संत.मरकुस 3
3
तीः रोहोड़ ऊनी के ईसु बेस लियाय
(संत.मत्ती 12:9–14; संत.लुकास 6:6–11)
1ईसु आउर गी बिनती ओड़ाअ रे सेन नेनाय, होंड़े तीः रोहोड़ ऊनी मिहोंड़ होड़ ताहिनाय, 2तेकर आधा होड़कु ईसु रे दोस लगाव लःअय, नुई के सथाअ हिला बेसियाय ची कोवान घाईत नाम रे ताही नेनाकु। 3ईसु रोहोड़ तीः ऊनी होड़ के, “जामाकु तलारे तिंगुन मे,” बेता लियाय। 4“सथाअ हिला रअः बारे आबु आला कनहुन रे एतान कंहड़ीआय, बेबेस ची बिपाईत एमोअ, जाहें आला जीव बा-बंचाव उचित एदनाआ ची गोगोएःग,” मेन केते हुंकू के कुली लिकुआय, बकिर हुंकू चुपचाप ताहिः नाकु। 5हुनी, हुंकू आला कठोर मन के नेल केते उदास नेनाय, तेकर खीस केते लुड़ीःग लिकुआय, तेकर हुनी के “तीः तामके दरसानेमे,” बेता लियाय, हुनी तीः तायके जिलींग लःअय तेकर तीः ताय छुटाव आमीन ना। 6तेकर फरीसीकु होनाःड़े तरअः उडुंग सेन केते तुरते, ईसु के एतान लकान गुजियाबु मेन केते हुनी आला खीस रे हेरोद राजा खुड़हा रिनकु#3:6 हेरोद राजा खुड़हा रिनकु हेरोद राजा के गाती केनाकु, हुंकू आधा जाहुदीकु आला खुड़हा लोः सलाह नेनाकु।
मुरुक बगरा होड़ ईसु के ओतोङ लियाकु
7चेला ताय लोः ईसु डाहा दौंड़ी सेन नेनाय, हिमीन रे गलील तेकर जाहुदिया परदेस राईज तरअः मुरुक बगरा होड़ ईसु के ओतोङ लियाकु। 8तेकर जिरोसलेम सहर, इदुमियाँ राईज, तेकर जरदन नाई तरअः होना पखी तिनकु सूर तेकर सैदा सहर हेनाःड रिनकु होअः मुरुक तुन्दरा होड़, हुनी आला कामी के आयुम केते हीःग नेनाकु। 9#सं.मर 4:1; सं.लुका 5:1–3तेकर मुरुक तुन्दरा होड़ चलते, आलकु धाकियाव किङ मेन केते, चेला ताय के मियांड छोटे डोंगा तेयार तापे, बेता लिकुआय। 10ईसु ढेर होड़ के बेस ताही लिकुआय हिना लःअय, जामा बेमार होड़ हुनी के छुछुवाँव लःअय, हुनी तेङ रे तुन्दरायोः केनाकु 11असुध आतमाकु होअः हुनी के नेल तोरन हुनी मड़ांग रे ईकड़ुम केते जोहारी केनाकु, तेकर जोड़ से छेराव केते “आम परमेसर आली होपोन हेके,” मेनोः केनाकु, 12बकिर हुनी, ईङ के आलपे दिसतारीङ मेन केते मुरुक चेताव लिकुआय।
बारा चेला के सिद लिकुआय
(संत.मत्ती 10:1–4; संत.लुकास 6:12–16)
13ईसु बुरु तेङ रे रकाःब नेनाय हेतरअ जेके चहाव नेनाय हुंकू के आएंग दुबाःड़े राअः लिकुआय, तेकर हुंकू हीःग नेनाकु। 14“आएंग लोः ताहिनोः लःअय, हेतरअ बेस खभाईर के प-परचार कुलगोःड लिकुआय, बारा झन के निबाड़ लिकुआय,” तेकर “प्रेरित” नुमू दोहो लःअय। 15मुवाँ आतमा के होड़ तरअः जोजोला लःअय हक एमा लिकुआय। 16हुंकू बारा झन नुकू हेके, सिमोन, जेके पतरस नुमू लियाय, 17हेतरअ जबेदी आलकिन होपोन याकुब हेतरअ बोको ताय जोहन जेके बुआनरगिस चाहे रिम्बिल हादुड़ रिनकिन होपोन नुमू लिकिनाय, 18तेकर अंध्रियस, फिलिप्पुस, बरथोलोमी, संत.मत्ती, थोमस, हेतरअ आलफाई आली होपोन याकुब, थदेयुस आउर सिमोन, जे मियांड जाहुदी ताहिनाय जे इसराइल राईज के आजाद ची चहाअ केनाय। 19तेकर जहुदा इसकारयोती, जे ईसु के धोखा रे सःब चील कुआय।
