प्रेरित.कामी 9
9
साऊल आला मन रूरुवाड़
(प्रेरित.कामी 22:6–16; 26:12–18)
1साऊल जे नहाअः जगुत परभु आलकु चेलाकु के धाधमकाव, तेकर गोगोएःग रअः फिकिर रे ताही नेनाय। बड़े पुरोहित दुबाःड़े सेन नेनाय। 2आउर हुनी तरअः दमिस्क रअः जामा बिनती ओड़ाअ रेनअः नुमू रे, हेरेल चाहे आउराईतकु के जे परभु आला होरा रे नाम कुआय, दो हुंकू के तोल केते जिरोसलेम रे आ-आगु लःअय, जान-चिनहार आउर अधिकार चिठी कोय लःअय।
3तब सेन-सेनते, जब हुनी दमिस्क हेनाःड रे सोदोर नेनाय, दो अचाका सिरमा तरअः हुनी चौगिरदा मरसल चमकाव ना। 4तब साऊल ओत रे नुर नाय, तेकर नोकान मियांड गुल के कंहड़ी आयुम लःअय, “ए साऊल, ए साऊल! आम ईङ के एता लःअय सताव दिङाम?”
5हुनी कुली लियाय, “ए परभु आम ओके हेके?”
हुनी कंहड़ी रूवाड़ लःअय “ईङ ईसु हेके, जेके आम सताईङाम।” 6“बकिर नहाअः दो बिरिःड केते दमिसक सहर रे जु, तेकर जे आम के ककामी एदनाअ, होना के कंहड़ी उदूः केआकु।” 7जे होड़ हुनी लोः सेनोः केनाकु मोकाव नाकु, एता लःअय ची गुल के दो आयुमे केनाकु, बकिर ओके केहोः काकु नेली केना। 8तब साऊल ओत तरअः बिरिःड नाय, बकिर मेःड लुड़ीःग लःअय, दो हुनी के एतान होः का नेल नेना। तेकर हुंकू हुनी आला तीः ताय के सःब केते, दमिस्क रे ईदी लियाकु। 9हुनी पे रोज जगुत काय नेल दाड़ी लआ, आउर ना घोटो जोम लःअय ना नु दाड़ी लःअय।
10दमिस्क रे हनानियस नुमू रिनी मियांड चेला तहिनोः केनाय। हुनी के परभु दर्सन रे बेता लियाय, “ए हनन्याह!”
हुनी कंहड़ी लःअय, “हाँ परभु।”
11तब परभु हुनी के बेता लियाय, “तुरते बिरिःड केते होना खिरकी रे जु, जे सीधा कंहड़ी योआ, तेकर जहुदा आला ओड़ाअ रे साऊल नुमू रिनी मियांड तरसुस रे तहिनुई के कुली कुमे, नेलीमे एता लःअय ची हुनी बिनतीः दाय, 12साऊल दर्सन रे नेल लःअय ची हुनी हनानियस नुमू रिनी मियांड हेरेल के भीतरी बोल तेकर आएंग तेङ रे फिन से नेनेल लःअय तीः दोदोहो नेल लियाय।”
13हनानियस, “ए परभु, ईङ नुई होड़ रअः बारे रे ढेर होड़ तरअः आयुम तदिङ ची नुई जिरोसलेम रे आम आलकु पबितर होड़ के मुरुक सताव तडकुआय। 14तेकर नोआँड़े होः नुई के, ची जे आम आला नुमू ईदी केते गोहराआकु हुंकू के तोल केते आ-आगु लःअय बड़े पुरोहितकु पखी तरअः हक भेटाव ताना।”
15बकिर परभु हुनी के बेता लियाय, “आम सेनोः जुनोः मे एता लःअय ची हुनी दो एटाअ जाईतकु तेकर हुंकू आलकु राजाकु आउर इसराइलीकु मड़ांग रे ईङ आला नुमू के पापरचार लःअय, आउर ईङ आला से-सेवा लःअय निबाड़ लिनी हेके। 16तेकर ईङ हुनी के उदूः गिईङ, ची ईङ आला नुमू लःअय एतान लकान बिपाईत सासहाव पड़ाव कोआ।”
