitra notsongaina teo anivon’ny zara tanin’ny fokon’i Manase. 10Ary ny taranak’i Efraîma dia tsy nandroaka ny Kanahanita izay nonina tao Gezera. Koa mbola miara-monina aminy ihany ireny kanahanita ireny mandraka androany, ary nampanaoviny asa fanompoana.
Nke Ahọpụtara Ugbu A:
Josoa 16: DIEM
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Dikanteny Iombonana Eto Madagasikara © Malagasy Bible Society, 2004.