I Versetti Biblici più popolari da Mark 5

Condividi

Te Iyesu te fe, “Ntung vehen, mwenam rrinketean ma rrwene ōm wu mōl metenen mwenam mesean. Fō lōn nga rrō rrinrrin eb lam ten. Mwenam mesean mo nong. Fō vya lon rongne mu wu an.”

Ngate, vehen hu te rru ge mesean mwenan vehen nyer te rru ran wobung bonga, te tongve huwo te 12. Vehen ge a te gye vanten ne kone an te e lol, te rrwene ge mwenan buverr te nong. Te vanten ne konean ge nyer a, err rrlōne rrwene ge bwe nga rongtane bu wu, te mesean te nga me rrō hakbe tam.

Byaho nga, rra te nong, telōn nga roō en. Te te rongtakya lon tablin ge nge te wu mōl.

Ngate te hal telala ne veran. Te te fe byanen ran tolor, te fe, “Talita, koum,” mwe yen ge, “Ntung vehen, ō fyarr!”

Bone ge Iyesu te mang rrō susur byanen vehen ge a bwe, vanten worhu err me metenen im ma Jaerras, te err me fe byane Jaerras ge, “Ntum vehen me myarr burr. Tōlō wu ne ge Vanten ne Wuhuran eb nga me mwee nga.” Te Iyesu telōne rrmerrme bwe hel ha ge err rrō fe. Te te fe byane Jaerras ge, “Lum eb lōn myorr. Fō rrinkete nga.”

Te nge te fwifwir te hel bya mre, te te fe, “Iyesu, neng ōm be Terere Mleng Genti Yafukon ge san mu rru mre kon kon! Ōm rrō me ge fō rrwene ha ne ni? Kabria, lon sa Yafukon, fō lōn sene jenjenan te hu me ne ni!” Ngate, Iyesu te fe, “Sōnhal, ō houre metenen vanten ge a!” Te te whu nge ge, “Sam nge si?” Te nge te fe, “Sang nge Wor ge Rrlam tebyan ge myam be lol.”