17तब हनानियस बिरिःड केते, होना ओड़ाअ रे सेन नेनाय, तेकर तीः ताय के साऊल तेङ रे दोहो केते, “ए बोको साऊल,” “परभु माने कि ईसु जे होना होरा रे जेकर रे आम हीःग नेनाम, देखार थिनाय हिनी ईङ के कुलगोःड तदिङाय, आम फिन से लुलुड़िग दाड़ी में आउर पबितर आतमा तरअः पेरेःग जुनोः में,” मेन केते बेता लियाय। 18तेकर हेने घड़ी हुनी आला मेःड तरअः चोयां लकान नुर नेना, तेकर नेनेल दाड़ी केदाय, तेकर बिरिःड केते बतिस्मा ईदी लःअय; 19तेकर हुनी घोटो जोम केटेःग नेनाय।
दमिस्क रे साऊल आला धरम परचार
हुनी ढेर दिन दमिस्क रे तहिनोः कु चेलाकु लोः ताही नेनाय। 20तेकर हुनी हेने घड़ी जामा बिनती ओड़ाअ रे हुनी परचार दाय, ची ईसु परमेसर आली होपोन हेके।
21नुई हिनी होड़ नलागे एतान? “जे ईसु रे बि-बिसवासकु के, जिरोसलेम रे हुंकू के नोःआँ नुमू के इदी केनाकु नास कु केनाय, तेकर नोआँड़े होः हिना लःअय हीःग ताही नेनाय, ची हुंकू के तोल केते, बड़े पुरोहितकु दुबाःड़े ईदीकु?” मेन केते जामा आ-आयुमकु छकित केते कंहड़ीः दाकु।
22बकिर साऊल आउर गी समरथी सेन नेनाय, तेकर नोःआँ कंहड़ी रेनअः साबुत एमा-एमा ची ईसु गी ख्रीस्त हेके, मेन केते दमिस्क रे तहिनोः कु जाहुदीकु आला थोथड़ा के बंद एकाय केनाय।
23 #
2 कुरि 11:32,33 जब ढेर दिन बिताव ना दो, जाहुदीकु मिलाव केते, हुनी के गोगोएःग लःअय कुमाईटी लअकु, 24बकिर हुंकू आला कुमाईटी के साऊल पाड़ी केदाय। हुंकू दो हुनी के गोगोएःग लःअय निदा ना सिंङ सहर रआ सिनिङ रे घटवाहा ताहिन केनाकु 25बकिर निदा हुनी आलकु चेला हुनी के खाईचलअ रे दुड़ूः केते, सहर रेनअः हाता तरअः लतार अड़गु लियाकु।
जिरोसालेम रे साऊल
26तब साऊल जिरोसलेम सोदोर केते, हुनी चेलाकु लोः मेसायोः रेनअः कुरनीसे केनाय, बकिर हुंकू के का-बिसवासोअ केना ची हुनी होः चेला हेके, हिना लःअय जामे बोर केनाकु 27बकिर बरनाबस हुनी के, आएंग लोः प्रेरितकु दुबाःड़े ईदी केते, हुंकू के उदूः लिकुआय, ची नुई एतान लकान होरा रे परभु के नेल लियाय, आउर परभु साऊल लोः बात लःअय। फिन दमिस्क रे, नुई एतान लकान डिड़ते ईसु आला नुमू रे परचार लःअय। 28हुनी प्रेरितकु लोः, जिरोसलेम रअः ठाँव-ठाँव रे हिजोः-सेनोः केनाय, आउर नीर-फिकिर केते परभु आला नुमू रे परचारे केनाय। 29युनानी भाखा क-कंहड़ी जाहुदीकु लोः बात-बिचार तेकर बाहासे केनाय, बकिर हुंकू हुनी के गोगोएःग लःअय सपड़ाअ केनाकु 30नोःआँ पाड़ी केते बोकोकु साऊल के कैसरिया जगुत ईदी केते, होनाःड़े तरअः तरसुस कुलगोःड लियाकु।
