LUKA 21
21
LUKA 21
1Yɔ Yeesu gi a Bɛtluk du pɛɛ lɔlɔ gbɛn dood rɔɔsya hi yaak tus gbɔɔltɔnɔ hi gaak Bɛt gaasɛ a tusyaak lɛl bɔ gedu. 2Yɔ wɛɛ gi gbɛn kuurnɛɛ ya̧a̧ryawaa za gi yaak tus dɛɛt eerɛ a tusyaak lɛl bɔ gedu, dɔgɔ:
3a be gisin dɔk rɔbo, kuur ya̧a̧ryawaa yɛrɛ gaa gaasɔ daar dood zaadɛ sɛw. 4Waar ɛ wɔ ya̧nɛ hi ɓeg tus kaasi a rɔɔsya̧ gbɔlɛ wɔ gedu hi gaa gaasɛ. Yɛrɛ kuur ya̧a̧rya bɔ ɔnɛ gaa hinyɔ gin nɛ sɛw an gi len zulɔ giya.
5Anyɔ dood zaadɛ hi book Bɛtluk bɔ dɔglɔ hi raak a bɛrkɔ hi betɔ bɛtɛ wɔ hi wɔmnɔ, hi gaas wɔ hi gaak Bɛto, Yeesu dɔgɔ:
6a ɔ̧t zaadɛ wɔ gɔ hi zaa gedu, hinyɔ nɛ gbɛnik yɔ, bet gbunu taa zɛ̧ɛ̧rik a bet zaa ha. Hi sɛw hí ɛ̧btirɔ.
7Dood wɔ hi warige:
a Hingokya , hin wɔrɔ lab hinya̧ hí tuur bili? Hin wɔrɔ gɔ hi tuurɔ, hi mɛɛnik nɔ?
8Yeesu ta̧a̧:
a oon zul nɛ an bɔhi maatin hi wagsin gbɔnɔ. Gɔ gi anbɔ dood kittɔnɔ hi zaa a be nuŋg du hi raa: a bee Masihu bɔ! Ɔ̧tɔ gi sɛ̧ɛ̧buko! Gɔ gi anbɔ bɔnɛ fɔhi. 9Gɔ nɛ kɛm nɔkdɔgl gi booko, hi ya̧a̧ɓooliki, bɔnɛ bee. Yɔ anbɔ, gi an hin wɔrɔ hii hi tuur biitiri. Yɛrɛ gɔ gi anbɔ hinɔ taa waalda̧a̧k kete.
10Wɛɛ dɔksihi:
a hɛbt gi ɗund gabs a hɛbt za zulha; waar gi ɗund gabs a waar za zulha. 11Hɛbt gi naml ha̧a̧ltɔnɔ. Tɔsɛ hi gums bɔbtin zaadɛ hi giro a waal zaadɛ sɔmsɔm. Hinwɔ gɔ hi ha̧a̧shoobo hi gɛrs zaadɛ hinmɛksingoya wɔ hi fu̧u̧z a bɛtha hi giro. 12Wɛɛ hin wɔrɔ gɔ hi sɛ̧ɛ̧bik tuuruko, hi wa̧a̧nɛ hi zɛksinɛ, hi gaan dood gbɔlɛ naan du hi gbaasin dɔglɛ a mɔksilluk wɔ hi du, hi wɛɛ hi yaan a luknɔ du. Hi ka̧n a waar ɛ gbɔlɛ wɔ hi muut du, hi a hɛbtzulya wɔ hi muutdu a be dɔŋgo. 13Hin bɔrɔ lab gii gi gaan gbɔnɔ an nɛ boo dɔgl be a dood muut du.