ईसु तेकर बलजबुल
(संत.मत्ती 12:22–32; संत.लुकास 11:14–23; 12:10)
20ईसु ओड़ाअ रे हीःग नेनाय, तेकर नोकान होड़ तुन्दरा नेनाकु ची ईसु तेकर चेला ताय घोटो होअः काकु जोम दाड़ी लआ। 21ओड़ाअ रे एदानिया मेन के, ओड़ाअ ताय रिनकु आयुम लअकु, तेकर “हुनी बायाव तनाय,” मेनोः केनाकु, लःअय हुनी के सा-सःब लःअय हीःग नेनाकु।
22 #
सं.मत्ती 9:34; 10:25 जिरोसलेम तरअः हीःग उनकु धरम पुथी सि-सिखावकु होअः “ईसु रे बलजबुल जे मुवाँ आतमाकु आली सरदार एदानिया तेकर हिनी आला सवांग रे मुवाँकु के जोला कुआय,” मेनोः केनाकु।
23हिना लःअय ईसु हुंकू के हेनाःड राअः केते गाम रे कंहड़ीओ लिकुआय, “सैतान, एतान लकान सैतान के जोला कियाय? 24जहान राईज रे छिट-फुट हुयाअः होले, होना राईज एतान लकान आसथिर से ताही दड़ीकोआ? 25तेकर जाहें ओड़ाअ रे झगड़ा केते हाटिङोआ कु होले, होना ओड़ाअ एतान लकान आसथिर से ताही कोआ? 26हिना लःअय जदि सैतान आला राईज, अपन-अपन कु लोः झगड़ा केते हाटिङोआ होले, हुनी ताही दाड़ी कोआय? हुनी दो गोएःग चबा कोआय।
27“बकिर जाहें होड़, जाहें सवांगिया आला ओड़ाअ रे बोलो केते, ओके होअः एरकु रेःग दड़ीआ, हुनी के तोल केते गी हुनी आला ओड़ाअ रेनअः जामा जिनीस के रेःग दाड़ी केआय।
28“ईङ आपे के सचेगी कंहीड़ोः दिपीईङ, होड़कु आला जामा पाप तेकर परमेसर आला निन्दा सिकाईत छमा कोआ। 29#सं.लुका 12:10बकिर जे पबितर आतमा के निन्दा याकु होना कहियो एरे छमा योआ, हुंकू जुग-जुग लःअय पापी ठहराव कोआकु।” 30(हुंकू “ईसु रे असुध आतमा एदानिया,” मेनोः केनाकु हिना लःअय ईसु नोकान कंहड़ी लःअय।)
ईसु आली एंगा हेतरअ बोको ताय
(संत.मत्ती 12:46–50; संत.लुकास 8:19–21)
31ईसु आली एंगा हेतरअ बोको ताय हीःग नेनाकु, तेकर बाहरी तिंगु केते हुनी के रा-राअः लःअय जाहें के भेजाव लियाकु। 32तुन्दरा होड़ हुनी दुबाःड़े दुड़ूः ऊनकु, “नेल कुमे, आम के आया ताम हेतरअ बोको-बोयहा ताम बाहरीते नाम देमेआ कु,” बेता लियाकु। 33हेतरअ हुनी “ईङ आली आया तेकर बोको ओके हेके?,” मेन केते कंहड़ी रूवाड़ोः लिकुआय। 34तेकर आएंग दुबाःड़े दुड़ूः ऊनकु के लुड़ीःग केते, “नेल कुपे ईङ आली आया तेकर बोको तिङ नीकु हेके। 35जे परमेसर आला मन रेनअः मोताबिक चलाआय, हिनी ईङ आली आया तेकर बोको-बोयहा तिंग हेके,” बेता लिकुआय।
Nke Ahọpụtara Ugbu A:
संत.मरकुस 3: ASR
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 NLCI CC BY-NC-ND 4.0
