Luka 21
21
Dokkal debbo jurumɗo
(Markus 12:41-44)
1Yeesu ɓaŋgti gite, o yi'i riskuɓe ɗon ndokka dokke maɓɓe nder baatirɗum ceede. 2O yi'i debbo jurumɗo talakaajo hokki suleyje pamare ɗiɗi. 3Nden o wi'i: “Gooŋga mbi'anmi on: Debbo jurumɗo talakaajo oo, hokki ko ɓuri yimɓe feere fuu. 4Ngam kamɓe ɓe ndokki seɗɗa diga ɗuuɗeeŋga jawdi maɓɓe, ammaa debbo oo, koo nde o laafuɗo, o hokki ko o mari ngam nguure maako fuu.”
Gibbinki haykaliiru
(Matta 24:1-2; Markus 13:1-2)
5Nde woɗɓe ɗon mbolwa dow haykaliiru, no ndu fawnira bee kaa'e booɗɗe e kuuje dokkanaaɗe Allah. Yeesu wi'i: 6“Nyalɗe ngaran, ɓe ngibbinan ko ngi'oton ɗo, hayre luttataa dow hayre.”
Alaama timmuki duniyaaru
(Matta 24:3-14; Markus 13:3-13)
7Ɓe ƴami mo: “Jawmiraawo, ndeye kuuje ɗe'e laatoto? Bee alaama kaye kollata wakkati kuuje ɗe'e laatoto?”
8Yeesu jaabi: “Kakkile ngam taa on majjina ko'e mooɗon. Ngam ɗuuɗɓe ngaran bee innde am, ɓe mbi'an: Min woni Almasiihu, wakkati boo ɓadake. Taa tokke ɓe. 9To on nani haala konuuji e tuurtolji, taa kultore, ngam doole kuuje ɗe'e aarta wargo, ammaa ɗum laatataako timmoode bee law.” 10Nden o wi'i ɓe: “Ummaatoore ummanto ummaatoore, laamu ummanto laamu. 11Dimmbanɗe lesdi mawɗe laatoto, haa nokkuuje goɗɗe boo nyawuji kalluɗi e weelo, kuuje kulniiɗe e alaamaaji mawɗi laatoto haa asama.
12Ammaa hiddeko ɗum laato, ɓe naŋngan on, ɓe toonyan on, ɓe njahran on haa cuuɗi dewal maɓɓe, ɓe nastinan on fursina#21:12 Fursina malla yaŋgada., ɓe njahran on yeeso laamiiɓe e yeeso mawɓe lesdi ngam daliila innde am. 13Kuuje ɗe'e fuu ngaranan on ngam ceedanon yam. 14Njoge ɗum haa ɓerɗe mooɗon ngam taa on taaskitina hujjaaji mon. 15Ngam mi hokkan on wolde e hikma, haa konne'en mooɗon mbaawataa waabaago on e dartanaago on#Lk 12:11-12.. 16Koo saaro'en mon e deerɗiraaɓe mon e banndiraaɓe mon e soobiraaɓe mon ɓe zammboto on, ɓe mbaran woɗɓe haa mooɗon. 17Koo moy fuu wanyan on ngam innde am. 18Ammaa koo gaasaawol hoore mooɗon halkataa. 19Bee tiɗɗinaare mon on kisnan yoŋkiiji mooɗon.”
Gibbinki Urusaliima
(Matta 24:15-21; Markus 13:14-19)
20“To on ngi'i honooɓe taarake berniwol Urusaliima, nden kam annde gibbineeki maagol ɓadake. 21Wakkati man, wonɓe haa Yahudiya ndogga haa kooseeje, wonɓe nder Urusaliima ngurto e ɓen haa gese boo taa nasta berniwol. 22Ngam ɗum laatoto nyalɗe baatol ngam hiɓɓingo ko winnda fuu#Hos 9:7.. 23Kayto! Bone laatanto rewɓe reedu'en e musininanɓe nyalɗe man! Ngam ɓillaare mawnde laatoto nder lesdi ndi'i e tikkere Allah boo dow ummaatoore nde'e. 24Ɓe mbareteeɓe bee kaafaaje, ɓe yahreteeɓe naŋngaaɓe caka ummaatooje fuu. Ummaatooje jananne njaaɓan Urusaliima haa to wakkati maɓɓe timmi.”