31नोःआँ लकान जामा जाहुदिया, गलील आउर समारिया राईज रे कलीसिया के संतवाना भेटाव नेना। आउर पबितर आतमा रआ सानती रे समरथ नाम केते, बराबईर बढ़ाव सेनोः केनाकु आउर परभु रअः बोर रे जिवीडोः केनाकु।
लुदा आउर रफ्फा रे पतरस
32नोःआँ लकान पतरस जामा ठाँव रे दांड़ा-दांड़ा, हुंकू पबितर होड़कु दुबाःड़े होः सोदोर नेनाय, जे लुदा रे तहिनोः केनाकु 33होनाःड़े हुनी के, अनियस नुमू रिनी मियांड लकवा बेमराहा होड़ भेटाव नेनाय, जे आठ बरीस तरअः खटिया रे ताही नेनाय। 34पतरस हुनी के बेता लियाय, “ए अनियस, ईसु ख्रीस्त आम के चंगाः देमेआय, बिरिःड मे आउर अपन डिसना के अपन-हारते बिरिडेमे,” तब हुनी हेने घड़ी बिरिःड नाय। 35तब लुदा तेकर सारोन रे जामा तहिनोः कु, हुनी के नेल केते परभु पखा फिराव नेनाकु।
36याफा रे तबीता माने कि दोरकस नुमू रिनी, मियांड बिसवासी बहिन तहिनोः केनाय। हुनी ढेर बेस-बेस कामी केनाय आउर रांगेःग-तेंताङ कु के दान एमा कु केनाय। दोरकस रआ मतलब युनानी भाखा रे सराम हेके। 37हिना बेरा गी हुनी बेमार कोअते गोएःग नाय। तेकर हुंकू हुनी के उम-आमीन केते तेंग पटान ओड़ाअ कुड़िया रे दोहो लियाकु। 38एता लःअय ची लुदा याफा रअः हेनाःड ताही नेना, चेलाकु नोःआँ आयुम केते, ची पतरस होनाःड़े एदानिया, “आले दुबाःड़े हिजोअ लःअय आलुम दिरी मेन केते बरिया चेला के कुलगोःड केते”, हुनी तरअः गोहराव नेनाकु। 39तब पतरस बिरिःड केते, हुंकिन लोः सेनोः नाय। तेकर जब हुनी सोदोर नाय, दो हुंकू हुनी के होना तेंग पटान ओड़ाअ कुड़िया रे ईदी लियाकु, जामा राँड़ीयाहीकु ईयाम याःते हुनी दुबाःड़े हीःग तिंगुः नाकु, तेकर जे कुड़ताः आउर गेन्दरअ दोरकस हुंकू लोः तहिनोः तुली बनाव थिलाआय के उदूओ-दियाकु। 40तब पतरस जामाकु के बाहरी ते उडुंग किद कुआय, तेकर इकड़ुम केते बिनती लःअय, तेकर गोएःग होड़ो पखा लुड़ीःग केते कंहड़ी लःअय, “ए तबीता, बिरिःड मे!” तब हुनी अपन मेःड उघड़ाव केदाय, तेकर पतरस के नेल केते बिरिःड दुड़ूः नाय। 41पतरस तीः ताय के जिलींग केते तियाअ बिरिःड लियाय, तेकर पबितर होड़ आउर राँड़ीयाहीकु के राअः केते, हुनी के जिवीःड उनी देखावओ लिकुआय। 42नोःआँ बात गोटा याफा रे डंकाअ ना, तेकर ढेर होड़ परभु रे बिसवास लअकु, 43तेकर पतरस याफा रे सिमोन नुमू रिनी, जाहें मुची दुबाःड़े ढेर दिन जगुत ताही नेनाय।
Nke Ahọpụtara Ugbu A:
प्रेरित.कामी 9: ASR
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 NLCI CC BY-NC-ND 4.0
