Luka 20
20
Ebakulu-kulu be'bakuhanyi babusa Yesu era luulu se'buashi bwai
(Mat 21:23-27; Mar 11:27-33)
1Lusuku luuma, Yesu ábaa àli mwa Luhu lwa Ongo* ákangirisa ebandu na kuhubanganyisa'bo eMwasi Mubuya-buya. Ebakulu-kulu be'bakuhanyi* ne'bakangirisi be'Mwaso,* ala'uma ne'bashamuka be'Bayuta, bera kupamukira. 2Bera kumubusa mbu: «Utúburaa, kwa loso lwande ku wénjire wáira ene myasi, nesi mundu muchiye iwàkwêresise ebuashi bwe'kuíra ebyera?» 3Yesu era kubǎkula mbu: «Nanyi nábabusa mwasi muuma. Munyíburaa: 4Ngai u'Yowani àkulaa ebuashi bwe'kunde ábatisa ebandu: Eri era mwa Ongo nesi era mwe'bandu?»
5Ebandu bera kutangirisa bábusanya mbu: «Túkamwǎkula mbu ebuashi bwai bùtengire era mwa Ongo, angátubusa mbu: ‹Chi chátumaa mútamwêmerera?› 6Kanji túkamwǎkula mbu kwa bandu, ebandu boshi ba bàli anola bangátwita mwa kutuúmanga emakoi. Bushi bèshi kwa Yowani abáa murebi*. 7Chasinjire, bera kumwǎkula mbu: ‹Tùteshi era buashi bwa Yowani bwàtengaa.›» 8Yesu nai mbu: «Kuno'ku, nanyi ndábabura kwa buashi bwande ku nénjire naíra ene myasi.»
Emuanyi we'bainzi babi
(Mat 21:33-46; Mar 12:1-12)
9Chasinda, Yesu era kuishira ebandu ono muanyi mbu: «Kwábaa mulume muuma ola wáingaa ehwa lyai lya misabibu*. Oyu mulume, era kubwesa'li bainzi bauma na kubabura mbu bangénde bámweresa mwango kwa bifuma mango bangénde báshebula. Chasinda, era kubalamira mu chio cha burerere, ku suku sinene. 10Ábere esuku se'kushebula saíka, era kutumira abu bainzi mukosi wai muuma, bàmwêrese ewai mwango kwa myaka era bàshebwire. Si abu bainzi, bera kumupúnda na kumukólokanya mino buha. 11Ena ehwa era kubatumira unji mukosi, nai bera kumupunda na kumukamba-kamba. Bera kumufulusa mino buha. 12Era kuhuba kutuma emukosi wa kahatu. Oyola nai, bera kumubabasa na kumuuma kwa musike se'hwa. 13Ena lye'hwa kukwera kuchibusa mbu: ‹Kute nyíraa náira? Nyingére nátuma muala wanyi musiirwa, abunya yeke bangámutunda.› 14Si mango abu bainzi bálolaa kwo'yu muala wai, bera kuburana mwa kachi-kachi kabo mbu: ‹Onola i'ukáshibana emwandu we'line'hwa. Muíraa tumwîte tuchíshibanyire'li.› 15Mwo'lu, bera kumweka era musike se'hwa, kuna kumwita.»
Yesu kukwera kubusa ebandu mbu: «Rero abu bainzi, kute ku ena eri'hwa angáira'bo? 16Angáika ne'kubasikya, na kwêresa banji bainzi eri'hwa.» Mango ebandu bômvaa ei myasi, bera kuteta mbu: «Bya bìri nge'bi si bìtatuikiraa chiro na hicha!»
17Si Yesu era kubatumbikisa na ábura'bo mbu:
«Kute ku mano Maanjiko Mabuya-buya máhonda kuteta?
‹Ekoi lya baimbi bákabuliraa,
li'lyáhubire koi linene lye'kuimbira'ko.›#20:17 Somaa Saburi 118:22.