14Mɛɛn nɛ kpoos du, bɔ kol gi tuun gi dor a hinyɔ gɔ nɛ dɔks zul nɛ hin hage. 15Gɔ gi anbɔ bé gaan dɔglɛ hi hinmɛɛki an dood wɔ hi gin lɔlhɛ̧ɛ̧nik sɛw hi ɗɛɛ an hi faanɛ hi wɛɛ hi matinnɛ dɔgl gɛ. 16Baa nɛ, hi nàà nɛ, hinda nɛ, yɛ̧ɛ̧dɛ nɛ, nɛsɛ nɛ wɔ, hi sa̧a̧m nɛ wɔ hɛw, hi loonɛ hi gaan dood naan du. Hi wɛɛ hi gbɔm zaadɛ a nɛ tees du. 17Dood sɛw hi hɛ̧ɛ̧ninlɔlɛ a be nuŋg dɔŋgo. 18Yɛrɛ susug nɛ gbun zulha taa wako. 19Nɛ dag za̧a̧tig nɛnɛ hi hinmɔŋk nɛ.
20Gɔ nɛ gbɛn laaya kit wɔ hi gɔ̧ɔ̧k Urusalima, mɛɛnɛ a ha̧tirgo ɔ̧ɔ̧ sɛ̧ɛ̧bɔ. 21Gɔ gi anbɔ dood wɔ hi gi a Yahuduya nɔɔhi hi dɔɔ ga̧a̧ti; wɔ hi gi a Urusalima du be tuuhi. Wɛɛ dood wɔ hi gi a yɔ̧ɔ̧rɛ, bɔhi wɛɛ a waal gbɔɔl bɔ gedu. 22Ya̧a̧nɛ, ɔ̧tɔ gi gi ya̧a̧rhant ɔ̧tyɔ Bɛt gɔ gi wɛns dood hinha̧a̧lya̧ dɔɔrɔɔs gedu, bɔ lab gi an hinyɔ Bɛt ɗɛɛrwolɔ raa sɛw gi wooyyɔ .
23A ɔ̧tɔge ya̧a̧rhant gi gi a nɛɛd budaa wɔ hi nɛɛd wɔ hi gaak waat wa̧a̧l hi zulha. Yɔ anbɔ kosgumn gbɔɔl gi gi a hɛbt bɔ gedu, hi Bɛt nɔɔtigɔ a Israhilaya wɔ hi zulha. 24Hi gbɔmnihi daŋbɛsim lɔmti, hi wa̧a̧hi an luknɔyaadɛ a dɔ̧ɔ̧t zaadɛ hi teesdu sɛw, wɛɛ dood hɛbtya dɔɔm wɔ hi ɗa̧a̧ Urusalima dɔɔ du gi tuur an ɔ̧tya̧ gi da̧a̧.
25Gɛrs hinmɛksingoya hí gi a ɔ̧t du, a sɛɛ du hi a sɛwaat du. A waal du, kosgumn gi giro. Dood hɛbtya wɔ hi gin hoobo anyɔ gɔ hi mɛɛ hinyɔ gɔ hi woo gɛ. Kol gi tuuhi a mɛmbal gbɔɔl namsɔ bɔ hi mɛmɗukil wɔ namsya̧ hi dɔŋgo. 26Dood hi wɔrko a hinyɔ hi ook an gɔ gi turs hɛbt hi dɔŋgo. Tɛŋk wɔ bɛtha sɛw hi bee. 27Gɔ ma anbɔ hi gbɛn Za̧a̧n Waa bɔ ma zaak gɔ a kuus ha hi tɛŋko hi gbɔlums gbɔɔlɛ. 28Hin wɔrɔ gɔ hi yɛɛl tuuruko, ɗukinɛ nɛ ɗuks zul nɛ ha, anyɔ za̧a̧tig nɛ sɛ̧ɛ̧bɔ.