संत.मरकुस 3
3
तीः रोहोड़ ऊनी के ईसु बेस लियाय
(संत.मत्ती 12:9–14; संत.लुकास 6:6–11)
1ईसु आउर गी बिनती ओड़ाअ रे सेन नेनाय, होंड़े तीः रोहोड़ ऊनी मिहोंड़ होड़ ताहिनाय, 2तेकर आधा होड़कु ईसु रे दोस लगाव लःअय, नुई के सथाअ हिला बेसियाय ची कोवान घाईत नाम रे ताही नेनाकु। 3ईसु रोहोड़ तीः ऊनी होड़ के, “जामाकु तलारे तिंगुन मे,” बेता लियाय। 4“सथाअ हिला रअः बारे आबु आला कनहुन रे एतान कंहड़ीआय, बेबेस ची बिपाईत एमोअ, जाहें आला जीव बा-बंचाव उचित एदनाआ ची गोगोएःग,” मेन केते हुंकू के कुली लिकुआय, बकिर हुंकू चुपचाप ताहिः नाकु। 5हुनी, हुंकू आला कठोर मन के नेल केते उदास नेनाय, तेकर खीस केते लुड़ीःग लिकुआय, तेकर हुनी के “तीः तामके दरसानेमे,” बेता लियाय, हुनी तीः तायके जिलींग लःअय तेकर तीः ताय छुटाव आमीन ना। 6तेकर फरीसीकु होनाःड़े तरअः उडुंग सेन केते तुरते, ईसु के एतान लकान गुजियाबु मेन केते हुनी आला खीस रे हेरोद राजा खुड़हा रिनकु#3:6 हेरोद राजा खुड़हा रिनकु हेरोद राजा के गाती केनाकु, हुंकू आधा जाहुदीकु आला खुड़हा लोः सलाह नेनाकु।
मुरुक बगरा होड़ ईसु के ओतोङ लियाकु
7चेला ताय लोः ईसु डाहा दौंड़ी सेन नेनाय, हिमीन रे गलील तेकर जाहुदिया परदेस राईज तरअः मुरुक बगरा होड़ ईसु के ओतोङ लियाकु। 8तेकर जिरोसलेम सहर, इदुमियाँ राईज, तेकर जरदन नाई तरअः होना पखी तिनकु सूर तेकर सैदा सहर हेनाःड रिनकु होअः मुरुक तुन्दरा होड़, हुनी आला कामी के आयुम केते हीःग नेनाकु। 9#सं.मर 4:1; सं.लुका 5:1–3तेकर मुरुक तुन्दरा होड़ चलते, आलकु धाकियाव किङ मेन केते, चेला ताय के मियांड छोटे डोंगा तेयार तापे, बेता लिकुआय। 10ईसु ढेर होड़ के बेस ताही लिकुआय हिना लःअय, जामा बेमार होड़ हुनी के छुछुवाँव लःअय, हुनी तेङ रे तुन्दरायोः केनाकु 11असुध आतमाकु होअः हुनी के नेल तोरन हुनी मड़ांग रे ईकड़ुम केते जोहारी केनाकु, तेकर जोड़ से छेराव केते “आम परमेसर आली होपोन हेके,” मेनोः केनाकु, 12बकिर हुनी, ईङ के आलपे दिसतारीङ मेन केते मुरुक चेताव लिकुआय।
बारा चेला के सिद लिकुआय
(संत.मत्ती 10:1–4; संत.लुकास 6:12–16)
13ईसु बुरु तेङ रे रकाःब नेनाय हेतरअ जेके चहाव नेनाय हुंकू के आएंग दुबाःड़े राअः लिकुआय, तेकर हुंकू हीःग नेनाकु। 14“आएंग लोः ताहिनोः लःअय, हेतरअ बेस खभाईर के प-परचार कुलगोःड लिकुआय, बारा झन के निबाड़ लिकुआय,” तेकर “प्रेरित” नुमू दोहो लःअय। 15मुवाँ आतमा के होड़ तरअः जोजोला लःअय हक एमा लिकुआय। 16हुंकू बारा झन नुकू हेके, सिमोन, जेके पतरस नुमू लियाय, 17हेतरअ जबेदी आलकिन होपोन याकुब हेतरअ बोको ताय जोहन जेके बुआनरगिस चाहे रिम्बिल हादुड़ रिनकिन होपोन नुमू लिकिनाय, 18तेकर अंध्रियस, फिलिप्पुस, बरथोलोमी, संत.मत्ती, थोमस, हेतरअ आलफाई आली होपोन याकुब, थदेयुस आउर सिमोन, जे मियांड जाहुदी ताहिनाय जे इसराइल राईज के आजाद ची चहाअ केनाय। 19तेकर जहुदा इसकारयोती, जे ईसु के धोखा रे सःब चील कुआय।