18Emundu woshi ola ukákumbaala kwe'ri koi akáfunyikanga,
no'la likátowera, likámufungolanga.»
19Ebakangirisi be'Mwaso*, ala'uma ne'bakulu-kulu be'bakuhanyi* bômvire bacha, bera kumenyerera kwa Yesu àishire oyu muanyi bushi nabo. Bushi no'ku, bera kuhonda kumusimba, si bera kwôbaa eluamba lwe'bandu.
Ekufuta embarata ya mwami Kaisari
(Mat 22:15-22; Mar 12:13-17)
20Abu bakulu-kulu be'Bayuta bera kutangirisa kunde báloreresa Yesu. Bera kutuma bandu ba báchiiraa nga ba bàtungenene, chasiya bamúbuse myasi ya kumuteya. Báiraa bacha, bushi bábaa báhonda bamúbike mwa mino se'bakulu-kulu be'chio. 21Abu bandu bera kumubura mbu: «Mukangirisi, twìshi kwa wénde wáteta na kukangirisa myasi era ìtungenene. Kanji ùtalaa ku bukulu-kulu bwa mundu, si wénde wákangirisa ebandu enjira ye'kanangana era ìsimise Ongo. 22Rero utúburaa, eMwaso wetu atúla emérere tufúte embarata era mwa mwami Kaisari*, nesi nânga?»
23Si Yesu era kumenyerera kwa kumuteya ku bábaa bámuteya mwasi. Era kubabura mbu: 24«Mùnyilosaa chikoroto chiuma cha luteya.» Chasinda, era kubabusa mbu: «Chihuhanyi chande ne'sina lya nde bi biri'ko?» Nabo mbu: «Bìri bya mwami Kaisari*.» 25Yesu kukwera kubǎkula mbu: «Rero mundaa mwêresa Kaisari* bya bìri byai, mwánêresa na Ongo bya bìri byai.» 26Abu bandu, chiro bákaala kubona mwasi ola bàngamuteera'ko era muhondo se'bandu. Si bera kushishala ne'mwakure wai, na básira.
eBasandukayo bábusa Yesu era luulu se'kwômoka kwe'bafu
27Era nyuma se'bi, Basandukayo* bauma nabo báikiraa Yesu. Ebasundukayo* bu bénde bánana mbu ebafu batákwômoke. Bera kumubura mbu: 28«Mukangirisi, Musa átweresaa emuomba* mbu akaba emulume àngafa busira kubuta, munyakabo ěngiraa emuhumba-kasi ola àrekaa, abúchire oyu wafíre ebana. 29Rero, kwábaa batabana balinda ba bula buuma. Efula yera kuhwera, yera kufa busira kubuta. 30Ewakabiri, era kwîngira emuhumba-kasi, si nai era kufa busira kubuta no'yu muhumba-kasi. 31Chasinda, ewakahatu nai kuno'ku. Boshi kwa bánabaa balinda, bera kunáfa busira kubuta nai chiro na mwana asibya. 32Chasinjire, ola muhumba-kasi nai era kufa. 33Rero mango ebafu bakômwoka, oyu mukasi akére ába wande? Bushi abu balinda boshi bánamuhweraa.»
34Yesu era kubǎkula mbu: «Ebandu bo'muno butala bénde báhwera na kuhweribwa. 35Si ebandu ba Ongo akálola kwa bu běmire kwômolibwa, chasiya běngirire mwa Bwami bwa bukáika, batákahwere nesi kuhweribwa. 36Batákachife. Bakére bába kuuma ne'bamalaika*. Abola bu bana ba Ongo, bushi Ongo ômwere'bo. 37Musa álosaa kubuya-buya kwa bafu bakômoka. Ebyera abíhambere'ko ala Maanjiko mai màtechire era luulu se'haka lya lyábaa lyákorera. Aola, érikire Enawetu mbu: ‹Ongo wa Aburahamu, Ongo wa Isaka kanji Ongo wa Yakobo.›»#20:37 Somaa Kutenga 3:2, 6. 38Yesu era kuhuba kuteta mbu: «Ongo atúla Ongo we'bandu ba bàli bauma-uma, si àtatula Ongo we'ba bafíre. Bushi boshi bàli bauma-uma era muhondo sai.»