29Yeesu wɛɛ dɔgsihi ya̧a̧daanik za:
a seen yɔmntnɔɔ hi tɛ̧ɛ̧ wɔ sɛw. 30Gɔ nɛ gbɛn kpas wɔ hi bɛɛ baako, nɛ mɛɛ nɛ kpoos du a ga̧a̧k sɛ̧ɛ̧bɔ. 31Gbunɔ, gɔ nɛ gbɛn hin wɔrɔ hi tuuruko, nɛ mɛɛ a Bɛt wáátɔ sɛ̧ɛ̧bɔ. 32Be gisin raak rɔbo: hin wɔrɔ sɛw hi tuur kete, ɓɔr dood wɔ hi gi ɔ̧ti gi zul hi ɔɔ wɔrko. 33Bɛtha hi hɛbtdi hi talɔ, yɛrɛ dɔgl be taa talko.
34Oon zul nɛ, bɔ hinnak yɛ̧ltɔnɔ hi bumwɔniki hi zul-zɛksig yɔ waal du gi wɛɛn kpoos nɛ ɓaatili, bɔ hinɔ gi dunɛ a ɔ̧tɔ ge. 35Ya̧a̧nɛ hinɔ gi zaak an zagri a dood wɔ hi waak a hɛbt fɛɛtigɔ ha hi zulha sɛw. 36Yɔ anbɔ, oonɛ, zɔ̧n Bɛt ɔ̧t nuŋg sɛw an nɛ dag tɛŋko an nɛ wirɔ a hin wɔrɔ gɔ hi tuur gedu sɛw, wɛɛ an nɛ er a Za̧a̧n Waa bɔ gi muutdu.
37Gɔ ɔ̧t du Yeesu gi hingok a Bɛtluk ɗu. Gɔ rek gi yok a ga̧a̧t za yɔ gɔ hi el nuŋgɔ a Kɔ̧ɔ̧b Ga̧a̧ti hage. 38Wɛɛ gɔ bi̧i̧ltɔnɔ dood sɛw hi zaa a ge a Bɛtluk bɔ gedu hi gisig dɔglɔ kɛŋko.
Nke Ahọpụtara Ugbu A:
LUKA 21: NTD
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Doyayo New Testament © Bible Society of Cameroon, 1991.
LUKA 21
21
LUKA 21
1Yɔ Yeesu gi a Bɛtluk du pɛɛ lɔlɔ gbɛn dood rɔɔsya hi yaak tus gbɔɔltɔnɔ hi gaak Bɛt gaasɛ a tusyaak lɛl bɔ gedu. 2Yɔ wɛɛ gi gbɛn kuurnɛɛ ya̧a̧ryawaa za gi yaak tus dɛɛt eerɛ a tusyaak lɛl bɔ gedu, dɔgɔ:
3a be gisin dɔk rɔbo, kuur ya̧a̧ryawaa yɛrɛ gaa gaasɔ daar dood zaadɛ sɛw. 4Waar ɛ wɔ ya̧nɛ hi ɓeg tus kaasi a rɔɔsya̧ gbɔlɛ wɔ gedu hi gaa gaasɛ. Yɛrɛ kuur ya̧a̧rya bɔ ɔnɛ gaa hinyɔ gin nɛ sɛw an gi len zulɔ giya.
5Anyɔ dood zaadɛ hi book Bɛtluk bɔ dɔglɔ hi raak a bɛrkɔ hi betɔ bɛtɛ wɔ hi wɔmnɔ, hi gaas wɔ hi gaak Bɛto, Yeesu dɔgɔ:
6a ɔ̧t zaadɛ wɔ gɔ hi zaa gedu, hinyɔ nɛ gbɛnik yɔ, bet gbunu taa zɛ̧ɛ̧rik a bet zaa ha. Hi sɛw hí ɛ̧btirɔ.
7Dood wɔ hi warige:
a Hingokya , hin wɔrɔ lab hinya̧ hí tuur bili? Hin wɔrɔ gɔ hi tuurɔ, hi mɛɛnik nɔ?