Loraaki Ɓii-neɗɗo
(Matta 24:29-31; Markus 13:24-27)
25“Alaamaaji laatoto haa naaŋge, haa lewru e haa koode. Dow lesdi boo, kulol e saklere laatoto haa ummaatooje daliila haraka mbeela e ƴuuge#Esa 13:10; Ez 32:7; WY 6:12-13.. 26Yimɓe maayan ngam kulol dow ko tammi wargo dow lesdi. Ngam baawɗeeji asama boo ndimmboto. 27Nden Ɓii-neɗɗo waŋgan gite yimɓe, o waran nder duule bee baawɗe e tedduŋgal maŋngal#Dan 7:13; WY 1:7.. 28To kuuje ɗe puɗɗi laataago, ndarte booɗɗum, ɓaŋgte ko'e mon, ngam ndimu mooɗon ɓadake.”
Balndol dow ibbi
(Matta 24:32-35; Markus 13:28-31)
29Yeesu wolwani ɓe balndol: “Ndaare ibbi e leɗɗe goɗɗe fuu. 30To on ngi'i ɗe ɗon mbilita, on anndi duumol ɓadake. 31Bana non, to on ngi'i kuuje ɗe'e ɗon laato, annde laamu Allah ɓadake. 32Gooŋga mbi'anmi on: Kuuje ɗe'e fuu laatoto hiddeko yimɓe zamanuuru ndu'u fuu maayda. 33Asama e lesdi njinnan, ammaa bolle am njinnataa sam.”
Ndeene ko'e mooɗon
34“Ndeene ko'e mooɗon ngam taa ɓerɗe mon cuklano ɗuuɗal nyaamduuji e njaramji e laruuraaji duniyaaru, ngam taa nyannde man juha on. 35Ngam ɗum waran bana zubaawol dow yimɓe dow lesdi fuu. 36Ngam maajum ayne, mbaɗe do'a wakkati fuu, ngam haa keɓon semmbe daɗugo kuuje garanɗe ɗe'e fuu e daraago boo yeeso Ɓii-neɗɗo.”
37Nyalawma Yeesu ɗon ekkitina nder haykaliiru, jemma boo o ɗon waaloya dow hooseere wi'eteende Hooseere Jaytunje#Lk 19:47.. 38Fajiri yimɓe fuu ɗon njaha haa maako nder haykaliiru ngam nanugo mo.
Nke Ahọpụtara Ugbu A:
Luka 21: FBDC
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
DEFTERE ALLAH © Alliance Biblique du Cameroun, 1994.
Luka 21
21
Dokkal debbo jurumɗo
(Markus 12:41-44)
1Yeesu ɓaŋgti gite, o yi'i riskuɓe ɗon ndokka dokke maɓɓe nder baatirɗum ceede. 2O yi'i debbo jurumɗo talakaajo hokki suleyje pamare ɗiɗi. 3Nden o wi'i: “Gooŋga mbi'anmi on: Debbo jurumɗo talakaajo oo, hokki ko ɓuri yimɓe feere fuu. 4Ngam kamɓe ɓe ndokki seɗɗa diga ɗuuɗeeŋga jawdi maɓɓe, ammaa debbo oo, koo nde o laafuɗo, o hokki ko o mari ngam nguure maako fuu.”
Gibbinki haykaliiru
(Matta 24:1-2; Markus 13:1-2)
5Nde woɗɓe ɗon mbolwa dow haykaliiru, no ndu fawnira bee kaa'e booɗɗe e kuuje dokkanaaɗe Allah. Yeesu wi'i: 6“Nyalɗe ngaran, ɓe ngibbinan ko ngi'oton ɗo, hayre luttataa dow hayre.”
Alaama timmuki duniyaaru
(Matta 24:3-14; Markus 13:3-13)
7Ɓe ƴami mo: “Jawmiraawo, ndeye kuuje ɗe'e laatoto? Bee alaama kaye kollata wakkati kuuje ɗe'e laatoto?”
8Yeesu jaabi: “Kakkile ngam taa on majjina ko'e mooɗon. Ngam ɗuuɗɓe ngaran bee innde am, ɓe mbi'an: Min woni Almasiihu, wakkati boo ɓadake. Taa tokke ɓe. 9To on nani haala konuuji e tuurtolji, taa kultore, ngam doole kuuje ɗe'e aarta wargo, ammaa ɗum laatataako timmoode bee law.” 10Nden o wi'i ɓe: “Ummaatoore ummanto ummaatoore, laamu ummanto laamu. 11Dimmbanɗe lesdi mawɗe laatoto, haa nokkuuje goɗɗe boo nyawuji kalluɗi e weelo, kuuje kulniiɗe e alaamaaji mawɗi laatoto haa asama.