39Bakangirisi be'Mwaso* bauma bera kuteta mbu: «Mukangirisi, wàtechire kubuya.» 40Chiro bákachiereresa kumubusa unji mwasi.
Kirisito na Tauti
(Mat 22:41-46; Mar 12:35-37)
41Yesu era kubusa ebandu mbu: «Chi chìngatuma ebandu báteta mbu Kirisito* àli Mwenyi Tauti? 42Tauti yeine àtechire mwa chitabo cha Saburi mbu:
«Enawetu Ongo áburaa Enawetu mbu:
"Wǐkalaa kwa malyo manyi,
43kuikira echihangi nyingáíra ebarenda bao kuba chisimachiro chao." #20:43 Somaa Saburi 110:1.
44Rero akaba Tauti érikaa Kirisito* mbu àli Enawabo, kute oyu Kirisito* àngahuba kuba Mwenyi Tauti?»
45Ábere ebandu boshi banáchiri bômvirisa Yesu, era kubura ebanfunzi bai mbu: 46«Muténdaa mwáchitola nga ebakangirisi be'Mwaso*. Batúla basímire kutamba běmbese enjimba sirerere. Kanji batúla basímire kukesibwa mwa kachi-kachi ke'bandu na kwékala mwa bisiki bye'ra muhondo mwa mashenge me'Bayuta* na'la álibwa linye. 47Bénde bányaa ebahumbakasi byoshi bya běte, kanji bénde béma Ongo bihangi birerere, chasiya balórekane'ko era muhondo se'bandu. Abu bandu bakáchinjibusibwa busese kurenza ebanji.»
Nke Ahọpụtara Ugbu A:
Luka 20: tbt
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2017 Wycliffe Bible Translators, Inc.
Luka 20
20
Ebakulu-kulu be'bakuhanyi babusa Yesu era luulu se'buashi bwai
(Mat 21:23-27; Mar 11:27-33)
1Lusuku luuma, Yesu ábaa àli mwa Luhu lwa Ongo* ákangirisa ebandu na kuhubanganyisa'bo eMwasi Mubuya-buya. Ebakulu-kulu be'bakuhanyi* ne'bakangirisi be'Mwaso,* ala'uma ne'bashamuka be'Bayuta, bera kupamukira. 2Bera kumubusa mbu: «Utúburaa, kwa loso lwande ku wénjire wáira ene myasi, nesi mundu muchiye iwàkwêresise ebuashi bwe'kuíra ebyera?» 3Yesu era kubǎkula mbu: «Nanyi nábabusa mwasi muuma. Munyíburaa: 4Ngai u'Yowani àkulaa ebuashi bwe'kunde ábatisa ebandu: Eri era mwa Ongo nesi era mwe'bandu?»
5Ebandu bera kutangirisa bábusanya mbu: «Túkamwǎkula mbu ebuashi bwai bùtengire era mwa Ongo, angátubusa mbu: ‹Chi chátumaa mútamwêmerera?› 6Kanji túkamwǎkula mbu kwa bandu, ebandu boshi ba bàli anola bangátwita mwa kutuúmanga emakoi. Bushi bèshi kwa Yowani abáa murebi*. 7Chasinjire, bera kumwǎkula mbu: ‹Tùteshi era buashi bwa Yowani bwàtengaa.›» 8Yesu nai mbu: «Kuno'ku, nanyi ndábabura kwa buashi bwande ku nénjire naíra ene myasi.»