8Yeesu ta̧a̧:
a oon zul nɛ an bɔhi maatin hi wagsin gbɔnɔ. Gɔ gi anbɔ dood kittɔnɔ hi zaa a be nuŋg du hi raa: a bee Masihu bɔ! Ɔ̧tɔ gi sɛ̧ɛ̧buko! Gɔ gi anbɔ bɔnɛ fɔhi. 9Gɔ nɛ kɛm nɔkdɔgl gi booko, hi ya̧a̧ɓooliki, bɔnɛ bee. Yɔ anbɔ, gi an hin wɔrɔ hii hi tuur biitiri. Yɛrɛ gɔ gi anbɔ hinɔ taa waalda̧a̧k kete.
10Wɛɛ dɔksihi:
a hɛbt gi ɗund gabs a hɛbt za zulha; waar gi ɗund gabs a waar za zulha. 11Hɛbt gi naml ha̧a̧ltɔnɔ. Tɔsɛ hi gums bɔbtin zaadɛ hi giro a waal zaadɛ sɔmsɔm. Hinwɔ gɔ hi ha̧a̧shoobo hi gɛrs zaadɛ hinmɛksingoya wɔ hi fu̧u̧z a bɛtha hi giro. 12Wɛɛ hin wɔrɔ gɔ hi sɛ̧ɛ̧bik tuuruko, hi wa̧a̧nɛ hi zɛksinɛ, hi gaan dood gbɔlɛ naan du hi gbaasin dɔglɛ a mɔksilluk wɔ hi du, hi wɛɛ hi yaan a luknɔ du. Hi ka̧n a waar ɛ gbɔlɛ wɔ hi muut du, hi a hɛbtzulya wɔ hi muutdu a be dɔŋgo. 13Hin bɔrɔ lab gii gi gaan gbɔnɔ an nɛ boo dɔgl be a dood muut du.
14Mɛɛn nɛ kpoos du, bɔ kol gi tuun gi dor a hinyɔ gɔ nɛ dɔks zul nɛ hin hage. 15Gɔ gi anbɔ bé gaan dɔglɛ hi hinmɛɛki an dood wɔ hi gin lɔlhɛ̧ɛ̧nik sɛw hi ɗɛɛ an hi faanɛ hi wɛɛ hi matinnɛ dɔgl gɛ. 16Baa nɛ, hi nàà nɛ, hinda nɛ, yɛ̧ɛ̧dɛ nɛ, nɛsɛ nɛ wɔ, hi sa̧a̧m nɛ wɔ hɛw, hi loonɛ hi gaan dood naan du. Hi wɛɛ hi gbɔm zaadɛ a nɛ tees du. 17Dood sɛw hi hɛ̧ɛ̧ninlɔlɛ a be nuŋg dɔŋgo. 18Yɛrɛ susug nɛ gbun zulha taa wako. 19Nɛ dag za̧a̧tig nɛnɛ hi hinmɔŋk nɛ.
20Gɔ nɛ gbɛn laaya kit wɔ hi gɔ̧ɔ̧k Urusalima, mɛɛnɛ a ha̧tirgo ɔ̧ɔ̧ sɛ̧ɛ̧bɔ. 21Gɔ gi anbɔ dood wɔ hi gi a Yahuduya nɔɔhi hi dɔɔ ga̧a̧ti; wɔ hi gi a Urusalima du be tuuhi. Wɛɛ dood wɔ hi gi a yɔ̧ɔ̧rɛ, bɔhi wɛɛ a waal gbɔɔl bɔ gedu. 22Ya̧a̧nɛ, ɔ̧tɔ gi gi ya̧a̧rhant ɔ̧tyɔ Bɛt gɔ gi wɛns dood hinha̧a̧lya̧ dɔɔrɔɔs gedu, bɔ lab gi an hinyɔ Bɛt ɗɛɛrwolɔ raa sɛw gi wooyyɔ .