प्रेरित.कामी 9
9
साऊल आला मन रूरुवाड़
(प्रेरित.कामी 22:6–16; 26:12–18)
1साऊल जे नहाअः जगुत परभु आलकु चेलाकु के धाधमकाव, तेकर गोगोएःग रअः फिकिर रे ताही नेनाय। बड़े पुरोहित दुबाःड़े सेन नेनाय। 2आउर हुनी तरअः दमिस्क रअः जामा बिनती ओड़ाअ रेनअः नुमू रे, हेरेल चाहे आउराईतकु के जे परभु आला होरा रे नाम कुआय, दो हुंकू के तोल केते जिरोसलेम रे आ-आगु लःअय, जान-चिनहार आउर अधिकार चिठी कोय लःअय।
3तब सेन-सेनते, जब हुनी दमिस्क हेनाःड रे सोदोर नेनाय, दो अचाका सिरमा तरअः हुनी चौगिरदा मरसल चमकाव ना। 4तब साऊल ओत रे नुर नाय, तेकर नोकान मियांड गुल के कंहड़ी आयुम लःअय, “ए साऊल, ए साऊल! आम ईङ के एता लःअय सताव दिङाम?”
5हुनी कुली लियाय, “ए परभु आम ओके हेके?”
हुनी कंहड़ी रूवाड़ लःअय “ईङ ईसु हेके, जेके आम सताईङाम।” 6“बकिर नहाअः दो बिरिःड केते दमिसक सहर रे जु, तेकर जे आम के ककामी एदनाअ, होना के कंहड़ी उदूः केआकु।” 7जे होड़ हुनी लोः सेनोः केनाकु मोकाव नाकु, एता लःअय ची गुल के दो आयुमे केनाकु, बकिर ओके केहोः काकु नेली केना। 8तब साऊल ओत तरअः बिरिःड नाय, बकिर मेःड लुड़ीःग लःअय, दो हुनी के एतान होः का नेल नेना। तेकर हुंकू हुनी आला तीः ताय के सःब केते, दमिस्क रे ईदी लियाकु। 9हुनी पे रोज जगुत काय नेल दाड़ी लआ, आउर ना घोटो जोम लःअय ना नु दाड़ी लःअय।
10दमिस्क रे हनानियस नुमू रिनी मियांड चेला तहिनोः केनाय। हुनी के परभु दर्सन रे बेता लियाय, “ए हनन्याह!”
हुनी कंहड़ी लःअय, “हाँ परभु।”
11तब परभु हुनी के बेता लियाय, “तुरते बिरिःड केते होना खिरकी रे जु, जे सीधा कंहड़ी योआ, तेकर जहुदा आला ओड़ाअ रे साऊल नुमू रिनी मियांड तरसुस रे तहिनुई के कुली कुमे, नेलीमे एता लःअय ची हुनी बिनतीः दाय, 12साऊल दर्सन रे नेल लःअय ची हुनी हनानियस नुमू रिनी मियांड हेरेल के भीतरी बोल तेकर आएंग तेङ रे फिन से नेनेल लःअय तीः दोदोहो नेल लियाय।”
13हनानियस, “ए परभु, ईङ नुई होड़ रअः बारे रे ढेर होड़ तरअः आयुम तदिङ ची नुई जिरोसलेम रे आम आलकु पबितर होड़ के मुरुक सताव तडकुआय। 14तेकर नोआँड़े होः नुई के, ची जे आम आला नुमू ईदी केते गोहराआकु हुंकू के तोल केते आ-आगु लःअय बड़े पुरोहितकु पखी तरअः हक भेटाव ताना।”
15बकिर परभु हुनी के बेता लियाय, “आम सेनोः जुनोः मे एता लःअय ची हुनी दो एटाअ जाईतकु तेकर हुंकू आलकु राजाकु आउर इसराइलीकु मड़ांग रे ईङ आला नुमू के पापरचार लःअय, आउर ईङ आला से-सेवा लःअय निबाड़ लिनी हेके। 16तेकर ईङ हुनी के उदूः गिईङ, ची ईङ आला नुमू लःअय एतान लकान बिपाईत सासहाव पड़ाव कोआ।”