Emuanyi we'bainzi babi
(Mat 21:33-46; Mar 12:1-12)
9Chasinda, Yesu era kuishira ebandu ono muanyi mbu: «Kwábaa mulume muuma ola wáingaa ehwa lyai lya misabibu*. Oyu mulume, era kubwesa'li bainzi bauma na kubabura mbu bangénde bámweresa mwango kwa bifuma mango bangénde báshebula. Chasinda, era kubalamira mu chio cha burerere, ku suku sinene. 10Ábere esuku se'kushebula saíka, era kutumira abu bainzi mukosi wai muuma, bàmwêrese ewai mwango kwa myaka era bàshebwire. Si abu bainzi, bera kumupúnda na kumukólokanya mino buha. 11Ena ehwa era kubatumira unji mukosi, nai bera kumupunda na kumukamba-kamba. Bera kumufulusa mino buha. 12Era kuhuba kutuma emukosi wa kahatu. Oyola nai, bera kumubabasa na kumuuma kwa musike se'hwa. 13Ena lye'hwa kukwera kuchibusa mbu: ‹Kute nyíraa náira? Nyingére nátuma muala wanyi musiirwa, abunya yeke bangámutunda.› 14Si mango abu bainzi bálolaa kwo'yu muala wai, bera kuburana mwa kachi-kachi kabo mbu: ‹Onola i'ukáshibana emwandu we'line'hwa. Muíraa tumwîte tuchíshibanyire'li.› 15Mwo'lu, bera kumweka era musike se'hwa, kuna kumwita.»
Yesu kukwera kubusa ebandu mbu: «Rero abu bainzi, kute ku ena eri'hwa angáira'bo? 16Angáika ne'kubasikya, na kwêresa banji bainzi eri'hwa.» Mango ebandu bômvaa ei myasi, bera kuteta mbu: «Bya bìri nge'bi si bìtatuikiraa chiro na hicha!»
17Si Yesu era kubatumbikisa na ábura'bo mbu:
«Kute ku mano Maanjiko Mabuya-buya máhonda kuteta?
‹Ekoi lya baimbi bákabuliraa,
li'lyáhubire koi linene lye'kuimbira'ko.›#20:17 Somaa Saburi 118:22.
18Emundu woshi ola ukákumbaala kwe'ri koi akáfunyikanga,
no'la likátowera, likámufungolanga.»
19Ebakangirisi be'Mwaso*, ala'uma ne'bakulu-kulu be'bakuhanyi* bômvire bacha, bera kumenyerera kwa Yesu àishire oyu muanyi bushi nabo. Bushi no'ku, bera kuhonda kumusimba, si bera kwôbaa eluamba lwe'bandu.
Ekufuta embarata ya mwami Kaisari
(Mat 22:15-22; Mar 12:13-17)
20Abu bakulu-kulu be'Bayuta bera kutangirisa kunde báloreresa Yesu. Bera kutuma bandu ba báchiiraa nga ba bàtungenene, chasiya bamúbuse myasi ya kumuteya. Báiraa bacha, bushi bábaa báhonda bamúbike mwa mino se'bakulu-kulu be'chio. 21Abu bandu bera kumubura mbu: «Mukangirisi, twìshi kwa wénde wáteta na kukangirisa myasi era ìtungenene. Kanji ùtalaa ku bukulu-kulu bwa mundu, si wénde wákangirisa ebandu enjira ye'kanangana era ìsimise Ongo. 22Rero utúburaa, eMwaso wetu atúla emérere tufúte embarata era mwa mwami Kaisari*, nesi nânga?»
23Si Yesu era kumenyerera kwa kumuteya ku bábaa bámuteya mwasi. Era kubabura mbu: 24«Mùnyilosaa chikoroto chiuma cha luteya.» Chasinda, era kubabusa mbu: «Chihuhanyi chande ne'sina lya nde bi biri'ko?» Nabo mbu: «Bìri bya mwami Kaisari*.» 25Yesu kukwera kubǎkula mbu: «Rero mundaa mwêresa Kaisari* bya bìri byai, mwánêresa na Ongo bya bìri byai.» 26Abu bandu, chiro bákaala kubona mwasi ola bàngamuteera'ko era muhondo se'bandu. Si bera kushishala ne'mwakure wai, na básira.