23A ɔ̧tɔge ya̧a̧rhant gi gi a nɛɛd budaa wɔ hi nɛɛd wɔ hi gaak waat wa̧a̧l hi zulha. Yɔ anbɔ kosgumn gbɔɔl gi gi a hɛbt bɔ gedu, hi Bɛt nɔɔtigɔ a Israhilaya wɔ hi zulha. 24Hi gbɔmnihi daŋbɛsim lɔmti, hi wa̧a̧hi an luknɔyaadɛ a dɔ̧ɔ̧t zaadɛ hi teesdu sɛw, wɛɛ dood hɛbtya dɔɔm wɔ hi ɗa̧a̧ Urusalima dɔɔ du gi tuur an ɔ̧tya̧ gi da̧a̧.
25Gɛrs hinmɛksingoya hí gi a ɔ̧t du, a sɛɛ du hi a sɛwaat du. A waal du, kosgumn gi giro. Dood hɛbtya wɔ hi gin hoobo anyɔ gɔ hi mɛɛ hinyɔ gɔ hi woo gɛ. Kol gi tuuhi a mɛmbal gbɔɔl namsɔ bɔ hi mɛmɗukil wɔ namsya̧ hi dɔŋgo. 26Dood hi wɔrko a hinyɔ hi ook an gɔ gi turs hɛbt hi dɔŋgo. Tɛŋk wɔ bɛtha sɛw hi bee. 27Gɔ ma anbɔ hi gbɛn Za̧a̧n Waa bɔ ma zaak gɔ a kuus ha hi tɛŋko hi gbɔlums gbɔɔlɛ. 28Hin wɔrɔ gɔ hi yɛɛl tuuruko, ɗukinɛ nɛ ɗuks zul nɛ ha, anyɔ za̧a̧tig nɛ sɛ̧ɛ̧bɔ.
29Yeesu wɛɛ dɔgsihi ya̧a̧daanik za:
a seen yɔmntnɔɔ hi tɛ̧ɛ̧ wɔ sɛw. 30Gɔ nɛ gbɛn kpas wɔ hi bɛɛ baako, nɛ mɛɛ nɛ kpoos du a ga̧a̧k sɛ̧ɛ̧bɔ. 31Gbunɔ, gɔ nɛ gbɛn hin wɔrɔ hi tuuruko, nɛ mɛɛ a Bɛt wáátɔ sɛ̧ɛ̧bɔ. 32Be gisin raak rɔbo: hin wɔrɔ sɛw hi tuur kete, ɓɔr dood wɔ hi gi ɔ̧ti gi zul hi ɔɔ wɔrko. 33Bɛtha hi hɛbtdi hi talɔ, yɛrɛ dɔgl be taa talko.
34Oon zul nɛ, bɔ hinnak yɛ̧ltɔnɔ hi bumwɔniki hi zul-zɛksig yɔ waal du gi wɛɛn kpoos nɛ ɓaatili, bɔ hinɔ gi dunɛ a ɔ̧tɔ ge. 35Ya̧a̧nɛ hinɔ gi zaak an zagri a dood wɔ hi waak a hɛbt fɛɛtigɔ ha hi zulha sɛw. 36Yɔ anbɔ, oonɛ, zɔ̧n Bɛt ɔ̧t nuŋg sɛw an nɛ dag tɛŋko an nɛ wirɔ a hin wɔrɔ gɔ hi tuur gedu sɛw, wɛɛ an nɛ er a Za̧a̧n Waa bɔ gi muutdu.
37Gɔ ɔ̧t du Yeesu gi hingok a Bɛtluk ɗu. Gɔ rek gi yok a ga̧a̧t za yɔ gɔ hi el nuŋgɔ a Kɔ̧ɔ̧b Ga̧a̧ti hage. 38Wɛɛ gɔ bi̧i̧ltɔnɔ dood sɛw hi zaa a ge a Bɛtluk bɔ gedu hi gisig dɔglɔ kɛŋko.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Doyayo New Testament © Bible Society of Cameroon, 1991.