12Ammaa hiddeko ɗum laato, ɓe naŋngan on, ɓe toonyan on, ɓe njahran on haa cuuɗi dewal maɓɓe, ɓe nastinan on fursina#21:12 Fursina malla yaŋgada., ɓe njahran on yeeso laamiiɓe e yeeso mawɓe lesdi ngam daliila innde am. 13Kuuje ɗe'e fuu ngaranan on ngam ceedanon yam. 14Njoge ɗum haa ɓerɗe mooɗon ngam taa on taaskitina hujjaaji mon. 15Ngam mi hokkan on wolde e hikma, haa konne'en mooɗon mbaawataa waabaago on e dartanaago on#Lk 12:11-12.. 16Koo saaro'en mon e deerɗiraaɓe mon e banndiraaɓe mon e soobiraaɓe mon ɓe zammboto on, ɓe mbaran woɗɓe haa mooɗon. 17Koo moy fuu wanyan on ngam innde am. 18Ammaa koo gaasaawol hoore mooɗon halkataa. 19Bee tiɗɗinaare mon on kisnan yoŋkiiji mooɗon.”
Gibbinki Urusaliima
(Matta 24:15-21; Markus 13:14-19)
20“To on ngi'i honooɓe taarake berniwol Urusaliima, nden kam annde gibbineeki maagol ɓadake. 21Wakkati man, wonɓe haa Yahudiya ndogga haa kooseeje, wonɓe nder Urusaliima ngurto e ɓen haa gese boo taa nasta berniwol. 22Ngam ɗum laatoto nyalɗe baatol ngam hiɓɓingo ko winnda fuu#Hos 9:7.. 23Kayto! Bone laatanto rewɓe reedu'en e musininanɓe nyalɗe man! Ngam ɓillaare mawnde laatoto nder lesdi ndi'i e tikkere Allah boo dow ummaatoore nde'e. 24Ɓe mbareteeɓe bee kaafaaje, ɓe yahreteeɓe naŋngaaɓe caka ummaatooje fuu. Ummaatooje jananne njaaɓan Urusaliima haa to wakkati maɓɓe timmi.”
Loraaki Ɓii-neɗɗo
(Matta 24:29-31; Markus 13:24-27)
25“Alaamaaji laatoto haa naaŋge, haa lewru e haa koode. Dow lesdi boo, kulol e saklere laatoto haa ummaatooje daliila haraka mbeela e ƴuuge#Esa 13:10; Ez 32:7; WY 6:12-13.. 26Yimɓe maayan ngam kulol dow ko tammi wargo dow lesdi. Ngam baawɗeeji asama boo ndimmboto. 27Nden Ɓii-neɗɗo waŋgan gite yimɓe, o waran nder duule bee baawɗe e tedduŋgal maŋngal#Dan 7:13; WY 1:7.. 28To kuuje ɗe puɗɗi laataago, ndarte booɗɗum, ɓaŋgte ko'e mon, ngam ndimu mooɗon ɓadake.”
Balndol dow ibbi
(Matta 24:32-35; Markus 13:28-31)
29Yeesu wolwani ɓe balndol: “Ndaare ibbi e leɗɗe goɗɗe fuu. 30To on ngi'i ɗe ɗon mbilita, on anndi duumol ɓadake. 31Bana non, to on ngi'i kuuje ɗe'e ɗon laato, annde laamu Allah ɓadake. 32Gooŋga mbi'anmi on: Kuuje ɗe'e fuu laatoto hiddeko yimɓe zamanuuru ndu'u fuu maayda. 33Asama e lesdi njinnan, ammaa bolle am njinnataa sam.”
Ndeene ko'e mooɗon
34“Ndeene ko'e mooɗon ngam taa ɓerɗe mon cuklano ɗuuɗal nyaamduuji e njaramji e laruuraaji duniyaaru, ngam taa nyannde man juha on. 35Ngam ɗum waran bana zubaawol dow yimɓe dow lesdi fuu. 36Ngam maajum ayne, mbaɗe do'a wakkati fuu, ngam haa keɓon semmbe daɗugo kuuje garanɗe ɗe'e fuu e daraago boo yeeso Ɓii-neɗɗo.”
37Nyalawma Yeesu ɗon ekkitina nder haykaliiru, jemma boo o ɗon waaloya dow hooseere wi'eteende Hooseere Jaytunje#Lk 19:47.. 38Fajiri yimɓe fuu ɗon njaha haa maako nder haykaliiru ngam nanugo mo.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
DEFTERE ALLAH © Alliance Biblique du Cameroun, 1994.