17तब हनानियस बिरिःड केते, होना ओड़ाअ रे सेन नेनाय, तेकर तीः ताय के साऊल तेङ रे दोहो केते, “ए बोको साऊल,” “परभु माने कि ईसु जे होना होरा रे जेकर रे आम हीःग नेनाम, देखार थिनाय हिनी ईङ के कुलगोःड तदिङाय, आम फिन से लुलुड़िग दाड़ी में आउर पबितर आतमा तरअः पेरेःग जुनोः में,” मेन केते बेता लियाय। 18तेकर हेने घड़ी हुनी आला मेःड तरअः चोयां लकान नुर नेना, तेकर नेनेल दाड़ी केदाय, तेकर बिरिःड केते बतिस्मा ईदी लःअय; 19तेकर हुनी घोटो जोम केटेःग नेनाय।
दमिस्क रे साऊल आला धरम परचार
हुनी ढेर दिन दमिस्क रे तहिनोः कु चेलाकु लोः ताही नेनाय। 20तेकर हुनी हेने घड़ी जामा बिनती ओड़ाअ रे हुनी परचार दाय, ची ईसु परमेसर आली होपोन हेके।
21नुई हिनी होड़ नलागे एतान? “जे ईसु रे बि-बिसवासकु के, जिरोसलेम रे हुंकू के नोःआँ नुमू के इदी केनाकु नास कु केनाय, तेकर नोआँड़े होः हिना लःअय हीःग ताही नेनाय, ची हुंकू के तोल केते, बड़े पुरोहितकु दुबाःड़े ईदीकु?” मेन केते जामा आ-आयुमकु छकित केते कंहड़ीः दाकु।
22बकिर साऊल आउर गी समरथी सेन नेनाय, तेकर नोःआँ कंहड़ी रेनअः साबुत एमा-एमा ची ईसु गी ख्रीस्त हेके, मेन केते दमिस्क रे तहिनोः कु जाहुदीकु आला थोथड़ा के बंद एकाय केनाय।
23 #
2 कुरि 11:32,33 जब ढेर दिन बिताव ना दो, जाहुदीकु मिलाव केते, हुनी के गोगोएःग लःअय कुमाईटी लअकु, 24बकिर हुंकू आला कुमाईटी के साऊल पाड़ी केदाय। हुंकू दो हुनी के गोगोएःग लःअय निदा ना सिंङ सहर रआ सिनिङ रे घटवाहा ताहिन केनाकु 25बकिर निदा हुनी आलकु चेला हुनी के खाईचलअ रे दुड़ूः केते, सहर रेनअः हाता तरअः लतार अड़गु लियाकु।
जिरोसालेम रे साऊल
26तब साऊल जिरोसलेम सोदोर केते, हुनी चेलाकु लोः मेसायोः रेनअः कुरनीसे केनाय, बकिर हुंकू के का-बिसवासोअ केना ची हुनी होः चेला हेके, हिना लःअय जामे बोर केनाकु 27बकिर बरनाबस हुनी के, आएंग लोः प्रेरितकु दुबाःड़े ईदी केते, हुंकू के उदूः लिकुआय, ची नुई एतान लकान होरा रे परभु के नेल लियाय, आउर परभु साऊल लोः बात लःअय। फिन दमिस्क रे, नुई एतान लकान डिड़ते ईसु आला नुमू रे परचार लःअय। 28हुनी प्रेरितकु लोः, जिरोसलेम रअः ठाँव-ठाँव रे हिजोः-सेनोः केनाय, आउर नीर-फिकिर केते परभु आला नुमू रे परचारे केनाय। 29युनानी भाखा क-कंहड़ी जाहुदीकु लोः बात-बिचार तेकर बाहासे केनाय, बकिर हुंकू हुनी के गोगोएःग लःअय सपड़ाअ केनाकु 30नोःआँ पाड़ी केते बोकोकु साऊल के कैसरिया जगुत ईदी केते, होनाःड़े तरअः तरसुस कुलगोःड लियाकु।
