ዮሃኒሳ ጋ ቆፋ
ጋ ቆፋ
ዮሃኒሲ ዬሱሳ፥ «ኣሴ ጊዲዲ ኣሳ ጊዶን ቤንቲዳ ፆሳ ቃላ» ያጊዲ ቆንጪሴስ። ሃ ዎንጌላይ ፃፌቲዳይ፥ ኢያ ናባቢያ ኣሳይ ዬሱሲ ኣሳ ኣሼይሳ ጊዲዲ ያና ጌቴቲዳ ፆሳ ናዓ ጊዴይሳ ኣማናና ሜላኔ ኢያን ኣማኔይሳታስ ሜሪና ዴዖይ ዴዔይሳ ኤንቲ ኤራና ሜላሳ (20፡31)።
ዎንጌላስ ኮይሮ ኪፊሌይ ሜሪናባ ጊዲዳ ፆሳ ቃላይኔ ዬሱሲ ኢሶ ጊዴይሳ ኦዲ ሲሚዲ፥ ዬሱሲ ኣሼይሳ ጊዲዲ ያና ጊዳ ፆሳ ናዓ ጊዴይሳ ቤሲያ ዱማ ዱማ ማላታታ ቆንጪሴስ። ፃፌይ፥ ዬሱስ ኪሪስቶሲ ባ ሁዔን ቱማ ፆሳ ናዓኔ ፆሳ ኣዋራ ኢሶ ጊዴይሳ (1፡1) ቦላ ቆንጪሲስ። ዬሱሲ ባ ሁዔን ታ ኣብራሃሜፔ ካሴ ዴዓይስ (8፡58) ያጊስ። ዉርሴን ቶማሲ፥ «ታ ጎዳው፥ ታ ፆሳው» ያጊዲ ፄጊስ (20፡28)። ሄሳፌ ካሊዲ ቃሲ ሃ ማላታታፔ ቤንቲዳ ኣይፊያ ኦዲያ ታሪኬቲ ካሎሶና። ሃ ኪፊሌይ ኢሲ ኢሲ ኣሳይ ዬሱሳ ኣማኒዲ ኢያ ካሌይሳታ ጊዲዳይሳ ኦዴስ፤ ቃሲ ሃራቲ ኢያራ ዋኒዲ ኤቄቲዳኮኔ ዋኒዲ ኣማኖና ኢፂዳኮ ኦዶሶና። ሼምፖ 13-17 ጋካናው ዬሱሲ ኦይኬቲዳ ኦማርሲ ኢያው፥ ኢያ ታማሬታራ ኣይ ሜላ ሚኖ ጋሄቴ ዴዒያኮ፥ ቃሲ ዎንቴ ጋላስ ካቄታናፔ ሲን ጊጌቴ ቃላኔ ሚን ቃላ ኤንታው ኦዲዳይሳ ቆንጪሴስ። ዉርሴ ሼምፖቲ ዬሱሲ ኦይኬቲዳባኔ ፒርዳስ ሺቂዳባ፥ ኢያ ካቄቴኔ ኢያ ዴንዱዋ፥ ሄሳዳካ ዴንዱዋፌ ጉዬ ባ ታማሬታስ ኢ ቆንጪዳ ቆንጬባ ኦዶሶና።
ዮሃኒሳ ዎንጌላ ኣይፌ ቆፋታ
ጌሎ ቆፋ 1፡1-18
ፃማቂያ ዮሃኒሳኔ ዬሱሳ ኮይሮ ታማሬታ 1፡19-51
ዬሱሲ ቆንጬን ኦሶ ኦይኮይሳ 2፡1-12፡50
ዉርሴ ቃማታ ዬሩሳላሜ ሄራን 13፡1-19፡42
ጎዳ ዴንዱዋኔ ቆንጬ 20፡1-31
ኩሻ ቆፋ፡ ጋሊላን ዛሪዲ ባ ታማሬታስ ቆንጮይሳ 21፡1-25
Nke Ahọpụtara Ugbu A:
ዮሃኒሳ ጋ ቆፋ: gofENT
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2011, Wycliffe Bible Translators, Inc. All rights reserved.
Mụtakwuo maka ኦራ ጫቁዋ ጎፋ