Matiu 1
1
A man solo turu tubuna e Iesu Kristo
(Luk 3:23-38)
1Nonei teka u tubur e Iesu Kristo. E Iesu e tubunen e Devit, na e Devit a hatutubunei tere Abraham.
2E Abraham e hatuhanei e Aisak. Ne Aisak e hatuhanei e Jekop. E Jekop e hatuhaner ere Juda mera u toulanen.
3Ne Juda e hatuhaner ere Peres mere Sira. E tsinaren e Tamar. Ne Peres e hatuhanei e Hesron. Ne Hesron e hatuhanei e Ram.
4Ne Ram e hatuhanei e Aminadap. Ne Aminadap e hatuhanei e Nason. Ne Nason e hatuhanei e Salmon.
5Ne Salmon e hatuhanei e Boas. E tsinana e Boas e Rehap. Ne Boas e hatuhanei e Obet. E tsinana e Obet e Rut. Ne Obet e hatuhanei e Jesi.
6Ne Jesi e hatuhanei e Devit a king.
Ne Devit e hatuhanei e Solomon. E tsinana e Solomon a tahol tere Uraia.
7Ne Solomon e hatuhanei e Rehaboam. Ne Rehaboam e hatuhanei e Abitsa. Ne Abitsa e hatuhanei e Asa.
8Ne Asa e hatuhanei e Jihosapat. Ne Jihosapat e hatuhanei e Joram. Ne Joram e hatuhanei e Usaia.
9Ne Usaia e hatuhanei e Jotam. Ne Jotam e hatuhanei e Ahas. Ne Ahas e hatuhanei e Hesekia.
10Ne Hesekia e hatuhanei e Manase. Ne Manase e hatuhanei e Amon. Ne Amon e hatuhanei e Josaia.
11Ne Josaia e hatuhaner ere Jekonaia mera u toulanen. Na tara pöata teka a tei Israel i lu meralei i Babilon, tina karabusien.
12Nori i lu meralei i Babilon, be Jekonaia ena hatuhanena e Sieltiel. Be Sieltiel e hatuhanena e Serubabel.
13Be Serubabel e hatuhanena e Abiut. Be Abiut e hatuhanena e Eliakim. Be Eliakim e hatuhanena e Asor.
14Be Asor e hatuhanena e Sedok. Be Sedok e hatuhanena e Akim. Be Akim e hatuhanena e Eliut.
15Be Eliut e hatuhanena e Eliasa. Be Eliasa e hatuhanena e Matan. Be Matan e hatuhanena e Jekop.
16Be Jekop e hatuhanena e Josep a tson tere Maria. E Maria te posei e Iesu, te ngö haseri e Kristo e Mesaia.
17E markato uana teka, a man mun tamana hoboto ti taniama tere Abraham batemi noa ria tere Devit, nori i antunaia turu töa u maloto na tohats tara man mun tamana. Ba man mun tamana te taniama tere Devit batemi noana tara pöata ti lu mera leien i Babilon, u töa u maloto na tohats u mun tamana noahas. Na man mun tamana te taniama tara pöata ti lu mera leien i Babilon batemi noana tara pöata te butuia e Mesaia, nori u töa u maloto na tohats noahas u mun tamana.
E Maria e posei e Iesu Kristo
(Luk 2:17)
18E Iesu Kristo i mar posa menai teka. E Maria i hopö kap bei tego tölo menaien e Josep. Kaba nori ima soho gono noai, be Maria e pikana turu Namnamei u Göagono. 19E Josep a tson tere Maria e poei, e Maria e pikaia tara tana tson. Na nonei a katuun a matskö koru na nonei e raman hamatsingolein e Maria i matar u katuun tego markato uen teka, ba nonei e katsin la momous ba tuun nena e Maria. 20E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono. 21Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”
22-23A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”
24Be Josep e tagulena ba nonei e kato tatatiena temar ranga menaien a angelo tara Tsunono me töleiena a tahol i tanen. 25Kaba nonei ema soho gono noa meien, e antunaia tara pöata tena poseia a tahol i tanen a pien tson. Ba e Josep e ngöe neien e Iesu.
Nke Ahọpụtara Ugbu A:
Matiu 1: HLA 2020
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© (Active) Wycliffe Bible Translators, Inc. All rights reserved.