eBasandukayo bábusa Yesu era luulu se'kwômoka kwe'bafu
27Era nyuma se'bi, Basandukayo* bauma nabo báikiraa Yesu. Ebasundukayo* bu bénde bánana mbu ebafu batákwômoke. Bera kumubura mbu: 28«Mukangirisi, Musa átweresaa emuomba* mbu akaba emulume àngafa busira kubuta, munyakabo ěngiraa emuhumba-kasi ola àrekaa, abúchire oyu wafíre ebana. 29Rero, kwábaa batabana balinda ba bula buuma. Efula yera kuhwera, yera kufa busira kubuta. 30Ewakabiri, era kwîngira emuhumba-kasi, si nai era kufa busira kubuta no'yu muhumba-kasi. 31Chasinda, ewakahatu nai kuno'ku. Boshi kwa bánabaa balinda, bera kunáfa busira kubuta nai chiro na mwana asibya. 32Chasinjire, ola muhumba-kasi nai era kufa. 33Rero mango ebafu bakômwoka, oyu mukasi akére ába wande? Bushi abu balinda boshi bánamuhweraa.»
34Yesu era kubǎkula mbu: «Ebandu bo'muno butala bénde báhwera na kuhweribwa. 35Si ebandu ba Ongo akálola kwa bu běmire kwômolibwa, chasiya běngirire mwa Bwami bwa bukáika, batákahwere nesi kuhweribwa. 36Batákachife. Bakére bába kuuma ne'bamalaika*. Abola bu bana ba Ongo, bushi Ongo ômwere'bo. 37Musa álosaa kubuya-buya kwa bafu bakômoka. Ebyera abíhambere'ko ala Maanjiko mai màtechire era luulu se'haka lya lyábaa lyákorera. Aola, érikire Enawetu mbu: ‹Ongo wa Aburahamu, Ongo wa Isaka kanji Ongo wa Yakobo.›»#20:37 Somaa Kutenga 3:2, 6. 38Yesu era kuhuba kuteta mbu: «Ongo atúla Ongo we'bandu ba bàli bauma-uma, si àtatula Ongo we'ba bafíre. Bushi boshi bàli bauma-uma era muhondo sai.»
39Bakangirisi be'Mwaso* bauma bera kuteta mbu: «Mukangirisi, wàtechire kubuya.» 40Chiro bákachiereresa kumubusa unji mwasi.
Kirisito na Tauti
(Mat 22:41-46; Mar 12:35-37)
41Yesu era kubusa ebandu mbu: «Chi chìngatuma ebandu báteta mbu Kirisito* àli Mwenyi Tauti? 42Tauti yeine àtechire mwa chitabo cha Saburi mbu:
«Enawetu Ongo áburaa Enawetu mbu:
"Wǐkalaa kwa malyo manyi,
43kuikira echihangi nyingáíra ebarenda bao kuba chisimachiro chao." #20:43 Somaa Saburi 110:1.
44Rero akaba Tauti érikaa Kirisito* mbu àli Enawabo, kute oyu Kirisito* àngahuba kuba Mwenyi Tauti?»
45Ábere ebandu boshi banáchiri bômvirisa Yesu, era kubura ebanfunzi bai mbu: 46«Muténdaa mwáchitola nga ebakangirisi be'Mwaso*. Batúla basímire kutamba běmbese enjimba sirerere. Kanji batúla basímire kukesibwa mwa kachi-kachi ke'bandu na kwékala mwa bisiki bye'ra muhondo mwa mashenge me'Bayuta* na'la álibwa linye. 47Bénde bányaa ebahumbakasi byoshi bya běte, kanji bénde béma Ongo bihangi birerere, chasiya balórekane'ko era muhondo se'bandu. Abu bandu bakáchinjibusibwa busese kurenza ebanji.»
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2017 Wycliffe Bible Translators, Inc.