31नोःआँ लकान जामा जाहुदिया, गलील आउर समारिया राईज रे कलीसिया के संतवाना भेटाव नेना। आउर पबितर आतमा रआ सानती रे समरथ नाम केते, बराबईर बढ़ाव सेनोः केनाकु आउर परभु रअः बोर रे जिवीडोः केनाकु।
लुदा आउर रफ्फा रे पतरस
32नोःआँ लकान पतरस जामा ठाँव रे दांड़ा-दांड़ा, हुंकू पबितर होड़कु दुबाःड़े होः सोदोर नेनाय, जे लुदा रे तहिनोः केनाकु 33होनाःड़े हुनी के, अनियस नुमू रिनी मियांड लकवा बेमराहा होड़ भेटाव नेनाय, जे आठ बरीस तरअः खटिया रे ताही नेनाय। 34पतरस हुनी के बेता लियाय, “ए अनियस, ईसु ख्रीस्त आम के चंगाः देमेआय, बिरिःड मे आउर अपन डिसना के अपन-हारते बिरिडेमे,” तब हुनी हेने घड़ी बिरिःड नाय। 35तब लुदा तेकर सारोन रे जामा तहिनोः कु, हुनी के नेल केते परभु पखा फिराव नेनाकु।
36याफा रे तबीता माने कि दोरकस नुमू रिनी, मियांड बिसवासी बहिन तहिनोः केनाय। हुनी ढेर बेस-बेस कामी केनाय आउर रांगेःग-तेंताङ कु के दान एमा कु केनाय। दोरकस रआ मतलब युनानी भाखा रे सराम हेके। 37हिना बेरा गी हुनी बेमार कोअते गोएःग नाय। तेकर हुंकू हुनी के उम-आमीन केते तेंग पटान ओड़ाअ कुड़िया रे दोहो लियाकु। 38एता लःअय ची लुदा याफा रअः हेनाःड ताही नेना, चेलाकु नोःआँ आयुम केते, ची पतरस होनाःड़े एदानिया, “आले दुबाःड़े हिजोअ लःअय आलुम दिरी मेन केते बरिया चेला के कुलगोःड केते”, हुनी तरअः गोहराव नेनाकु। 39तब पतरस बिरिःड केते, हुंकिन लोः सेनोः नाय। तेकर जब हुनी सोदोर नाय, दो हुंकू हुनी के होना तेंग पटान ओड़ाअ कुड़िया रे ईदी लियाकु, जामा राँड़ीयाहीकु ईयाम याःते हुनी दुबाःड़े हीःग तिंगुः नाकु, तेकर जे कुड़ताः आउर गेन्दरअ दोरकस हुंकू लोः तहिनोः तुली बनाव थिलाआय के उदूओ-दियाकु। 40तब पतरस जामाकु के बाहरी ते उडुंग किद कुआय, तेकर इकड़ुम केते बिनती लःअय, तेकर गोएःग होड़ो पखा लुड़ीःग केते कंहड़ी लःअय, “ए तबीता, बिरिःड मे!” तब हुनी अपन मेःड उघड़ाव केदाय, तेकर पतरस के नेल केते बिरिःड दुड़ूः नाय। 41पतरस तीः ताय के जिलींग केते तियाअ बिरिःड लियाय, तेकर पबितर होड़ आउर राँड़ीयाहीकु के राअः केते, हुनी के जिवीःड उनी देखावओ लिकुआय। 42नोःआँ बात गोटा याफा रे डंकाअ ना, तेकर ढेर होड़ परभु रे बिसवास लअकु, 43तेकर पतरस याफा रे सिमोन नुमू रिनी, जाहें मुची दुबाःड़े ढेर दिन जगुत ताही नेनाय।
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 NLCI CC BY-NC-ND 4.0