I Versetti Biblici più popolari da Лука 10

Condividi

Шагнагты даа, могой болон хорото абаахайнуудые, мүн хамаг дайсадай хүсые дараха засаг таанадта барюулааб. Тиимэһээ таанадта ямаршье хүсэн хоро хэжэ шадахагүй.

– Марфа, нүхэрни, ши дан олон юумэндэ һанаагаа табижа, хаанааш хүрэнэгүйш. Харин нэгэл юумэндэ гол һанаагаа табиха хэрэгтэй. Мария дүүшни дэмбэрэлтэ һайхан хэрэг шэлэнхэй, тэрэнииень хэншье болюулжа шадахагүй, – гэжэ Иисүүс айладхаба.

– «Эзэн Бурхандаа бүхы зүрхэ сэдьхэлээрээ, бүхы амин һүлдөөрөө, бүхы хүсэ шадалаараа, бүхы ухаан бодолоороо дуратай бай», баһа «Дүтын хүндөө өөртөөл адли дуратай бай» гэжэ тэндэ бэшээтэй байдаг, – гэжэ тэрэнь харюусаба.

– Ургаса ехэ байна, теэд тэрэниие суглуулха хүнүүдынь үсөөн лэ. Тиимэһээ ургасаяа суглуулха хүдэлмэрилэгшэдые ябуулхыень Ургасын Эзэндэ зальбарагты.

Тиигээд Иисүүс нүгөө Хуули заадаг багшаһаа: – Юун гэжэ һананаш, эдэ гурбанай хэниинь дээрмэшэдтэ сохюулһан хүндэ эгээн ойро дүтэ болоноб? – гэжэ һураба. – Хайрлажа, амиинь абарһан хүн, – гэжэ нүгөөдынь харюусаба. – Шишье тиимэ юумэ хэжэ ябаарай! – гэжэ Иисүүс тэрээндэ хэлэбэ.

Ябагты даа! Һүрэг шононууд руу хурьгадые тууһан мэтэл таанадые эльгээнэб.