ईसु तेकर बलजबुल
(संत.मत्ती 12:22–32; संत.लुकास 11:14–23; 12:10)
20ईसु ओड़ाअ रे हीःग नेनाय, तेकर नोकान होड़ तुन्दरा नेनाकु ची ईसु तेकर चेला ताय घोटो होअः काकु जोम दाड़ी लआ। 21ओड़ाअ रे एदानिया मेन के, ओड़ाअ ताय रिनकु आयुम लअकु, तेकर “हुनी बायाव तनाय,” मेनोः केनाकु, लःअय हुनी के सा-सःब लःअय हीःग नेनाकु।
22 #
सं.मत्ती 9:34; 10:25 जिरोसलेम तरअः हीःग उनकु धरम पुथी सि-सिखावकु होअः “ईसु रे बलजबुल जे मुवाँ आतमाकु आली सरदार एदानिया तेकर हिनी आला सवांग रे मुवाँकु के जोला कुआय,” मेनोः केनाकु।
23हिना लःअय ईसु हुंकू के हेनाःड राअः केते गाम रे कंहड़ीओ लिकुआय, “सैतान, एतान लकान सैतान के जोला कियाय? 24जहान राईज रे छिट-फुट हुयाअः होले, होना राईज एतान लकान आसथिर से ताही दड़ीकोआ? 25तेकर जाहें ओड़ाअ रे झगड़ा केते हाटिङोआ कु होले, होना ओड़ाअ एतान लकान आसथिर से ताही कोआ? 26हिना लःअय जदि सैतान आला राईज, अपन-अपन कु लोः झगड़ा केते हाटिङोआ होले, हुनी ताही दाड़ी कोआय? हुनी दो गोएःग चबा कोआय।
27“बकिर जाहें होड़, जाहें सवांगिया आला ओड़ाअ रे बोलो केते, ओके होअः एरकु रेःग दड़ीआ, हुनी के तोल केते गी हुनी आला ओड़ाअ रेनअः जामा जिनीस के रेःग दाड़ी केआय।
28“ईङ आपे के सचेगी कंहीड़ोः दिपीईङ, होड़कु आला जामा पाप तेकर परमेसर आला निन्दा सिकाईत छमा कोआ। 29#सं.लुका 12:10बकिर जे पबितर आतमा के निन्दा याकु होना कहियो एरे छमा योआ, हुंकू जुग-जुग लःअय पापी ठहराव कोआकु।” 30(हुंकू “ईसु रे असुध आतमा एदानिया,” मेनोः केनाकु हिना लःअय ईसु नोकान कंहड़ी लःअय।)
ईसु आली एंगा हेतरअ बोको ताय
(संत.मत्ती 12:46–50; संत.लुकास 8:19–21)
31ईसु आली एंगा हेतरअ बोको ताय हीःग नेनाकु, तेकर बाहरी तिंगु केते हुनी के रा-राअः लःअय जाहें के भेजाव लियाकु। 32तुन्दरा होड़ हुनी दुबाःड़े दुड़ूः ऊनकु, “नेल कुमे, आम के आया ताम हेतरअ बोको-बोयहा ताम बाहरीते नाम देमेआ कु,” बेता लियाकु। 33हेतरअ हुनी “ईङ आली आया तेकर बोको ओके हेके?,” मेन केते कंहड़ी रूवाड़ोः लिकुआय। 34तेकर आएंग दुबाःड़े दुड़ूः ऊनकु के लुड़ीःग केते, “नेल कुपे ईङ आली आया तेकर बोको तिङ नीकु हेके। 35जे परमेसर आला मन रेनअः मोताबिक चलाआय, हिनी ईङ आली आया तेकर बोको-बोयहा तिंग हेके,” बेता लिकुआय।
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 NLCI CC BY-NC-ND 4.0